嚮腩麵棧 (已搬遷) 新店位置

我係一個五香牛腩河嘅愛好者🥩，（並非清湯腩、柱候牛腩等）自從我最鍾意食嘅觀塘合興粉面家上年結業之後🥲，我就不斷發掘新寵。我覺得可以記錄一下呢一個旅程。今次嚟到荃灣嘅呢一間嚮腩麵棧，係因為有一次我爸爸買咗一碗淨牛腩返屋企食，我覺得好Q正🤑，所以今次專程過嚟試吓。上菜之後，第一個感覺就係份量足🤑。牛腩有八塊，肥瘦均。湯底入邊我覺得腩汁不足，令到整體味道有啲淡😮‍💨。由於我想試真啲佢個腩汁嘅味道，我叫咗個生菜，特別要求多腩汁🤤。結果發現佢個腩汁味道偏酸😯，可能因為呢個原因所以佢唔敢落太多腩汁落去個湯度。我亦都欣賞佢啲辣油夠辣🥵👍，自然。而且侍應客氣，滿足到我啲要求🥰。食完之後，我唔敢話呢間係暫時食過最好食，但係我肯定會再食🤓。牛腩河$33 ，凍飲加$7 ，生菜加$10埋單$50，價錢合理

想食牛腩麵、雲吞麵，喺荃灣路過嚮腩。有時見有人等位，感覺應該唔錯。港式粉麵黃店唔太多，Check過唔係藍就入左去。🙈門口量體溫，可以填表/掃QR Code。. $33⭐️⭐️⭐️⭐️ 4/5牛腩有少少肥，但唔膩同埋唔算太”嚡”，夠入味。牛筋彈牙，唔會太”漿”口。麵有啲鹼水味，不過可接受。. $49⭐️⭐️ 2/5牛雜飯嘅牛雜食落無湯麵咁夠味，飯唔夠汁有啲乾，餸少飯多，整體唔推薦。.熱飲 +$5 凍飲 +$7凍檸茶、鴛鴦奶茶都可以，茶唔會澀，建議少甜 .菜 +$10腐乳通菜，味道正常無特別，份量夠.整體：價錢經濟，員工態度幾好，餐具乾淨。

#小秘書 間唔中都會去 #葵全區 入吓貨，捐窿捐罅搵啲 #地道美食，滿足吓味蕾😉 呢日過嚟 #川龍街 本來係想買半隻 #滷水鵝 益吓老竇，點知去到人影都冇隻… 仲由本來嘅滷水鵝店化身成「嚮腩麵棧」😅 一場嚟到，我哋又未食飯，將錯就錯… 就順便坐低食碗 #牛雜米 先走😆#牛什、#湯底 味道唔算差，不過就係唔夠熱，而且 #牛腸 太肥，只好益咗隔離😆 望望餐牌，佢哋原來仲有 #手撕雞、#淨牛腩… 可以外賣/堂食做餸，食客都可以多個選擇。整體服務都算唔錯，似係家庭式嘅運作，不過不失咁啦😉

有驚喜，有驚喜。河粉滑到無朋友呀，一吃，感動到爆炸。牛腩份量也很足，看像很柴但其實一點都不會柴，，菜菜加十元定八元，份量很多很大。往後有個新地方，可醫牛牛單思苦。食完先記得影。。。😅

大前日(5-4-2021 Mon)清明節補假,呢日去拜媽媽喇,去之前同老公食個早餐先,原本想去光榮冰室,但有人龍,由於趕時間,就唯有放棄,咁去邊喥食?老公話富都,但係藍店嚟,唔啦.呢間啦,我哋上次食過(食評係今年1月17日刊登嘅呢篇: https://www.openrice.com/zh/hongkong/review/%E5%A4%A0%E7%86%B1-e3914911),只有兩個客人,今次我哋要:3. 加$5.00嘅熱檸水正常冇問題.4. 加$7.00嘅凍奶茶奶味重啲茶味淡,口感細滑同唔太甜.1. $33.00嘅爽腩河我只試爽腩,夠腍,味道清淡.5. 加$10.00嘅通菜翠綠,口感正常.2. $33.00嘅雲吞麵雲吞有5粒之多,蝦仁同豬肉比例一樣,皮薄,OK嘅,麵就同樣有鹼水味.

