團日式拉麵

营业中

休息中

香港人一向愛吃拉麵，就算是日本過江還是本地拉麵店都是趨之若鶩，有時甚至要喺門口大排長龍，亦在所不惜。我不是一個拉麵痴，但都幾鍾意食拉麵既。很早前得知，有部自助點菜機點拉麵，進駐了荃灣，瀏覽過網上食評，見評價正面，所以趁周末閒著，就決定拉埋朋友一起到訪。拉麵在香港來說都算食得多，但一間自助落單既拉麵店香港真係未試過見到，佢既運作都同日本既好相似，一部點菜機，可以自己柯打令我又想起日本的旅行...因為間間都係自助式點菜很方便！今日終於係荃灣【團日式拉麵】嘗試用自助落單機去點拉麵啦，真係幾得意。自助機操作好簡單，一睇就會明白！逐個逐個Step跟住，4個Step就已經可以完成！只要按你想食既野，按一個制就可以！如果想要追加，都係直接按你想追加既食材就得了，亦可揀麵條、走葱等等...Step3：選好了之後，直接投入紙幣或者散子就會出票Step4：拎左張票就可以入去搵位開餐！操作方法唔算複雜，如果唔識都可以搵員工求救架！門口已經話你知拉麵主要有四個款式分別有：「魚介拉麵，黑蒜油拉麵，辛味拉麵，櫻花蝦拉麵」除左有唔同拉麵款式，佢仲可以揀麵條揀曲麵同直麵，可以滿足唔同客人既喜好。每款拉麵都各有特色，起

住係荃灣， 其實知依間拉麵店開咗好耐，不過一直冇機會去試，今日諗唔到食咩好又咁啱路過就入去試下門口部賣票機係好吸引，好似真係去咗日本買緊拉麵咁，飲品選擇頗多，但拉麵只得三款，好似少咗啲得辛辣，黑蒜及櫻花蝦湯底。 麵有直麵及曲麵可選可以追加麵底 但可惜沒有得追加溫泉蛋，叉燒好喇 買完票入坐先，環境尚算光猛整潔。等了差不多十分鐘，黑蒜拉麵送上。拉麵配料有紫菜，溫泉蛋一隻，兩片叉燒，炸蒜片，濕蒜蓉，葱曲麵口感彈牙，叉燒肥瘦適中，湯不太咸 味道不錯全碗麵我覺得最正係隻溫泉蛋，流心架，且好香蛋味。總括 其實我覺得冇咩驚喜，只係不過不失，唔難食，味道可以。讚飲品種類多且幾特別。 我揀了wasabi薑疏打，入口冇wasabi 味但有濃厚薑味 唔知點解叫wasabi 薑疏打。湯有點油，如果冇咁油好啲。款式選擇少得三款，且沒有我最愛既配菜： 荀，木耳檯面沒有七味粉，生蒜提供八十多元一碗拉麵，二十多元飲品。唔算貴亦唔可稱平如路過又冇人排隊可以一試

今日咁岩係荃灣上完堂，就同埋同學去附近一間最近都好多人食既拉麵店，去到已經見到個人龍，咁證明好食先咁多人排啦 哈哈！呢度同日本既拉麵店一樣，都係要先係門口買好票，再入店！ 呢度總共有四款拉麵，我都心大心細諗簡黑蒜拉麵定係櫻花蝦拉麵好，最後都係比櫻花蝦拉麵吸引左我！櫻花蝦湯底十分濃郁，我就簡左曲麵，曲麵掛湯能力十分好，沾滿哂濃郁既湯汁！而配料都唔少，有豚肉，同埋大量既櫻花蝦 增加左拉麵既口感！食拉麵絕對唔少得波子汽水啦，呢度既波子汽水選擇十分多，有成十多款既選擇呢！我就選擇左赤富士波子汽水，係紅紅地色 ，感覺很特別呢！仲有提子味 蜜瓜味等等！呢度感覺好有日本情懷，夠哂正宗，下次黎荃灣要再試下唔同款既拉麵同波子汽水一定要😃

