圍爐順德菜

营业中

休息中

同學聚餐，大家已經差不多兩年沒有見面，同學提議呢一間新開業的飯店！飯店位於銅鑼灣糖街，新建成的Sugar+，地點方便，大廈設計很新穎，飯店裝潢精緻，光缐充足，窗外是維園的球場及大片綠油油樹木，遙望北角半山的景色⋯⋯感覺舒暢！恬靜淡然！唯一的缺點，枱與枱之間距離比較近，亦沒有屏風或膠板分隔開！點叫：蝦多士，蝦肉結實兼彈牙，多士脆卜卜，好食琵琶豆腐，釀冬菇魚肉，豆腐嫩，老少咸宜桂花魚炒球，份量足，魚肉新鮮可口，荳角爽脆，精彩之作炒菜心苗，用煲仔上，保持溫度，熱辣辣的，好送飯招牌脆皮鷄，真真正正皮脆肉滑，香味撲鼻，食到不停口！總括來說，餸菜精美，價錢合理，值得再來，試其他菜式

好友約食飯，選址在這所新起的大樓，臨近銅鑼灣維多利亞公園旁邊；據說這食店是由天后搬過嚟，不但店舖變大了，面向維園的無敵景觀，更是令人眼前一亮。當晩雖是平日晩上，但竟然座無虛席，就可知這食店是多麼受歡迎；在看過餐牌後，朋友點了以下菜式。鍋貼大明蝦～$238/六件蝦肉爽口彈牙，多士炸至金黃酥脆，配上惹味的沙律醬一起食用，更覺出色。家鄉煎釀鯪魚～$238/例鯪魚皮在拆骨起肉後，再把處理完的鯪魚膠釀回魚皮中，再落鑊煎熟，魚皮竟還可以保存完好，真是一味相當考功夫的手工菜；不但保留了鯪魚的鮮味，口感外脆內彈，也能照顧到愛吃鯪魚又怕多骨的人客，故受大眾所喜愛。懷舊金錢蟹盒～$80/件外皮炸至金黃香脆，隱約還看到當中的紅蘿蔔蓉及芫茜；餡料蟹肉與豬肉帶有鮮甜而綿密的口感，爽脆的馬蹄及濃香的冬菇，不但增加了滋味，也有一定平衡作用；上枱時油脂已被炸至完全迫出，不油膩只留下酥脆；而香脆的食物，永遠係老少咸宜的美食！圍爐炸子雞～$180/半隻超好味嘅「圍爐炸子雞」，皮脆肉滑，上枱時仲係熱辣辣嘅！加少少淮鹽就更加惹味了😋大良脆炸鮮奶～$128/例一口咬下去外皮香脆唔油膩，內裡的鮮奶軟硬度適中，充滿奶香又不會過甜，

位置方便的新廈。坐近窗位置可遠望维園景色。順德菜有蝦多士美味，旬殼魚分煎，蒸2食，非常出色。炸蟹鉗，炸鲜奶充滿兒時飲宴回憶。八寶鴨材料豐富，份量十足。下次，一定來試其他特色菜式。

圍爐以前在天后，食過之後一直念念不忘。知道他們移師銅鑼灣，當然要去食返餐。新店在維園旁邊的新商業大廈樓上，環境比舊店開揚舒適，可以一邊欣賞無敵維園景色，一邊享用美食，心情都好啲 ☺️今次中午去到，因為只有我老公兩個人，所以主要食點心。點心做得好精緻，特別係金沙鮮蝦雪茄，賣相似足雪茄，好型！我最愛上湯炸粉果、蓮蓉西米焗布甸，以及鍋貼大明蝦，都是其他餐廳不常見到的傳統點心，這裏做得非常出色，足以證明佢哋師傅嘅功架了得，個鍋貼大明蝦簡直係世一 😋😋見到隔離枱，主要叫小菜。咕嚕肉、炸子雞、生菜包等，個樣好靚，睇到我流晒口水。餐牌上亦有其他傳統手工順德菜，下次一定要約埋全家再去幫襯。

不忘提及飯後甜品,白糖糕,很壞舊,質感很好,入口鬆化,幸好不太甜,剛好,所以可以細嚼多兩件. 至於飯前上菜,拍了合照,菜色精美,背景維園球場,遠觀開揚,心情可以放鬆. 最後埋單,我們一班朋友都認為抵食,有質素,物超所值.