今日17-1-2021(Sun)落荃灣買嘢又食晨,黃店們唔係未開就係有人龍.但肚餓,唯有避開已知嘅藍店唔食.咁見到呢間唔係只食牛,咁就呢間啦.睇完menu,我哋都要$33.00嘅湯粉麵類,雙拼加$10.00,同加$5.00有熱飲.老公要雲吞牛筋麵,要熱鴛鴦.我要水餃牛丸米,同熱杏霜.當然,兩杯嘢飲先到,好熱好熱,我杯杏霜沖得濃淡適中,ok.之後等好耐,兩碗粉麵到嚟,我哋交換啲餸食,發覺水餃有3粒,雲吞得2粒.點解呢?雲吞嘅成本等同牛丸,貴啲?食得喇,水餃皮薄,餡料除咗有蝦同豬肉外,都有木耳絲,味道同我童年時食到嘅一樣,好味.雲吞就冇木耳絲,而口感味道都差唔多.牛丸爽口,但牛味欠奉,米粉爽口,但湯係清湯,冇乜味.牛筋口感同味道都正常.食完走人,老公話佢個麵嘅鹼水味好重,喚,來貨嘅嘢,冇辦法.不過黠解兩碗麵要等咁耐?因為係即叫即淥.味道係3.67分

間野係小巴站後面 今日行過買咗個牛腩河 牛腩彈牙得嚟又唔會鞋 好香牛味 食落完全唔覺得肥 仲有個辣椒醬 又香又辣 正！啲河粉都好爽口開頭叫打包但唔記得叫分湯 拎出嚟先見到 再叫阿姐分湯佢都仍然好好態度咁馬上幫我搞 之前有試過雲吞麵 雲吞都幾好 但麵嘅堿水味略重 總體而言都算好味服務同食物都幾好 值得試試

今日5月1日收工就去荃灣搵吓有冇嘢食啦，結果在兆和街見到一間好似新開嘅粉面店，入去試吓先！（其實我去粉面店去食飯）我見到佢依間店買爽腩飯，我就要叫依一個爽腩飯返試吓啦，我可以話比你哋知真係好好食。依間店所買嘅牛腩係有一層膠質，而且牛腩浸得剛剛好，完全食到爽腩嘅感覺，而且我仲叫了一碰淨水餃，一食落去知道材料非常新鮮，大家一定要試吓！

到荃灣附近，已十點了，想湊飯氣，四處瀏覽。路經此店，新翻新，招牌也換了，一試無妨。地點不算商圈中心，人流都會少一點。有不少店都是如此，經營不善離場，然後又有人入手，相信自己能起死回生。餐牌大路潮式粉面店，該有的都有。見有標榜爽腩，也好。飯很快就上了，畢竟只有我一人。腩是由件斬上，靚仔。爽腩近牛肚位，帶點咬口，無渣，太淋就不是爽腩了。是夜牛腩都做到了，要挑剔就是滷水火喉未夠，牛味又不足。飯底偏乾硬不熱。從前潮洲粉麵店沒有飯，相信由客人要求所至，但又兼顧不了太多，所以一般都是由朝煲起擺到晚，想食好的白飯，留在家最好。送奶茶，要茶走，不過不失。由於這是送的，而且要求連餐飲做得好，對粉麵店太奄尖了。整體而言，一齊尚可。潮式粉麵一般如此，相近價錢已很難大突破，難以創新就只好將技術味道昇華，方可留住生意。

經過見到，野食黎左唔記得影相食左個牛爽腩河，牛爽腩幾軟，唔會好硬另外都叫左個牛什河，也是不錯！加五蚊就有枝黑豆漿，價錢都算好2個人食左80蚊都唔洗，唔錯！可以嘗試！！

第一次試呢間野  份量算適中  好好味！牛肚幾入味 而且夠淋  雲吞係蝦同豬肉餡 d蝦都幾大粒 唔會淹得好鹹 牛肚份量都比得幾多 不過切得細舊係美中不足之處 碗麵個湯主要係腩汁味 唔似平時d雲吞麵鹼水味出d 仲試左個牛腩 都係好淋好入味佢個辣醬都值得一讚！好香 配食牛肚食一流 員工態度都幾好 出餐都算快 應該會再去食🤤