四川美味 (已結業)

😋手工涼皮 $25 (+$8雞絲)葵廣咁多野食，而呢間川菜小食店又咁多人排隊，點都要試下。除左有涼皮仲有青瓜絲、芫茜、豆乾、脆豆、雞絲，配料嘅份量都多，食到最後都仲有。除左雞絲仲可以加其他配料，例如豬耳，豬耳木爽口。涼皮粗身又夠爽滑，又夠凍，加埋個酸辣汁，夠惹味又開胃，如果唔食得辣可以叫小辣/走辣，不過加小小辣就比較好食。不過就冇得坐低食，買完要企埋一邊食。----------🔎四川美味🚩葵芳葵富路7號葵涌廣場3樓

呢間四川美味已經食左幾次，不過之前都係試佢既手工涼皮，都幾好食今次就試左佢既涼麵，但冇諗過涼麵比佢更好食。平時佢門口前面都幾多人排隊，可能因為佢又平又好食。我叫左個涼麵（＄20）加麵筋（＄8），都係＄28咋。店員會即刻係面前拌個麵，你可以望到佢加咩菜落去👍🏻佢有大中小辣揀，但我唔食得辣，就叫左一個走辣既涼麵，不過因為用同一個鍋拌既，所以都有小小辣，都仲接受到既😂一打開個蓋，就見到好滿既配料😍佢加左好多既芫荽落去，但個味係我本身唔食芫荽既人，都好中意食😂😂d麵即拌都好入味，又有青瓜，好爽口好啱夏天食。特別係d花生，食到最後都好脆！同埋相比粉皮，食麵係更加飽，同埋有d澱粉質落肚咁，作為晚餐都唔錯～

手工涼皮😍愛了愛了！！·$25 一碗⋯好抵食😳😳大食仔死都唔試⋯話唔健康點點點🙈對我黎講唔健康既野真係特別好食😂 點了小辣，酸酸辣辣真係好岩我口味😍青瓜🥒脆口⋯但食下食下，好多油🙊收手唔再食🙊忍痛捨棄左1/3🥺·食完頭痛左半日⋯味精好重啊🥺念念不忘但都無下次了·📍四川美味葵芳葵富路7號葵涌廣場

呢間之前已經食過幾次 超好食 無論個涼皮嘅質感同個厚薄都恰到好處👍🏻好滑 涼皮入面又加左小小配菜 完全吾會膩💓超fresh 加小小辣吊味好正 價錢都好合理 成日見到排曬隊 值得一試千奇吾會去錯葵廣重慶xx果間🤢又油又無味又難食

個人都好鐘意食酸辣粉雲南米線之類呢間小店第一次食叫左個四川涼皮$25價錢合理份量都夠只係叫左小小辣同行老公怕食辣整個味道都好夠酸同辣都平衡都好好帶好少麻，涼皮又夠滑真心覺得唔錯因為好食所以臨走另外叫多個豆干再加倆個粉回家食(車程50分鐘)食既時候已經冇咁好食涼皮索得太耐所以現場食係最正！而麵我覺得都係冇涼皮咁好食不過就大碗過涼皮又平啲($20),抵食！另外豆干8蚊就有一大串好抵食一樣只係微微辣但好香，唔會好似出面做到死辣咁下次一定再食過！最後，啲姐姐好友善同有禮貌唔會因為人多就冇禮貌

呢間四川麻辣手工涼皮係第二次幫襯。第一次經過見到一堆涼皮放在門面，即場下單新鮮下醬搞拌很吸引，就買了一碗來吃，之後念念不忘，這日再經過就買了回家吃！這次點了中辣的四川麻辣手工涼皮加豬耳和雞肉，本身涼皮是有青瓜和豆腐的，加$8就可以加點其他餸。先說說醬汁，這間醬汁夠多夠辣，因為是店員是即場在大碗搞拌，所以每口都有辣醬汁味，配上青瓜絲吃上去並不會太過辣，非常美味。不過加點的雞肉和豬耳相比我第一次吃涼皮加點的餸份量相約，因為外點的餸是在店內加，個人沒看到實際份量，但是加一餸的份量其實差不多等於兩餸份量，所以如果不是太想吃多幾款口味，加一餸是比較抵的。

