嘉寶漢堡 (嘉寶大廈)

营业中

休息中

前日(3-5-2020 Sun)同老公場特登嚟支持呢間黃店,都有11年冇再踏足呢頭喇,由於知道呢喥成日排長龍,所以朝早同老公都唔食嘢,11點半嚟到等佢12點開門.都好嘅,喺等嘅時候詳細睇佢嘅menu,研究食咩嘢,夠鐘開門喇,我哋要咗$31.00嘅P1,蜜糖芥末菠蘿豬堡,轉雞堡,加$13.00要薯塊同汽水.老公要$45.00嘅L2香辣煙肉蛋羊堡,加$25.00要蝦堡,又加$13.00要炸燒賣,再加$8.00要4粒炸芝士.買完入去坐低等,7分鐘後,有齊食物,然後自己出去攞,茄汁餐具同汽水等.開餐了.炸芝士係唔大粒嘅芝士波,外脆內軟又唔太鹹,正常.味道:4分三角形嘅薯塊,內裡有粒粒薯仔,其實即係切細咗嘅薯餅,都係正常嘢.味道:3分炸燒賣外脆內裡亦正常.味道:3分老公嘅香辣煙肉蛋羊堡加蝦堡呢?都幾辣,味道同口感正常.味道:4分蜜糖芥末菠蘿雞堡,蜜糖芥末醬份量啱啱好又惹味,個包有烘脆,正. 味道:5分呢喥重有好多特色漢堡可試,原本諗住預訂有糉人和你包,咁就可以有藉口再嚟食,但已經賣晒,要我哋再特登嚟同呢頭冇嘢行,動力就可能唔夠.以前喺呢喥返工咁多年,都冇呢啲出色嘅食肆,真係相逢恨晚.服務:買完找

真係好多人，外賣預等半個鐘，用APP pre-order，就唔洗等咁耐。羊肉堡真係好好好好食，好似好少地方有羊肉堡。真係食上引，食咗2次都係食同一款，間唔時都會諗起又好想食。仲有有唔係好多地方有嘅蕃薯條又有可以配燒賣真係好正，唔係成日想食薯條ga ma。

路過幾次 都見到大排長龍 今次一早叫男朋友去拎住票先 等左40min 左右呢到係 先揀漢堡 (牛/雞/豬/羊)都有 每款肉類都有唔同口味 選擇很多。揀完漢堡 可以+ $13 套餐 有小食 同 汽水 可以+ $10 追加雞翼 2隻 (原味/Bbq味)蜜糖芥末菠蘿豬堡 價錢 : $ 31食後感 :漢堡有 番茄同生菜食落好fresh 平衡左豬肉漢堡嘅油膩 加埋菠蘿甜甜酸酸好滋味 唯一挑剔嘅係 個蜜糖芥末醬 味太強烈 搶左foucus 麻醬雞堡價錢 : $ 27食後感 : 雞肉漢堡 比起 豬肉漢堡味道淡少少 但係都幾好食 呢款個醬汁就冇咁霸道 整體恰到好處薯塊價錢 : 套餐 +$ 13食後感 : 不囉嗦 💥💥必點💥💥好好好食 外脆內軟 好彩有叫 🙈燒賣價錢 : 套餐 +$ 13食後感 : 燒賣如果你冇特別 request 就會比 鴛鴦 (豬肉+魚肉)食後感 : 同街買差唔多 我自己就鍾意食魚肉多啲 男朋友就鍾意食豬肉多啲 雞翼 (原味/Bbq味)價錢 : 最近小食+$ 10 @2隻食後感 : 原味 水凖之內 bbq味 太多醬汁 over左 但如果你鐘意bbq醬 咁呢個啱你🔹 嘉寶啲漢堡 岀

