團日式拉麵

营业中

休息中

去開荃灣順便找妹妹食晏，不過佢唔得閒但介紹我去佢平時去開的拉麵店，佢話呢間既麵真係食過咁多間最好味既麵，所以要我一定去試到了門口原來是與日本一樣，用機買麵，選擇並不多，今次試下這個櫻花蝦拉麵，買完入店內坐坐，上檯鋪滿櫻花蝦。賣相不錯。嘗試了湯底，原來濃湯即是等於沾麵的湯，超級濃，櫻花蝦非常有趣，雖然味道已經被濃湯蓋過，但脆脆地口感不俗，而且再進一步提升湯底的鮮味。下次可以試一試不加蔥，可能會比較容易吃出蝦味，個麵好煙韌，叉燒肉都好淋，妹妹確實好介紹，見到飲料櫃挺吸引，今次飲蜜桃氣水，好香不會過甜值得推薦的一間小店👍🏻

呢日睇完中醫，朋友就帶左我黎食拉麵日本好多拉麵店都會有自動售賣機，但香港就真係第一次見店家仲好細心咁有埋指引教大家點樣用呢部機撳完機就可以入坐等食店内唔算好大，但裝修都好有和式風情當日我就要左碗“櫻花蝦拉麵”HKd$88，仲追加左隻蛋同海苔添加入左櫻花蝦，令濃郁既湯底外添一重鮮味拉麵可選直麵或者曲麵，自己就揀左較硬身既曲麵每碗拉麵都會配上一隻溏心蛋同兩大片豚肉叉燒豚肉鬆化嫩腍，溏心蛋入味流心朋友既“黑蒜油拉麵”HKd$83望落都唔錯咁喎呢度有好多款唔同味道既日本汽水，試左枝赤富士，原來係紅提味，唔會死甜都ok啵小店店員既服务態度仲好好添

突然又有條癮想食拉麵，上openrice搵下荃灣有咩正拉麵食，搵到呢間自助販賣機點餐既拉麵店。去到門口見到入面座位坐得7788，一於落左單先。眼看排我前面既食客入唔算皺既銀紙，但都吐番出泥，哈哈。拉麵有四款味道揀：魚介、櫻花蝦、辛味、黑蒜油然後比你揀：直麵/曲麵叫左辛味拉麵直麵望上去個碗有好足既材料，大量新鮮又脆口既蔥、蒜。湯底果隻辣係香辣既味道，直麵麵條似一蘭果款白色幼幼既麵條，但比一蘭的有口感。黑蒜油拉麵望落好多配料好豐富，有蒜蓉有炸蒜，味道濃郁，肉質脆口但難以咬開，勝在大塊同新鮮。重點係隻蛋，滑到豆腐花咁軟滑，連蛋白白都有少少流心，超正見到有抹茶可樂，好奇之下叫左泥試下。抹茶味不突出，飲落係可口可樂味，幾得意下次有機會都會再泥，想試下曲麵麵條係咩口感，好中意呢間麵上既配料，湯底飲完都唔會好口渴，份量食完係會飽既。

是日又要去荃灣做野 行行下見到自助拉麵機😮😮😮😮😮 行埋去 係真架啵 試下先買完拎飛仔入去俾侍應 之後就坐低等食🤤先黎富士柚子梳打 柚子味香又唔甜 作為前奏好適合😀團既拉麵選擇唔多 睇黎想集中煮好幾種麵我選擇左櫻花蝦拉麵 以為會好重口味 偏鹹但係店員話湯底依舊係豬骨湯底 不過會加少許蝦醬 最後先加櫻花蝦所以湯底好香蝦味 但又唔會偏鹹😀😀 食完冇口渴團仲可以俾客人選擇食曲麵 增加麵的爽口度配上櫻花蝦湯底 正👍🏼好多櫻花蝦 仲見到豚肉微微燒過 好有心思裝潢簡單舒服 店主仲會特意問你味道如何由湯底問到麵質 睇得出團 拉麵 毫不馬虎😀好想做好每一碗麵😀 呢份心意令我好感動