今日入去荃灣搵個朋友食飯佢話想食拉麵，我哋見呢間評分唔錯，就食呢間啦！咦？呢度竟然同日本拉麵店一樣要先到門外嘅販賣機買票販賣機操作非常簡單，如果有唔明白，可以詢問店員我見店員都好熱心幫助～買完之後，會有一式兩份嘅收據一張比店員，一張自己keep店舖面積唔算大，但環境唔錯，乾淨企理「櫻花蝦拉麵 $88 + 海苔 $8 + 溏心蛋 $10」個人認為湯底係拉麵嘅靈魂，當然要先試啖湯！我將一堆櫻花蝦混入埋個湯底蝦味都幾出，我相信有另外用蝦頭熬湯？叉燒見到有炙燒過嘅痕跡幾大塊，肥瘦適中，唔會太薄太厚溏心蛋做到流心效果 我選擇咗直麵掛湯能力未必夠曲麵好，但都唔差，軟硬度適中*每碗拉麵本身已經有海苔同埋溏心蛋各一，因為個人喜好先再追加哈哈*呢度有好多款日本汽水飲料好多喺香港都未見過有得賣～我就叫咗「信州白提子梳打 $22」總括而言，去開荃灣嘅朋友，不妨一試，又多個地方選擇～

有時放工都想一個人食野, 喜歡獨自一個的空間, 不用聊天, 就靜靜的吃。一個人, 吃拉麵就很適合了, 就算跟朋友吃, 也都是各自吃自己一碗, 沒有分別。今晚選了荃灣的一間新拉麵店。在香港應該未見過, 自助式拉麵點餐機, 真的入錢出飛的。將其中一張比店員就得比較少見這麼多款式的日本樽裝飲品, 睇到眼花繚亂, 好多都想飲呢。結果揀左山梨提子, 有10%果汁未滿, 味道似汽水, 提子味道幾真實感覺。櫻花蝦拉麵, 賣相幾靚, 有大量櫻花蝦, 有大量青蔥、白蔥, 我好欣賞, 溫泉蛋十分流心, 而且味付, 拉麵可選曲或直, 個人喜歡直麵, 湯底濃濃豬骨味中加上蝦的鮮香味, 確有日本風味呢, 日本吃的拉麵也多是很濃的湯, 豚肉就稍有嚼勁, 如果嫩一點就更好。

荃灣食拉麵有好多選擇，但係「團日式拉麵」特別在落單係自己用自動販賣機，仲要係入紙幣，似足日本街頭風格，買完飛就可以坐底等店員上麵啦拉麵店提供左多種拉麵 🍜：魚介拉麵、黑蒜油拉麵、辛味拉麵以及櫻花蝦拉麵等等....然後下面有追加配料-紫菜、溏心蛋。。販賣機需先揀左個拉麵～然後揀麵底-個人覺得曲麵麵身彈牙有口感，「黑蒜油拉麵」湯🥣充滿香濃黑蒜油色澤，加上有成隻半熟蛋、叉燒、黑蒜、大量青蔥等...非常的足料。。曲麵係軟身彈牙，吸盡湯底的精華主角：叉燒煮至淋身，另外「櫻花蝦湯拉麵」湯底濃郁入味 ，好濃郁的口感，咸香十分濃味！販賣機仲可以落埋飲品單：今次試試芥末薑汁可樂、櫻花可樂「團日式拉麵」是絕對可以一試既荃灣區足料拉麵🍜呀！

