基隆茶餐廳

营业中

休息中

頗有人情味的港式菜餐廳，供應各款鑊氣小炒平日會為有需要人士派發免費飯券冬菜蒸黃花魚 條魚幾肥美 肉質嫩滑 冬菜既香味滲入魚身 魚肉肥嫩脂香重香脆咕咾肉 糖醋汁吃起來十分開胃 炸得香脆既肉塊掛上酸甜汁 口感仍然香脆 個汁夠酸夠甜好岩食白飯好大碗,一定食得飽! 小炒出色 蒸魚時間剛好!有水準小店凍阿華田同凍菜蜜夠甜解渴平均消費$150評分8/10旺角界限街24號地舖

今日夜晚同朋友去咗基隆茶餐廳食晚飯，有叫咗海鮮雜菜粉絲煲同埋茄子黑椒牛仔柳，六七十蚊有小菜加飯同湯或者嘢飲都可以接受嘅，粉絲煲正正常常，不過海鮮就比較遜色，茄子整得幾好食，牛柳亦軟硬適中。

一日一黃店-太子深黃基隆茶餐廳 繼續掃呢區既良心小店 之前限聚令曾經試過比狗咬 店面有文宣 義賣 店入面牆壁貼左一句歌詞 ：（靈魂若變賣了 上鏈也沒心跳）即刻令我諗起 果位變賣靈魂支持新疆棉既原唱 講遠左小小 簡單記錄返嘢食.呢日下午茶時段黎到 簡單食完再掃下間⭐️火腿蛋三文治$30⭐️西多士$32（凍飲$2）都係標準茶餐廳野食 冇咩特別評價 睇圖吧👌🏻三文治蛋算厚 標準好食 茶餐廳三文治👌🏻西多士 有蛋香 外層小脆 表面有牛油🙈爆落糖漿 好肥肥 （純個人喜好唔好亂學😅）.三文治$30其實小貴網上朋友都推介食中式小炒午飯炒粉麵飯都算抵 只係$38下次增肥再試.特別特別提一提環境 顏色灰沉沉環境坐位都算舊 冷氣機滴水最入近水吧 坐位好近下欄位 感覺唔太好.想支持佢地既朋友 建議去佢哋深水埗新店新開環境裝修應該會好好多💪🏻.#基隆茶餐廳 (旺角)地址：旺角界限街24號地舖.⭐️評分：味道：3.5/5環境：1.5/5 環境差服務：3.5/5 水吧叔叔都nice抵食：4/5

要講 💛「黃店」茶餐廳 , 相信一定不能缺了「基隆茶餐廳」~事關「基隆茶餐廳」 一直以來都係 "黃到爆金" , 店內有文宣 , 絕對值得支持 ~魚柳炒河 : 說來奇怪 , 因為一直都叫 "班腩炒河" 的 , 但基於商品說明條例 .... OK ; 這炒河 , 份量足 , 堅係炒得夠鑊氣 , 且油量不太多, 油膩感不重 ; 魚柳有好多件 , 厚件實肉又有魚味 ; 茨汁的味道和稀杰度都適中 , 廚師好炒功 , 有水準 ! 好吃 ~凍檸檬茶 : 茶底夠濃香 , 檸檬夠味又不苦澀 , 冰粒不過多 , 好飲 ~本篇完 ~

一間高質嘅茶餐廳，今次食下午茶漢堡加沙律，份量比其他餐廳多，個包好脆，新鮮熱騰騰，沙律正正常常，係熟悉嘅味道。餐廳環境較細但下午茶時段較少人所以都坐得舒服，服務態度好。

呢兩日都係附近做野 日日食唔同餐廳 今次早餐試埋呢間基隆 個早餐塊豬扒本身質素唔係咁好 食落明顯口感係好似凍肉岩岩解凍咁 就咁一個雞扒面加杯凍奶茶 如果塊扒👌還好 只可以話個早餐唔值個價錢

鍾意食芝士撈麵嘅我無奈發覺真係唔易搵到好心水，但基隆真係有芝士撈麵，話就話係雙拼，但基本上打孖上係四拼，熱辣辣食出應有嘅感覺，杯黑白奶茶都掂。34蚊算好親民。我平日都係煙肉餐肉撈，純個人喜好。有時我都會叫雙拼麵，30蚊就有叉燒同肉丁，都質素唔錯，唔失望，送埋潮州辣醬。其實份量唔夠飽，下次我要記得問下佢哋有冇得追加三拼。外賣叫湯麵記得要鎷湯另上，果1蚊真係保住質素唔會變冧。如果你話要環保唔應該分湯咁我冇嘢好講囉。

