坤記竹昇麵

营业中

休息中

今日年初一同屋企人去長沙灣保安道球場嘅美食攤檔，諗住可以大吃大喝，點知去到見到啲嘢唔多啱食，而且亦好貴，於是雖然係肚餓，但都食咗幾檔便走了。好彩行經永隆街見到呢間麵檔照常營業，即刻入去食番碗麵，入到去先知呢間係米芝蓮食店，見到價錢牌冇加一加二(通常過年好多食店都會加), 真係驚喜。我哋點咗鮮蝦雲吞麵，淨鮮蝦雲吞，同埋蝦子雲吞撈麵。果然係名不虛傳，啲竹昇麵好爽好煙韌，冇鹼水味，雲吞裏面嘅鮮蝦係原隻的；我哋本來係冇特別期望入嚟食嘅，估唔到會食到咁高質嘅雲吞麵。最重要係年初一都冇特別加價，真係值得表揚一下啊！

在香港獲米芝蓮一星或以上的人氣餐廳，由於名聲在外，大部份都是人均數百，這裏算是香港少有平靚正的米芝蓮星級名店。麵店老闆李家上一代已在廣州經營竹升麵店，但之後中斷經營，廿多年前才由兩兄弟重操家族祖業，在粵港兩地花開兩朵，在廣州的「竹園竹升麵」立足廣州西關多年，已成名氣傳統街頭食店，更曾亮相央視節目「舌尖上的中國」，數年前被業主加租逾八成面臨結業，即獲荔灣區政府介入調停。而香港的「坤記竹昇麵」算是廣州店的兄弟分店，只有長沙灣一家（屯門分店已結業），也連續數年入選米芝蓮一星，更有不少日韓遊客慕名而來，前數年也裝修了店面，變得更懷舊古雅，也更簡潔整齊。其實以前常搭車來吃，但自從搬到外區就少來了，這次趁親戚來長沙灣，就帶他們特來踩點。水餃雲吞麵。雲吞鮮味，水餃爽口。雲吞不算大粒，近似乒乓，外皮薄滑，有輕微金魚尾，蝦仁與豬肉比例均勻，但蝦肉爽口彈牙，豬肉有鮮甜濃香，總體也算皮薄餡靚。牛丸魚蛋麵，牛丸和魚蛋都算彈牙，不算驚艷但屬合格，至少有 “四海魚蛋” 那種口感，只是以前來吃雙丸麵牛丸都有三粒，這次則只剩两粒。冬菇帆立貝麵，冬菇口感得剛好，有清甜但不會太乾澀，帆立貝也算大粒，由於冬菇與帆立貝自帶甘

西九龍長沙灣呢邊名校林立， 幫小朋友補交園入學申請之後路過呢間竹昇麵， 坐低諗住食個下午茶。 佢有啲好誇張嘅面賣到七八十蚊一碗， 但下午茶又唔貴喎 三十幾 蚊有個紅燒腩肉撈麵 仲要係畀竹昇麵唔係普通麵 ，咁就一於試下。 又估唔到佢捉你捉得好緊要成碟面都畀啲肉蓋住咁濟， 亦都好味。 我本身唔食得南語所以事先問過老闆娘， 又估唔到老闆娘好有心機好有耐性慢慢同我解釋。 感覺十分良好! 一如其他撈麵一樣佢將個湯分開上， 我就咁配蠔油，正! 竹聲面本身味道比較特別， 煮得亦幾煙韌， 叫做合我口味。 不過始終因為區分嘅關係， 坐位會有比較少少窄。 不過下午茶並唔繁忙， 兩點半左右坐得都算舒服。

長沙灣馳名的竹昇雲吞麵，曾連續幾年獲米芝連推介。店子比想像中乾淨舒適整潔，餐牌選擇眾多，價錢由三十多元至八十大元都有，撈麵價錢較高，配搭亦豐富。點了蝦籽四寶雲吞豬手撈麵 $80份量還挺大的，麵上鋪滿紅紅橙橙的蝦籽，加點蠔油及余均益辣醬拌勻，香氣撲鼻。😍自製竹昇麵爽口彈牙，沒有鹼水味，天然的韌度口感不是普通蛋麵能媲美的。感覺太乾可加點上湯拌勻同吃。坤記的雲吞原來也有多種口味，四寶雲吞中印象最深刻的是蟹籽雲吞，蟹籽口感脆卜卜較特別，略嫌雲吞及內餡蝦肉偏小。滷水豬手皮肉軟淋，充滿膠質，淡淡滷水香味卻不會過鹹👍🏻$80對於此區物價來說真的偏貴，但始終是一門傳統手藝，而且老闆待客親切有禮的服務態度是我意料之外的，會向每位客人詢問要不要辣醬及意見，客人用餐後更會添熱茶，而不是想趕快收錢，值得加分✨