前排好多人介紹哩間禁機拉麵去日本好鐘意去哩d有機禁既舖頭食之前黎過幾次但門口排晒長龍就無等嚕今次咁岩去到唔洗等，為食🐷緊係要去試下啦😈。禁機就係門口位跟足機上面既指示就買到飛架啦4個step好簡單1. 揀湯底2. 係mon到揀拉麵(曲/直)、要唔要蔥...3. 入錢4. 找錢&拎飛當日無得揀加蛋/叉燒呀😭😭見其他網友話隻蛋&叉燒都好好食好想加多份🤭一式2份飛店員會拎1張比廚房煮麵之後會拎水&筷子🥢去你個位到我地淨係等食就得啦😎辛味拉麵👦🏻男友每次食拉麵都係叫辣味既😩搞到我次次都搶唔到佢碗麵黎食😫佢揀直麵，感覺無曲麵咁好味🤭湯底都辣👦🏻食食下都要夾d麵去我個湯到食😂話好味d喎😂黑蒜油拉麵為食🐷揀既係曲麵掛湯一流呀有濕蒜&乾蒜蒜味十足叉燒面有燒過，好香口流心蛋係全隻架😍湯底濃郁不過紫菜就浸左食湯到淋晒😫😫我次次都好黑仔食唔到脆紫菜架😩😩。整體黎講我覺得好食過附近既拉麵哩到既湯無咁鹹(少少鹹，接受到既範圍)、味精味無咁重食完番到屋企都唔洗點飲水平時食完拉麵要飲勁多水先唔口乾高質本地拉麵

日本的拉麵店大多是先自助購票，買好票後再交給店員的，這個形式第一次在香港看到，感覺特別有趣。拉麵的口味選擇有4種，麵條可自選曲麵或直麵，另外還有幾種配料可追加。這次和寶寶各人點了一拉麵和一枝飲品。將票交給店員後，店員會安排座位，再送上凍的玄米茶。櫻花蝦拉麵(曲麵)($88)湯頭超級濃郁，食完碗麵湯都幾乎被我飲清光。濃郁是因為湯裡面加了大量櫻花蝦，散發出新鮮的甜味，但又不會過濃或過咸，十級推介。曲麵比較粗，口感彈牙，每條麵條都沾上了濃郁的湯底，食落更為滋味。黑蒜油拉麵(直麵)($83)黑蒜油用的是豬骨濃湯，同樣濃郁，而又油膩。直線則心曲麵硬身一點，不過個人比較喜歡曲線的爽彈口感。叉燒外圍有一層油脂，食落不會過份油膩，加上肉質軟淋，平衡了油脂的口感。而且叉燒煮得入味而不老，有種入口即溶的感覺。流心蛋同樣很讚，蛋白部份煮至入味帶點甜，挾開蛋後金黃色蛋黃緩緩流出，食到蛋黃的香味。飲品是枝裝的信州白提子梳打($22)和山梨葡萄梳打($22)。用自助售票機為一個GIMMICK，再加上拉麵做得真的蠻不錯，價錢很合理，怪不得愈夜愈有食客啦。

聽聞荃灣又開左間隱世拉麵店 同同事收工 即去試試去到已經有d人 排隊 店員叫我地先買麵 原來呢間野好似日本d 拉面店咁 係自助買 好有日本feel 湯底有三款 黑蒜 辣 同櫻花蝦 可加紫菜 温泉蛋 等等 重點係佢有好多種日本氣水 貪得意我地每人都加左枝而呢間拉麵我覺得比起其他隱世麵店 最好食係塊叉燒 好厚肥瘦均 但又好冧 而且有灸燒味其次係個流心蛋 有咸咸地入味 已且個流心好正麵質 可能我個人比較鐘意有咬口 但正體都好好 湯濃但唔咸 櫻花蝦有好多蝦 蝦味超濃

睇完近期唯一值得期待既戲鐵血戰士之後就同個fd去搵野食醫肚。途經呢間拉麵店 被佢挑起左我既日本癮，所以就決定食拉麵一解思日之情。呢間拉麵店并承日本既傳統，先有係拉麵機買飛再入內比師傅去烹煮。我地初見呢間機既時候都覺得好有日本既感覺，先揀邊一款搵面，當中可自選直麵或曲麵，需唔需要走蔥，然後可再選加麵或加其他配料、飲料等，操作十分簡單直接。入到店內亦滿有日式既感覺，有拉麵店既bar枱或普通餐枱。另外 店內既電視會不斷播著日本廣告同日文歌 凝造出客人處身於日本既感覺。我就點左辛味辣麵，係各種款式中唯一既一款辣麵。鮮姐色既湯底，上面浮左一浸辣油，但佢唔止咁簡單，另有一團豆瓣醬同芝士粉。將各款配料撈均之後 令到個湯底更加完整，有少少既辣味 唔會好辣，再有淡淡既芝士味，重口味之餘 你又會覺得佢係本應如此。另有兩大塊叉燒，相比起一般拉麵店，佢係比較大塊，肉質軟淋，但肥脂位亦有少少韌口。半熟蛋既處理都唔錯，蛋黃半熟半生，值得一讚。友人則點左櫻花蝦拉麵，櫻花友落既份量十分之多，可謂落重本。同樣地都會有兩塊大叉燒同一個半熟蛋。聽友人講鮮度、咸度恰當，也是值得一試。我地都各點左一枝汽水，都係日式汽水，襯晒配

