圍爐順德菜

营业中

休息中

在食評看了這家順德菜的介紹後，便滿心歡喜 帶家人來食飯，希望讓他們體驗銅鑼灣的飲食新景點（Sugar+），順便欣賞高空美景。不過，到場後才發現餐廳位置不大，而最令人失望的是服務人員的態度一般，全場有三四位工作人員，服務效率卻很慢。我們點了大良炒蛋，紫羅牛肉，欖菜骨等，坦白說，味道都很一般，最美味的要算是蝦多士及脆皮雞，不過，脆皮雞由點菜到上菜為止，竟然花了足足一個鐘！催促了數次後，竟然被經理「教訓」話因為製作需時，叫我們要耐心等。今次這個食飯體驗實在令人極為失望，相信以後都不會再來，亦不會推薦此餐廳給朋友。

上星期六訂咗位，坐下10分鐘，望住維港景色，心情舒暢。但店員告知廚房冇電蒸爐用不到，唯有下次再來。昨天星期六在此入座，幸好今次一切正常。總結食物，煎炸嘢10分熱，10分好食。蒸點心跟一般酒樓差不多。🤨當日只有四名店員樓面招呼15台客，4名店員10分賣命忙碌，但仍然應付不下出單入單執枱再開新枱，有新客到的情況緊急緊張情況因此行政混亂是一直的問題。最大感覺是店員太忙將接單和收單的時間減至0.00 1秒，感覺就像搶你張單或者劈低你張單喺枱同樣擺放食物的感覺都係一樣。Siri。😕😕同情兩位兼職店員經常被兩位資深店員呼喝指責

我今日岩岩食完午市點心放題，有以下幾個不滿意的地方，完全不建議大家去試：- 我哋一早訂了12點半，準時去到，已經有兩枱已經訂座的排緊隊，最後要我哋兩個家庭搭枱，唔係就要等半個鐘，即是餐廳根本冇有效管理訂座。面對失誤，有職員承認餐廳管理不善，但就沒有任何一句致歉，及補救方法，再後我哋只好選擇搭枱。- 餐牌有寫明食不完的食物按正價收費，我們清楚明白，但餐廳金髮馬尾女職員先後3次用非常不友善、質疑的態度重覆提醒，令我哋感到非常不舒服，既然係放題，你提醒一次即可。- 那名金髮馬尾女職員過嚟收點心籠時，逐籠檢查我地有否食剩，見到有個食剩了一半的包，又用不友善的態度問：個包咩事？，答：個包唔好食 ，餐廳係咪想逼我食哂？- 整體餐廳訂座安排非常亂，職員態度不友善，什至我覺得被威脅，隔離枱老公公婆婆想話寬容多10分鐘清理枱面食物，在沒有人等位的情況下，餐廳職員堅持這是90分鐘限時放題，沒有人情味。- 如果話148任食，你沒有對服務有寄望的情況下可一試，否則，只會食到一肚氣。利申：最終，我們順利完成所有食物，睇嚟金髮女職員杞人憂天，不需3次用質疑態度提醒。

買了openrice 優惠卷，打電話預約 6月9日（日）11點30至1點，每人補加$10。蝦餃，燒賣，菠菜餃，水餃，素翅餃，春卷，炸雲吞，蓮藕餅，炸鮮奶，雞扎，排骨，鳳爪，牛肉球，牛肚，煎腸粉，芝麻卷，叉燒包，奶皇包，叉燒酥，芋酥，咸水角，圍爐炒飯，廈門炒米粉，涼拌小食，紅棗糕，黃金糕... 維園靚景，全店滿座。服務不錯，店員會主動加水，蒸點心要等一會兒，炸物涼拌就不用的。店內張貼：6月17日後加價到$168一位。

“真心超嬲，一早起身收到open rice的email話有人舉報我作假。我真金白銀俾錢去食野，冇任何優惠，連長者卡都冇，仲要係鬼咗死貴係選小店食野，就係因為長者上次食過鐘意個環境同交通，打個食評為左留個記念俾朋友姐，求其寫竟然俾人舉報話我係試食專員。超嬲囉，你地同餐廳有咩自人恩怨唔好攪到其他人，話我試食的人俾番1538俾我呀！我生日去食都冇優惠減錢呀。唔好攪我個blog呀！間餐廳係得個個加ig 送甜品一件（桂花糕仔），台台都有。同埋消費滿1500以上送張點心送題一張半價卷（仲要2人同行）.”之前同家人食過點心放題，再次試一下點菜晚餐，因為有長者，所以提前點好菜單，咁一黎就有得食。5點45左右到，暫時未有客，店員很熱情，今次這班比上次黎個時那些年長店員更有禮貌，而且好貼心，知道我有長者會問要唔要菜煮軟身d.今次叫左1）炸子雞，都ok ，底層有點咸，但長者好似好喜歡，話香口。2）炸鱔球，很好食,肉又實又好味又香口。3）古老肉，不錯，比想像中好食。4）肉絲炸麵，勁好食。5）圍爐炒飯，好似西炒飯，但好多大蝦。6）蟹肉西蘭花，可以7）琵琶豆腐，超好食，一定要點，內有瑤柱。8）芝麻卷，之前食過，今

