囍慶酒家

营业中

休息中

無論如何都要品嚐這間標榜:高端鮮海鮮或是低價平正海鮮餐:雖然地點稍為隔涉，我們點上六位的龍蝦海鮮宴，有十二道菜餚供應，似乎感覺價廉物美，價錢適中，第一道菜式是上湯加拿大龍蝦伊麵(約三斤)，上湯汁料不夠濃度而味淡，龍蝦肉少不夠鮮味，而伊麵條分量少而軟柔油多，不夠六人分量，不知其味。第二道是惹味香甜的豉椒爆秒蟶子皇，出來都是細小的蟶子，肉質鮮甜，有辣滋味，有嚼口又彈牙，充滿味蕾，口感不錯，不過不失的新鮮海鮮蟶子。第三道星州胡椒越南肉蟹隻上，肉質很香海鮮味，極肥美，鮮味美味，味道特別香甜滋味，賣相不錯，食得津津有味。第四道菜:蒜蒸日本新鮮元貝，蒜泥充滿粉絲味道，元貝香甜軟滑，煙韌滑膩，好香口，非常美味新鮮的元貝。第五道是:油鹽水南非蝴蝶蚌、鹹味香濃，肉味柔軟而爽口，都是媲美滋味的菜餚。第六道是脆皮乳豬全體，脆嫩濃香，甜味又脆，十分可口。第七道是海底椰螺頭湯，夠分量熱騰騰的豐富清新的湯水，濃烈鮮甜，充滿口味，最好味質感的湯水。八道菜:海鮮椒鹽鮮鮑魚，火喉剛好，不太硬而軟身，濃烈的海水味，滑嫩鮮甜爽口，但是野茶好像不夠新鮮，有些苦澀味道。九道菜有凊蒸沙巴大龍躉，肉質嫩柔可口，魚肉鮮甜，魚分量比較

今日端午節應朋友邀請到他家附近囍慶酒樓，應下節順便聚一聚。一行七人点了半席千多元套餐，有魚有乳豬，蟹蚶，龍蝦伊麵等等，好似好豐富。比較多人，所以都等了一會。終於上菜，見到都o咀，龍蝦伊麵，龍蝦未發肉，冇蝦味只有腥味，找到有肉位置一点彈牙都冇。伊麵得小小，味道不用多講。超細瓜甫珍珠鲍魚，真係蒸魚算正常鞋炸子雞又係幾舊有肉，其它骨位多蟹蚶樣平凡，但出奇地彈牙食到中段再加了燒汁牛柳粒有驚喜好餸飯。全晚大家覺得最好食這個套餐還有炒蜆，味道一小籠蒸馬拉糕。平時都有過囍慶，盛讌，今次去屋村商場囍慶都算大開眼界。食物味道質數算差，服務差，好似舊式酒樓，追不上時代。在附近只有這間箅大型酒樓，冇得選擇才幫襯。

夜晚同屋企人係顯徑商場食飯，去左「囍慶酒家」晚上八點半左右個場都比較靜，只有寥寥數枱。今晚主要食海鮮，打頭陣嘅係炸蠔，新鮮炸起熱辣辣，仲要隻隻都超肥美！椒鹽海蝦好惹味又夠大隻，不過海蝦略嫌少左啲鮮味。鮑魚唔算好大隻，但係好鮮甜，好彈牙，蒸得岩岩好！扇貝加粉絲味道好好，唔會太咸，不過蒸得有點過火了。龍蝦伊麵正！龍蝦鮮甜又啖啖肉，不過麵底少左啲，一人都唔夠一碗⋯⋯炒蟶子夠大隻！鮮甜彈牙～無得彈！蒸龍躉超大條，肉質嫩滑鮮甜！估唔到「囍慶」啲海鮮做得咁好！