早幾日約咗屋企人嚟「圍爐」試順德菜，位置就喺皇室堡隔離🌟非常方便全新嘅Sugar+大廈，非常乾淨企理上到嚟16樓「圍爐」即刻嘩一聲面向開揚無敵嘅維港維園景，佢地仲係窗邊加設咗梳化，可以比我歎酒Chill吓環境闊落唔會迫首先叫咗兩款點心試咗先🌟刴椒魚頭 + 魚香南瓜粿都好有水準再嚟開飯就叫晒我最鍾意嘅香脆物🌟酥炸廣島蠔🤩大大隻廣島蠔，香口又唔油膩🌟脆軟甜酸咕嚕肉必食推介！普遍地方食到都係多粉少肉，再同啲汁煮埋都淋晒，喺「圍爐」食呢個完全唔會，出到嚟仲係脆口真係無敵🌟煎釀鯪魚🤩正宗順德菜，呢道菜式令唔多食魚嘅人都會食多件必食！🌟大良脆炸鮮奶順德菜又點會少得佢，依家唔係周圍食到，仲要係好好食嘅✌🏻有奶香又唔太甜，真係要另外打包一碟仲有好多想試嘅菜式，但呢日已經好滿足要留待下一次再報告😬 依家想食正宗順德菜，我就諗起「圍爐」仲有佢啲點心呀

真材實料,味道好食,賣相不錯,面向維園風景,心情舒適,價格不便宜,但食得開心,來值回票價.交通方便,員工態度有禮,室內環境不算嘈,可能我們是最嘈,哈哈.地方枱數不大不多,好似10個中枱以下?

與家人一起到銅鑼灣，試試新開張圍爐順德菜。店舖位於高層，所以景觀開揚👍，可以望到維園和維港景色，心情都特別好。食物方面，點心麵飯質素高上，圍爐炸子雞十分出色，整體食物加環境可以與洒店比美，會再來

這次食這間順德菜是經朋友介紹，一入到門口環境舒服，唔會好擠迫，而朋友說這間出名手工菜是八寶釀全鴨 ，所以一早預訂左，這道菜一上，聞到已經好香外面好軟好淋，好易切開，而切開睇時，裡面用料好多，睇到真係手工菜，味道好好味，口感豐富，真係值得一試之後見到有個食物外形好得意，原來叫超香趣蝦春卷，即刻叫黎打卡。這間食店感覺好輕鬆，好多人都來傾計食飯，可能環境清靜，環境光猛，食身一流，值得再來一試。

好友夫婦介紹這間圍爐,係傳統順德菜,見到菜式 同细個我婆婆煮過提過好多一樣,立刻call 齊屋企人同順便孝敬下班長老.之前想訂八寶鴨同鳳肝金錢雞,後者俾人訂哂,無計🤷. 一坐低係窗口枱,盡覽維圍影色,已經感覺舒服開揚. 屋企長老一睇餐牌,立刻患上選擇困難症,樣樣想試,结果點了煎釀鯪魚,大良脆炸鮮奶, 八寶鴨,炸子雞,椒鹽炸鱔球等. 菜式逐一黎到,餐廳细心分開上,所以煎炸野唔會臨哂. 手工做法真係已經幾難見到,煎釀鯪魚頭尾一齊釀,炸鮮奶外脆內軟,奶甜唔酥而且不是水汪汪,真心好有興趣知係點整😆八寶鴨用料混和一起,口感同香味wow 炸子雞脆皮肉滑,鱔球脆,肉質同口感一流. 最後食陳皮紅豆沙,陳皮個種舊香加埋紅豆沙起沙,師兄夫婦又剛好係另一枱,提醒要食西米焗布甸,结果人生一家人可以一餐食兩度甜品,經典...😆屋企人覺得菜式如何,大家估到啦😋😋😋😋😋真心推介圍爐值得去試

