坤記竹昇麵

营业中

休息中

係附近睇完醫生，睇下附近有咩好食.見到有米芝蓮推介既平民小店，咁就黎試下雖然而家係三四點鐘，但都有唔少食客，叫左佢地招牌既蝦籽撈麵，嘩，大大碟，差d食唔曬，個麵味道好特別，又唔乾。食到咁上下，飲下佢個撈麵湯驚為天人既味道！未試過撈麵既湯係咁好飲！突然覺得個湯先係主角仲有一讚係，老闆好親切，唔會因為上左米芝蓮推介就變得好高架子

星期日叫爸爸幫忙換到長沙灣換禮盒,百幾蚊仲貴過出面D日本禮盒,貪佢夠特別又有D名氣先買佢,點知中伏. 返到黎見到個盒過開口位爛既 , 衰就衰左爸無睇清楚就拎番黎~第日我已經打去問佢有無得買過個盒.. 要送俾人MA始終..店員話可以去搵佢拎過個. 琴日收工特登搭車拎個盒...果度D人用好差語氣叫你"等等啦", 當下已經皺左眉頭,從來無黎過此店,但原來係咁差D服務態度..已經同自己講算!點知返到屋企爛盒換新盒時...真係嬲到 原來入面都係爛(呢個都唔係問題)..問題係貨不對版...明明係1樽大地魚粉,1樽蝦子皇...但入面竟然有2樽大地魚粉. ..這是禮盒嗎??.., 真係有D過份~ 同職員講番件事, 佢竟然好理直氣壯咁講番我轉頭話我無睇清楚, 問我究竟想點. 真係有D嬲.態度取決一切, 價錢唔係平,又要受氣 正想買禮盒也不會拆開看完再送給人吧?? 無諗過新年開開心心買禮盒送禮會落得如此下場.老實講我無去過呢間野食野,亦唔會去 , 亦唔會介紹朋友去, 真係不吐不快..!!!!!!!!!!!!!!

今日同媽咪黎重拾以前既味道之前睇電視見到呢間坤記既麵係師傅自製,一直想帶媽媽來食!我地叫左兩碗雲吞麵,呢度既自製竹昇麵真係爽口又彈牙,蛋味好香,而且無皂水味架!最驚喜係,湯底有好香既大地魚味,好鮮甜,同一般食到既好唔同,阿媽話呢種就係以前食雲吞麵既味道,而家好少搵到了~雲吞雖然唔大粒,但皮薄餡多,啖啖蝦肉,仲每粒都充滿肉汁呀!

本來想去柚屋，但等位的人太多了，便改去同樣位於長沙灣的坤記試試竹昇麵。蝦子餅點了鮮蝦雲吞撈麵精選套餐($45)，包油菜一碟和飲品一杯。套餐的油菜份量不多。撈麵用上兩個麵底，用上招牌竹昇麵，沒有梘水味，但不是預期中的爽口彈牙質地。我點了老闆娘介紹的肉絲炒竹昇麵(一人份量$43)，很大碟呢！怎看也不像一人份量。炸過的竹昇麵非常鬆脆，加醋來吃更加美味。

朋友係坤記超級粉絲佢上星期食突登去長沙灣食完，仲買左生雲吞同竹昇麵俾我呢個荃灣人(其實荃灣同長沙灣唔係好遠咋)經過佢超級推介個蟹黃鮮蝦雲吞後，我地忍唔住第二日lunch即刻煮來食！隨盒附有好細心既說明紙，教你點煮雲吞麵~~~我地跟住教學將個麵先煮一分鐘 ，但係麵個底部有一舊好硬既麵，煮一分鐘係煮唔散同煮唔林架， 為左煮散個麵，所以煮耐左攪到個麵好林，，建議先剪走果舊硬野唔要，先煮個麵，咁會好好多~~~雲吞雖然細細粒，但係入面有原隻蝦仁，爽脆鮮味，配塔埋蟹黃真係好好味呀！我地一人食6粒完全唔夠喉！聽朋友講蟹黃雲吞係期間限定架，過左季節就無，要試就要快喇

