國際咖哩館

营业中

休息中

比起阿/亞龍的牛腩碎, 這裡無論是牛和羊肉件的份量和Size, 也真的闊卓得多. 除此之外, 這裡的咖喱種類在香港也算是無出其右. 如果說一種必吃的種類, 我會說是因色彩類似蘇門塔納的黑咖啡而命名的”蘇門”咖喱了. 墨黑的色調我還以爲是加了黑蒜, 聞下去一陣焦香, 吃下去非常有趣, 除了咖喱的香之外, 更有一種如肉骨茶般的甘香藥材味, 至於後發的辣味也令整個”蘇門”咖喱的層次更豐富.如此味道豐富的黑咖喱, 最好的拍檔應該是巴基斯坦紅咖哩, 加上蕃茄的紅咖喱, 味道是酸, 香和微辣的結合, 清新之中更令提升味覺的敏感度, 令黑咖喱的層次感更能被感受出來.

去了灣仔藍屋走了一趟，重建後的藍屋應該是香港保育做得較好的地點，希望更多像這樣的舊大樓被保育（利東街那樣的東西就不要攪太多了）。之後步行到和昌大押附近的國際咖哩館，之前已經黎試過佢地的重口味黑咖哩羊肉飯，煙薰過的香料調製成的黑色咖哩汁，羊肉小片但份量好多，因本人唔太食得辣，叫少辣都要飲三杯水，汁濃香料豐富，仲有淡淡的煙薰味，食過一次後成日都想再試。今晚同女朋友黎試，叫左兩款咖哩，甜酸羊同古馬蝦，加個簿餅，份量中等，兩個人食剛剛好。甜酸羊羊肉新鮮，炆得淋但唔會太爛，因為肉偏瘦沒有太多羊脂，羊味唔太騷(本人偏愛羊騷味)。甜度中等，但係乳酸味比較唔明顯，但奶味夠所以都算好食。古馬蝦就有少少失望，咖哩味都好香，送簿餅都幾好味，蝦量唔算多，每人三至四隻左右，但唔係好夠味，蝦肉比較淡，個人認為如果煎一煎先或者同咖哩炒多一炒先會再好吃一點，再唔係就連蝦頭或殼炒一炒就會再香蝦味一點，不過每間餐廳有自己做法，呢個都係純粹個人意見。簿餅兩份約有三片，黏韌而唔油膩，也算香口。

這間是灣仔區老字號的咖喱店，歷史悠久，據聞已超過30年以上，剛去完中環碼頭的友邦嘉年華會，相當累，要趕快充電 鍾情於這裏的咖喱牛舌，份量很多，超值! 加上超厚切的 size, 增加了咀嚼感，吃得相當 Happy! 炆得也十分腍和入味，配上白飯吃，真的超好味 有分大、中、小辣的，任君選擇，今次要了中辣，很入味，刺激著我的味蕾很捧呢另一款咖喱羊配搭麥餅， 喜歡羊羶味的你，必定要一試，但我稍歉肉質太硬，希望下次能炆熟腍一點!叫了杯大生啤，潤喉又潤肺， 夠哂恬意

上一次光顧已是十多年前的事，記憶中是一間不錯的店，今日路過附近，心血來潮再次光顧。服務質素正正常常，但鋪面裝修已見殘舊。點了個咖喱牛腩配飯，甫一上枱已見咖喱汁並不太稠，牛腩亦煮得不夠稔，與我記憶中的質素相去甚遠，不值一百一十元，甚至好些茶餐廳煮得還要比它好，已不值得再光顧。

曾經係男友3號飯堂，以前搵到唔會睇價錢，因為唔算平，佢話好耐無去太多款咖哩有選擇困難症，叫個二人餐又唔貴二百幾，d野都啱食，男友話好似無加過價，仲好似平左頭盤炸咖哩角，唔油幾乾身幾脆下，一人有3隻，食完又唔會好滯咖哩屋梗係味味咖哩啦，無諗到非洲牛仔骨，都有個咖哩跟，侍應姐姐幫我地發板要左中辣，還好無想像中咁辣，唔點咖哩個牛仔骨都好夠味，可惜有舊生生地咬唔開，因為太近骨啦蝦咖哩比較奶滑，辣度係小辣，怕辣可以走辣，蝦唔算好新鮮，應該係冰鮮，但無雪味，都有10隻以上今次叫飯唔要薄餅啦，尋日先比人話完，其實點食都唔會食得晒咖哩汁加一服務，都係3百頭埋單，叫得國際真係好多中外人仕幫襯，起碼無強國人先呀