呢間漢堡包嘅餡料款式異常地多，牛豬羊雞乜都齊，仲有蝦同素食🍔全部肉扒以慢煮方式烹煮，更能鎖住肉汁，由於即叫即做，要等大概45分鐘先有得食⏱💗麻醬雞堡($27)塊扒又係用免治雞肉🐥肉質一定柔軟充滿水份，但欠缺雞味，好似食咗三塊一模一樣嘅漢堡。如果用雞扒嘅效果會好好多，起碼有咬口。酸酸咸咸嘅芝麻醬同雞就好夾，但醬汁過多有d漏。配埋生菜同蕃茄，即時中和油膩感。番茄厚切都幾鮮甜🍅但生菜就有臭青味唔夠fresh🥬💗BBQ蛋豬堡($31)由免治豬肉捏製而成，肉質唔會鞋，肉汁依然充足🐷不過肉碎太蓉，冇哂口感，完全食唔出係豬，似係食緊塊冇牛味嘅漢堡扒。好彩用BBQ醬令整體更惹味，再溝左少少千島醬，甜甜酸酸咁。最值得讚嘅係煎蛋，蛋白微微焦脆，咬開蛋黃仲係流心架🍳💗薯格(升級套餐+$15)外層顏色呈焦香，口感更加扎實脆卜卜，用咗辣椒粉、鹽同黑胡椒預先調調味，食落超級惹味香口🌶唔洗點茄汁已經好正，不過薯味相對較淡🤔

呢間已經成日聽過好出名但一直都好多人唔想排今日嚟買外賣，由排到攞餐都接近1小時麻醬雞堡餐， 孜然羊肉漢堡，跟餐加13蚊薯條真係要趁熱即食，外賣買番去已經林晒，不過都炸得好大碌，普通人食一個餐都足夠既。通常食雞堡一係一塊雞扒或者鞋到死既免治雞肉。呢度都係整碎雞肉，但幾滑。不過肉味偏淡，但內裡都juicy，而且加芝麻醬係好夾，襯起嚟非常fresh孜然香辣羊堡，羊味好濃，同樣好juicy，咬起嚟仲有一粒粒肉粒，而唔係就咁用機攪既免治肉，加孜然粉又係好夾，令羊味更出，好食整體雖然排左好耐，但值得既因為真係性價比好高

非常之唔錯嘅一間漢堡店，比起某連鎖漢堡店的質素真係差天共地。今日晏晝諗唔到食乜嘢，疫情底下又費事出街食...所以就去咗嘉寶漢堡買個包返屋企食。已經係常客唔係第一次食，次次食嘅質素都好好...未曾失望！平時晏晝lunch time時間通常都排晒長龍，今次亦唔例外。今次叫咗個最基本嘅「經典牛堡」，牛肉質地唔會乾澀有汁，配埋醬汁別有一番風味，醬汁味道有啲似千島醬。總括而言哩間舖頭係價錢相宜質素高超的一間漢堡店，絕對會令人忍唔住經常過嚟幫襯

雖然抗疫應該留係屋企 但因為已經太多日留係屋企 所以今日點都出去食個午餐 相信葵涌之友對這間漢堡包店一點也不陌生 而我呢個大鄉里卻第一次食嘉寶漢堡 見到佢有兩間分店一間係葵涌 另一間係尖沙咀 但因為驚佢今日冇開門 於是打左電話去確保有開門先入葵涌食我同友人每人叫左黑松露芝士牛堡 個包都幾大個 而且芝士半溶包住牛肉 一望已經好吸引😍一打開個包見到勁多黑松露醬 😍😍 而且味道好香濃 忍唔住即刻食一啖 OMG!!!好好食😋 黑松露醬一啲都唔吝嗇 俾左好多 而且令呢個包加左好多分 不過個人認為牛肉可以有少少改善 就係牛肉口感應該要實 現在牛肉比較散 所以冇咩口感除左叫左兩個黑松露包 另外我地仲加左番薯薯條 +$4 和薯格 +2友人比較鍾意食薯格 炸得好香脆而我就最鍾意食番薯薯條 🍟最後我地加左個鴛鴦燒賣 係豬肉和魚肉燒賣 $10有6粒 性價比非常高下次再過黎試埋其他漢堡包🍔 聽聞日式芥末脆蝦寶都好好味

