型點特色點心專門店

营业中

休息中

吃點心，一盅兩件是香港人的日常活動，近年點心專門店更如雨後春筍般，總有一間喺左近。最近得知大埔新開了一間「型點特色點心專門店」，由兩位曾經任職多家五星級酒店的米芝連星級點心總廚主理，點心的造型獨特，用料講究，加上師傅多年累積的經驗，每一件點心都是用心製作，做到有姿勢、有實際，美觀又美味。流沙茘枝球（$26）賣相一流的流沙茘枝球，外型幾可亂真，一粒粒紅色的脆米黏在煙靱的糯米上，𥚃面是熱辣辣的流沙奶黃，做成外脆內軟又流心的多重口感。招牌酥皮鮑魚糯米雞（$52）這隻可愛的母雞坐在鳥巢上，原來是一隻酥皮糯米雞，用了多層酥脆的酥皮包著糯米，還有原隻鮑魚在𥚃面，造型獨特又有心思，要打卡，就一定唔少得啦！上湯金魚鮫（$32）兩隻飽滿的金魚餃，活靈活現，一對黑黑的小眼睛，橙黃色的魚身和一尾活像搖擺的小魚尾，可愛又精緻。筍粒鮮蝦餃（$36）吃點心，又點可以少得蝦餃呢！大大粒的蝦餃，皮薄、手工細緻，蝦肉爽彈，還有爽脆的鮮荀粒。水晶鮮蝦菜苗餃（$26）晶瑩剔透的水晶鮮蝦菜苗餃，從外面已看得到原隻鮮蝦夾雜在菜苗內，是一個健康的點心之選。街頭豬腸粉（$22）懷舊街頭腸粉，重點是混醬，當麻醬、甜醬、辣醬和芝麻混在

今日去左大埔新開既點心店飲茶🫖呢到既點心即叫即做 , 上枱新鮮熱辣辣👍🏻 點心賣相精美 , 味道不錯 , 價錢亦合理 , 值得再去～▪️茶芥：$6/位▫️荀粒鮮蝦餃 $36▪️香菇燒賣皇 $36▫️山竹牛肉球 $28▪️水晶鮮蝦菜苗餃 $26▫️牛肝菌上素餃 $22▪️蘿蔔絲酥 $26▫️酥皮焗叉燒餐包 $26▪️流沙荔枝球 $26▫️椒鹽魷魚鬚 $48▪️避風塘蘿蔔糕 $36▫️冰鎮豬手 $48▪️鳳爪排骨煲仔飯 $38▫️陳皮紅豆糕 (送) 💬 蘿蔔絲酥 , 好小酒樓會整 , 竟然呢到見到 ! 酥皮粉紅色 , 一層層又酥又鬆 , 食落唔會太油膩 , 好食👍🏻💬 山竹牛肉球既賣相好特別 , 佢用腐皮包住牛肉球 , 好似褔袋咁 ! 💬 呢到既餃皮做得煙韌 , 唔會淋pat pat , 今日點既 3 款餃都好食 !💬 呢到仲有好多特式點心 , 造形都好靚 , 下次再黎要試晒佢 ! 推薦度：🌕🌕🌕🌕🌑

今日放假同朋友去大埔睇白鷺，行到大埔虛馬路附近已經見到好多大白鷺同小白鷺，好靚好壯觀，白鷺毛色好雪白，亦好多人帶備相機影相，睇完白鷺有D肚餓，行到安慈路見到有間型點特式點心專門店入去試吓，店員招呼好好👍🏻友善同有禮👍🏻店舖佈置都好特別我哋叫咗安格斯🐄牛肉腸安格斯牛肉好嫩滑🥰皮薄又滑👍🏻好好味👍🏻推介大家可以試吓⭐️⭐️⭐️香菇🍄燒賣王大大粒燒賣😍好足料👍🏻蝦好爽！仲有香菇🍄香味！－試難忘！正👍🏻👍🏻👍🏻筍粒鮮蝦🍤餃皮薄餡靚！ 爽滑彈牙😍好食到唔停得口🥰上湯金魚餃生動可愛🥰好似2條小金魚游來游去！ 好特別！ 𥚃面有鮮蝦同金筍、味道仲好好味👍🏻大家值得一試⭐️⭐️⭐️⭐️⭐️蜜汁叉燒腸皮薄晶凝通透＂义燒好味！ 好味到唔識形容😍珍珠鹹水角造型相當吸引😍好似有3隻雀仔起個籠到，估唔到鹹水角都會咁別緻⭐️⭐️⭐️⭐️⭐️酥皮焗义燒餐包皮脆！ 入面勁多义燒🤗咬落去仲好Juice鮮蝦🦐腐皮卷皮脆！ 足料！ 又唔會太多油👍🏻中意食鮮蝦腐皮卷嘅你就要試吓👍🏻👍🏻👍🏻鮮奶芝麻卷椒鹽魷魚🦑鬚雪耳花膠燉海底椰