今日想食清清哋，去咗坤記竹昇麵食麵叫咗雲吞麵同豬手麵，先講雲吞麵佢話係竹昇麵，但麵不太彈牙，雲吞不夠香，湯有蝦子但味道不太濃。到豬手麵豬手夠味，炆得都夠淋。兩碗比較起來，我覺得豬手麵比較好。之後叫多碟蝦子撈麵同一問題-蝦子不夠香，反已蠔油味道幾好，甜甜哋不太鹹，用來撈麵不錯。今餐食咗三碗麵及兩杯飲品，總共102蚊。不過不失啦。現金香港地好難食到自家製的竹昇麵，所以都會再幫襯。希望佢地可以改善個麵質就更好啦。

檸蜜，薑檸樂手拍青瓜:紅油的顏色和味道俱備，令青瓜非常好吃。招牌雲吞，古法滷肉竹昇麵有少量蝦子點綴, 蝦子是自家炒制，令湯底也帶點蝦子的香氣，雲吞內裡的蝦很新鮮爽口，蝦肉與瘦肉參半，蝦跟肉比例不錯， 中上水平，雲吞則比想像中的大粒。竹昇麵麵質爽口彈牙，有蛋香味，滷肉味道幾濃，湯是用大地魚熬的，有蝦子，湯底味鮮濃，沒有味精，真的不錯!肉絲炒竹昇麵(雙面王製作)麵條富彈性極爽，且沒有鹼水味，有水準的竹昇麵,而且確是無花無假的手打麵，總括而言， 麵真係此店的招牌，有水準。

在年青人的意識中，麵都由機械壓製而成。連續４年得到米芝蓮推介的「坤記竹昇麵」，正正告訴他們，最好的麵，是由人坐在竹上壓出來的。「我個年代細蓉都係兩蚊碗，只有坤記可以食返舊時嗰陣味」老闆娘說。何謂「嗰陣味」？是陣陣蛋香味嗎？的而且確，坤記招牌蝦子撈麵蝦子份量十足，麵由手壓成，因而爽口有嚼勁，帶著濃郁蛋香，絕無鹼水異味。而湯底亦相當足料，以豬骨、自家燒香再磨粉的大地魚，還有蝦殼、胡椒、羅漢果熬製而成，清而帶鮮，絕無精味，配上撈麵可達致最佳口感。反之，現在的麵多以機器用死力去壓，加上粗幻平均，所以做不出連綿爽脆的口感，而速成湯也滿佈味精，沒經過紅爐火，又如何跟舊時最真摯的滋味相比？「嗰陣味」未必單指麵的味道，而是舊時家家戶戶吃麵的人情味，最簡單的一份心絲，機械永遠不能給人這種感覺。正如「坤記」的「坤」字，是老闆取自太太的名字，借麵寄情，一絲不苟，要從石屎森林中重拾舊時「嗰陣味」，只有坤記竹昇麵。 

今天慕名而來吃竹昇麵，可能因為有米芝蓮推介，所以懷著興奮的心情來試，點了撈麵及肉絲炒麵，但失望地原來個撈麵味道口感都很一般，完全吃不出有甚麼特別，而最大期望的肉絲炒麵，吃下去如吃發泡膠般，吃罷後竟有想嘔的感覺，這個都算了，可能是自己期望太高吧，但那個好似事頭婆的服務態度就真的令人吃不消，她將整個試食體驗推向地獄，結論是我不會再來幫襯！

聽聞呢到既炸醬麵&蝦子麵都非常好食， 掙扎左好耐， 終於決定叫炸醬麵!! 炸醬面裡面既肉好 "林", 個醬咸辣適中， 但最出色既係跟麵果碗蝦殼湯。 有非常香嘅蝦味+少量蝦子。食緊麵既時候，有個女人走入嚟買蝦子， 老闆堅持蝦子要放涼左先可以入樽， 叫個女人遲d先嚟買， 睇得出老闆對食物質素有緊持，讚!!