糖街小店叫圍爐。風景獨好。一見難忘。維園收眼底。眼睛在天堂。有個點心放題登上龍虎榜。個朵響。落樓盛惠一百四十八個大洋。包茶芥。包加一。包這樣那樣。點心超過三十款。落單先商量。煎炸。粉麵。甜品。蒸點。大陣仗。灌湯餃大大隻破天荒。蝦餃先去腸。咽下炸雲吞，心飛翔。可惜糍粑一般般，浪費我期望。牛肉比燒賣鮮，燒賣比排骨強。流沙包大爆漿。金錢肚不俗。黃金糕煙煙靱，雞包仔夠薑。鳳爪覺得唔夠冧，牙硬傷。雞紥不吸引，材料低平常。碧綠雙蔬是菌菇，混入紅蘿蔔，超乎你想像。太辣貓耳朵，味蕾瘋狂。大愛芝麻卷，濃郁香味，兩眼發光，是日稱王。薑汁糕夠熱，快補倉。九十分鐘，匆匆忙忙。良心推薦你，window seat，搶！超低價，唔使等出糧。

我們一行三人，看見有好評有差評，還是抱着一試的心態，果然不錯，慶幸來了。踏進餐廳就被那無敵維園景吸引，光猛開揚，感覺良好。首先点了蝦多士，名不虛傳，非一般蝦多士，必吃必吃。隨後点了炸子雞，皮脆肉滑鮮嫩，也点了蜜餞欖角骨，肉厚味甘香，加上欖角的甜味，非常特別，菜類選了杞子豬潤菜苗，豬潤熟度適中，我們當中有人愛吃有人不吃，而菜苗很新鮮，很受歡迎。雖然已經飽飽，但最後還是点了大良炸鮮奶當甜品， 鬆脆而鮮奶香味濃，完美作結。全部職員都很友善又有禮貌，服務週到，特別是Vinci, 細心觀察我們的需要，見我們只有三個人，就建議蝦多士和炸鮮奶只要半份，又見我們沒有点真正的甜品，就送給我們每人一小角凍杞子糕之類的東西，但味道很淡，吃了也忘了是什麼，不吃也罷。綜合來說，我們避開了差評的菜式，而我們自己選擇的菜式都很不錯，非常滿意的一頓晚餐。

長者生日，選了銅鑼灣糖街新開的sugar +住宅樓上16樓，《圍爐順德菜》，於openrice 買了4張卷 $138,再加10元假日費。服務：☆☆☆☆ 職員都很有善，落單都快，但人手少了點食物：☆☆☆☆很夠熱，味道不錯最好味係 蝦餃，水餃，金錢肚，咸水角，×燒酥 。真係一叫再叫而且所有點心都係即叫即做（蒸）比較失望的是粉果同灌湯餃，雞扎，排骨，蘿蔔糕。點唔好食你可能叫過就知，最好點一件試試先。環境：好光線，冷氣夠，但枱比較少只有10圍左右

朋友聚餐是個不錯的選擇，地方清靜，飽覽維園景色，員工有禮👍🏻是日晚餐，祇有三人，所以只可選擇3個菜式。桂魚卷 : 時日推介，－魚兩吃，桂魚卷，酥炸魚骨，拌菜甜豆清新可口。琵琶豆腐: 無驚無喜，正常。 鍋貼大明蝦: 非常鬆脆，但本人覺得有點油膩。明蝦大大的彈牙爽口。雙皮奶 : 濃郁牛乳味，甜度適中。

星期日同幾個朋友上去嘆茶，發現有點心放題，於是就去試吓。雖然是一些傳統的點心，但係都滿足到我哋幾個朋友吹吓水食吓嘢的一個開心星期日。這裏的維園景真係不錯的，喜歡這裏的懷舊芝麻卷。其實農曆新年之前，都嚟過呢度食過晚飯，食物質素都不錯，尤其喜歡隻炸子雞，同埋個魚蓉羮，個炸蟹鉗真材實料，經理仲送咗一支紅酒俾我哋，當然我哋都有帶酒去飲啦，仲免咗我哋一支開瓶費添😃😃😃最後我哋叫咗一個大嘅西米布甸，同埋幾碗雙皮奶，是懷舊順德菜的一頓美味晚餐。