講到食咖喱一定要來呢間試吓! 就係位於灣仔大東街嘅國際咖喱館，距離灣仔地鐵站只有大約5分鐘路程好方便呀！其實所謂食咖喱即係試吓呢度嘅印度咖喱間餐廳size都正常㗎可以容納到50人左右！先來睇下個Menu先講咩你真係有好多款㗎你喎，仲有唔同菜式可以選擇有牛肉，有雞肉，有羊肉，仲有魚!通常係咖喱配白飯又或者可以配薄餅，仲有好多小食可以選擇！我哋帶咗個叫做吉粦🐔！辣到屬於適中㗎，又真係幾好味喎，雖然看下好似好細碟但係其實有好多餸菜，有半隻雞，有蔬菜，好多咖喱汁！足夠一個人食啊！下次真係要試吓其他唔同口味嘅咖喱

第一次看到那麼多的咖哩口味，有點一頭霧水，若你自問係咖哩達人就要去試下。第一次黎嘅我後來直接點了個黑咖哩吉烈豬扒和白咖哩雞.份量很大，算是對得起將近HKD 100的咖哩但女生恐怕一個人是吃不完.咖哩雞大概有四分一隻，有四大塊雞件，每塊都切得很大，如果和心儀的人吃需要注意一點儀態.每份咖哩可配飯或薄餅。建議選飯，那薄餅不怎麼好吃.白咖哩是沒有辣度的，適合吃不了辣的朋友，而且都帶有一點甜，因食材裡有菠蘿和蕃茄黑咖哩味道重很多，尤其是黑椒味，點吉烈豬扒的話，咖哩汁另上，這點倒是蠻細心.

今日去開灣仔，突然之間好想食咖哩！ 就去咗一間叫國際咖哩館嘅餐廳食晚飯！我個人對呢間餐廳，有一個好大嘅情意結！因為我細細個，屋企人就成日帶我嚟食！可能呢啲就係食回憶嘅味道吧！呢間餐廳，屋企人由細到大都成日帶我去食， 可以話係食辣嘅training😂😂😂 所以，我好食得辣㗎🙊🙊🙊大家見到個餐牌唔使太驚！因為基本上你係唔會睇得明既😂因為佢全部都係一啲印度嘅名但係基本上只要你是但叫一個其實個味都係差唔多！但係我自己嘅推薦有“東印”同 “吉粦” 呢兩個，我都幾鍾意佢嗰味嘅大家信我既，可以一試😁😁😁我哋今日叫咗一個咖哩豬扒(大辣)個豬扒好大碟 兩個人食完全食唔曬 一個摩利魚要(中辣) 一個跟飯一個跟薄餅！兩個咖哩都好好食 仲有D菠蘿同豆做配菜 好開胃仲叫咗一杯大生啤，飲完個肚真係會好漲堅大杯！其實我試過好多款唔同嘅咖哩，雖然食落其實分別唔大， 同埋唔係好正宗但係真係好鍾意佢個咖哩味！ 可能就係符合佢個名“國際咖哩”適合唔同嘅人嚟呢度食掛(隨口Up,當秘笈😂😂😂)Overall,我好中意呢道既咖喱呢道既羊都唔錯架，而且都幾多舊，幾抵食！不過提醒番！呢度嘅咖哩唔係好似出面咁“傑” 係有啲似湯咁樣既質

今天再次到這餐廳用餐，叫了一客咖哩牛腩飯，發覺質量不如以前，牛腩沒有炆林，咬不入，白飯太硬而且是凍飯，太失望了，之前來過很多次都很好，但今次真是令人不快! 我想我不會再來了

點左巴東牛腩咖哩同乳酪羊咖哩。我鐘意個羊乳酪味重。 好多肉。 個牛腩都煮得好淋。個味道帶d苦味。 個樣好攪笑。小辣都幾辣。 個薄餅5係正宗個種。整體1般。 lunch 5洗得位， 無咩人。