今晚去咗呢度食晚餐！嗌咗一個蛇羹餐仲有咕嚕肉同埋沙嗲牛肉粉絲煲粉絲份量好多！朋友食蛇羹，我唔食蛇羹，不過見到佢食得好滿足。如果有多幾個朋友一齊嚟食可以嗌多啲嘢食試多啲唔同嘅食物我覺得呢度啲嘢食選擇好多服務態度都好好店員主動提出幫忙：「要唔要多個碗啊？」食物嘅價錢都好公道啊！全部都係幾十蚊，食咗三樣嘢$200左右之後再會過嚟幫襯！！下次嚟食嘢嘅目標係豬潤米粉、茄子煲、西多士試吓好唔好味先！哇哈哈哈哈哈哈

🇭🇰 < < 基隆茶餐廳 (旺角) > > 麻甩佬風味💛💰 [ ~$51-$100］👯 [ ~15-20mins ]📍 [ 旺角界限街24號地舖 ] ______________________________ 1️⃣[ 干炒黑椒牛肉烏冬］ʜᴋᴅ38✍🏻 遠處已經聞到黑椒嘅味道～烏冬好煙韌，牛肉亦都好爽口牛肉分量充足，配上黑椒，係Perfect match！不過調味方便就失色咗啲，鹹咗少少～ 不過價錢方面性價比高，下午茶之選🌟推薦指數：7/102️⃣[ 雞翼配西多士］ ʜᴋᴅ36✍🏻 西多士炸得金黃色，切開裡面軟綿綿表面再加上一塊牛油，再淋上糖漿，味道十分香甜而且外脆唔會太油，簡單又好味雞翼炸到金黃色，雞肉鮮嫩！小編覺得三隻雞翼實在唔夠喉😋😋🌟推薦指數：8/10______________________________🥑整體嚟講🥚黃店下午茶之選！職員態度好，而且餐牌選擇多樣性上餐時間快，價錢平民！性價比十分高，推薦大家過嚟食🍴😆😋好味指數：8/10🏃回頭指數：8.5/10🔎🏷️ #letus九龍 #我要吃掉全世界 #letus地道系列 🔍#Yummyfood 

近年光顧不少港式茶餐廳，從而得到的經驗，我發現大部分港式茶餐廳裡面的電視機，主要播放四個不同電視臺，包括傳統免費電視臺包括新聞頻道在內、某收費電視新聞臺，還有該收費電視新獲發牌的免費電視臺。除了之前我提及那三個電視臺（或電視頻道）之外，還有一個由政府公營電臺經營的三個電視頻道，其中一個頻道以直播新聞臺的方式，有需要時就直播播放即時發生的新聞場面，沒有一般新聞臺那麼多錄製新聞報導短片。恰巧位於「界限街」的茶餐廳「基隆茶餐廳」，選擇播映政府公營電視臺的直播頻道。無論是否從政治立場考慮，選擇播放政府公營電視臺新聞頻道，看似是最安全的選擇，也可能有隱憂，我對現在公營直播臺可信度存疑。由於我之前已經在「旺角」購買了「咖喱牛腩飯」，作為晚餐裡面的食品。所以我在「基隆茶餐廳」裡面，沒有必要再選擇「牛肉」類的食品，反而要考慮選擇「雞肉」類的食品，當作晚餐享用。我在「基隆茶餐廳」的餐牌裡面研究了一會兒之後，終於選擇了享用「黑椒雞扒意粉」。我發現「黑椒雞扒意粉」的黑椒醬汁裡面，還加入了「辣椒」，「辣椒」加上「黑椒」令「黑椒雞扒意粉」的整體味道變得比較辣。至於「黑椒雞扒意粉」裡面的「意大利麵」，「意大利麵」

看似平凡不過的茶餐廳，但原來老闆很有心，每逢初一十五也會派飯盒給長者，所以近來小的也惠顧了數次以支持小店。日☀️ 這裡的早餐都是平常不過的選擇，另外有蕃茄湯系列配豬或牛或雞肉，三款配搭小的也嘗過，其實蕃茄與牛肉真的是天造地設的好拍擋，雖則茄湯較淡，不過蕃茄以外有極大量蔬菜，對於經常在外用膳的人仕來說，是可改善多肉少菜的不足。 夜🌙 晚餐在下最愛來吃即點即蒸之蒸魚餐🐟豉汁蒸倉魚最得我心，而冬菜蒸黃花也很鮮，滑嫩魚肉一人一條很讚，另一椒絲腐乳通菜熱呼呼又不會太濃味餐飲方面可選是日例湯，這個也是小的指定動作，雖然肥肉多了點，但沒下味精已可令食客舉碗暢飲了。

