四寶食堂

营业中

休息中

其實真係成日都經過炮台山，終於有機會去四寶食堂食飯，今次係同朋友一齊去食晚飯。印象中呢間係幾出名嘅茶餐廳，都幾多人去食，而我今次最想介紹嘅係咕嚕肉！🧡拔絲山楂汁菠蘿咕嚕西班牙黑豚肉佢個名好長，但味道真係好好啊！個汁係好濃郁，而最鍾意係佢竟然有買燒菠蘿，令到成件事好討好！推薦大家可以一試！晚飯仲加咗佢個燉湯，味道都唔錯㗎 ！

相信大家對四寶食堂都唔陌生，早排放lunch就同同事係公司附近食野，lunch款式都幾多選擇，除左平時既餐牌之外，佢地都會定期更換限定menu，今次叫既Set味道都唔錯有驚喜😉 炮台山店限定: 四川水煮板腱牛肉煲仔湯飯 $68上枱見倒係用煲仔上已經加分😊板腱牛肉份量都幾多，食落有咬口，上面仲加左炸蒜更有風味! 配料有雲耳、芽菜、青瓜、萵筍，湯底香辣配飯一流 「拔道腩」水門雞飯 $68「水門街」的泰文讀音係「拔道腩」，雞肉食落都好滑肥瘦均勻，值得一讚個飯幾好食帶少少椰香味，值得一試😝 招牌瑞士汁炒牛河$60鑊氣之選，上枱熱辣辣，瑞士汁香甜惹味，入面既牛肉都好大件幾香口

公眾假期，想吃早餐，炮台山區，原來選擇不多，因為很多餐廳，公眾假期沒有寫字樓返工，才會休息。幸好有四寶飯堂！早餐價錢，不到$40 ，其實算係十分大眾化。仲有迷你菠蘿包作為餐包，無論嗌沙嗲公仔麵，或者普通火腿意粉，沙嗲牛嘅份量，及火腿嘅份量，絕對不少。而且職員態度良好，你有什麼要求，例如少甜少奶少冰等等，完全滿足到你嘅要求。而味道呢，正正常常，唔會差得去邊。雖然有其他食客在排隊等位，但是職員沒有催促買單。算係相當唔錯。此四寶飯堂，成功擺脫咗一般本地茶餐廳茶記嘅粗鄙感覺，絕對適合斯文寫字樓OL。

之前旺角食過四寶 比特色花花牆吸左我入去幫襯過質素係唔錯！由於我係一個唔中意入茶記冰室食晚市客飯/套餐嘅人好中意夜mama先點常餐、食茶餐之類果種黎～～四寶食堂又幾多選擇wo酥皮蛋撻$7 老公見到話好耐無食要番個，味道正常發揮！拔絲山渣汁菠蘿咕嚕西班牙黑豚肉 $88調味唔會好甜，拔絲呢下好療癒，配菜還是切好擺盤的新鮮菠蘿晚市常餐喜哥蔥油豬扒 $68豬扒大大塊，蔥油好惹味！帶骨位置重油香+ 菠蘿油 炒滑蛋 菠蘿包脹卜卜，超大個！牛油冰鎮另上熱奶茶 好順滑唔會好重奶味沙茶牛肉菜遠炒河 $68沙茶好濃郁，包裹晒整碟河粉檸檬多多梳打 冰室/茶記少有嘅飲品，像台飲店出品拔道腩水門雞$88半隻 半隻份量算大隻，雞肉幾嫩滑淋上甜醬油～

