圓方餃子粥麵

营业中

休息中

bookmark左好耐既圓方餃子，我今晚終於都試左啦🥳·八點幾去到，分左右兩旁排隊，一邊係外賣同生餃、一邊係排隊堂食（😎期待感⬆️）不過一個人去好快就有位😌Well~原來餃子得兩款😅·魚湯西洋菜餃淨食HKD28價錢真係好平🤩$30都唔洗就一碗八粒既餃子，所以我亦唔要求太多。（原諒我只能用個「粒」字😂）魚湯湯底唔係濃郁但係清甜既 應該係無味精（？）餃子細細粒好袖珍，仲細過隻匙羹🤭好似食緊一口餃子咁😆味道比較清淡 菜多肉少 但西洋菜味都唔算突出 勝在調味輕手、健康啲咁啦☺️就算食哂成碗 飲哂啲湯 都唔會有啲咩罪惡感🥟 ·貝兒隔離位果個搭枱男士一個人叫左兩碗淨餃再加一碟有三大件既蘿蔔糕😵P.s. 見到人地食煎餃 賣相好靚👉🏻👈🏻下次我要一碗淨餃再加三隻煎餃仔先得🙈事關我食完唔夠飽 最後去左附近買壽司食😋🍣·🥟圓方餃子粥麵 (深水埗)😋深水埗福華街104號地舖#餃子 #dumplings #魚湯

每次經過深水埗，不經不覺對腳又行左去圓方餃子店😂實在太喜歡吃餃子的我，當然不會錯過買幾盒回家慢慢品嚐啦！幾歀味道都嘗試過，都不會太咸，餃子皮也比較簿。每到下午茶時段，每碗餃子真是抵食只是19元，所以都經常大排長龍。

星期六去深水埗睇二手錶，下午途經福華街，見一條人龍在一餃子食店門外出現，約二十人，根據定律，此食店出品性價比應高，見有時間，一於排隊試試。等了10分鐘有位，叫了魚湯韮菜餃及豆漿。不消10分鐘，餃子及豆漿到。先飲一口魚湯，精神為之一振，非常鮮甜，鯽魚味散發於整個口腔內，好正。一口氣飲了半碗湯才食餃子。餃子約有8隻，size剛剛好，皮亦算薄，一口咬下，韮菜味湧現，加上適量豬肉，味道很好。這小店艱苦經營，換來一眾食客支持，加上價錢公道及食品水準好，自己一定會繼續棒場。

每當小弟想出外食清一點的時候，就會想起這一間位處於深水埗的人氣餃子店....我並不是經常來吃，但每一趟來時店內總是人氣沸騰擠得水洩不通的。今次來亦不例外，六七個互不相識的人坐埋一檯各自作餃子修行，甚是有趣....我最愛西洋菜餃，每次見店內有供應就必然要叫。這裡的餃子味道一向很家常，就像在家自己包的一般，饀用的都是最尋常的豬肉配上各種菜蔬如韭菜及西洋菜，醃味不濃重不會令人食後充滿負擔。魚湯底雖沒很重鮮味但嬴在夠家常沒妖邪氣息....相比起湯餃，我是更愛這兒的煎餃....餃皮煎過後仍然乾身沒見非常油膩，最重要是皮帶焦脆色水甚對版，韭菜份量比肉還要多而且仍維持多汁的狀態，吃得人耳仔也軟掉....簡簡單單又美味便宜的一餐....

作為餃子迷既我又點可以唔黎試下呢間平民餃子店🤭叫左一碗西洋菜湯餃+一碗韭菜湯餃同埋一碟韭菜煎餃廿幾蚊就有大大碗餃子，一碗有8粒仲要好足料平時日係街好難可以搵到西洋菜餃子估唔到呢間仲要平靚正😋👍🏻👍🏻個煎餃都好香！！！勁多汁！食果陣真係要小心d鋪頭仲有外賣生餃每打$25，老闆話可以係急凍放一個星期抵到咁即刻掃左兩打生餃可以自己煮熟黎食急凍完既餃子都只係煲5分鐘就食得收工番屋企花少少時間就食得，正！新鮮過去超市買雪藏餃子！

