嘉樂樓

营业中

休息中

今日係假期, 都要見客....係呢道飲茶點心不過不失...average唯一覺得好食係鎮江骨, 肉soft 又有汁 同sesame bun , 好香芝麻, 唔會太甜!呢道飲茶做好就係通常一定有位, 坐得舒服

上個星期太忙,冇post到中秋的相片~~公司提早慶祝中秋食飯,揀左去The Gallop度食午餐 第一次去馬會club house度食午餐,好開心 = )order左好多好多個點心,仲有一個炒面同一個炒飯~~~同埋我好鍾意食的海南雞咁多樣野入面最鍾意食的係黃金蝦同埋炒腸粉!!推薦!!黃金蝦外面係鋪滿左咸蛋黃汁再落鑊炸,因為d蝦好新鮮同好大隻,所以好爽口,再配埋咸蛋黃的香味真係一絕!!!炒腸粉的配料冇乜特別,但係因為佢夠晒鑊氣!!!就好似干炒牛河的腸粉版,好難煮得好食!!海南雞因為佢冇去到骨,所以扣左好多印象分,味道唔錯,但係唔多算係特別,嗌唔嗌都冇所謂蝦多士都係用心之作,The gallop用的蝦特別新鮮~~所以蝦多士上的蝦骨都特別彈牙~!!蝦滑的分量很多~~抵吃!!因為係members only,所以下次都唔知幾時再有機會黎食~~

點心唔係咁得﹐腸粉上臺時居然係乾曾曾既。脆腩燒肉係凍既。蝦餃, 叉燒飽﹐排骨﹐燒味拼盤﹐。。。各款大路野普普通通﹐本人就覺得佢地d小菜同炒飯麵既質素都比佢地既點心做得較出式。但每樣食物味道都係偏濃同鹹。

通常晚市來，很少幫襯午市，今天和爸媽來，叫了幾款點心，味道一般，個人認為在跑馬地脚的滿貫廳較有水準。圖示的齋腸太淋，米香欠奉，不合個人口味；雲吞拉麵亦頗差，雲吞和拉麵味道都像極即食牌。蝦餃中規中舉，豆腐花都算OK，庶汁糕認真麻麻，得個甜字。眾多馬會會所中，值得推介的只有山光道會所的西餐廳Derby Restaurant，若有會員friend，值得一去。

上星期六同屋企人去飲茶，勁多人，book位都要等一陣。點心種類跟出面茶樓差不多，但款式不多，唯一好處是無咁油膩，幾健康。個上海炒粗麵好夠味，而且少油。煎腸粉亦值得一試，好好食。最正是個芒果布甸，芒果味極濃，超好食！馬會會所，環境及服務當然唔會差，因為會員不需俾加一服務費，所以價錢亦不貴，埋單跟去鴻星的價錢差不多。

星期日的family dinner已由利苑改去嘉樂樓，全因利苑那無扶手的樓梯，對行動不便的老人家來說，實在危險。昨晚六人食飯，我們點了少菜式:例湯、promotion的妃子粉絲浸蝦、片皮鴨(兩食)、海鮮荷葉籠仔蒸豆腐和上湯唐生菜。當中最出色的是片皮鴨，片皮鴨皮脆肉嫩，蝦片亦炸得十分香脆，略嫌包片皮鴨的麵皮不夠軟熟。鴨肉選了用涼瓜炆，嫲嫲對此菜非常滿意，鴨肉炆得夠腍夠入味，過涼瓜就太少。其餘菜式中規中舉，絕對唔差，不過就驚喜欠奉。甜品點了豆腐花和焗脆皮西米布丁。豆腐花OK，脆皮西米布丁焗得唔夠乾身，布丁口感差，一pat pat，粟子蓉超甜，不合我胃口。