平時同屋企人都好鍾意食四寶嘅早餐，炒蛋好滑好高質，廚房功力唔錯👍🏻 水吧都唔錯，檸茶一流今日媽咪唔想煮飯，於是就落咗去試吓佢嘅晚餐，叫咗四個養生燉湯晚餐，再炒多咗個菜。👉🏻養生燉湯呢個係全晚嘅重點！超好飲，係用排骨去煲，啲肉都食得。餐廳仲用咗桃膠，超級滋潤，做到好濃稠嘅口感！飲完覺得好補，同埋好夠熱！👉🏻晚二：麻辣四季豆炒豚肉惹味鑊氣之選，肉仲多過菜🤣 1:1，啖啖肉，而且質素唔錯，冇乜豬嘅騷味！辣道啱啱好～👉🏻晚三：星洲醬金薯豬扒呢個好有驚喜！因為睇個名唔係好知係咩醬，又唔知咩係金薯🤣個醬係酸酸地，金薯原來即係番薯，兩樣嘢加埋酸酸甜甜，勁開胃！雖然豬扒都好好食但係個番薯真係變咗重點🤤👉🏻晚四：脆瓜炒斑球翠玉瓜炒魚～簡單菜式，菜同埋魚都好新鮮👍🏻👉🏻晚六：豉椒炒蜆啲蜆好新鮮，份量唔少，亦都唔會太鹹👍🏻👉🏻薄荷菜心苗炒黑豚肉啲菜好嫩口，豬肉都炒得啱啱好！但唔太食到薄荷味🤣整體都幾好食，同埋我勁鍾意呢間餐廳嘅顏色🤣 唔似普通茶餐廳咁頹！

呢間餐廳位於炮台山油街附近,朋友話佢食過呢度既碟頭飯好抵食大大碟,餐廳顏色鮮明藍綠色格調,座位都幾多,出面好多人排隊等位,仲有個外賣位置係賣出爐麵包既,呢度最出名既係滑蛋叉燒飯,不過我地見佢午餐有新推出既冬天必食既羊腩飯,咁就叫左一個羊腩臘味糯米飯,羊腩都幾入味仲有腐乳味冬天食呢個加埋香噴噴既臘味飯,真係好抵食,另一碟叫左荷葉雞肉飯,荷葉好香,仲有蟲草花,好藥膳同比較清淡健康FEEL,奶茶都幾濃茶味,熱飲都好大杯,所以都真係幾抵食。

喺炮台山站附近，肚仔餓，要食嘢，上網Google一下，見到呢間餐廳，去過佢其他分店，大件夾抵食，咁就唔再諗啦，近近哋行過去開餐😆叫咗 $60 嘅「喜哥蔥油豬扒🐷飯🍚」，包飲品叫咗「熱奶茶☕️」😋；「蔥油豬扒🐷飯🍚」嘅 豬扒🐷真係大塊🤩，兼厚切😋，好多肉😋，咁厚肉質都依然幾軟熟😋，我仲叫咗「多蔥油」，「蔥油」香口，撈飯一齊食好正😆食完「豬扒飯🐷🍚」仲有啲意猶未盡，再叫咗 $45 嘅「公司出前一丁」😆，「出前一丁」就梗係好食啦😆，「公司」即係配有 煎蛋、午餐肉、香腸、火腿片，幾豐富😆呢餐真係食得飽飽，好滿足🤩

炮台山都幾多茶記，不過呢間Tiffany blue嘅門面就真係幾突出✨️入面裝修幾新淨。茶記一定要試奶茶💟呢度啲奶茶夠香滑，唔錯。魚香茄子鹹魚雞粒煲熱辣辣，雞肉好多好滑，冬天恩物🎄酥皮蛋撻唔會太甜，酥皮酥脆香口，唔會好鬆散豆腐外脆內超滑💕有啲七味粉香。食物種類唔算話好多，但係都不乏新穎嘅選擇，例如我呢個阿華田特飲，有濃厚嘅忌廉喺頂，已經生色不少。仲有其他梳打類飲品、流心多士等。不過我去嗰時係夜晚，已經賣哂包，無緣試。人均：$50-100

