嘉華餐室

营业中

休息中

經典菠蘿油 $10麵包好抵食，十蚊仲有大片牛油燒豬仔肋骨配薯菜 $72正常，味道濃蒜味雪山脆米朱古力 ＋$9勁好飲四川水煮牛肉(配中湯+白飯) $88份量多，有d辣

接個朋友收工，順便係佢屋企附近食埋飯，見到呢間新開茶記，裝修得幾光猛闊落，就食呢度啦。好，坐低睇吓有咩好食先。酸辣豬扒米線，大大塊豬扒，煎得唔錯，夠腍，酸辣味道適中。老壇酸菜魚米線，茶記都有酸菜魚食，仲要好平，48蚊咋，個魚都幾滑又冇骨，而且份量都ok！特色蝦多士，呢個有驚喜，炸得超脆身，表面炸粉好薄，蝦肉彈牙，中間仲有岩漿芝士，真係要試下。菠蘿油，呢度仲有各式包點，好耐冇食菠蘿油，個包包脹卜卜好豐滿，仲有香滑牛油，正！食茶記點少得紅豆冰，仲有呢個雪山脆米朱古力，都係好好飲，非常滿足。

通常星期日都會食個早飯🥣 Relax完又叉満電😝良景市集門口開咗一間超大間茶餐廳，俾佢嘅新鮮出爐麵包吸引咗，茶餐廳即焗即賣真係買少見少👍👍座位闊落地方超大店員人手充足，菜式種類超級多牛扒羊扒嘅西餐、乾炒牛河酸菜魚炸髀蝦多士…..🤩🤩下午茶餐去到六點 炸雞🍗配薯角 即叫即炸外皮香口雞肉亂畫說過卜卜脆，仲好飽肚添，欣賞佢獨立茄汁包👍👍乾炒牛河炒得焦香 碟底沒有油 上乘之作🤤🤤而且份量重好多，加上白芝麻點綴，更加香😎常歺 ＄52 ～酸菜魚 可選米線/米粉/通粉/公仔麵🍜 常餐配櫻花蝦帶子炒蛋 丹麥多士 跟埋飲品超值！好有驚喜估唔到茶餐廳食到咁正宗地道嘅酸菜魚湯底夠酸，微辣，魚肉非常嫩 仲好鮮味添！配河源米粉，吸晒湯汁，一流🤭🤭招牌豬扒包 係佢哋嘅signature當然要試吓啦用上豬仔包，烘到熱辣辣蕃茄、生菜配上厚厚嘅煎豬扒，邪惡得來 真係好享受港式地道風味🤪🤪最後值得一讚 杯凍奶茶真係超大杯 應該係平時茶餐廳嘅1.5倍😍😍下次過嚟試吓晚餐,都有好多選擇,雜扒餐羊仔扒😬😬

又來找零負評的餐廳吃吃渴渴.  🍤京川蝦球雙面黃，麵炸得香脆，鐵板上keep住香脆效果，非常有心思。蝦肉大隻彈牙。京川汁帶微辣夠野味❤️🐷咖哩吉列豬扒飯，豬扒厚肉彈牙，幾乎沒有食到脂肪，但豬扒仍然 Juicy。咖哩汁就是茶餐廳feel，兒時的味道😂夠地道🧇特色蝦多士，爽囗蝦膠，多士中夾住流心芝士，食起來帶鹹香，好味！食品由選材同上菜都有細節位的. 地方光猛乾淨, 員工有禮,  價錢合理, 是一間有心的做食的餐廳. 

星期日起身好想去茶餐廳，搵到這間在商塲口熱鬧的一間，2話不說就入去了🤣😂「京川蝦球雙面黃」麵炸至脆口，蝦球大隻份量多，用以京醬相當野味😋「老壇酸菜黑魚片米線」估唔到茶記都有得食，魚好滑👍🏻酸菜味夠「雪山脆米朱古力」滿滿的朱古力粉在上面，朱古力夠香濃🥰下午茶套餐 炸至香口，內有沙律醬👍🏻「鹽酥雞配薯角」鹽酥雞，不錯喔😍 炸至金黃色，好吸引，令我停唔到口🤣😂備註：🔺地方光猛新淨👍🏻🔺仲有新鮮麵包出品🥯