近排瘋狂去食拉麵，難得嘅中同聚會都俾我說服左去食拉麵。舊同學係有呢種情誼。荃灣係由細玩到大嘅地方，知道有一間拉麵店引入左日本嘅自動賣票機，就同班同學一齊黎打鋪機。主打係四款唔同口味嘅拉麵：魚介／辛辣／黑蒜油／櫻花蝦。本來四個人各一碗啱啱好，但錯估左大家嘅口味，只揀左櫻蝦及辛辣味。可惜係追加配料時只有’’替玉’’即係加麵可揀，唔係就可以將碗拉麵DIY得更豐富了。反而飲品就有更多選擇，全部由日本進口有啲更係連日貨店都少見嘅口味。汽水配拉麵，即刻諗返起係東京旅行嘅感受。大家不約而同都揀左啲清爽口味嘅果汁汽水。揀左支信州林檎50%－蘋果汽水，入口冰凍酸甜，用黎配油膩感重嘅拉麵就正好合適。櫻花蝦拉麵。大量灑係面嘅櫻花蝦除左令拉麵香氣提升之外，攪拌落湯底更添味道及口感。麵底揀左曲麵，食落偏硬身爽口，加上掛湯效果一流邊食可以邊吸收濃郁湯底味道。唔錯。溏心蛋接近七成熟，所以流心之餘仲有啲綿滑口感，亦幾有蛋香味。叉燒好大塊，肥瘦相間得宜所以咬落去好好食。叉燒油脂經過火槍炙燒後逼晒出黎，除左香口仲有啲筋肉嘅咬勁。試左啖朋友嘅辛辣湯底，味道又唔算咁辣。反而辣椒香味好出尤其有微微花椒嘅香味，感覺湯底都混合左不

約這個朋友住住選擇都係拉麵，今次就係openrice找到一間未食過的拉麵，大約行左十分鐘路程就到，去都都有一半桌坐左，最後我地三個坐bar桌坐。再出去機度買票回來等吃。每人一碗拉麵，價錢都可接受而大碗，而這裡的拉麵 有直同曲選擇，口感都不錯而且大份量， 辛拉麵 辣度有驚喜的辣味夠但吾夠香， 黑蒜油拉麵 就咸得滯吾夠香 ， 蛋煮得好味夠流心加蛋香十足，但义燒真係十分肥，整體只屬一般。最後义燒我都只吃了一半就沒有吃了。整體我地都覺可以一試。

又去荃灣覓食啦～最近天氣太熱，熱到唔係好想食飯，所以就提議去食拉麵。朋友就上網揾左呢間拉麵。一到嘅時候見到門口外面幾個人係度排隊，行近D見到佢地圍住一部機係度望，我地都好睇唔透。後來觀察下其他人先知道，原來呢度係要先係外面呢部機度點左餐比左錢先，先到入面坐。呢樣野都幾特別，唔知日本會唔會都有咁樣嘅店呢～因為太蠢嘅關係，我地搞左一輪先點到餐。店員見我地入到黎，睇左一睇我地嘅單就安排左我地坐低。店面唔算好大，但係坐落幾舒服，又唔會太嘈。我地每人叫左一樣野飲，我叫左白提子梳打，朋友叫柚子梳打。白提子梳打嘅提子味真係好濃，但又好fresh，唔係假味一飲就愛上～柚子梳打相對比較淡D，冇咁甜，但柚子味都係好清新。個人就比較鐘意白提子梳打！我嘅黑蒜油拉麵黎左先，好大碗！麵多，料都多。平時我出去食拉麵，給果唔加叉燒嘅話通常都係得一塊，但係呢度冇加都有兩至三大塊，真係超抵！仲要D叉燒係真係燒過嘅，食落多左一陣炭燒嘅香味，真係幾有驚喜！呢個黑蒜油湯唔會太鹹，飲落岩岩好，攪拌之後蒜香味都幾濃，岩我呢個重口味嘅人。我見佢麵有得揀直麵定曲麵，唔知係咪我太大鄉里出城，所以都係第一次見到有曲麵呢樣野，朋友話咁樣會更