🇭🇰四寶食堂·我地個日本身諗住食朋友推介既半島冰室既 點知原來佢星期日唔開 所以最後就黎左呢間🤣🤣·黑蒜油叉燒滑蛋飯$60 l 瑞士汁雞脾黑蒜蔥油撈公仔麵$56 (菠蘿油+$8)佢呢度嘅嘢食真係超級大份 我哋最後係完全食唔晒 攞走咗個菠蘿包做第二日嘅早餐🤣🤣佢個叉燒滑蛋飯真係超級大個 入面仲要超多厚切既叉燒 口感唔錯🐷不過我自己就覺得佢個蛋偏杰身少少 感覺好似落左啲芡咁 配埋啲黑蒜油食落比較膩🫢反而佢個飯質感出奇地幾好🍚😂之後佢另外個雞髀撈公仔麵都係食落偏鹹 個雞扒入味就入味啦 不過我自己就覺得佢滷得有啲太耐 所以雞肉偏乾🐤最後個菠蘿包反而唔錯 就算我哋第二朝焗返熱都仲係好好食 麵包個質感好好 而且面頭嗰個菠蘿皮調味都剛剛好😎·#rbyeat#rby港式#rby北角 #rby炮台山 #rby銅鑼灣 #rby旺角 #rby將軍澳·📍北角炮台山電氣道258號華凱大廈地下C及D號舖📍銅鑼灣謝斐道482號兆安廣場地下1-3號舖📍旺角豉油街23號地舖📍將軍澳唐德街9號將軍澳中心1樓137E號舖

星期六同屋企人嚟到四寶食堂食野，裝修都幾靚。食物款式種類多，我哋六點前入到去都仲有下午茶食，而且價錢合理。東京黑蒜蔥油撈公仔麵配自家製吉列豚肉眼扒吉列豬扒大大塊，而且都幾厚，炸得香脆唔油膩，肉質鬆軟。撈公仔麵做得幾出色，麵質軟硬適中，幾彈牙，撈埋黑蒜同蔥油，味道濃郁惹味。拔絲山楂汁菠蘿咕嚕西班牙黑豚肉賣相幾靚，用筷子夾出嚟真係有拔絲嘅效果，咕嚕肉大小適中，外皮仲keep到脆脆地，肉質夠腍，醬汁酸甜適中，非常開胃。低調沙嗲金菇封門牛柳粉絲砂煲沙嗲汁香而不膩， 花生醬同沙嗲醬嘅味道平衡，口感濃稠，令粉絲同金菇更容易掛汁，牛肉採用封門柳，牛肉味重，厚薄適中。酥皮蛋撻酥皮鬆化唔油膩，蛋漿軟滑，入口啖啖蛋香，甜到啱啱好。 朱古力雪山朱古力味道幾濃，質感軟滑，甜度適中檸檬多多梳打酸酸甜甜，幾開胃解渴

今日加班，同事在工作地方尋找了一個很現代感之餐廳，吃了一個快快的晚餐，食物也很棒。網上介紹店子分店，有很多特別的茶餐廳食物。門出面有即做的面包，面包看上來外層酥脆，旦香滑；好吃感覺；雞批酥皮脆，餡料多，街坊也有買包包！應該不錯同事點了一個燉湯晚餐好味～燉湯真的做得好好，五指毛桃蟲草花燉排骨，濃味而清甜，湯棒，同事覺得湯更好吃，湯底加了家常配料，不錯！ 常餐新鮮即叫即做，真真正正內脆外軟，多士燙口～滑旦很大份，有隻碟的多，加上多士大份，好棒!奶油豬朋友吃的了一個大說不錯，帶回去明早再吃西多士一上枱呆了～因為擺盤好心機～絕對要一吃，是流心感滿滿!飲品也不馬虎，朋友點了互相平衡，入口味道好，好飲！今日這間新式茶餐廳，裝修用色少女心，棒～門口位是半開放式做面包外賣走時要買很多包包～