嘉華餐室 (屯門)屯門田景路31號良景廣場良景街市地下LK1號舖喺良景附近返工，其實都經常來良景商場食嘢，原來開了一間新的茶餐廳，比起其他附近的茶餐廳，這裏的特色是有川菜。經過門口見到有酸菜魚，所以特意來試一試。 老壇酸菜魚$88 配中式靚湯和白飯這個是必食之選，酸菜魚酸酸的，夏天吃十分開胃。魚肉嫩滑，份量也多，鹹和酸配搭得十分惹味。酸菜魚裏面有薯粉，如果不選擇吃白飯的話也可以齋吃薯粉。特色蝦多士$39咸檸水(凍)叫得做特色蝦多士一定是有它的特別之處，原來裡面夾著一層厚厚的芝士，所以蝦多士入口的時候裏面融融的芝士和蝦肉非常之配合。多士底脆波波，蝦肉彈牙，芝士香濃。 照燒帆立貝雞扒意粉$75柚子蜜(凍)非常之大塊雞扒，帆立貝大大粒，雞扒外皮香脆，肉質鮮嫩。帆立貝有咬口。照燒汁配上意粉，比起平時茶餐廳吃到的意粉餐有驚喜。

嘉華餐室 (屯門)屯門田景路31號良景廣場良景街市地下LK1號舖今日終於得閒同媽咪去拍拖👫帶佢食好嘢，傾吓計。老壇酸菜魚$88酸菜魚用料足，唔同嘅菇類都爽滑，魚質鮮嫩，配中式靚湯白飯，湯係眉豆豬𦟌湯，冇味精超鮮甜。特色蝦多士$36上面係炸蝦下面係多士，中間仲要有芝心，脆卜卜，3件做小食剛剛夠，加配特飲夠晒正，下午茶必點菜式。京川蝦球雙面黃$68鐵板燒嘅造型熱辣辣冇得頂，炸脆麵食到確確聲，太正。鮮蝦勁大隻，足料，甜酸醬惹味開胃，高推。雪山脆米朱古力$9朱古力濃香，杯頂上面加咗特濃朱古力脆脆，可以就咁食，雙重朱古力口味。檸檬🍋菜蜜$12媽咪用嚟送酸菜魚就最啱啦。

讚1 食物係幾有驚喜 無乜特別既茶記 但係蛋撻堅得手 個酥皮真心係薄 沙嗲牛水準都好 醬料香 牛肉唔死韌2 上菜都幾快彈1 環境係闊落既 但坐得好唔舒服 啲櫈背直不甩 想坐死人咩2 價錢以呢區都算貴

今日去良景街市附近嘅港式茶餐廳，名為「嘉華餐室」。餐廳門口位置賣麵包，比較特別嘅麵包有沙嗲牛肉包、奶黃墨西哥包、流心雞尾包、脆皮菠蘿包、芝麻咸豬包等等，臨走果陣都買咗麵包返去畀屋企人試！茶餐廳感覺幾新派，菜單上有多款菜式，既有一般常餐、港式茶餐，更有川菜、扒餐等；餐廳裝修光猛、空間感大、走廊寬闊，亦有二人及四人座位。當日去餐廳大約下午茶時間，就嗌咗特色蝦多士、招牌厚切豬扒包、迷你黑椒神叉香蔥滑蛋、酥皮滑蛋撻，另外嘢飲就揀咗熱奶茶、熱鴛鴦、懷舊紅豆冰。蝦多士即叫即炸，香口又香脆；而且炸得夠乾身，無半點油膩感；蝦多士中間有層芝士，半溶狀態，感覺好正。豬扒包豬扒真係厚切無呃人，容易咬開又夠多肉汁，配埋配菜蕃茄一齊食，感覺幾清新；再配埋懷舊紅豆冰，可以算係完美港式茶餐。懷舊紅豆冰好多紅豆蓉同粒粒紅豆，紅豆夠香又有咬口；而且紅豆冰散發濃濃嘅椰漿香味，口感亦比一般茶餐廳更為奶滑。迷你黑椒神叉香蔥滑蛋蛋同叉燒嘅色澤靚，味道幾濃，滑蛋係好夠滑，唔會水汪汪感覺；叉燒表面有蜜糖咁，好開胃，而且熟度啱啱好，容易咬開又唔韌，感覺仲好食過燒味店；好似仲有叉燒汁撈飯，好好食！酥皮滑蛋撻臨尾叫多個蛋撻試下，望落唔太