係葵芳返工的我，日日都經過葵涌廣場，周不時都會試不同小食。葵廣有好幾間四川小食店，雖然未食過哂，但為左呢一間，寫了第一次食評。店舖係頂層，放工時間，次次都大排長龍。自己好鍾意食辣，今次試食了手工涼皮配雞絲同雞腎，男朋友就叫了四川擔擔麵加牛丸。涼皮我選了小辣，涼皮好滑，仲有大量青瓜絲和脆黃豆。加錢要的雞絲和雞腎，份量都好多，特別一提，雞腎唔硬，係脆口的，真係加錢都值得一試。四川擔擔麵，男朋友叫了中辣，麻麻辣辣，對我黎講，有點太辣，但係食完唔會覺好咸好口渴，肉碎份量都好多。呢間小店雖然好多人排，下次一定會試下佢地的酸辣粉。

食物質素 9/10每次過黎葵芳都一定要食尼間既涼皮，就算唔當場食都要外賣一碗番屋企慢慢歎！不過我就覺得即食個口感會比拎到番屋企好味！四川涼皮尼度既涼皮好有咬口，口感有啲似腸粉，唔似試過係第二間買咁淋身！加上佢自家調配個醬好好味，酸辣度適中，唔會話酸搶左陣辣味，陣辣味又唔會蓋過左酸味！就算唔加送，尼度都會加左好多配料比你，有青瓜絲、魚片同脆黃豆。魚片同脆黃豆夾埋啲涼皮食又真係好一流！環境衛生 7/10舖頭雖然細細間，但望落都乾淨！服務質素 7/10人手唔算多，通常要排隊，不過都唔洗等好耐

其實我本人真係唔食得辣，但係食過一次依個涼皮真係返唔到轉頭。🥺本身涼皮配料已經非常之多，所以其實細食嘅朋友仔都可以選擇唔加餸。🤣由於唔想40幾蚊食一碗涼皮，所以我平時都只會叫海帶絲，$25加$5都只係$30😋辣度方面我選擇BB辣，因為自己唔食得辣，但係又鍾意食酸野，所以我會叫姐姐幫我落三匙羹嘅酸汁。姐姐們嘅態度都非常之好🤩你話加幾多就幾多！多芫荽又得！如果過嚟葵涌廣場掃街唔知食咩好，或者你又好鍾意食辣，我都極力推介呢一間鋪頭俾大家🤪🤪🤪不過平時都會大排長龍，最好就係下午茶或者平日嘅夜晚過嚟啦！

四川美食最近大行其道，特別係葵芳，都多左好多間四川美食。呢日餓餓地，係葵芳又唔知食乜好，就試左呢間啦！平日一至五lunchtime行過都見到排晒隊,難得今日放假反而無乜人，就決心試下呢個涼皮啦。涼皮一碗$24，入面仲有青瓜花生豆干等配料，都幾有誠意喎，價錢又幾合理！涼皮好彈牙,好好咬,鐘意食薯粉既一定會鐘意!我就另外加錢加左個雞絲，雞絲份量都唔少喎！辣度有幾種揀，我就揀左小辣，不過己經都幾辣下，好惹味！酸酸加麻辣，食得幾爽！我相信佢會係我黎緊夏天熱辣辣肚餓時會諗起既一個好選擇！