💬大埔新開嘅飲茶🫖新地方，由酒店點心師傅主理嘅點心店，吸引到大量食客等位，吸引力十足，雖然見到樓面有點混亂，但勝在食物方面都係幾出色，而且係睇住師傅用心搓粉整點心，高透明度對食客都好放心☺️———————————————————————————🥢鮮奶芝麻卷💬懷舊點心唔係度度有，芝麻卷係喜歡嘅其中之一，芝麻香濃仲灑上金箔，係畫龍點睛嘅心思☺️.🥢雪山叉燒包💬最愛叉燒，所以雪山叉燒包夠熱辣辣夠香脆外皮，就夠好味，好耐無食過即焗即出嘅烤烘感覺☺️.🥢上湯金魚餃🐠💬睇住師傅壓皮壓花紋上色🎨，再變成金魚加入上湯變成在水中央嘅感覺，金魚結實又有咬口，非常飽滿☺️.🥢燒汁牛柳繡球酥🎃💬打卡一流嘅外貌，咸水角嘅變奏，餡料變成牛柳，外皮係咸水角嘅口感，南瓜🎃一樣嘅外表，香脆又軟糯☺️.🥢流沙豬仔包🐽💬老是常出現嘅豬仔包，流沙餡在口腔爆發，一個豬頭一個豬尾嘅外觀幾有趣☺️.🥢海苔鮮蝦脆春卷🦐💬用壓紋外皮包裹住鮮蝦🦐，炸到香脆可口再灑上海苔粉，如果中間包埋成塊海苔去炸會更加滿足☺️.🥢原件花膠竹笙灌湯餃🥟💬灌湯餃係從小食到大嘅貴價點心，經典嘅當然係湯灌係餃入面，而家多數都變咗「伴湯餃」，上湯可以再濃郁啲，花膠同竹笙都足料

型點特色點心專門店(大埔)新開張冇幾耐，店舖裝潢簡潔，但五臟俱全，最具特色可以看得通透廚師用精湛手藝弄出各精美點心，而且即叫即蒸“新鮮滾熱辣”😋😋❣️雪耳花膠燉海底椰~材料極豐富有瘦肉、雞肉、乾瑤柱……等，燉出濃郁鮮甜清香的湯底，加上雪耳花膠與海底椰簡直是完美的配搭❣️招牌酥皮鮑魚糯米雞~賣相已極為cute，酥皮包外酥內軟，糯米雞香嫩多汁，還有鮑魚做餡料，口感絕佳，讓人回味無窮❣️上湯金魚餃~真的要稱讚廚師手藝了得👍👍金魚餃鮮味鮮嫩，湯汁清甜，餃子形狀可愛❣️燒汁牛柳南瓜球~燒汁牛柳鮮嫩多汁，搭配軟糯南瓜球，口感豐富，獨特滋味令人驚艷❣️脆皮BB鴿~外酥內嫩，香氣四溢，口感極佳❣️花膠魚肚鮮雞扎~口感鮮嫩，花膠魚肚“索”滿清甜湯汁，絕對是美味與豪華的組合❣️筍粒鮮蝦餃~餡料豐富，皮薄餡滿，鮮甜彈牙❣️香菇燒賣皇~餡料肉的肥瘦適中，丁點也不膩，夠香夠彈牙，蝦又夠新鮮爽口🫶溫馨提示茶介$6🙍一至星期七都免加一👍👍

新開一個月左右嘅點心店師傅之前係酒店嘅大廚好多都係精緻菜式，整得好仔細又好食價錢唔貴店員都好友善招牌酥皮鮑魚糯米雞第一次食呢款菜式中式唐餅包住糯米雞，入邊都好多料 仲有鮑魚仔添上湯金魚餃兩條金魚好精美 上湯濃郁 足料珍珠鹹水角好似金絲雀困喺個籠入邊 有三粒粉皮好煙韌 好好食原件花膠竹笙灌湯餃超鍾意食竹笙湯好飲流沙荔枝球🩷🩷🩷🩷真係好流沙 整得好靚 淡淡的荔枝味燒汁牛柳南瓜球🩷🩷🩷🩷脆皮紅米蝦腸🩷🩷🩷🩷入邊脆脆地好得意鹹豬骨菜乾粥🩷🩷🩷🩷鮮肉灌湯小籠包🩷🩷🩷

平時不用返工，經過見到有新野。款款點心外觀特別又好味。上湯金魚餃🥟外觀真係一條金魚招牌酥皮鮑魚糯米🐔連外皮都食得，超香糯米味。櫻花蝦腊味蘿蔔糕夠唒野味，不需要另外加醬。😋

大埔新開咗間新式嘅點心鋪，身為大埔人嘅我趁屋企人放假，緊係即刻同佢地一齊去試下佢😋🐠上湯金魚餃 ($32 兩條）金魚餃加埋藍色嘅碟好似金魚係魚塘咁😍 上湯餃外皮晶瑩剔透，內裡有鮮美嘅魚肉味，而上湯都好濃郁😋🐷流沙豬仔包 ($22 2隻)豬仔包入面嘅流沙餡好濃郁， 又唔會太甜， 個樣仲好得意添🥰🥠珍珠鹹水角 ($26 3粒)鹹水角嘅珍珠粉皮好煙韌，口感好嚼勁。加埋個金色架，好似係幾條雀仔係個鳥籠到咁，d擺盤真係無得輸☺️🔴流沙荔枝球 ($26 3粒)最後嘅流沙荔枝球甜品俾我嘅第一個感覺真係好似荔枝🤣而流沙餡加上鮮甜嘅荔枝果肉味，令成個口感都好清新。型點特色點心專門點📍大埔安慈路1號海寶花園地下15號舖