難得放假約朋友食個Lunch,諗住簡簡單單係屯門食個茶記，點知都有驚喜。餐廳位置都闊落而且好整理，仲有d小擺設做裝飾，成功擺脫左茶記市井既形象。食物方面除左一般茶餐廳基本既菜色之後，仲有川菜同上海菜提供，款式都幾多👍🥩大滿足雜扒（$88）細個去茶餐廳最鍾意就係叫雜扒，唔係鍾意個味道，而係鍾意醬汁倒落鐵板時果種喳喳聲。呢度既雜扒都有呢種效果，童年回憶返哂黎。而且份量都幾多，跟餐仲有餐湯、丹麥多士同餐飲，非常抵食🐟老壇酸菜魚飯（$58）魚肉夠滑，份量都唔少，入口酸酸辣辣好送飯。而且唔算太辣，怕辣既人都食到🍝京川蝦碌雙面黃（$68）蝦球好大隻，而且好彈牙，醬汁酸酸甜甜。最鍾意係雙面黃呢種脆卜卜既麵，點埋d醬汁好似小食咁好開胃🦐特色蝦多士（$39）蝦多士入口唔會成啖油，火候控制得好好，麵包炸到脆卜卜，上面既蝦肉仲好彈牙同鮮甜👍

本新界西人咁岩去開屯門良景搞新身份證，預約左好快搞完，搞完正值下午茶時間！見到呢間輕鐵站隔離嘅新開嘉華餐廳，地方又大又光猛， 冷氣強勁，門口有自家麵包買，一於入去試下！ 雖然話係下午茶，但仲可以叫到午餐。一睇menu，就被佢個經濟午餐：招牌無骨海南雞香茅飯吸引左！ 套餐$63 包埋中/西湯，熱飲，我當然要揀西湯羅宋湯！熱飲+$9 轉特飲 ， 青檸+原支泰國象牌梳打水有氣但無糖夠健康，岩哂怕肥女士，天氣咁熱當自己飲左氣水！跟餐西湯羅宋湯唔太酸夠，都多料 招牌無骨海南雞香茅飯$63 相比起出其他地方食，呢個海南雞飯有更多雞件，更大份！雞肉大件而且嫩滑，肥膏已去除，滑滑雞皮。配埋三款海南雞醬： 薑蓉，黑醬油，酸辣汁，令人食指大動， 香茅飯淡淡香茅味， 好好送飯！性價比不錯！ 飯後甜品：酥皮椰撻$7 喺門口見到個麵包櫃已經好想食椰撻！ 點咗先知原來係酥皮嚟嘅。 第一次食酥皮椰撻，椰茸餡不太甜不膩岩岩好。可能因為焗得夠乾身， 會有少少燶，但酥皮好薄脆， 唔似炸雞牌咁個葡撻咁會出油 ！個人覺得$7有個甜品係好不錯！

今日早收工，知道屋企附近開左間新餐廳，一於今晚去試吓，仲我有鍾意食的酸菜魚。老壇酸菜魚配埋白飯及湯，飲品轉左特飲加$12，老壇酸菜魚有魚片，酸菜，芽菜，乾冬菇，薯粉。魚片大大片魚肉嫩滑，酸菜酸酸地，芽菜爽脆，薯粉煙煙韌韌，湯底酸酸帶有少少辣幾開胃。老火湯好濃郁又鮮甜。布蘭尼肉醬意粉配法蘭克福腸，肉醬意粉好香撈埋意粉一起食更加美味，法蘭克福腸炸到好香口好好味。生炒骨，有青紅椒和菠蘿，肉質嫩又酸酸甜甜幾開胃。懷舊紅豆冰。鹹檸七