呢間野係深水埗好出名，專程入去試下，一入到去，已經覺得唔太舒服，位好逼，要搭枱，污污糟糟咁。。。我不嬲支持小店、老店，所以舊係無所謂，仲覺得有風味，但呢間野啲膠盤就咁放係食桌一旁，感覺唔衛生叫咗個魚湯西洋菜餃，一食落口就知唔係好野，皮厚、魚湯味唔突出再黎個煎餃，個皮煎得幾脆， 韮菜味都好出，比個湯餃好食少少總括：呢個質素既食物，完全唔明點解會出名，可能因為平啦，$28個湯餃同$17個煎餃，不過深水埗不嬲多平野食，又唔算真係又平又好食。。。算啦，食過一次唔會再去

其實幾年前已經食過呢間餃子店嘅餃子，但就唔係黎舖頭食，而係我同班同學上hall打邊爐，朋友經開呢頭買左盒西洋菜餃加餸，嗰陣食就已經知足料、好味前日親自來食，晚市都幾多人，要排一陣隊，不過店舖都多位，而且食客食完就走，所以唔洗等好耐。當然係叫返碗西洋菜餃麵回味下，麵就嗌左上海麵，湯底係魚湯，好鮮真係幾足料豬肚肉丸粥，豬肚好重胡椒味，又唔會太韌。豬肉丸亦好滑，唔會鞋強烈推介呢個韮菜餃，即叫即煎，雖然係煎，但一啲都唔乾身，入面仲有菜汁。好好食焯菜，毋需多講😂

差唔多八點去到，前面本來得四個人等緊，點知後面突然出現左六七個人排隊，相當好生意。我地兩個人等左大約5分鐘就有得入，樓面都唔算細，全部大枱，一律都要搭枱，唔會坐得好舒服就預左嫁啦雖然香港既餃子店已經開到成巷成市，但標榜上海雲吞既就好似無幾多間。婆婆係上海人，所以我細細個已經經常食上海雲吞，而呢道重要有我最中意既西洋菜豬肉餃，當然要黎試一試啦。一上枱已知龍與鳳，聞落完全無西洋菜香。一碗八隻，皮薄但餡唔算多。西洋菜同肉既比例各佔一半，西洋菜唔係特別靚，肥肉味蓋過左西洋菜味，失望。所謂魚湯都正如其他食評所講，淡到食唔出有魚味，咸咸地但唔覺得有用咩其他食材煲過，飲左幾啖就放棄左蒸蘿蔔糕三件17蚊，不過真係咩餡都無咁制。勝在質地唔會好粉，蘿蔔分量都好足，清清地都算合格啦平平地一餐黎講都算係咁，唔需要期望太高。不過如果要排隊等位好似唔係好值。

無食lunch然後早放工4點幾5點唔知食乜好睇fb見到朋友話呢度好正就走嚟食喇呢個時間唔洗排隊直入下午茶好平但我太肚餓叫左雙拼餃加麵試左西洋菜拼韮菜喺肚餓到爆炸嘅情況下係算等得耐但食嘅時候就覺得等係值得架好好味呀！仲有生餃都係24蚊1打有機會打邊爐真係要嚟買

連續食左兩日佢既西洋菜餃老老實實 佢係幾好食既個湯又好飲但係度食餃子 要幫佢做埋宣傳架餐廳有好多位 都要你死排先明既 多人排代表好食丫ma生餃條隊仲長丫佢唔會問d人要咩餃架佢由佢d員工包 d客由d客等條隊點唔長？包完個西洋菜 但成條隊要韮菜你咪再等囉幫佢宣傳丫ma個個經過都問 「好好食架？要排咁出等」老闆成功晒D客俾錢佢賺 幫佢做埋廣告牌哩d 咪最好既Marketing Director囉所以黎既人 首要條件係 個日心情好如果唔係你會想殺左個老闆

我自己最中意食既係餃子、烏冬、生煎包之類。依間圓方好耐之前已經好多人介紹過，今日終於有機會黎試。我係平日夜晚7點倒黎，都已經排晒隊，不過好彩都唔使好耐就有位。之前睇片介紹過煎韭菜餃同西洋菜餃係必食，但因為我唔係咁中意食西洋菜所以就叫左上海雲吞。黎到先飲個湯，因為聽聞係魚湯都真係好好飲，好夠味，但唔會話太咸令到你覺得好口渴。韭菜餃就唔使講，大大隻煎得好脆！韭菜好香，雖然成17蚊得3隻，但都值既！中意食餃子既一定要黎試！