母親節四圍都係人，食咩好呢打開報紙就被這廣告吸引住，又近屋企方便一家人，胆粗粗就揀左個龍蝦海鮮宴，專登訂後一天唔同其他人迫。還要免費有啤酒，酸梅湯同橙汁兩小時任飲，個個都食到個肚脹卜卜，真係超級抵食全體乳豬，皮脆肉嫰又唔太肥白灼海蝦都好鮮味椒鹽鮮鮑，平時果皮蒸就試得多，椒鹽做都好野味上湯龍蝦伊麵，蝦肉彈牙鮮味，一食就知道係新鮮貨豉椒炒聖子皇，份量多又爽脆清酒煮蜆，湯底用上昆布令蜆肉味道更突出酥炸生蠔，我最驚喜係舊式蝦片做點綴胡椒焗蟹，只是蟹細左少少，但都好夠鑊氣杏汁燉花膠，杏汁濃郁花膠真係好滋潤龍躉兩食，蒸頭腩同炒球上湯浸時蔬

五月第二個星期天中午，陽光明媚。母親節，來個家庭聚會，有老有少的話通常上酒家吃點心，於是選在外婆家附近的，原因是附近好像只有這家酒樓，選擇單一。所有點心的質素普通到不行，鮮蝦餃皮太厚太黏，裡面混了點點肥膏，吃不到鮮蝦的味道。 叉燒腸也是，皮厚而且不夠細滑，叉燒的份量很不足，即叫即制也抵銷不了它本來就不好吃的事實。 雪山叉燒包就比較有趣，其實是菠蘿包外皮，但裡面裹著叉燒，入口就好像雪一樣瞬間化掉，挺奇妙的感覺。其他如炒四季豆的小菜類也是不夠水準，一堆油浸泡著四季豆，看著就覺得油膩。四寶滑雞扎裡面居然有芋頭，是不應該出現的東西呀，簡直要哭出來了。服務方面每個人很明顯的都不在狀態，是有一個經理好一點，其他的要嘛沒人經過，經過不搭理，還會不停回嘴，坐了十多分鐘居然沒有人給我們點心紙，獨 市生意就多加點人手呀。

This time I choose this Chinese restaurant for my lunch hours time. I’d order my favourite dishes ‘叉燒飯‘ and ‘炒貴习’. These two dishes seem quite cheap and the taste is similar with other traditional Chinese restaurant. So, I’d gave a pass for these two dishes.喺早茶時分嗌叉油雞飯喺最抵架！只需$2x就食得到 快餐都未必有咁平 但味道方面就一般 叉燒太乾未夠多汁而雞就太咸 可能放得太多豉油既關係令到個雞過咸 炒貴习方面 味道做得相當入味 食得岀炒得幾夠火候！材料十足 值得一試

上次三人食過「八道鮮味海鮮宴」好新鮮及抵食，今次約埋家人食「片皮鴨龍蝦九大簋宴」$898/六位加一個個食到捧住個肚走1。堂弄京式片皮鴨 - 較多肥膏 麽麼皮太大塊 黐埋好易夾爛 2。高湯波士頓龍蝦伊面 好味3。澳洲帶子泡彩椒 好味4。杏汁燉花膠 好滋潤5。煲湯灼菜芯一般6。清蒸海龍躉好滑7。瑤柱貴妃雞一般8。鴨崧生菜包較鹹9。懷舊馬拉糕飽到食唔落10。一酌橙汁+3罐汽水

冬至日家人各有各忙🤨,改今天😋一行十一人,早三日已訂位,所以不用等,有大人有中童樣樣都想食,叫了一款六人餐內有🐔🐟龍蝦伊麵乳🐷同幾款餸同🍉再加了幾個餸(鵝掌海♥️煲,炸豆腐鮮尤,6人以上可加十蚊一隻白切🐓,太極鴛鴦🍚,安格斯牛炒牛河,椰青水好飲)碟碟餸都正常size,不會縮水,味道都ok😋,只系碟龍蝦伊麵無乜味,慢慢食,傾吓同📸吃了兩個半鐘,不用趕🦆仔咁限時真爽呀？😗坐得舒適,失望的😔是沒有糖水送,太至上都ok，除了以上餸,特價小菜還有幾款套餐可供選擇有D仲包茶介加一,下次再試吓先。😁