之前黎過這間餐廳吃點心和晚飯，當時覺得食物味道不錯。但自從餐廳提供90分鐘任食點心後，已令整體食物質素下降和用餐體驗大不如前。以下係任食嘅餐單：我們叫了壽眉，但由於人客太多，侍應卻做唔切，上錯咗鐵觀音，叫佢再上過，結果俾咗白牡丹，而且完全沒有茶味。我們因為不能食太多嘢，我又想吃煎腸粉，所以選了單點，結果令人失望。首先，點菜後，經理先話我知無腸粉。然後，春卷好似係番炸過，油份較多，咬落去春卷皮並不鬆脆。另外，肉絲炒麵則放了很多肉絲，反而麵嘅分量偏少，變成其實係炒肉絲條。因為要餐廳要滿足大量任食客人叫嘅點心，導致點心不是蒸得很熱，食材也不新鮮，結果本人食完後便肚疴。以下係賬單，以供各位參考。

朋友話食過呢間嘅飲茶好味，今日見到有點心放題咁抵食，事緣發覺真係普通我覺得有機會係因為放題，所以佢嘅質素係唔同，而且上菜亂嚟冇改樣佢就上咗個樣，嗌咗嗰啲又唔上上咗好多包類同埋煎炸類，唔知係咪等我哋飽肚啲…問返侍應，佢話驚我哋限時等得耐，所以自己上咗啲俾我哋，金錢套係最好味嘅，但係都係林結尾嗰陣時最文線加返兩籠我哋都嗌咗好多餐牌意外要俾錢嘅菜㗎叉燒包正常發揮，包皮幾厚實好味，但係如果係任食嘅話就唔係咁抵啦 餃子就麻麻哋，佢嘅粉皮同埋餡料都質素麻麻，個皮腍啤啤，啲餡就好少皮厚灌湯餃都係吹咗好多次先會有

今次腳步帶我嚟到咗一間霎眼間就深得我心嘅餐廳。啲菜式一個比一個識得搶鏡！先講講嗰個蝦多士，脆得嚟唔會太硬，啖啖蝦肉咬落香口得滯😋。然後轉戰筍殼魚，炒球做得幾好吖，呢個選擇少少人知，魚肉厚度啱啱好，嘴感彈牙又唔會太實。碌鵝就真係厲害到我想立即拍手叫好，啲皮「脆卜卜」，肉質「滑潤腍」，佢哋啲個炮製法嘅功夫真係一絕！再來添，蜜餞欖角骨同啫啫蝦醬通菜煲，呢對CP實在夠鬼馬，點為傳統食材加入新意思。桂花糕同雙皮奶就係甜品時間嘅完美句號，桂花糕「芳香撲鼻」，雙皮奶「細滑過人」，收尾都令人回味無窮👍。整晚食得開心，頂到我心口嘅，唔止食物，仲有啲溫馨嘅服務態度。想話你知，呢間餐廳絕對值得一試，尤其當您想同一大班朋友開心分享美味佳餚嗰陣💖。

4個菜:炒鲜奶+菓汁牛柳+蟹肉時蔬，這3個只是不過不失，但碌鵝(例牌)太失望，說厨師推薦，但又肥又無肉，出菜的速度原很好，但這店不要叫甜品，因為半小時追了4次，每次都說馬上來。湯圆一客3粒(小湯圆波子大小)要煑半小時?西米布甸2客，一客乾了全不能吃，另一客正常但不甜的，一客双皮奶正常，但4個甜品半個鐘，相信是厨房做不來，因為其他各枱都在追餸(7時45分)。做不來取銷便是，但看來是厨房和樓面不合作，那布甸看来是做好很久但一直没人理

睇到咁多好評，朋友話中午黎過飲茶吾錯，所以個心想應該吾差卦…個晚朋友幫手book 位嘅，佢之前book 位己要求要窗口位，點知比左個門口位我地，人來人往個隻，個「招呼」伙記聴到我friend 投訴一臉不悅話「冇架啦…係得呢張…」我之前冇乜留意呢度價錢而我又feel 吾到呢到原來小菜價要約$2xx -3xx 起所以我地同朋友講：算啦，冇所謂啦.. 之後睇完菜單先明我朋友點解有d 要求…好啦，位就話冇得比，架局同下價酒樓差不多，地點叫識租CWB .. 甘點都估d 野食O ga 麻…唉…出事..話說我想食呢刭碌鵝同炸子雞 ，希望有驚喜.. 點知有驚…姐….碌鵝黑炆炆，色水相頭麻麻同細碟，味道一般，吾值 ，出面打冷好食好多炸子雞夠熱皮脆但淡某某，一定要點椒Yim 先好食d 炒鱔片呢味叫炒得吾錯，但吾突出，合格魚腐什菜呢味都係吾突出，合格最後，問經理有冇冬瓜盅，佢話賣曬，介紹左個叫什麼魚面「更」比我地…呢個真係成晚最難食嘅重點外表似粥，一啖食落去，鮮就食吾到，腥味就勁濃…個經理仲好自豪同我地講吾係度度都有，要落胡椒粉食先好……………………………………………………………！真係吾係度度都有甘難食，仲