唔知咁多位朋友仔係咪一個嗜辣既人呢？點解咁講呢，因為越來越多小食店都會賣呢種小食「涼皮」，佢係中國陝西好出名既小食，黎到香港大多數都以四川/重慶小食黎作招徠，而開店既速度同茶飲店有過之而無不及，同一個商場除左茶飲店最多之外，第二就係涼皮店，可見呢種食物真係越來越受歡迎。通常呢種食物都係貪佢重口味，但唔係幾食得辣既我都叫左小辣，因為好似唔辣就失去左食佢既意義咁，呢間店成日去到都會幾多人排隊，唔知係咪因為佢好食啲呢，我無食過其他真係唔知，不過呢種食物主要都係靠調味，應該都係大同小異我通常都會叫小辣涼皮加雞絲，睇住個姐姐加入辣椒粒、芫茜、蔥、青瓜絲、醬油、糖、醋、脆豆......，最後完成品係一碗好澎湃好豐盛既涼皮，我就好鐘意食啲多重口感既食物，即係一入口就食到脆豆既脆、芫茜既香、青瓜既爽、涼皮既軟淋同麻、酸、辣既味道一直湧出黎，只可以講唔食辣既我都會一而再再而三咁幫襯，可能我已經上左癮啦每次都會透過以下6大方面評分(滿分:30分)味道 : 4 / 5環境 : 3 / 5外觀 : 3.5 / 5價錢 : 4 / 5服務 : 4 / 5 回頭率 : 4.25 / 5總分 : 22.75 / 3

#葵廣掃街食乜好上次介紹左太子食重慶既水晶涼皮，見反應咁熱烈，今次想介紹埋葵廣既手工粉皮，兩個涼皮既做法都好唔同，個人中意食兩姊妹既涼皮，因為用木糬粉做，而呢個就做麵粉造成的，不過都有番咁上下水準架😋。1️⃣手工涼皮 $25 好味指數：7.5/10涼皮呈長扁身， 軟滑嫩口，真係會一條接一接咁夾黎食 調味醬汁入面有辣椒油，白砂糖，大蒜，甜，醋，鹽，淨係調味料已經夠惹味😚配料方面，仲有青瓜、豆干、脆豆、芫茜、蔥花、花生等連涼皮一齊撈黎食 真係辣得黎又吃得痛快-👅味道: 7.5/10🍽賣相: 6.5/10🏰環境：6/10🙇🏻‍♂️服務: 6/10💎CP值: 8/10⚖️人均：$25↩️回頭值：85%

少少辣得黎 滑lulu又有彈性嘅嘅粉皮 配上香口嘅花生🥜同爽脆青瓜絲🥒一啖接一啖 係飽肚抵食之選🤤小編係澱粉控 表示好開心-This is a little spicy and fresh cold dish. The rice roll is elastic and smooth in texture, served with peanuts and cucumber strips. It is large in portion and should be a good choice if u want some street food tonget yourselves full up🥰-性價比：🤤🤤🤤🤤⚪️飽肚：🤤🤤🤤🤤⚪️味道：🤤🤤🤤🤤⚪️環境：🤤🤤⚪️⚪️⚪️（立食）服務：🤤🤤🤤🤤⚪️

🔅🔅🔅趁住放假當然去街逛下今日同朋友去左葵廣女孩子最愛商場之一美食好店全集一身慢慢掃街慢慢逛～🔸呢間小店位於三樓一行過已經見到人龍賣既都係四川風味小吃各式各樣麻辣燙涼拌粉面嗜辣既我睇到已經想流口水🔹<手工涼皮> 排隊之時聽到好多人都點呢款咁受歡迎應該質素不會差吧我們叫左小辣沒加其他送原來涼皮的份量都好多裡面有青瓜絲脆豆粒每塊涼皮薄得透光吃起來很滑嫩～麻麻辣辣好開胃😋🔸<麻辣豆腐串> 之前在大陸吃過難得係香港都食到豆腐全吸收了麻辣汁啖啖好煙韌滋味又過癮👍🏻🔅🔅🔅

呢間好似上次黎都未見有，賣類似但唔同左名🤔今次嚟到見到好多人排隊而且睇落賣相好似幾吸引喎一於試吓啦•🥣涼拌手工粉皮（$25）要咗小辣，加咗三款配料。雞腎（$13）肺片（$10）豆乾（$8）。本來面已經包左一啲青瓜絲🥒食落冇咩味，小辣好似唔夠辣，配料份量都還可以，粉皮嘅口感都幾彈牙，整體來講味道非常一般唔夠惹味，唔值得排隊，不過價錢都幾平嘅————————————-📍四川美味 (葵芳)葵芳葵富路7號葵涌廣場地下A75A號舖