諗唔到要食咩既時候就係食拉麵啦 咁啱附近有間好特別既拉麵店 居然有日本旅行先會見到既拉麵自助售票機 可以買左食劵先入去交俾店員 真係好特別我地一人食一個拉麵再加一款飲品 但最後都已經好飽而且店員見我着白色衫 都會問我一句會唔會需要圍裙 驚會整污糟件衫 真係好好服務呀我就試左櫻花蝦拉麵 真係有好多櫻花蝦好足料 而湯底蝦味都幾濃 唔錯唔錯 兩塊豚肉都好正 半肥瘦 又唔薄 但完全唔會膩 味道真係好好架而麵底揀左之前食過覺得好味啲既曲麵 果然唔錯 掛湯能力幾好 可惜朋友都跟我揀咗曲麵 試唔到直麵嘅效果而且呢度既溏心蛋都整得好好架 好想再加蛋而朋友既黑蒜油拉麵都唔錯 飲左一啖湯 蒜油味真係幾濃  鹹鹹地 朋友都幾鐘意 但我都係鐘意我碗櫻花蝦多啲 哈哈至於飲品 就係平時拉麵店見到既梳打系列 今次試左兩款平時都冇試過既白提子同柚子蘇打 柚子味道正常 好似凍既柚子蜜 味道不大驚喜 但白提子蘇打真係好好味 味道唔會太甜 又有果汁既鮮甜味 下次會再飲呢款

今日我係為拉麵售票機而來，餐廳位於楊屋道街市附近，餐廳並不顯眼，但他放了自動拉麵販賣機在門外，已吸引了不少人目光，好多人都非常好奇。自動拉麵販賣機在日本其實好普遍，只是香港並不流行，其操作非常簡單方便快捷，先點選餐，只有4款拉麵和有十四款由日本直送的汽水，選好餐，然後付錢，之後進入餐廳遞給店員，就可以等食啦。餐廳裝潢簡約的日本風格，而且還播著日本的流行MV，感覺好像置身在日本。我點選了辛辣拉麵（曲麵）&赤富士汽水辛辣拉麵加入了秘製辣油，不會太辣，還加了辣肉碎，口感好豐富，叉燒經過火炙，但略韌了一點。 赤富士汽水在香港我未見過，使用富士山天然水加上山梨縣產葡萄果汁製成的赤富士蘇打，味道有點似巨峰提子味。

聽朋友講荃灣有間令你感覺好似番左去日本既拉麵店！🍜其實最特別既就係呢部拉麵自助售賣機🙆🏻‍♀️平時係香港就冇乜幾可見到呢啲機，所以個感覺就好似去左日本咁🇯🇵同朋友一人叫左一碗拉麵我叫既係《魚介拉麵》$80魚介拉麵湯底有陣陣麻油香，食完都唔會係咁飲水，相信唔重味精！朋友叫既呢個《辛味拉麵》$85本來睇佢咁紅以為會好辣，點知又唔會，只係有小小既香辣味，唔食辣嘅人都絕對接受到～另外佢有曲麵同直麵揀呢個係直麵呢個係曲麵曲直都好食，依照番個人喜好嗌啦！想重點提下既係，溏心蛋做得好出色！熟既程度岩岩好，而且滷得入味《白提子梳打》$22《蘋果梳打》$22平時好少見到有呢款飲品賣，都幾特別👍

自從生左囡囡之後，真係冇時間去日本旅行，以前一年去幾次，以家忙於工作，忙於照顧家人，差點比我遺忙了日本的感覺，今日終於在荃灣找回日本的感覺。餐廳引入了一部自動拉麵販賣機，操作非常簡單，先按製選餐，然後入錢，再拎飛比侍應，之後就坐定定等啦。等了5分鐘左右，拉麵終於到啦。櫻花蝦拉麵（$88）我個人喜歡曲麵口感，比較彈牙，豬骨湯加入了蝦油，整碗放滿了滿滿的蝦乾，湯底有著櫻花蝦的香氣，叉燒火炙過，令叉燒的味道更濃突出。魚介拉麵（$80）朋友亦唔例外，選擇了曲麵，豬骨湯底加入了魚介粉，而且還配上木魚，超濃郁的魚介味有我們至愛的流心蛋，軟滑的蛋白，咬下去，流心黃爆出，蛋黃香味溢滿口中。靜岡抹茶可樂（$18）&全熟桃味汽水（$22）全熟桃味汽水有著濃厚的桃味，非常清甜。如果非常掛念日本，可以過來禁下機過下手隱，令到在香港都有日本的感覺。