今晚同幾個老友聚舊，係銅鑼灣試左間新開既順德菜館，因為我地早到，可以坐到窗邊位置，呢度環境 舒適，對正維港景色，一班老友談談情，說說笑都幾好氣氛，菜式方面八寶鴨色香味俱全炸子雞皮脆肉滑蝦多士和蟹肉炒鮮奶好有特色價錢一D都吾貴，六個猛男飲飽食醉都吾駛3000蚊，呢個埸值得推介

真係不得不食嘅脆軟咕嚕肉同脆皮雞，咕嚕肉可以話係人生食過之中最好食嘅，無誇張純分享，個汁較得唔錯，最重要係真係又脆又軟。脆皮雞係必試，出面酒樓果d係無限翻炸，呢度嘅脆皮雞係新鮮炸，完全食得出分別，一試返唔倒轉頭。

菜餚質素非常高，有維園開揚景觀，場地乾淨舒適，服務親切。蝦多士/小炒皇/咕嚕肉/脆皮燒鷄都好好食，好足料！蝦多士用上新鮮大蝦，鮮味十足，口感豐富，炸麵包完全唔油膩。小炒皇亦有新鮮大蝦同埋帶子蝦乾，用料十足。咕嚕肉脆皮可口，冇肥膩感。當中以脆皮燒雞最令人難忘！真正皮脆肉嫩！呢個一定要食！一邊欣賞夜景，一邊享受高質素美食，晚餐嘅最佳選擇！

終於等到晚市可八人一枱，時日晚上和家人行經銅鑼灣糖街，發現有一楝新building - Sugar+，走入lobby在水牌上見到有間中菜館 - 圍爐順德菜，家人喜歡食中菜所以就上去一試，是次試了幾款菜式也十分滿意👍🏻蝦多士🦐十分美味😋👍🏻👍🏻利申本人很喜歡香口食物，師傅做得多士外脆內軟，蝦膠新鮮彈牙，上枱唔夠5分鐘已經掃清😆😆🥢👍🏻👍🏻😋炸子雞🐔皮脆肉嫩! 家人比好多like👍🏻因為餐廳採用新鮮雞，皮薄多汁，很有雞味👍🏻不能錯過的一道菜😎冬菇鵝掌煲🍄讚歎不已👏🏼👏🏼👏🏼👏🏼👏🏼又大又厚身又入味既冬菇，好似中咗化骨綿掌既鵝掌，入口即溶，席上老人家十分滿意👍🏻👍🏻已經remarks下次黎指定再叫的菜式🍽✨✨圍爐順德菜除了食物出色，還有很美麗的風景伴食，落地大玻璃，維園加海景映入眼簾😌下次一定會再嚟😋

我從來都唔寫食評，又唔鍾意相機食先（今次厚住面皮問朋友攞相），因為親友邀請我去咗呢間真係一定要讚下嘅中菜館，尤其佢個圍爐炸子雞、脆軟甜酸咕嚕肉、有驚喜嘅小炒皇、蝦多士仲有個好耐都冇食嘅陳皮紅豆沙，因為好多時啲紅豆沙都好唏又無味，估唔到呢度都煮得好好食，陳皮香又唔苦，紅豆沙又唔會太甜。好耐冇食過咁好食嘅中菜，尤其可以對住維港同維園慢慢嘆美酒佳餚，真係人生一大享受趁佢啱啱開，要快啲嚟多幾次，驚住之後爆場會好難有枱