囍宴

营业中

休息中

今早和太太去飲茶，交咗點心纸，等咗1小時未來，一再追問，員工先話之前無入單，現在再從新入單，我找經理來想問可否快些，這位女經理來到只說如果不等，你可以取消所有單據，但茶錢要計1位，否則就繼續等，一句對不起，或自己錯的說話都不說，那我選擇走。

今日一行四人揀咗呢個套餐，份量足夠五至六人食。首先，第一味係片皮鴨。皮夠煙韌，唔會薄到一包就爛。鴨皮片一半連肉，一半唔連肉，任你選擇。高湯浸翡翠，菜得新鮮，唔老。蒜子好甜。蒜蓉蒸扇貝，時間啱啱好，唔會過熟。上湯焗波龍伊麵，龍蝦夠新彈牙，伊麵亦好夠味，伊麵食唔晒，打包做另一餐😆蒸魚，蒸過火咗少少。魚新鮮嘅！呢個小炒王正😋微辣😋不過又係食唔晒，打包😆最後上埋個馬拉糕，已經飽到食唔落，原隻打包。

是晚揀咗呢個餐呢七款小食任食任點任食火鍋配料點咗個芫茜皮蛋湯底首先每人半隻乳鴿皮脆肉嫩👍🏽👍🏽👍🏽安格斯不過不失呢盆海鮮無得頂👍🏽好新鮮😋😋呢盆係三人份量。呢個價錢食到咁多款海鮮真係好抵！仲要係好新鮮唔係比死海鮮你👍🏽👍🏽龍蝦同蝦都好彈牙！樣樣都好正😋蠔十分肥美😋😋😋食完呢盆海鮮同埋半隻乳鴿已經六七成飽，火鍋配料只點了少少，蝦滑同墨魚丸好食，魚皮餃太油，一咬就成口油...... 飲品方面，任飲多款鴻X堂涼茶，啱晒打邊爐！

恢復晚市，終於有機會嚟到食晚飯啦，今晚叫咗兩個餸，一個魚香茄子煲，一個梅菜扣肉煲。魚香茄子怪嘅我，食過好多間都唔及囍宴咁香口，味道啱啱好，唔會過咸。梅菜扣肉煲用咗白菜仔打底，食落冇咁油，因為比菜吸晒😆扣肉十分林，冇牙都食到！正！重點係抵食！

整體嚟講，成個餐係好飽好滿足，好食嘅！每個餐會跟一杯花雕。服務好好。上餐時間稍為快了一點，未食完第一道就上第二道，感覺有點急。提提大家，要提早預訂！我係兩星期前預訂嘅。

今日一家四口去左食大閘蟹宴，飽到要托住個肚走😂仲要食淨好多野，要打包走，留返聽晚再食。頭盤有乳豬件同叉燒各兩件，乳豬真係次次食都咁脆，肥瘦適中，保持到水準。叉燒好厚，不過厚得黎係勁(淋)，真係估佢唔到。竹笙露筍味道不錯，冬菇鮑魚都幾大隻，糯米飯整得好好食。元貝蒸得熱辣辣，又大隻，蒸既時間岩岩好，唔會老。瑤柱蟹肉羹同蟹粉小籠包本人覺得偏咸，要改善一下。大閘蟹係全晚主角，每人兩公一乸，勁多膏，配埋花雕，值頭無得頂。可惜眼闊肚窄，要打包幾隻回家明晚食臨走前仲有細細粒，滑嘟嘟既湯丸，勁滿足。

今日做野經過土瓜灣，突然好想食點心，search openrice見到佢係新開，就上咗嚟試吓本身諗住呢頭午市仲要係星期一應該唔算多人，點幾鐘上到都幾Full, 好彩岩岩好有位！叫咗個臘味煲仔飯，燒賣，叉燒酥，帶子腸個茄子份量好多，但個外層厚咗啲，有啲油膩可能係我見識少，第一次食帶子腸粉，好有驚起！腸粉皮夠薄，重點既帶子雖然唔算好大粒，但絕對足料！味道亦好，推介！天氣開始涼就好想食臘味！臘味好香，份量都好夠，如果多啲飯焦就更正侍應服務態度幾好，環境都幾舒服，唔會好嘈，下次可以試吓晚市小菜。

聽個住土瓜灣的朋友話有間開咗冇耐的新酒樓，啲小菜幾好食。於是就捉埋佢落去等我試下係咪真係咁好食間酒樓都算闊落，唔知係咪可能因為新開，整體感覺都幾乾淨幾舒服。叫咗個片皮鴨，啲肉都幾嫩口幾香，麼麼皮，有嚼口得嚟又唔會好硬，2樣夾埋配料一齊食真係好正! 不過酒樓冷氣都幾凍，叫片皮鴨一定要快啲食，啲麼麼皮一凍咗就冇咁好食。之後叫咗個煎虎蝦，比我想像中大隻.同埋唔會煎到好乾，幾好食再叫埋個生炒糯米飯，呢個真係3樣入面最推介! 啲腊味超香，啲糯米飯唔會太硬好銀胃，呢個下次可以再食~(個虎蝦本身係有6隻，食到一半先記得要影下相)