游走到舊區,去到坤記竹昇麵,想試試店內肉絲炸麵,好大碟好似2人份量咁, 又似花型又有2層麵底, 😍😍😍😍賣相唔楚, 一咬落去好脆😋😋😋😋呀, 又唔油淋淋😋😋😋😋窩, 加💯, 味道唔太鹹👍🏻👍🏻👍🏻👍🏻, 真係嗦唔到有鹼水味! 真係好驚喜跟餐加$5杯咖啡😲😲😲😲,冇諗過会咁好味！飽到夜晚都冇食.服務又好, 我一坐低已經有杯茶,我又有咖啡,因為個麵要長少少時間做,所以係等嘅時候我已經飲完杯茶, 諗注杯咖啡最後飲,我估計佢唔會再加茶比我,點知😳我食到一半,有加茶呀！😍😍😍😍好貼心呀！通常知你有要咖啡就唔會加茶比客人,因為好多服務員會覺得你都飲唔呭,都費事加俾你,(老世真係好觀察力呀！💯💯💯💯💯), 我會再去呀！肉絲竹昇麵$83+$5咖啡咖啡可以買返屋企嘅竹昇麵餐牌舖頭

朋友見到報導後專登去吃竹昇麵。這兒是米芝蓮推介呢。下午茶時間，比想像中少人。地方闊落。茶餐很多選擇。選了5號餐，有蝦籽的撈麵好吃很多。麵條彈牙，沒梘水味。牛腩入味。朋友叫了9號餐，沒有蝦籽真得缺了一點。

平時出街食飯好少食呢啲傳統麵食，通常同啲長輩級先會食，但見佢幾出名，有師傅喺入面un下un下親身整竹昇麵，咁我當然都要黎親身試吓啦本來一心諗住試蝦子麵，點知見到隔離枱個碗望落好好味，而且睇返餐牌都係竹昇麵嚟嘅，就嗌咗呢個鮮明蝦球炒竹昇麵啲竹昇麵炸得好脆，少許覺得油膩。個汁唔錯唔會太杰，汁既份量都剛好，太多啲麵就會淋。蝦球過份爽口，似係冰鮮蝦再用左化學野，肉質一啲都唔結實，無鮮味。個麵就好大份，兩個人食都唔過分👯

長沙灣永隆街以至青山道一帶平民餐廳林立, 整條街有冰室, 茶餐廳, 也有車仔麵，壽司店，各類小食店等等。坤記在也屹立在這裡, 而且, 比起其他餐廳, 坤記也算是整潔, 室內光猛。以前也食過這裡的竹昇麵, 但更吸引我的, 是這裡的肉絲炒(炸)麵, 因為每次來, 炸麵的師傅也下班去了,這次難得遇上, 當然要食一碟。今次叫兩層份量的肉絲炒面兩面王, 實物版也非常大碟, 兩個人應該無可能食得晒。這裡的炒面, 配上嫩滑的肉絲, 爽脆芽菜, 清香的韮王和冬菇,如果不喜歡茨汁會把麵弄淋, 所以還可以肉絲和面分開上。當然, 竹昇麵炸完後, 你總不能以放湯的食物去評論它還有沒有咀勁和蛋味吧所以看到其他評論說是似吃發泡膠, 嗯, 每種炸麵法也不用, 不能一概而論。

今日又去長沙灣做野, 青山道多野食就係人都知, 但要食晒gam 多間都要D時間, 何況又唔係成日都黎呢邊。以前睇報紙偶爾都會介紹到澳門的竹昇面, 既然今日黎到坤記的門口, 梗係要入去試試, gam 就唔洗老遠去到澳門食。坤記的店舖少少的, 一入門口右手邊是打麵的地方, 可清楚看到師傅門工藝。但始終店舖細少, 多人時免不了背貼背。至於我今日的午餐, 就揀了麵餐: (面配蔬菜配飲品) 水餃面配木耳配檸茶。竹昇麵的配方很簡單, 就只有雞蛋、麵粉和鹼水，竹昇麵的口感與並不是想像中的彈牙，但是卻是爽口滑嫰，而且也沒有鹼水的味道，蛋香十足。至於水餃, 蝦的大小也合適, 木耳爽脆, 大小得宜。湯底噶得出很鮮甜, 沒有味精, 看得見有勁大量的蝦子在底, 想吃盡每一粒也有難度。總結來說, 我其實挺滿意這一餐, 四十幾元, 吃的是工藝。

老闆娘撈麵- 大地魚湯底味鮮細膩，順滑入喉，溫和暖胃；湯底加入大量蝦籽，滿口甘香；韮黃切成小段，爽脆精緻- 竹昇麵幼細彈牙無鹼水味，份量恰到好處的豬油，香而不膩，同時防止麵條黏在一起；蝦籽沾滿每條麵，增添鹹鮮脆口之感- 蟹黃與鮮蝦雲吞分別不大，同樣皮薄滑，蝦彈牙，豬肉餡香口。蝦球爽脆味道淡雅- 有竹昇麵套裝出售，內含三個麵餅，大地魚粉、蝦籽及XO醬各一瓶

