嘉麗園潮州粉麵餐廳

营业中

休息中

鍾意食牛雜麵嘅 唔可以錯過呢間😤❣️新鮮專家牛雜 配幼麵🐮 $42湯底濃郁〰️每款牛雜都煮到好入味🍲處理得非常乾淨無異味 牛肚有金錢肚同草肚兩款 牛腸煙煙韌韌 牛膀粉得黎香 我最中意呢一舊😍！最後牛肺有獨特既彈牙口感 配埋生麵既爽彈口感 成件事係一種享受💓PS：食得辣既朋友一定要落佢地自家制既辣椒油🌶香得黎辣度十足 我屋企長期放左樽黎看門口☺️新鮮泰國通菜 $22平凡既烚通菜加上秘制既腐乳醬就變得不平凡 腐乳醬香濃咸香 依附係通菜上面 會令人一啖接一啖 真係食菜身體好呀〰️😋鮮炸大腸 $28第一次嗌炸大腸 炸大腸當然佢都處理得非常好 但味道就同我想像中有些微出入 外皮揸得唔夠脆口🥺

以前嚟食嘉麗園，好痛苦，覺得湯底好濃味，好口渴（利申唔食牛）但當我知道原來可以轉清湯同唔落腩汁之後（勁大鄉里😅）我就好鍾意啦！❶ 清湯墨魚丸紫菜河粉(走青)/ BS100: 講起墨魚丸，相信住喺元朗嘅朋友都會同我一樣會諗起嘉麗園，燒嘢食/打邊爐必備🍢佢地嘅墨丸除咗出名手打，仲撈咗馬蹄，增加咗彈彈牙嘅墨丸口感。但係作為一個小眾，我嘅心水係佢嘅紫菜，無沙係基本，食落好爽口唔係淨係腍吱吱👍🏻湯面仲鋪咗大量炸蒜🤤撈埋啲河粉食好香口😋❷ 肥肉頭腩米粉: 朋友通常嗌嘅麵，供圖作參考❸ 茶走少甜: 依度嘅奶茶好得，好香茶味

呢間嘉麗園好幾年前我ex 帶過我黎食，之後有時行山或過開元朗，我都必定幫襯，尤其佢果個腩什十寶真係堅正，一大碗粉入面有晒牛腩、牛什各個部位，可以話係一碗就滿足晒牛什控！因為次次都係食腩什十寶，上一次見到餐牌有個潮味十寶，所以一早已經諗定下次黎試試，恰巧今日過黎元朗買野，一於就試埋佢！十寶包括：紫菜、魚皮扎、魚皮餃、牛丸、魚蛋、水餃、雲吞、墨魚丸、豬肉丸、黑椒牛丸每樣都係潮州粉麵既精髓，基本上每款個質素都不錯，魚片、魚蛋比想像中爽口彈牙，最正我覺得係個墨魚丸，非常之新鮮爽口，而牛丸都係一貫潮州式既細細粒同爽口，至於雲吞同水餃就比較普通dd，不過湯底夠味加埋河粉薄得黎又夠滑，成碗粉個組合出嚟都係好好食😋，不過相比起腩什十寶都係被比下去既！同場加影，有牛鞭牛子牛春袋同牛開心，呢啲睇低俗喜劇就聽過，食就真係未食過，亦都冇膽量試，唔知會唔會有朋友想試試佢呢？哈哈

放工去元朗食飯 咁啱見到呢間諗住試下 咁就叫咗個六寶同八寶 味道唔錯 價錢都唔貴 潮州辣醬嘅味道都夠濃 最後埋單嘅時候伙記好貼心咁問我哋食飽未 好唔好食 係間充滿人情味嘅餐廳 整體嘅感覺都唔錯

咁呢間嘉麗園老字號，相信無人不識，特別係元朗的街坊。身為將冠澳人的我專誠坐車黎到元朗食呢間潮洲茶餐廳，因為之前睇100毛介紹呢間有牛四寶（牛鞭、牛開心、牛子、牛春袋）鎮店牛四寶都幾吸引。叫個大份既黎試下，一黎到就試下個湯底，湯底係幾濃郁，用炆的方法煮呢4樣野，都幾配合。牛鞭感覺好爽口軟滑，感覺有牛根感覺。牛子方面有似食雞子質感。牛春袋有少少牛肚感覺，整體的感覺不會有那種覺得難受，同埋湯底值得到讚，味精係有，但可以接受，可能湯底想用黎蓋過牛四寶的牛「蘇」味。