今晚收工約左幾年無見嘅朋友,他住在沙田區,這次由他帶路,去左顯徑商場囍宴酒家食晚飯朋友大力推薦,我當然要問下有乜賣點,原來這裡正在推廣多款超值套餐,二人餐共有八道菜,包你食到捧腹而回,咁抵食,咁就真係要試下八道菜套餐分別係上湯開邊龍蝦伊麵龍蝦都幾多肉,肉質彈牙,夠晒鮮味,伊麵用上湯煨左,好夠味豉汁蒸元貝雖然細細隻,但都很鮮甜,秘製豉汁好惹味椒鹽蝦用椒鹽爆炒,非常甘香夠鑊氣,蝦肉很鮮味清蒸海上鮮原條黃立倉清蒸,魚都算幾大條,酒樓食魚當然夠新鮮,魚肉有一定油脂,配埋蒸魚豉油,相當美味油鹽水浸花甲花甲算幾大隻,肉質鮮甜紅燒開邊乳鴿即炸熱辣辣送上,皮脆肉嫰,肉質嫰嫰金銀蛋浸菜苗菜心苗鮮甜又夠嫰酥炸大生蠔用薄身脆粉包裹著大生蠔,香口之餘,生蠔海水味及鮮味仍保持得很好蛋白炒飯飯粒炒得夠晒乾身,鑊氣十足還贈飲橙汁,啤酒或椰青水, 食完仲有紅綠豆沙送,呢餐真係夠晒超值

今日去左位於大圍既「囍慶酒家」，去到大圍站可以行15分鐘又或者轉小巴都可以！去到order左一個$438 既8道鮮味餐，包晒唔同既海鮮，仲有飲品，蛋白炒飯，同甜品！首先上左「酥炸大生蠔」有2大隻！好新鮮好脆！蠔味充足！咬落去脆卜卜的！「紅燒開邊乳鴿」是剛炸好的，咬下去皮脆肉嫩，仲會有肉汁流出來！是意想不到既驚喜！「椒鹽蝦」有5/6隻，都是些香口野，如可以配上冰涷既啤酒就一流啦！「油鹽水浸花甲」是花甲配上略有調味既上湯，把花甲既鮮味調出黎！中和其他菜既濃味！很有家既味道！「上湯開邊龍蝦伊面」有一隻開邊龍蝦，加入上湯去調味！伊面軟硬度剛好，一人可分上一碗份量！「金銀蛋浸菜苗」是用上菜心的，不過不失！「清蒸海上鮮」是用新鮮既倉魚，蒸的剛好熟透，皮肉爆開證明是用新鮮魚，不是死魚喔！最後上埋蛋白炒飯，清清地也是一人可以食上一大碗，不會不多！食埋呢個都好飽飽啦！員工都好勤力收碟同加茶水，同時平日既關係不算不多人，坐得好舒服！下次也可和家人來試試！$438仲係包埋茶芥，免加一，係全包價，好抵食下！

話說家中兩老同小朋友無異，一樣愛扭計😂近排公司實左太多野忙所以都無同佢地飲過早茶，難得今日老細唔係公司就靜雞雞出黎陪下兩老飲個午市都好😍午市時間果然好多人，好彩職員都安排得好好唔使等太耐好多點心揀，兩老又心大心細胃口更細屬眼闊肚窄型，咁都係我發板啦😂即叫即製叉燒腸非常足料，勁多叉燒，腸粉應該係因為餡料太多所以包多左幾層但因為夠哂滑，所以都無影響到口感蘿蔔千層卷超酥脆，蘿蔔絲一條條細緻分明，亦唔會有苦味其他點心都非常足料夠味，而且新鮮熱辣之餘都唔會令食客等太耐👍🏻下次一定會再黎食過🤗