朋友介紹我黎食既店舖，向來鍾意食餃子既我一試就真係不得了，一試即刻愛上左呢度既餃子，通常會叫呢度既西洋菜湯餃同韭菜煎餃，最最最推介係西洋菜湯餃，鍾意食西洋菜既朋友仔一定會勁鍾意食，佢一碗淨餃子有8隻，每隻餃子都非常飽滿，咬落去係滿滿既西洋菜同豬肉，個西洋菜既味出哂黎，而且佢同呢個湯真係好夾，個魚湯底係必試，飲落去勁舒服，好夠味，次次都會飲哂佢。另外佢個韭菜煎餃都係好好味，每隻煎餃都係咁大隻，濃濃既韭菜味同埋煎至香脆既餃子，同樣大推!

想去試呢間餃子店好耐嫁啦，之前亦都聽朋友媒體介紹過。今日終於食到啦!中午食晏時間開始多人，坐位都算鬆動，仲可以用隔離張櫈放手袋添。叫咗淨魚湯西洋菜餃加咗7蚊要生菜。上菜時間大約5至8分內，非常快魚湯一般般啦，只有好少好少嘅魚味，唔洗抱太大期望。但餃子真係好好味皮薄餡靚，食得出西洋菜好新鮮，鍾意食餃子一定要試。下次會去試埋韭菜餃先！美中不足其中一隻餃裏面有沙囉，但總括餃子係好好味嘅落單姐姐又有禮貌，讚

下午時份黎到深水埗，人流非一般地多。今日黎到深水埗，主要係因為早幾日同同事講起深水埗美食。其中，佢地提到今次哩間餃子舖，仲話非常之咁平靚正。佢地講到我心郁郁，作為水餃愛好者既我就襯今日得閒黎朝聖一下。一去到餃子店門口，發現左右兩邊都有人龍，仲要唔係短果隻。心諗，係咪真係咁好食，同時亦都諗唔明點解會有兩條隊。我是旦排左一條隊，之後再問前面既人。發現原來左邊係外賣生餃，右邊先係堂食隊。勁好彩我一排就已經係堂食隊，冇跟錯隊。其實條人龍雖然好長，但係我排左冇五分鐘就已經有位坐低左，咁計落佢地個個鐘都賺唔少。回歸正題，湯水餃係我今日既目標。佢地有三種口味既湯水餃，分別係白菜豬肉、韮菜豬肉同西洋菜豬肉。當中因爲韮菜食完會口臭既關係，而當刻我又冇好想食白菜，所以我就揀左西洋菜餃。淨餃8隻要28蚊，都幾平下。落單冇耐，我碗靚餃都上枱喇。佢地d餃唔算大隻，係正常size，行皮薄餡靚路線。餡料充足，而且西洋菜非常新鮮。湯底佢聲稱係魚湯，但係我飲唔到魚味，反而有好大陣麻油味，食完仲殘留係口腔久久不散。雖然魚湯冇魚味，但都唔係差既，只係可能有落味精，食完個口既感覺係食左味精咁。最後講埋佢個餃皮，佢地用既係現成

之前網上見到很多人討論的餃子店，已經mark實下次一試。聞名不如見面，那晚眼見入面差不多已座無虛席，幸好時間尚早，不用排隊就能入座，不然就要在外面等了。魚湯韮菜餃子：先說湯底，魚湯清甜不油膩，反而魚味不算重，亦不會有魚腥味。自家製的餃子皮簿，卻不易爛掉，餡料方面韮菜及豬肉比例均一，一向偏愛韮菜香味，不過略嫌入面的肥肉居多。魚湯西洋菜餃子：西洋菜菜汁加上肉汁配搭也很惹味，西洋菜特別香，令人聯想起西洋菜湯，這款湯餃會比煎餃出味。除了餃子出名外，店還有粥粉麵飯、小食的，價錢都十分平民抵食。不過可能期望有點高，反而覺得質素普普通通，不過不失，沒有那種一吃難忘，要再度回來的感覺。