每次提到港式餐廳不得不提香港獨有嘅茶記，一般茶餐廳裝修都會比較懷舊風，而今日介紹嘅呢間唔單止門面光鮮，更用左Tiffany blue作為裝修主調顏色，屬於新派茶餐廳。🌟拔絲山渣汁菠蘿咕咾肉 $88呢道菜做得最出色，拎起有拔絲嘅效果，一般餐廳都會用罐頭菠蘿，而呢間選用原個菠蘿切開上，誠意十足。🌟黑醬胡椒粉絲大蝦煲 $88黑醬胡椒粉絲煮得入味，大蝦收埋左係底部，大概有4隻左右，食落唔會霉。🌟椒鹽豆腐金磚 $68開頭以為豆腐係一口嘅份量，上菜嘅時候原來係都幾大份，豆腐炸得香口，而且保持到嫩滑嘅口感。🌟酥皮蛋撻 $7酥皮有層次，中間嘅蛋夠滑，食落唔太油。🌟阿華田雪山🌟檸檬利賓納梳打飲品方面可以跟餐價錢叫特飲，阿華田雪山係邪惡版凍華田加大版，，上面鋪滿軟滑嘅忌廉同埋小量阿華田粉。📌四寶食堂北角炮台山電氣道258號華凱大廈地下C及D號舖🚇港鐵炮台山站 B 出口, 步行約2分鐘📍#炮台山

尋晚睇完世界杯， 對越位呢家野又要重新認識。 睇睇下波個肚都開始肚餓， 唯有訓醒嘆個Good Morning。 返工前經過人氣茶記-四寶食堂， 門口已經排緊隊， 等一陣好快入座。今日整個靚靚早餐，他他醬深海炸魚柳， 嫩滑炒蛋， 牛油粟米， 熱奶茶。咁大個仔都未食過咁大塊炸魚柳做早餐， 炸魚柳有一隻半手板咁大塊， 熱辣辣， 炸得金黃， 外脆內軟， 魚柳嫩滑， 好好食。滑蛋充滿蛋香， 份量極多， 加埋香甜牛油粟米， 呢個Good Morning 真係掂。最後嘆埋杯香滑奶茶， 茶香奶滑， 食飽就要返工啦。

四寶食堂絕對係高質嘅平民食堂，選新假期別去餐廳，連UMagazine都有介紹。價錢平民，有好多間分店，每次行過都見到好多人排隊。呢度除咗茶記必有嘅碟頭飯，中式、西式、特飲都有。蔥油豬扒飯：豬扒閹得好惹味，分量十足，唔會煎到冇晒肉汁，成碟飯都充滿鑊氣🔥蕃茄薯仔牛肉通粉：配埋好嫩滑嘅炒蛋，牛肉好多，絕對鮮嫩，好濃牛味，通粉唔會煮得腍身。菠蘿油：加$8就有，鬆脆出爐，有情懷嘅味道，好有飽肚感，超邪惡！😈📍四寶食堂 (北角)北角炮台山電氣道258號華凱大廈地下C及D號舖#四寶食堂 #香港美食 #銅鑼灣美食 #北角美食 #旺角美食 #將軍澳美食 #茶餐廳美食 #香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香港#吃貨#photooftheday

想食菠蘿油，就諗起四寶食堂，決定去食個下午茶。門口都係有好多人排隊，果然係受歡迎嘅Tiffany Blue食堂。今次去炮台山嘅四堡食堂有自家烘焙，麵包出品都係新鮮熱辣辣香噴噴，最啱下午茶嘆下🤩𝗕𝘂𝗯𝘂推介🔥👍 芝士流心蛋豚肉眼墨西哥包下午茶餐🤩 本身諗住係一個小小漢堡，點知上枱好震撼💯 墨西哥包夾住大過我塊面嘅豬扒，加上流心煎蛋同芝士。墨西哥包做漢堡包，帶少少甜味同酥酥地嘅口感。豬扒好鬆軟又煎得香，呢個配搭💯👍 瑞士汁雞脾黑蒜蔥油撈公仔麵睇個名都知呢個配搭一定好食😋大大隻瑞士汁雞髀，外層香甜，入面肉質嫩滑多汁。加上黑蒜蔥油撈公仔麵，上枱已經聞到勁香，食落滿口蒜味，真材實料😺👍 菠蘿油菠蘿油除咗係香港地道美食，更係四寶食堂必食，好彩嘅仲會遇到新鮮出爐嘅菠蘿油。熱辣辣嘅菠蘿油夾住凍冰冰嘅牛油，味覺沖擊，簡直係一大享受🫶📍四寶食堂北角炮台山電氣道258號華凱大廈地下C及D號舖