近年良景多了很多食肆進駐，所以就去覓食一番吧，次就去了一家餐室。店舖位置鄰近輕鐵站，所以容易看到🤩，環境裝修時尚優雅。食物選擇有很多，下午茶餐經濟實惠，小炒價格相宜🙈。-💥熱奶茶 HKD$6 | 熱杏霜 HKD$0，點小炒可用優惠價有加購飲品，下午茶會附送指定熱飲。熱奶茶色澤較深色，但味道濃郁不苦澀，整體口感順滑😚。熱杏仁味道清甜，是否養生又潤喉的飲品😋。-💥法蘭西多士 HKD$28，金黃色的賣相很吸引，西多士賣相飽滿，可選擇配糖漿或煉奶。西多士外脆內軟，中間有層花生醬，花生醬有花生粒口感較豐富🥰。-💥老壇酸菜魚 HKD$88，賣相吸引挺香的，魚肉肉質嫰滑無骨，而且不易夾散證明魚肉新鮮😆。湯底味道酸酸辣辣很開胃，辣度還可以自選😚。底下還有口感煙韌的薯粉，吸入湯汁挺入味的。-💥生炒骨 HKD$69，這個是喜歡吃的小炒之一，顏色鮮豔賣相吸引。生炒骨外脆肉嫰的口感，醬汁均勻沾上，味道酸酸甜甜很開胃🤤。用了新鮮菠蘿味道較清新，青紅椒大大件，所以口感較豐富😚。-💥拍薑炒芥蘭 HKD$52，吃完肉肉當然要來份蔬菜均勻一下，這個顏色翠綠味道很香。炒芥蘭口感爽脆🤩，熟度剛好不會感到腍身，芥蘭味道清甜吃

又到最唔想煮飯嘅星期一，決定罷工，同老公去屯門良景新開嘅茶餐廳試新嘢🍽。餐廳都幾大，環境寬敞舒適，開揚明亮。最近無乜胃口，最啱食啲酸酸辣辣嘅菜式，所以我點咗老壇酸菜魚$88，老公就點咗生炒骨$69。套餐跟中湯同飲品，都算幾抵食。1️⃣ 老壇酸菜魚🐟魚片新鮮嫩滑，份量剛好，最重要係無腥味。湯底魚香味鮮，酸酸哋好開胃，如果可以揀辣度就更好了。裡面有芫茜、大豆芽菜、酸菜、幾款菇同紅薯粉做配菜，好味道！2️⃣ 生炒骨🐖我老公嘅至愛！色香味俱全，炒得好靚，色彩繽紛（紅椒🌶、青椒🫑、菠蘿🍍、紫洋蔥🧅），見到就流晒口水。個汁整得好惹味好正宗，好啱配飯食🍚，生炒骨肉質都算新鮮，配料都炒得好香口。3️⃣ 雪山脆米朱古力🍫 特飲另加$12朱古力味香濃😍，上面仲有一層阿華田味嘅粉同脆卜卜嘅米通，賣飛佛！真心好飲！4️⃣ 龍鳳檸樂🍋 特飲另加$12好耐無飲過鹹檸樂了，好懷念，加少少🤏🏽錢都值，啱晒宜家熱辣辣嘅天氣，好清爽呀！另外忍唔住要讚一讚哩度嘅服務，職員好親切有禮，星級茶記！一定會再幫襯！

😘經典菠蘿油 $10菠蘿油賣相都精美，牛油比較厚，所以我切了一半吃，麵包鬆軟，配香滑牛油已經很美味😆😆生炒骨(配中湯+白飯) $69這個份量比較適合女生份量，調味酸甜酸甜很開胃😗😗燒豬仔肋骨配薯菜 $72這個豬肋骨是比較港式的調味，有別於平常的香甜味，這個入口比較重蒜頭香辣味，如果想試試蒜味可以點，豬肋骨肉質都可以，不會柴，配菜有薯角，沙律菜和中湯，是蠻豐富的套餐🤩雪山脆米朱古力 ＋$9超濃郁巧克力，味道偏甜，我很愛，上面的巧克力脆脆增加口感😆💕😛四川水煮牛肉(配中湯+白飯) $88這個cp值之選，份量比較多，因為調味真的有點辣，嗜辣者可以試，牛肉肉質都夠嫩，也有薯粉很q彈😆免加一，所以都cp值都高，環境超大，裝潢很新很有格調，而且很多卡位坐得很舒適💕💰人均$124🌟推薦菜: 雪山脆米朱古力生炒骨經典菠蘿油🔎嘉華餐室🔍🧭屯門田景路31號良景廣場良景街市地下LK1號舖🧚🏻‍♀️小仙子帶路: 輕鐵良景站 , 步行約1分鐘😍𝑭𝒐𝒍𝒍𝒐𝒘睇更多😍@Nevergetfat