影片
港铁屯门站 A 出口, 步行约5分钟
继续阅读
电话号码
25569033
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
🔎 屯門新安街2號富益商業大廈地庫L1-L5號鋪*「保育隱世抵食火鍋」回味軒食坊雞煲放題-屯門.經曆艱難既大半年，近月再爆傳染病，做小生意食店可謂苦不堪言，希望大家平安之餘，自家經營小商戶要涯過呢關，戰勝大集團。由結論講起, 138任食，你唔好期望有咩超級美食，但呢度絕對抵食好食，呢個質素大集團隨時收多你1舊水。呢度有保育既需要。鋪頭位於工廠區，一去到，都估到無乜人，呢個時候夠膽出街食更加係勇者。即炸乳鴿半隻任食既野，盡量留肚，坐底即送既野通常係浪費胃空間。呢度送乳鴿1開4，人頭跟1舊，上碟熱辣辣，唔洗點鹽，皮脆脆地，多肉汁，味道ok之餘，細細舊，唔係求其野，唔佔個胃幾多空間。酸辣烤魚($138)主打幾個煲/鍋，睇落都好正，不是味精滾水十下十下湯底。呢次我試烤魚式鍋底。黎到，舊烤魚大舊到佔個兜2/3size, 魚係即炸，外皮烤到香脆半熟再上鍋滾熟埋，另個湯汁唔係流灘，杰杰地野味酸小辣烤汁。心急人上即刻先食簿肉d熟左既腩位，鮮味滑o都o都，食下食下，再食d配菜，然後魚背開始熟埋，2個人淨係食兜魚到一半已飽飽地，心知不妙......仲未食出面d邊爐料.另外要推介個伴菜炸芋條，夠粉同索晒個烤汁。午餐肉唔知老闆瘋了定大廚輸馬，呢度既午餐肉應該叫午餐扒，一罐圓罐我估佢開到4塊上下，鐘意打午餐肉既夠晒滿足。菜6,7款新鮮蔬菜菇類，無乜客，d菜放係度今晚肯定食去唔晒，係有d可惜，我只係夾左2款，西洋菜同白菜仔，新鮮爽脆，唔會黃甘甘。食埋幾條菜已經飽晒。除自助吧外，另外重有張紙，點完，另外送上，我地一樣都無點，因為已飽晒 冷盤(豬手、鳳瓜、青瓜、木耳、皮蛋...etc)，糖水，咸菜豬肚湯.....佢同邊爐料分開對面，初初睇唔到，食飽4圍望先發現有咁既野。因為無乜客，都無乜點郁過，睇落好似幾吸引，但我實在已飽，連最鐘意食既麻辣皮蛋都食唔到了。罐/包裝氣水任飲味道同價錢，遠離人煙，今次係滿分。🍽10/10
继续阅读
屯門少有雞煲放題，論價錢真係抵到爛，((去過別的連醬料都不供應))，呢度任用，雞味濃，材料任食的也是平常火渦材料，雞煲也多款選擇，算超值，甜品推介雪米滋任食雪糕任嘆，飲品任飲，有炸物的任砌,炸雞亦，炸豆付，炸薯片等……主要又無加一，無加一，無加一#######################有車人仕，出面重可泊車(多位)########################適合三五知己食飯長談飯局屯門少之又少的放題，贊!!
继续阅读
短頭髮戴眼鏡帶位姐姐仔態度很好，我們第一次黎什麼也不懂她很有耐性的介紹。價錢很抵食，重要嘅係食物質數唔係差， 鮮蝦餃，牛肉，蝦都好好食，又有熟食檔，又有雪糕食，香芋味真係好正！胡椒豬肚煲我飲左幾碗湯，超好味，加湯再打邊爐都好好味！星期五六日唔會加錢，又唔加一，甘嘅質素同價錢香港地真係唔知係邊可以食到。不過上次星期日9點後魚煲冇晒，野食淨唔多，唔知係咪甘啱星期日多人，下次要早啲去試個魚煲，老闆又nice，真係非常之推薦！
继续阅读
$98 食雞煲放題！真係唔係夢！只要九點後入座就有優惠價$98 九點前都只係$128 任食兩個鐘🤘🏻🤘🏻🤘🏻重點：免加一😛免加一😛免加一啊！😛新店開張 送燒茄子 蒜蓉生蠔！.肥牛 蝦 羊肉 鮮蝦雲呑。。。一般有既都有提供😂糖水有芋頭 腐竹 蕃薯 好足料 夠味❤.我地揀左胡椒豬肚湯 先飲啖湯頭 胡椒辛辣 加埋鹹菜 一d都唔倫吝 唔會覺得hea客人 👍🏻二人前 有半隻雞份量 大大隻三黃雞 肉厚 皮唔會過肥 淥起熟 入口肉質唔鞋 啖啖肉 滿足啊！.熟食方面有 炒河 炒飯 沙薑雞腳 豬紅。。餐前小食 有拍青瓜 麻辣牛展 醉豬腳。。炸洋蔥圈 炸雞翼 春卷。。。雞翼好食🤤真係驚你食唔飽啊😂🤘🏻我地都覺得炸物好食過熟食既炒粉面😟.最後 食到反肚都要食翻幾球雪糕啦！香芋好食！雪米糍又有榴連味😂👏🏻👏🏻.呢個價錢真係超值啦！==============================三個90後吃貨會不斷開心share美食💓#愛吃也愛分享 #三個90後吃貨 #3bad_foodies#三個90後吃貨_屯門美食推介 ==============================回味軒食坊 雞煲放題 (屯門)屯門新安街2號富益商業大廈地庫
继续阅读