大前日(1-9-2018 Sat)晏晝,等老公放o左工後食晏,我o地o黎想試但唔得o既呢間,o黎到,見到自助落單機正正擺o係門口,睇吓價錢,一啲都唔平,而且只有4種拉麵,而加$8.00同$10.00就多一塊紫菜同溏心蛋,加$10.00同$13.00就可加多份90G同130g o既曲,直麵.汽水就有14款,價錢係$18.00同$22.00供應.我同老公就要o左$80.00o既魚介拉麵同$83.00o既黑蒜油拉麵,兩個都要曲麵同唔使走蔥,再揀埋同樣$18.00o既蜜瓜梳打同達摩梳打,合共$199.00.買完飛就入去坐,店員會拎一張單去整,等o左一陣,兩支汽水到o黎,冇耐,兩碗拉麵到o黎,我碗黑蒜油拉麵有炸蒜同蒜蓉;老公o個碗魚介拉麵就有木魚同唔知咩調味粉.而兩碗拉麵都有一隻溏心蛋,一塊紫菜同兩片叉燒.好食得,兩碗拉麵湯底都夠杰身,味道都濃郁,魚介拉麵就好重木魚味;黑蒜油拉麵o係食到底時,蒜味超濃.紫菜仍脆;溏心蛋蛋黃顏色好紅;叉燒脂肪位入口即融;拉麵冇煮過腍.環境:枱與枱之間距離充足,唔錯.其他:自助落單機上冇講每種拉麵有咩餸菜,只係睇圖,我就估有一隻蛋,老公就問問店員,佢答有一隻溏心蛋.

原來內裏相當簡約，就只有吧枱，以及其他桌椅，因為顧客已經在外邊透過拉麵機下單以及付錢，因此內進之後自行㨂選座位就可以。湯底幾款，為免次次黑蒜，這次故意一試櫻花蝦🦐。湯底的味道挺濃郁，不算非常之杰身，而且面頭還會有很多青蔥以及白荵絲，還有很多櫻花蝦🦐🦐在面頭，使得湯底微杰得來又有很多配料，濃郁得來亦都不算太過鹹。湯底非常濃郁，而且夠燙🦐，在這麼大冷氣，而且又喝凍飲的情況下，湯底夠熱非常重要。湯底熱，而且內裏有很多櫻花蝦增添鮮味🦐。曲麵，份量不會太少，與友人的直麵比較下，曲麵好像上湯能力較佳，帶輕微嚼勁。叉燒三大片，圓形放射狀吸晴😍，捲起煮的圓形狀，肥瘦均勻🤓，有肉有皮，薄切乾淨，口感奇佳。半熟卵，上圖我那隻質素還好，有點流心蛋黃，友人的更佳，咬開少許，震震欲瀉😍，之前都已經說過，有信心的拉麵店，才會原隻奉上💪🏾，因為不知道蛋裏面是否全熟，切開半隻蛋可以知道熟不，這一點足以看出此店的功架櫻花可樂🌸，味道比較特別，雖然顏色偏向粉紅及粉紫色，但是味道就像可樂味，清新而特別，於櫻花蝦拉麵形成一套。有幸上年去日本高松旅行時，在城內，由於星期天很多店舖都關門❌，因而光顧一間比較舊式的店舖，跟店員下單

黎到荃灣一間新開既拉麵店！特別既地方係呢度係用自動販賣機黎落單， 好似去咗日本咁，先入錢再出飛決定食物。 有魚介， 黑蒜油，辛味，同櫻花蝦味四種任君選擇，可以額外配紫菜同醣心蛋，驚喜就係有各式各樣既日本空運汽水，我就試蘋果汽水。黑蒜味道相當濃郁， 炸蒜令拉麵有雙重口感， 咬落脆脆口感提升。令人驚喜既就有流心蛋！一咬蛋黃就流晒出黎，完全唔係流既！ 相當delicious!最後就係蘋果味汽水，佢話有20%蘋果汁，但飲落好似飲緊真既蘋果汁咁，正！

之前朋友介紹我黎拉麵 話好有新意 原來係講緊呢部由日本引進既自動反賣機 好得意呀 可以揀唔同口味既湯底 仲有我最鐘意既曲麵（朋友揀左直麵）但個人認為曲麵更彈牙 有口感！先黎飲品 巨峰梳打真係一流 唔會太甜又富有果香 當然另外既蘋果味都好出色架 而且因爲拉麵比較濃 配埋甜甜地既飲品成件事清新曬 唔會太漏啦咁就！櫻花蝦拉麵個蝦味好濃好香 作為小店有咁既水準都幾驚喜架 個流心蛋做得岩岩好 麵既口感都好好 叉燒就唔會太肥 但香口的 成件事好和諧好好味朋友食左黑蒜油味 濃味好多 但真係似黑蒜油而唔係普通麻油 配直麵一啖咁食真係爽！