好耐冇食，今日就試試牛筋河牛筋軟硬適中夠入味，唔會煮到好爛，湯底真係抵讚夠味夠濃，不過蔥蒜比較多，食到尾時遮咗湯啲味道，河粉夠薄夠滑。不過呢間選擇真係好多，咁多年都keep到。

其實一唸住食粉麵，我都會唸起嘉麗園，基本上佢係我飯堂之一，無論叫魚旦麵、牛雜麵、通菜、其他嘢食都好，都係好好食有水準，所以佢比其他粉面店貴少少，我都會keep住幫襯！

這天與友人在附近買東西，友人想吃牛腩，於是到此一食。紫菜四寶河有大量紫菜，紫菜一點也不腥，連湯喝下很香。墨丸、魚蛋、札肉質感很實在，三樣之中友人覺得墨丸最好味；此外河粉也是挺滑的。牛丸麵的牛丸質感亦同樣緊致，惟牛味略嫌偏淡，麵亦合格，起碼不會糊口。蔥菜可說是全碗麵的靈魂，完全做到提味的效果，加些辣油風味更佳。光是兩碗粉麵怎能填飽我倆，因此我們還分享了一客牛腩。腩肉煮得夠腍夠入味，確實不錯，友人大讚。徹底滿足了友人的牛腩夢。

2021年1月21日下午茶時段，嘉麗園餐廳內有兩枱食客，我覺得幾好，難得清淨少啲人。以前幫襯過這間餐廳最出名的手打牛丸頂呱呱，每次記起都流曬口水，所以今日經過元朗區，都要入來再回味。但出事了......牛丸比較硬，而且沒有濃郁牛肉香味，個人認為牛肉轉化成牛丸的意義是容易入口不硬及不會太難咬，牛丸無牛肉味，但竟然係尿噘味(urinary smell)，湯底都係問題，落咗很多蒜蓉入湯，蓋過了牛腩湯的清香味，仲要搞到我個口臭曬。以前排隊入去食，現在人客稀少，真係有原因㗎 !

自從中學畢業後就無再食過嘉麗園呢間老字號，今日見初三放假專登過黎食番，估唔到風味依然，牛丸都仲係咁彈牙爽口，我食河粉會鐘意一邊飲個湯再食啖河粉，個湯鹹鹹地岩我飲唔似得出面d 普通餐廳咁，淡到冇味好似飲水咁。不過想當年，一碗牛河都只係賣30零蚊，而家食要成43蚊碗，足足貴左好幾蚊係好幾蚊呀！呢度另外有得俾食客挑戰食麵同飲汽水，係指定時間食到指定份量就可以換到現金獎，好想睇食花生🙊

星期五傍晚去到, 大約半滿, 可以任揀位置坐.店面有兩部電視機, 不停重播老闆十幾年前接受訪問的片斷, 仲有一部大電視在播演唱會.所有台都係圓枱, 中間都放了隔板, 即使四個人一齊坐, 都好似分開坐一樣, 有點不便.講番食物, 腩什十寶河 : 即係牛什 + 牛腩, 筋,沙瓜 等共十樣單以牛什來講, 份量都好似少了, 牛肺只有一件, 仲係細細件的.  草肚, 金錢肚都炆得太耐, 淋晒無咬口, 比較好吃的有牛膀, 牛筋, 腸.六寶河 : 即係各類丸/片 + 河粉,  我媽吃了第一啖, 已經講, 湯底好咸.炸魚皮 : 細細碟已經19元 但魚皮係厚身的, 好吃.通菜 : 22蚊, 呢個算加價加得少,而且好嫩口, 五花茶 : 七蚊一杯,  正正常常, 無乜特別佢的餐牌/牆上的招紙話食物不加味精,  我估只是說沒有加味精,  但肯定有加含有味精的雞粉.我們在餐廳已經飲了一杯五花茶, 回到家又飲多兩杯水,  到十一點都仲口渴.所以, 雖然不會將佢列為黑名單, 但至少不會是常去的餐廳, 忍住手唔俾差評已經係俾面了. 