同朋友喺附近行緊街，就搵吓有乜嘢美食，一行四人梗係要食返啲小菜醫飽個肚。見到酒樓有泊車優惠，可以免費泊車，有得食又有得免費泊車，非常方便。見到囍慶酒樓門面，環境舒適，而且座位位置寬敞，隨即店員就帶咗我哋入去坐一張大圓枱。酒樓以小菜、海鮮同埋套餐為招牌菜，而且多種種類選擇，包括時令小菜、燒味、主食同埋海鮮等等。酒水方面，餐廳亦提供啤酒、汽水、橙汁同埋椰子水等，當然唔少得叫一一支啤酒同埋一酌椰子水爽一爽喉嚨。突然間好想食海鮮，而且見到酒樓入面嘅魚缸海鮮種類都頗多，非常生猛！所以我哋就叫咗二人套餐嘅$438八道菜鮮味，另外再加錢食每位嘅份量。豉汁蒸先元貝一共有兩隻，開咗邊之後有四隻，每一隻元貝入面都有醬汁同埋洋蔥等嘅配料，食落去元貝爽口彈牙，非常新鮮入味。勁蒜蒸桂花蚌由於我哋比較鍾意食貝類，所以好快就清晒。蒜蓉粉絲迷嘅我隨即攞起一隻，一大啖食晒，時間煮得啱啱好，食落去質感唔會太老。除此之外，朋友都大讚紅燒開邊乳鴿同埋椒鹽九節蝦同樣滋味。仲有一條清蒸海上鮮-金倉魚，都幾大條，魚肉非常鮮嫩，而且肉同埋骨分明，簡直係送飯一流之選。食返啲蔬菜-金銀蛋浸菜苗為呢一餐豐盛嘅中餐畫上句號。最後我哋四個人埋

難得同屋企人食飯，就去啲比較靜啲嘅酒樓大家聚埋一齊食飯。見到商場入面有一間叫做囍慶酒樓，就去試吓。餐廳門面開陽，而且招牌大大隻字，仲係以我最鍾意嘅白色為主題，華麗而且有氣派。餐牌圖文並茂，而且食物圖片非常吸引，價錢合理，每款餸菜都唔超過$100，好抵食咁。另外仲有套餐餐牌選擇，2人套餐至12人套餐都有，隨即我哋叫咗二人套餐-$438八道菜鮮味。套餐有八樣菜式，大多數以海鮮為主。不得不讚當中嘅紅燒開邊乳鴿，外皮燒得好香脆，而且每一邊乳鴿都好多肉，特別雞髀位置肉質鮮嫩，而且好夠味。海鮮方面包括有椒鹽九節蝦、豉汁蒸先元貝同埋勁蒜蒸桂花蚌等等。椒鹽九節蝦炸得香脆可口，蝦殼面鋪滿椒鹽，就咁用口剝蝦殼連帶埋蝦肉一齊食，更加入味同埋滋味。食到咁上下，要叫食啲蔬菜嚟清一清腸胃。金銀蛋浸菜苗好大碟，入面有鹹蛋黃、蔬菜同埋木耳等，飲一啖湯好清甜，蔬菜新鮮入味。而且汽水同埋甜品多款選擇，套餐中中附送一酌椰子水或者橙汁，食完呢餐飯飲幾杯橙汁更加滿足。

諗住屋企人方便食一圍海鮮套餐、上下人員完全冇經驗 廁所阿姐好過佢，問上菜一個轉一個當耳邊風，服務態度垃圾級 重要加一 冇服務 完全唔掂 ...................

今晚又同媽媽食好西 呢間係佢朋友介紹聽聞呢個海鮮餐抵食過自己去街市買喎又睇下係咪咁抵⋯侍應好快招呼我地坐低 又幾熱情喎套餐包橙汁或者椰青水 我地㨂左後者棷青水重有粒粒棷青肉 清清地有啲口感 唔錯坐多陣 乳鴿來了 皮脆肉嫩 好juicy勁蒜蒸貴妃蚌 加 豉汁蒸元貝 蒜蓉嘅香味完全被粉絲吸晒 好正豉汁蒸元貝 味道岩岩好 估唔到咁夾咁油鹽水浸花甲 咁樣食 反而特顯咗鮮味之後係上湯開邊龍蝦加伊麵 龍蝦好鮮好彈牙重有椒鹽蝦 份量雖然少少地 不過都好惹味最尾重有清蒸黃立䱽 勁大條