之後返屋企每次都搭巴士返去都睇到呢間店，咁就上網查下佢食乜啦，點知道係我最鍾意食嘅漢堡😋😋😋。好野一定要同朋友一齊分享啦，雖然有疫症，但係朋友都要見架嘛。我叫左香辣煙肉磨菇芝士牛堡配薯塊，牛肉厚而又有咬口，又重牛肉味。麵包鬆軟但係個皮有少少脆口，芝士磨菇一直都係最好嘅拍檔😂😂點整都咁好食。個薯塊都一粒粒非常好食，感覺同薯餅一樣。環境是是正正咁都幾好、雖然係開放式廚房，但係一啲油煙都聞唔到😆可以安心咁進食都聞唔到油煙啦！

我之前係葵興返工都返咗好耐，次次經過嘉寶漢煲都見到好多人排隊！所以每次我都無話特別想吃，之前我都聽過有同事講好好食，不過自己一直無機會試，不過最近老公竟然專登等咗30分鐘買外賣比我食，估唔到真係幾好吃！第一款係經典牛煲，升級套餐+$13加埋薯塊同野飲，$40牛煲味道好好，好濃牛肉味，完全同好多出面既舖頭無得比，感覺有啲似手打新鮮牛肉的味道添，相信食完短時間都唔會對同類型牛煲有興趣！第二款係麻醬雞煲，同樣升級套餐+$13加埋薯條同野飲，$40宜家懷孕中我唔係太鍾意麻醬味，不過估唔到食落都幾好味呀！同樣係照濃雞味，亦好似手打雞煲咁，好正！薯塊我覺得份量唔算多，價錢都屬於比較貴。相反薯條份量就多好多，性價比高好多添！依間漢煲真係唔錯，食完之後已經心思思又想食第二次添！

今次黎到葵涌食隱世漢堡包🍔，之前仲係一間鋪頭仔已經開始出名，裝修後吸引好多人慕名而來，而變得更加出名，住係附近嘅人對於呢間店絕對唔會陌生，加上有多個YouTuber係裝修前已經成日幫襯加持，裝修後更加有香港人氣YouTuber 大J(Jason)拍片介紹過，究竟依間漢堡包係咪真係咁好食呢？🤔我叫左黑松露芝士牛堡($45)+$13套餐(薯條+ 罐裝可樂)，屋企人叫咗經典牛堡($27)+$13套餐(薯條+ 罐裝可樂)。未講食物之前，依間店真係好多好多人去食，點解咁講，本身我哋係2019最尾嗰日去食，但係個日多人到不得了(看上圖)，至少要等成個幾兩個鐘去排，之後個幾日去又因為太遲而賣曬，食咗幾次白果今次終於可以食到了⋯⋯—————呢間野其實都幾偏僻，真係夠曬隱世😅，搭地鐵嘅話最近就葵興站，不過都要行3個字先到，A出口過馬路就見到許大同學校跟住一路向前行，到時真係唔識先再問人啦⋯⋯—————呢間係先買後拎，好在買完有部機提示你野食幾時到，可以搵定位坐喺度慢慢等，前後加加埋埋都等左差唔多成半粒鐘先有得食，不過好食嘅嘢不嬲都要付出時間等咖啦⋯⋯黑松露芝士牛堡($45)，💰價錢算平，不過係依區周圍黎

想黎呢度好耐架啦，但係次次經過都爆多人，係爆多！難得呢排無乜人出街食飯，諗住黎撞下彩，雖然都仲有一定數量既人，不過等一陣就有位🤩望住個餐牌再望下人地食既野，價錢同份量，除左好抵之外，我諗唔到第二個形容詞。兩個餐加三份小食，嗌到成枱都係，每人都只係七十幾蚊😂黑松露牛肉漢堡，黑松露醬都幾多，黑松露味幾出。惹味辣醬蛋雞堡，個汁幾特別，好少食呢種辣味，但真係幾惹味👍🏻朋友最愛炸燒賣，話有童年回憶喎。我就偏愛炸芝士，可惜佢唔曉拉絲😢BBQ雞翼就不死既😂Overall性價比都不差既，係多味精囉😂