型點-海苔鮮蝦脆春卷脆皮菇蝦型點-招牌酥皮鮑魚糯米雞酥皮糯米飯菇雞型點-山竹牛肉球牛肉腐皮型點-山竹牛肉球型點-脆皮紅米蝦腸型點-招牌酥皮鮑魚糯米雞酥皮同糯米飯

打住洒店級廚師但係完全唔識管理，好心請返個識管理嘅人返嚟！食物用料有質素保證，原始味道（明嘅就明），價錢合理。流於表面忽略仔細地方，例如炸兩唔脆、包裝辣椒油。樓面服務比不上一般洒樓。員工零溝通！入坐安排混亂，未執好枱就叫客入坐，入坐後問三次幾多位。唔願落單但又冇俾自助QR code。………………………………………………………………………………

試左燒賣，叉燒腸，粉果，鳳爪排骨飯，除咗叉燒腸，其他都係好食嘅叉燒腸個皮唔係煙靭嘅，唔滑同比較滯燒賣同粉果好好食，不過得三粒，腸粉都係比－般細份D，小－條服務好－般，問佢有無辣椒油，店員用個背脊回答話係櫃桶，搵唔到叫極佢都唔肯擰轉頭，最後係隔離人地食緊果枱櫃桶拎－包俾我地。星級主廚們可能唔追求細節，可以接受堂食用一小包一小包外賣個種辣椒油，以為茶餐廳先會咁。本身冇林住寫食評所以無影相，但接受唔到打住又酒店級又用心做食物的招牌，但用啲咁嘅辣椒油，辣椒油難道唔係食物？可能用相對平民價錢食酒店級點心係唔應該注重依啲細節掛🙄

同屋企人去開嗰頭買嘢，係經過見到新開的點心店，見到幾多人所以等吓。點左幾個招牌菜，個流心豬仔包真係一流。埋單四個人唔使$500，香港地而家依個價錢邊度啊？仲要有咁嘅質素真係好正。金魚餃同埋酥皮，糯米雞都好正，全部都係師傅一早起身自己手工做，全部冇機器，好有心思有技術有味道。臨走前同師傅傾咗幾句先發現原來老闆之前係六星級酒店的中菜主廚，不單止手工好仲有情懷。兄弟姊妹們一定要支持本土情懷，點心老師傅！

食物質素沒有評論，因為沒有被安排入座！7月23日我們一行4人本想食個birthday lunch, 最後竟失望而回。事原係約13:30拿號碼票#71，直到一個小時後終於等到叫號70，眼見一張4人枱起身，我們已站在門前，店員竟然叫號78⋯ 當然我馬上上前理論一番，眼見我們71號被刪掉，78號飛已入座？！ What?! 店員答案係叫錯飛，真心嬲係喺外面33度高溫等了一個多小時，眼見其他枱都仲食緊，下一張枱要等到幾時？ 最後我係同店員講你地安排坐位真係超級有問題！我地唔食喇⋯比返張飛你⋯ 🤷‍♀️點解四人卡位分兩張二人枱入係咩玩法？正常都唔想對住兩個唔識嘅人仲要係咁細張卡位飲茶吧！？眼見連續三張二人飛都唔願意搭枱。我寫呢件事出嚟唔係想攻擊呢間小店，重點係更好食嘅食物，其實餐廳管理、安排、服務都同等重要。希望你們會改善一下！

晨早起身，由粉嶺跑步去大埔，見到一間新開茶居，於是入去試吓。叫咗幾個點心，全比酒樓嘅水準好，價錢又平過酒樓，仲有甜品送，佢個桂花糕，桂花好香，唔會一味得個甜字，甜度恰到好處！焗叉燒包，剛剛焗出來，外面脆，內面鬆軟，叉燒餡料足夠又唔會太多汁搞到好鹹，簡直是酒店級水準！其他點心都非常滿意，令我跑步更有動力！下次會再晨早起身跑步去吃！食完再跑返粉嶺！

大眾價錢酒店出品香片一般糯米雞外形極細緻外皮雪白酥松糯米香味鎖在皮内小乾鮑絕不迅色非常有心的設計形色味香 一絕紅米腸金纱米網春風得意唔係間間有做皮軟厚但可以米網略油夠脆蝦鲜量足八十分以上雞扎魚肚同花膠非入味芋頭夠香夠粉雞肉蝦餃筍香蝦鮮皮較軟芋角外皮極酥脆散發濃濃芋香芋泥夠粉菇香濃郁口感與味道極具層次製作精細用心實屬難得贈送的甜品小小的一口凍糕溫度與口感極佳陳皮持香酥餅香松脆價錢合理精心出品新派手法程現港式傳統美點每度菜式都能感受製作者嘅用心樓面姐姐都好勤快