春雨綿綿, 想找些乾點來吃, 走進了這家麵店。點的肉絲炒麵沒料到竟是如此的超級大個! 麵餅是炒的麽? 超級香脆, 似是炸的, 超級超脆, 遠勝其他茶記的炒麵!大約四十多元, 又好食又飽肚。

自從位於長沙灣平民區的坤記竹昇麵，開始獲得國際權威的米芝蓮指南推介之後，小弟才發覺，原來平民區的小店的美食，都可以做得出色，獲得國際權威肯定，自此一直希望能到該店，一嚐該店的雲吞竹昇麵。昨天下午，小弟到石硤尾及長沙灣一帶逛，也特別把坤記，納入當天行程之中。傍晚六時，小弟終於走進了坤記，並叫了該店的招牌菜－雲吞竹昇麵嚐嚐。不消十分鐘，雲吞竹昇麵終於端上來了。雲吞竹昇麵端上來後，首先喝喝大地魚湯底，感覺味道鮮甜，而且沒有鹼水味，就算喝下一整碗湯底，也不會覺得太難喝。接著咬下一口雲吞，餡皮相當之薄，而且蝦肉與豬肉的比例相當均衡，不會有喧賓奪主的感覺。一碗好的雲吞麵，對雲吞的要求是"皮薄餡靚"，坤記的雲吞就做到了。吃雲吞麵，重心當然是它的麵條。小弟咬下麵條後，感覺不單是爽口那般簡單，而且還是－－絕對爽口！！！相信由於該店的麵條，是以人手打製，不像其他麵店的雲吞麵，從其他製麵工廠買機製的麵餅來煮，故此吃下去，不會有其他麵店的雲吞麵般，感覺上面有一層蠟，破壞了口感。最重要是，售價只是26元一碗。以該店的雲吞竹昇麵的質素來說，絕對是物有所值。坤記雖然只是在平民區的一間小店，但是它的雲吞竹昇麵，已經全

前排聽女朋友講呢間係米芝蓮，仲有另一樣就有得食超鬆化肉絲抄面，後者吸引左我同佢去食，去到即叫左肉絲抄面，豬手併牛腩，雲吞，仲有紅豆冰，肉絲抄面一黎，我瞪大左眼，因為好大碟仲要係有兩層面，中間凹陷放肉絲同配菜同汁，令到每夾一塊面都沾滿肉絲同汁，幾好味，有諗頭，另外個抄面脆度剛剛，易食，至於其他野食就普普通通

<竹昇面>廣州地區整面方法， 師傅坐在一條大竹竿上面壓面餅，切絲後大火加熱。好少在hk 見到呢d 甘浪費時間成本， 而又有識用竹竿既師傅 ! 所以點都要試下！！材料有大量雞蛋 同鹼水， 當然食落去已經壁走哂d 臭味。 面身有口感之餘， 仲好香雞蛋味 食落吾會乾身。 配埋 邪惡筋肉各半既濃味鹵肉， 加埋煮得不過不失既豬潤整成既撈面真係令人食不停！！！推介推介

坤記剛開業時食過一次，叫了事頭婆推介雲呑麵，當時麵到時想試下個湯，覺得味道清淡（無味），唔會燙傷咀（唔熱），再試試D麵，彈牙無份，諗住可能新開張，所以準備不足，但亦因冇乜好感，所以冇再幫親。早幾日想食過下午茶，又想食水餃麵，結果再試坤記，看看其真正實力⋯⋯叫了個牛根水餃麵同五花茶，五花茶先到，好濃好香好足料，收6蚊，平過亦好過涼茶鋪，超值。五分鐘後，個牛腩水餃麺到，點解唔係牛根？睇下餐牌，好似冇話有牛根，但點解寫單阿姐唔出聲？是但啦，先試湯，夠熱，可能有腩汁關係，好淸甜，同D麵好爽，麺比第一次食好好多，差不多有劉森記水準。牛腩都算OK，唔會死實或燘到好似D洗碗布咁，juicy，幾好。水餃就有大把進步空間，一冇味，二水餃尾應該好大力咁㩒實，冇D好鬆軟D感覺，亦可能雪得太耐，同件死屍一樣，硬晒。有機會我會再去要杯五花茶，再搭小巴去深水埗食牛根水餃麵