平時好少會行過黎呢頭，最多搭車經過，但每經過都見呢間burger店有人排隊，佢係有得堂食，位都唔少，但都要排長龍證明都有d料到今日見係附近，決定同啊媽細佬試試佢。我地大概6點去到，店外都唔少人等緊外賣，但未有龍，所以我地order完都算快有得食我地order左三個包，加左一個餐which要加13蚊，有多份薯條同飲品，我地要左杯熱柚子蜜。媽媽食雞堡，佢覺得唔算太濃味所以佢鍾意，塊扒都算厚，開心嘅之後仲追加多個外賣比老豆食，相信係好食。細佬食牛堡，佢係勁快消滅左個burger佢表示舊肉都幾juicy, 而且都大方唔會話薄薄一片，但芝士味可以再重啲！呢個truffle就係我order嘅，我對於truffle基本上係冇抵抗力哈哈！我覺得truffle醬同啲cheese同塊牛真係幾夾啊，食完係岩岩好，唔會話好濟！佢隻truffle唔會好勁gas味..唔知係好定唔好呢，總之我就ok佢呢個level嘅味啦，我開心咪得囉跟餐嘅粗薯條，我最鍾意就係呢種肥薯條架啦！開心但細佬話佢食到有d未熟透，中間仲有d硬~~另外薯格就正常水準啦，食完個咀好似有d想腫太熱氣..但佢係惹味嘅，但真係唔食得多..太濃味~~我

第一次食嘉寶係兩年前喺尖沙咀店，印象唔錯，見咁耐冇食漢堡，又喺葵廣呢頭交收，決定喺度晚餐。晚市都幾好生意，不論堂食外賣。餐牌供應牛、豬、雞、羊、蝦堡，種類幾多，定價$27-50。可另加$13起升級套餐，附小食、飲品；人均都係三幾十蚊麻醬雞堡 $27蜜糖芥茉菠蘿牛堡 $31蝦堡賣哂，選擇困難下隨心揀左雞堡，結構簡單，雞、生菜、蕃茄同麻醬。漢堡包身加熱後軟熟，雞堡比起牛堡淡口，加麻醬算幾香口。相對黎講牛堡較濃味，肉質多汁不死實，原塊菠蘿好甜 醬汁自製，係幾開胃嘅配搭。不過我都係鐘意上次食嘅烤菇芝牛堡，嘻雞翼 +$10套餐 +15 (薯格、汽水)薯格即炸，扎實脆口，係另一半favourite

同朋友叫左一個雞burger同蝦堡burger 都加左個set分別要左薯條同薯角同包杯汽水野飲呢到既包真係好好食個包係烘過黎熱騰騰舊肉都好大份而且多汁 新鮮 美味放既係西生菜番茄都好鮮甜!個包既sauce都好夠成個包食落真係勁好食薯條都係高質素唔會太油好好食食到停唔到口不過真係等得超耐呀................. 食飯時間等左30分鐘先有..................如果得一個小時食飯就要考慮下了

上次參觀婚紗市集的時候，無意中發現了這間漢堡包店，而且食物的款式亦相當吸引我，所以今天我便帶男友來到這間餐廳吃午餐了No.1【黑松露芝士牛堡(加烤菇)】$63漢堡扒相當厚切之餘，亦沒有什麼脂肪，不過肉質卻不會因此而變得粗糙和乾巴巴當我小口品嚐的時候，滿口都充斥著濃濃的肉汁和水份，以及濃郁的牛肉味，滋味非常，讓人口舌生香，回味無窮至於烤菇大家一定要必加！蘑菇的表面微微煎香，而內裡則充滿著鮮味十足的菇汁，咸咸的，香香的，口感豐富而飽滿，其味無窮，珍饈美味最後再配上份量十足的黑松露醬和芝香四溢的芝士，味道立即更上一層樓，簡直完美得無懈可擊，讓人陶醉其中，難以忘懷No.2【紫菜肉鬆豬堡(轉雞堡)】$31雖然這款漢堡包的味道都相當不錯，可是卻遠遠沒有剛才那款黑松露芝士牛堡那麼驚艷相比起剛才重口味的「牛魔王」，這份紫菜肉鬆雞堡的口感便清新得多了漢堡雞扒的肉質相當柔軟，而且每一口亦充滿著雞肉的鮮甜味，清甜可口，鮮美多汁，最後再配上咸咸的紫菜和肉鬆，口感相當清新而清爽，讓人垂涎欲滴，食指大動***【升級套餐】*** $13本身漢堡包並不包括飲品和小食的，所以我們二人分別額外加了$13升級成套餐，當中包