好難得去到荃灣做嘢，中午都有幾多空餘時間，可以慢慢食啲想食嘅嘢最近都比較多人討論荃灣有間拉麵店，出面收錢方式係用咗日本嗰種風格，唔會直接店員收現金但係喺出面果部機器就會收現金，好似港鐵八達通增值咁。其實呢部機器都算好方便，起碼省卻左人手，同埋都算幾容易用，先按下想要嘅食物，之後先至入錢，不過留意番只係收港幣，而且紙張唔可以太皺巴巴，否則會偵測唔到。總共有四款不同拉麵選擇，價錢有$80到$90左右，相差不大。最後選擇了兩款比較鍾意食嘅拉麵櫻花蝦拉麵$88曲面櫻花蝦拉麵係我朋友叫嘅，其實我都好想食，不過為咗試多啲唔同嘅嘢，又驚中伏，所以都係兵分兩路安全啲。櫻花蝦湯底係好濃郁嘅蝦香味，但係不會太鹹，好好味道。表面仲有好多粒櫻花蝦，增加鹹香以及口感。黑蒜油拉麵$83曲面黑蒜油最正嘅就係除咗湯底有好香嘅黑蒜油味道之外，其實表面有啲炸蒜同埋蒜蓉等等，每一口都好香濃嘅味道 Ps.食完可能會有啲口臭XD肉好食基本吧 ~~糖心蛋都好值得讚賞，除咗整嘅時間當然啱啱好，仲要佢個蛋嘅表面唔會有浸怪怪地嘅咸味，反而味道比較清淡清新，變相唔會喧賓奪主，完全食到糖心蛋裏面嘅甜味。曲麵質感都唔錯，有人話覺得似食公仔麵

團拉麵今日去咗朋友去荃灣買嘢，然後我哋經過一間拉麵店，好得意，初頭以為嗰個鋪頭外邊嘅販賣機係售賣汽水，原來係日式嘅自助拉麵售賣機，完全同日本一樣，先在販賣機，落order，然後就投入所需的紙幣和硬幣，便會發出一張收據， 然後就可以進入餐廳，等候拉麵。入到餐廳，都覺得有一種日本街頭小店嘅感覺。一走進去，便看到拉麵師傅在默默耕耘地為我們烹煮拉麵。 餐廳的一旁放了一部電視，電視裏不停播放着日本的MV，整個氣氛也像在日本呢。店舖冇+1，不過店員會立即為你準備一杯凍嘅麥茶，等咗大概五至10分鐘，拉麵就來到啦。全間餐廳，只出售四款拉麵。我同朋友點左櫻花蝦叉燒拉麵。每一碗拉麵都有兩塊紫菜，一隻溏心蛋，同埋幾片叉燒。麵底可以選擇曲面或即面，初頭我也不知道他們的分別，後來我看到我的湯底越來越少，便察覺到原來直麵是非常吸收水份的，如果想食較為彈牙的，就可以選擇曲面。。亮點是溏心蛋我把糖心蛋留到最後，係食糖心蛋之前，先用筷子感受一下他的彈性，筷子一夾下去，雞蛋有一種回彈的彈性。慢慢地吃一小口，真的不得了，非常流心的蛋漿，從中心爆出來。這是我吃過最好吃的糖心蛋。當我和店員聊天時，他們告訴我，餐廳選擇把整個溏心