雲吞麵是其中一款最能代表香港特色的食物，因價廉味美而流行於社區。想起兒時還只售十元一碗，部份店鋪還附送飲品。後來百物騰貴，雲吞麵店越來越少，每碗出售的價錢也隨之而提升。坊間大多數雲吞麵店都是自家包雲吞，而麵底因工序繁複多數從分銷商進口。其實十多元的雲吞麵利潤不多，能夠用心做好每一碗也少之有少。過往食過不少雲吞中間有蝦殼、碎骨，有些更有陣陣的腥味，可說是良莠不齊。而這次被坤記的櫥窗吸引而去光顧，師傅正忙碌地打著麵。碰巧下午茶時間餐牌上都以八折出售，簡單地點了碗雲吞麵。清澈的湯底配以大大顆的雲吞，湯底香甜而不渴，絕對不是一般的味精鹼水麵，從店員在鄰枱交談之下打聽到是他們自己淆製而成的，以大地魚味道最為突出，原因是先把魚燒至乾香再用作淆湯。可是由於此做法相當費時，所以都縮短燒魚時間以加快製作過程。麵底所烚的時間剛剛恰當，不會過焾或太硬。而雲吞更是整碗麵的重點，鮮蝦配以豬肉碎，雲吞內再加少量的蝦籽以發揮蝦與豬肉的鮮甜味，有點像蝦醬的味道。但據店員說並沒有加入蝦醬，可以一顆雲吞可以做出如此複雜的味道的確令人回味。在結帳時看見於店前櫥窗師傅辛勞地打好每底竹昇麵，由他們每一個工序可見他們對食物製作的

見到open rice 介紹就特登黎左呢間小店試下，一入門口就見到個制麵工場，更加令我期待。我就點了兩款佢地有名既美食，蝦子撈麵同肉絲竹昇麵。蝦子撈麵- 個麵底好好食，好煙韌,個麵果然好食，但蝦子就有點少，再多試會更好到了肉絲竹昇麵 -講真的，完全失望，佢炸到破壞左麵既煙韌，炸到好油同脆，但咬落下好粉咁，完成唔覺得自己食緊係麵，個汁又好結，結到一pat pat 咁，肉絲又唔算多，完全似醬撈麵粉咁。我食左一半都食唔落去

雖然已經住在深水埗區大約2年，但這間看上去很老字號的坤記竹昇麵好像也只食過2次而已。除了本身住的地方是深水埗的另一邊比較遠之外，其次個人覺得這裡定價是比較貴。之不過，貴並不等於不抵食。因為以這家麵檔的水準，其麵賣這個價錢還是食客不斷，原因就是因為它真的值得。點了蝦球，蟹皇雲吞撈麵($58)麵的份量一點都不大，份量還未到可以食得飽。不過蝦球和蟹皇都很足料。蝦球本身都算大隻，咬落很爽口，啖啖肉。雖然蝦味沒有很濃，但肉質之爽脆就已經很加分。蟹皇雲吞除了大蝦外，還有大量金黃色的蟹籽做餡料。一咬開蟹皇的香味就流到舌頭上，加上同樣彈的大蝦，真是皮薄餡靚。而鎮店的竹昇麵，真的很好食。人手手工做的麵條，依然可以做到每條粗幼一致，而且彈牙非常，絕非一般可以食得到的口感。看似簡單的3種食物，蝦球﹑蟹皇雲吞和竹昇麵，配合起來還真的令人食得感動，無懸念地乖乖找錢吧。

細雲吞麵:食落覺得同出面D店無咩分別咋, 雲吞D 蝦都大大隻GE, 入面有半肥瘦豬肉, 味道係好食GE, D 麵質都OK, 但真是唔太特別.... 點解係米豬蓮推介呢? 講雲吞麵, 真是麥X記出色D淨水餃:其實同D 雲吞無分別, 只是多左木耳絲@@.

最近職場轉到長沙灣，公司附近都是一些飯堂或頹飯之類的食肆，難得找到一間像樣些的食店，還說是米芝蓮的，當然要會它一會。整條街有車仔麵，平價壽司店，小食店等等，比起來這家店算是整潔的了。甫坐下，餐牌也未看，已被墻上貼著的圖畫吸引過去，於是點了一碟老闆娘撈麵。實物版也超大碟，蝦籽落得重手，是瘋撒在麵條上的，麵條夠乾，絕不會濕濕漉漉的。蝦球有三大粒，此外還有雲吞、水餃及蟹黃雲吞，全部都很爽口，非常美味。韮王湯很清，店方更奉上辣醬及蠔油，極其豐富。有別於一般粉麵舖只有菜芯芥蘭生菜的灼菜，這兒有雲耳拼洋蔥。估不到這樣的組合又不錯，灼起的雲耳既爽且軟，洋蔥更是香口，加了少許豉油已可帶出菜蔬的鮮甜。茶水之外套餐亦提供一杯五花茶，卻較為淡口，甜味不足。以後午餐又多一個著落了。