放工終於去品嚐聞名以久嘅國際咖哩館，今次先試一試招牌「黑咖哩雞飯」，是可選配飯或薄餅，當然有咖喱汁送飯，就識揀啦！而且他們的咖喱是可按個人口味喜好選擇辣度，而我選了小辣。對於不是吃得辣的人，都可顧及到，這點是值得欣賞的。上檯後，原來份量十足，熱烘烘，很快就聞到香濃咖喱味，而它不是日式咖喱的甜味、印度咖喱的香料味、泰式咖喱的辣惹味、馬來西亞咖喱的椰奶味，它是不甜也不辣，非常香濃，看似好油膩，但食落口會不停口，味道非一般咖喱，帶來不一樣的感覺。平時不太吃咖喱的我，都被它吸引了。至於薄餅沒什麼特別，不是鬆脆那種，比較乾身而且有點硬，不太建議試。全店有各色各樣的肉類配咖喱，可因應個人口味喜好選擇其他肉類，相信有機會會再試其他的。總括而言，老字號是有特色，而且味道非一般且新穎的咖喱，不是一般可在外面試到的。價錢雖然比其他食咖喱的餐廳略為貴，不過食物是有質素的，都是值得一試的。

早前睇到一位女廚神嘅blog介紹呢度，講到好好食，一於今日放假帶埋鐘意食辣嘅男朋友嚟試！下午3點來到，避過午飯時間，坐得ok舒服，起碼唔駛同人迫嘛。之後睇個餐牌，啲名咁怪唔知點叫好，問下個侍應姐姐叫佢講解下，最後我同男友分別叫左$98黑羊配飯(大辣)同$98咖哩牛腩配飯(中辣)。唔駛10分鐘食物就到齊～ 我唔食羊但都試左男友個黑咖哩汁，食落無咩辣味男友話唔夠香，唔喜歡。而咖哩牛腩我覺得撈飯食ok，份量正常，好多香料同洋蔥，中辣唔辣，但牛腩都幾肥，同無薯仔。*全日都要加一，劃一收費

今日同朋友過黎食，未行到門口已經見到有人係度排緊隊，我地要等3張枱，但因為好想試，所以唔緊要啦！我地叫左半打咖哩角，如果我無食錯既話應該係牛肉餡，外皮炸得脆卜卜，好味😋😋 個青色既汁好特別，有少少蔥蓉味，但又酸酸地😹我唔識形容，你地自己試下就知仲有一個干炒咖哩雞，呢個真係好正！雞肉好juicy，唔知點解明明都係冰鮮雞，但人地可以整得甘好味😸😸有d炸過既洋蔥，莞茜之類一齊炒，味道好香口！咖哩牛腩，佢既咖哩汁辣得黎都有椰汁香味，我叫左中辣，我覺得下次可以挑戰大辣😁😁一個為左點咖哩汁而叫既薄餅，其實幾好味，有d麥香味🤗🤗一班人食會比較好，因為share先可以試多幾樣😸😸

這間咖哩餐廳好出名，十幾廿年。印象中在我小朋友的時候，每個月總是會來一次，見到大人吃吃吃 …… 現在到我們啦～咖哩角：牛肉味濃 (每枱食客都點)咖哩蝦：麻麻地、無味道咖哩銀鱈魚：肉質爽 (我們搶吃)咖哩桶蠔：爽 (超大隻)香蒜牛仔骨：有點老、咸椰青：超清甜一行三人中午餐慶祝收工大吉 ヾ(*´∀｀*)ﾉ

今日公司開會，所以落左灣仔。開左一個上午，大家都肚餓，可惜周圍都好多人等位，行下行下就呢到呢間食咖喱的餐廳。一入到去，地方小小的，D 位好迫夾。座低左，餐廳就比menu，只有a la carte, 無set lunch。 一個咖喱都賣成九十幾蚊。一行六人，方便起見就叫個六人餐，有前菜，咖喱，蔬菜等等（見圖)。同行有同事唔食辣，服務員好貼心地suggest 一半小辣，一半中辣。前菜牛肉角，切開一半，入面有好多青豆，我挑走曬。味道方面，十分一般。再來係咖喱蝦，聞落同食落都好香椰香味，個人來講中辣都唔算辣。咖喱汁偏稀身，蝦肉就不過不失啦。之後我地係羊肶同牛仔骨選擇左後者。牛仔骨做得比較乾身，會伴碟上碗咖喱比你一齊食，味道幾match，牛肉無騷味。 主菜仲有個咖喱魚。呢個好食，連一向不食魚的我都夾多嚿食。斑片夠厚，肉質夠實但係依然嫩滑！仲有個雞件，大大件好飽肚，但最好味反而係塹底的洋葱粒！撈飯一流！最後菜就係炒西蘭花同椰菜花，無特別，不多說。套餐可選白飯或薄餅。白飯用碟，一大碟實夠飽。薄餅呢就唔係一般我地食開個款手抓餅又鬆又脆，反而係傳統個款印度薄餅，比較林身，味道有一陣印度的味道。同事表示