荃灣新開左間拉麵店，引入左日本嘅自助售賣機，所以吸引左唔少人黎！我都去朝聖一下！去到門外已經有一群人等緊禁飛仔！拉麵口味唔算好多，主要係4種：1. 櫻花蝦拉麵2. 黑蒜油拉麵3. 辛辣味拉麵4. 魚介味拉麵見到個個都禁禁禁，感覺真係好似係日本一樣！只不過聽到嘅對話係廣東話，而唔係日語😂😂😂點算真係好掛住日本好啦！禁好想要既麵之後，店員就幫我地攞出飛啦！店員知道我地唔係好想要咁多散銀，主動同我地講「散錢可以幫你地唱返做紙幣，唔使擔心啊！」好窩心呀！好彩都唔係等左好耐15分鐘左右就可以入去坐啦！怕甜既平時好少飲汽水梳打水，但店員就介紹左富士山呢一個柚子梳打水比我，唔會話太甜，而且咁耐好清新！！咁朋友就揀完熟水蜜桃梳打水，飲落口好桃味，而且甜甜的！店員見到我着住白色衫又再一次窩心咁俾咗個小圍裙我驚我整污糟白色衫，真係好細心😝😝😝再論盡啲都唔使驚！櫻花蝦拉麵朋友叫咗個櫻花蝦外表都相當吸引櫻花蝦嘅份量都好多！食嘅過程中朋友只係不斷講話「好食」「冇揀錯餐廳」「好彩有排到」！嗚，等都唔等我！😐😐😐辛味拉麵就咁睇以為好辣啦，但係唔食得辣嘅人應該都接受到！拉麵係用咗自家製特級辣油，仲有啲肉碎辣辣地，食落

最近去到荃灣，當然梗係飲飲食食之旅，朋友對這邊非常熟路，話我聽呢度有自動販賣拉麵機，心諗有冇咁日本喇。部機就喺門口，入面舖頭四四方方，開放式廚房，睇通睇透。我準備開動啦，結他他ki Ma Su。麵方面可以選擇直麵或曲麵。 完全喺度自動販賣機上面可以選擇。黑蒜油拉麵， 曲麵的。 蒜味十足， 選擇曲麵，每一啖都充滿黑蒜湯味。 識食一定咁食。櫻花蝦拉麵，這是直麵的。一心打算清一點，簡簡單單。兩個麵最大特色就係兩隻糖心蛋，冇諗過咁用心，原隻咁上。信州蘋果梳打， 同日本買冇分別， 但係價錢同日本買就差一大截。芥末薑汁梳打， 未飲過。 第一次飲，估唔到一飲愛上。 薑味芥末兩種嘢，聽落去好唔夾，好似好香辣， 估唔到入口咁融和。是次係午餐時段人流唔算多，唔使同人逼。下次再食過，不過嘢飲可加可減，除咗芥末薑汁梳打。

是日中午時跟瓊姐去了灣仔食台式紅燒牛肉麵🐮，晚上與小鳳姐嚟到荃灣大屋街18號地下的一間“團日式拉麵” 食個正宗日式拉麵🍲作晚餐，今日穿梭兩地食盡台日拉麵。團日式拉麵店舖門口放咗一部自助點餐機💱，嘩~令我立即當場回憶之前遊東京的時光😢😢，好掛住日本啊～好啦~我揀了#魚介拉麵 要曲麵加多一隻#溏心蛋 ，配#薑汁炭酸芥末 ，而小鳳姐就按了#黑蒜油拉麵 配曲麵亦都追加一隻溏心蛋🥚，飲品是#抹茶可樂 ，合共$223。.買好飛仔進入鋪頭，交飛給職員後就可等待食物😁😁，仿如置身於日本正宗拉麵店的感覺，等了數分鐘左右，飲品先上，拉麵隨後1分鐘就到上擡囉～首先未食已經聞到好香濃嘅豬骨濃湯味，而且賣相不錯🤓🤓。我個魚介拉麵，豚肉有二大塊，肉質非常腍，油脂分佈均勻，入口即溶，一點都不滯。湯底濃郁順喉，飲不出有味精，好想飲晒啲湯添呀～😋😋拉麵彈牙又爽口，煮麵時間恰到好處，全靠師傅控制時間好同熟練技巧的功勞👨🏻‍🍳。最令人驚喜的就是個“溏心蛋”，好食到呢～真係不能用筆墨形容，個流心好食到講唔到嘢🤤🤤，食完一隻再接一隻。小鳳姐都很滿意碗黑蒜油拉麵，味道都好真實，不似有味精的公仔麵湯底，“堅”好食👍🏻👍🏻。我哋二人