今日去土瓜灣探個喺度做嘢嘅朋友，每次去土瓜灣搵呢個朋友，都會同佢去附近嘅酒樓飲茶，今日朋友就介紹去一間新開嘅酒樓，位置喺馬頭圍道海悅廣場2樓,佢話呢輪同啲同事都係去呢間酒樓幫襯，咁就去試吓，朋友先去攞位，上到去見到裝修都靚，有個黑色衫嘅女知客同我講歡迎光臨，入門口之前佢要我先探熱然後帶我去我朋友張枱度，呢區嘅酒樓來講有咁好笑容同服務態度真係好少見，希望佢哋保持到呢種態度。坐埋張枱度朋友已經開咗普洱茶同埋洗乾淨左啲碗碟，等我落單叫點心，今日因為都肚餓所以都叫咗好多嘢，叫咗蝦餃、蘿蔔糕、蝦米煎腸粉、山竹牛肉同埋碧綠帶子腸粉、朋友極力推介佢哋隻清遠走地雞咁就叫咗半隻試吓，點心嚟到，先嚟咗煎蝦米腸同蘿蔔糕，個蝦米腸好滑同埋好多蝦米，唔似出邊嗰啲蝦米腸得個少少蝦米，個蘿蔔糕好香蘿蔔味同埋熱辣辣,跟住山竹牛肉同碧綠帶子腸都嚟咗，個山竹牛肉好有牛肉味, 碧綠帶子腸雖然啲帶子細粒但都好有帶子味同埋一碟有八粒帶子值得推介，跟住黎埋蝦餃同清遠走地雞貴妃雞，個蝦餃皮薄啲蝦肉好爽，隻走地雞係我近呢一兩年來覺得最好食嘅雞，隻雞嘅肉質有咬口又好香雞味仲要佢哋跟咗少少雞腎同雞干，食完到埋單嘅時候先知道朋友知我家兩老

今次見佢社交平台推出羊腩煲，另外可以用優惠價錢加配其他嘢食，即刻book枱約埋三個兄弟再去試食，古法羊腩煲肥瘦適中食番以前嘅味道，但係出到嚟有少少未夠淋要再炆多十幾分鐘扣咗少少分，送嗰碟唐生菜洗得好乾淨，酥炸桶蠔保持到水準，臘味糯米飯軟硬適中值得推介，當日經理推介有新鮮花甲即刻嗌咗個豉椒炒花甲，十分鮮甜，再叫咗兩個特價小食雙拼海蜇燻蹄同埋青瓜雲耳，份量十分足，味道亦好好，食完未夠飽再叫多兩碟特價肥牛9.9 一碟喺煲羊腩汁到淥，肥牛都有六片大大片肥瘦適中，希望呢間酒樓可以保持住呢個水準同質素。順帶一提佢哋啲樓面服務態度真係好好，當日見到坐喺隔離有個阿姨坐輪椅，問啲樓面有冇傷殘廁所，有個著黑衫嘅女部長立即推佢去酒樓裏面嘅傷殘廁所，覺得嗰個女員工好體貼又窩心，酒樓裏面地方又乾淨，下次有機會帶埋阿爸阿媽一齊落去試下飲茶食點心。

香煎鯪魚餅，煎得夠脆！懷舊鵪鶉蛋燒賣，好味！罐湯餃，皮薄，夠味！虎皮尖椒，好好夠辣！流沙奶皇包，掛住食，唔記得影，夠晒流沙，好味好味！鳳瓜排骨煲仔飯，有飯蕉而又唔燶，正！服務好好👍🏾👍🏾重點抵食😋😋😋

已經食左幾次，新裝修，環境不錯，夠光猛，感覺光鮮，疫情下係一個幾好既用膳地方，價錢亦不貴。呢幾次幫襯左好多款食物，乳豬好正，夠脆又不太肥。魚翅十分足料，燒鵝好好食，特別推介菠蘿咕嚕肉，用新鮮菠蘿原個上，正。蒸魚又夠滑，龍蝦用炸米粉墊底，夠特別，脆仆仆好好食。芒果布甸最正，食左幾個😝片皮鴨有待改善，因為片得較厚，老闆有問我地意見，話會改善，欣賞老闆願意接納意見，期待真的有改善。員工服務態度不錯，有禮貌。洗手間亦乾淨，會再繼續幫襯。

前日下午經過土瓜灣馬頭圍道海悅廣場，發現左間新開酒樓，見到個名叫囍宴以為集團式經營，問咗之下先知原來唔係集團式經營，剛好19號嗰日佢哋開張，見到好多花籃同埋好多人飲茶，立即問下夜晚有冇得訂位，知客話有即刻訂咗四個位，叫埋三個好兄弟落去試食，叫咗三個小菜，燒鵝再加龍蝦伊麵，因為叫得太多，本身我三個兄弟都好大食，但都係食唔哂，最後都要打包拎走！經理推薦酥炸桶蠔同燒鵝，真係冇介紹錯！員工服務十分殷勤，不停同我哋更換碟最緊要食物唔貴，但最慘佢哋未有酒牌，我要自己落seven買！遲啲希望可以放寬到六人，可以同多幾個兄弟落去再試其他小菜同燒味！