團日式拉麵

营业中

休息中

昨晚行行下經過見到依間新開拉麵店，入去試下！選左三款不同湯底同麵！湯底堅曲麵堅正好野真係要介紹，環境、員工、食物味道購買時係用自動機買的真的好in,初初以為好難選購，原來易操作！值得去食...流心蛋堅流心湯底飲完不口渴（平時出面食一定即時要飲水）曲麵堅彈牙及爽員工超細心又好好服務雖然唔多款，但好好食！飲品夠特別還有一坐低會有一杯凍凍的麥茶！（依杯麥茶岩岩好不太淡味又太濃！最岩咁熱天氣 ！一定會再去食！！！

新開張嘅拉麵店，見到部拉麵落單機，即刻想食番碗喇！叫咗碗魚介拉麵及黑蒜油拉麵，試試佢地得唔得先！魚介拉麵，豬骨湯好香濃，魚介亦好夠，味道好平均！半肥瘦腩肉叉燒，厚度適中，食落好實在！而且加入少許肉碎，令碗麵唔會齋！另外黑蒜油拉麵，湯底完全滲哂落啲麵度，食落去蒜香味恰到好處，而且亦唔會食到口臭，再配埋炸蒜、蔥及湯咁去食，好正呀！小店現在都係試業階段，麵條軟硬較淋，若想食硬麵，記得同師傅講！

今日同朋友去試下呢間荃灣新開既拉麵店，門口有部售賣機好有特色，之前未見過的，拉麵有四款口味，包括魚介，黑蒜油，櫻花蝦同辛辣味，飲品方面亦有多款果汁汽水，我同朋友揀左櫻花蝦同魚介味，飲品就揀左桃味同青提子味，買完飛就入店內，店內環境舒適，空間十足，室內外設計亦明顯用心，環境很有日本食拉麵既感覺！櫻花蝦湯底好好味，蝦味出眾，配料亦有櫻花蝦乾，味道出色，叉燒厚度適中，入口非常有口感魚介湯底，猪骨湯底香濃，魚介亦好夠味，令味道很平均😋😋😋特別推介：溏心蛋，味道出眾，醬油十分入味，令人食完仲想再食飲品有果汁味又唔太甜，好解渴下次再試下其他兩款味既拉麵先，實在太好食😆

路過看見一間很特別的拉麵店，門前放著一部自助的點麵機，好奇心下跟老婆停下腳步，試一試這間新開的拉麵店我點了黑蒜油拉麵，湯底是豬骨湯，味道濃厚，再加上黑蒜的味道，十分之野味，流心蛋十分之流心，蛋味濃郁，問問師傅得知他們是採用日本蛋，怪不得蛋味十足!!麵這店有兩個選擇，一個是掛湯的曲麵，另一個是吸湯的直麵，而我選擇了曲麵，麵完全沒有梘水味，在加上野味的湯底，不到5分鐘已經ko了😋老婆選了櫻花蝦拉麵，我試了一口湯，完全是另一種風味，蝦味道十分濃郁，在加上麵上的櫻花蝦，真是一絕總括黎講是一間不分有誠意的拉麵店，有機會一定跟老婆再幫襯一次

被舖頭門口部售票機給引，原來是拉麵店。我朋友就話不如入去試下，有個有鬍鬚的後生員工就出來教我地用部機，佢都幾有禮貌架。哩間舖有四款拉麵，我地剛好四個人，每人試一款。我點左黑蒜油拉麵，碗麵來到，有驚喜，好香，影完相即刻試下個湯底，好味道，因為可能我鍾意蒜香既味道，叉燒肥瘦剛剛好，又入味，有一隻溫泉蛋，隻溫泉蛋冇得輸，我覺得好正，一定要食，我下次會另加多一隻吖我d朋友話佢地果幾碗都好好味，佢地叫左魚介拉麵、櫻花蝦拉麵同辛辣拉麵。雖然舖頭細細，但睇得出師傅好有心員工態度好好成間舖俾人感覺好warm下次我會再幫襯

今日喺Facebook見到呢間位於荃灣嘅新拉麵店，同埋佢又有好似日本喺門口買飛先入座嘅特別體驗，就同女朋友去咗試吓部機操作嘅流程好簡單，只要選擇你要嘅食物同埋一啲特定嘅要求，例如係走葱，然後跟返個價錢入返紙幣就OK啦！我哋叫咗一碗黑蒜油拉麵同埋一碗辛味拉麵，都係要直麵店入面嘅環境好似日本地道嘅拉麵店，有有卡位比食客睇住廚師煮面，地方唔大，一共可以容納大約15至20人，但係我哋掛住食唔記得左影店內嘅相俾大家睇值得一讚嘅係，店員服務態度，親切有禮，令人有賓至如歸嘅感覺。至於食物，就冇乜特別辛味拉麵睇落辣味十足，但其實連譚仔嘅10小辣都未到，大家唔使怕黑蒜油拉麵蒜味都算濃但總括來講拉麵煮得有啲過淋湯底唔算濃厚流心蛋火候唔錯，但食得出冇醃過，味道淡抵讚嘅係，叉燒肥瘦均勻，入口即溶，有驚喜