同朋友去食午餐，朋友食咗幾十萬次勝利牛丸，都依然話想食勝利牛丸。但其實勝利牛丸前幾步就有間嘉麗園，一樣有牛丸食嘉麗園我最喜愛佢的墨魚丸，放假揸車半個鐘都要入嚟食佢嘅粒墨丸。一如以往的好，食得出有肥豬肉嘅彈牙，馬蹄嘅爽口，又有墨魚丸嘅香味。各人口味不同，我就鍾情呢度嘅墨魚丸。利申，唔知係咪呢啲材料，但係我隱隱約約都食到，仲食得幾開心魚皮餃：好懷舊嘅味道，仲要咁嘅環境，好似返咗10年前咁麵質：頭5分鐘食嗰啲麵質彈牙好多，浸耐左就開始軟能能啦，頭5分鐘係關鍵😂少少鹼水味都食唔到，我幾鍾意通菜：比出面嘅濃味啲，油啲。但味道唔錯，通菜冇渣。腐乳醬應該自己調嘅，略咸，但野味❤️至於朋友食嘅牛丸，我就評價唔到啦，因為我食唔食牛嘅😂😂😂

幾年前成日去嘉麗園食佢嘅牛腩河，腐乳通菜，墨魚丸！好耐冇入過去元朗，咁啱一個人又有時間，又見咁耐冇食就坐低咗，佢裏面啲冷氣咁多年都係咁凍，真係坐咁耐凍足咁耐。見咁耐冇食就嗌左碗崩沙腩河，其實嘉麗園佢俾D牛腩一時時好食，有時候就算你叫崩沙腩或者坑腩佢都係求其俾啲牛腩你，有時好淋，有時又好韌，今次送來嘅牛腩都OK，如果平時兩個人我會叫埋腐乳通菜同埋淨墨魚丸，佢啲腐乳通菜其實真係幾好食，不過好鬼油，而佢啲墨魚丸都係出名好食，但我唔鍾意裏面其實加咗好多肥豬肉！整體來講我覺得佢嘅食物冇以前咁好食！以前成日都會想入元朗食嘉麗園，但而家就冇呢個好想入去食嘅感覺，但如果少入元朗嘅人又或者未食過嘉麗園嘅人其實係值得一試

由細食到大，味道始終如一🤤以前嫲嫲爺爺住元朗，經常都要入去探佢地；簡簡單單 快快脆脆食個麵，嘉麗園成為左首選佢地嘅湯底真係好濃好入味，真係會麵連湯食到底，餸又多，所以一碗都好夠飽；每次我地都會叫最貴嘅新鮮牛腩，今次想試下分別大唔大，所以叫左最平果隻（應該係急凍/冰鮮） 不過因為湯底平身夠濃，所以我覺得差唔多😂😂另外再叫左個腐乳通菜，唔知點解總係覺得佢地嘅通菜係特別嫩，特別好味😂連openrice嘉麗園嘅推介美食當中，都會有腐乳通菜份，好神奇🙈

打完風又適逢疫情好少少，出去食番啲嘢！吾知係咪人越來越大成日都想懷舊一下，今日陪老公整架車，所以去到元朗食午餐。記得細個嗰陣時有間潮洲粉面去到元朗必食，搵下仲係吾係到，點知仲係到，裝修亦冇變，真係好！👍舖頭環境十年如一，只不過疫情關係，圓枱中間多一塊板係度！我地點左一碗潮洲六寶、牛根腩米、腐乳通菜！潮洲六寶$57D丸真係好Q彈又爽口，尤其豬肉香茹丸好香口、彈牙有咬感，扎肉片亦好大塊，好好味，不過D碗吾包粉架要再加$12，抵吾抵就見人見至牛根腩米$80你冇聽錯，真心覺得真係好貴，牛腩好淋好入味，但仍然保持十幾年前水準，當懷舊吧！腐乳通菜$22加左D腩汁當堂升級左，正今餐成$160真係有啲貴，但耐唔耐一次就算拉