喺網上認識呢間食肆，老闆係個有心人每逢初一十五會免費派齋飯畀長者。因為這個平台的使用者對這間食肆的評價也相當之高，所以專程來此一試。位置唔顯眼，但好嘅食物質素就可以維持一班熟客，呢個係好嘅經營之道。店裏面環境比較擠迫，如果唔係有防疫措施，坐滿人真係要走過通道都有困難。但係一般街坊生意茶記食飽就走，其實就冇乜所謂，對環境要求無需太高，反而食物質素重要。餐牌都係一般茶餐廳嘅炒粉麵飯，冇乜特別。我好鍾意用下午茶時段去測試餐廳嘅品質，因為份量比較少可以走多兩轉去其他食肆試其他嘢，價錢又比較便宜。今次叫咗呢個下午茶餐有一小碟嘅豆腐魚柳飯，同一杯熱飲奶茶，盛惠38大元。分量對大男人來講可能會有啲唔夠，各位師兄自己考慮。我講過我反而鍾意佢細所以就冇所謂，好味最重要。碟飯冇令我失望呀，豆腐咬開軟滑新鮮有豆味。最欣賞個咖啡色茨汁，做到有好清香嘅蠔油味之外，唔會死鹹或者油膩膩，廚師再加幾條新鮮嘅蔥去吊一吊味，真正做到色香味俱全兼夾有鑊氣。魚柳講真就麻麻，炸皮比較厚，而且食得出有味精。奶茶免費送嘅，唔係最好最細滑順喉果隻，但係絕對見得人，好多其他茶餐廳嘅$20杯都未必有咁嘅水平，呢杯絕對收貨。

💛 基隆茶餐廳 💛..............................係9月嘅時候👦🏻👧🏻已經幫襯過基隆茶餐廳第一次食嘅時候已經覺得幾好食直到呢幾日佢哋比人搞 所以決定要再懲罰佢哋見到有條人龍真係覺得香港人好鬼sweet😍.🔅想知黃店原因請Pm💛..............................🍽XO醬豬扒炒一丁 $44（👏🏻7.5/10）。跟餐配熱飲/凍飲 ($2).麵底炒到好乾身 碟底唔算多油 麵質夠彈牙😋仲要勁大碟 好似有1.5個麵底炒出嚟咁🤩Xo醬好惹味 夠哂辣仲有啲蝦米仔咬吓豬扒好大塊 碎上都有成8嚿 多到好誇張雖然食落有少少嚡 但勝在無鬆肉粉味整體嚟講質素唔錯 味道幾好 分量又夠哂多🤣.🍽吉列魚柳配薯條 $36（👏🏻7.5/10）。跟餐配熱飲/凍飲 ($2).薯條同魚柳都炸到好脆 食落唔會好臭油溢味😳有啲餐廳下午茶嘅薯條好似無炸過咁幫襯當日雖然下午茶超級爆多人 但都無hea炸魚柳個炸衣唔會黑媽媽 啲魚肉又夠滑😋唔會一切就散晒 第一次食炸魚係切得咁完整😂不過薯條就少左啲 就咁嗌呢個可能會唔夠飽🤭...............................🎈

下午茶餐點了一個芝士香脆豬扒烏冬，本來以為是湯烏冬加炸芝士豬扒，但見到侍應放下刀叉，就知道烏冬應該是乾身的。芝士香脆豬扒烏冬原來是芝士撈烏冬加炸豬扒，不是湯烏冬是有失望，只好照食，但竟然喜出望外。香脆豬扒即叫即炸，熱騰騰的，炸漿似乎和普通炸豬扒的不一樣，比較接天婦羅那種，薄脆又鬆化，有味但唔咸，豬扒軟熟唔韌又大塊，吃完整塊不會覺得吃了很多炸漿。唯一挑剔是豬扒下的芝士醬令炸皮很快變淋。烏冬濕潤不乾身，芝士醬份量剛好可以撈好成碟烏冬，芝士味較淡，接近白汁的味道，芝士烏冬加上香脆豬扒味道不錯。侍應和老闆娘都非常友善🍎好味抵食黃店要多多支持👍👍

今日同同事一齊見客，見完之後佢就帶我去佢食開嘅茶餐廳食野啦 。 眼見間餐廳普普通通，都無咩特別期望，但求醫到肚，唔好太難食就可以 咁一睇餐牌，又發現又幾多選擇俾你揀，而且價錢真心平。 老闆真係有心做食肆，街坊唔洗捱貴餐。咁我叫左冬瓜豆卜炆火腩飯黎食，火腩份量好足，多到有啲令我好驚訝，老闆唔洗賺錢咩，而火腩半肥瘦，剛剛好，而個汁又適中，豆卜可以索到啲汁，冬瓜都係大大舊，水準真係無得彈而我個朋友就叫左個豬膶麵食，佢話食開就會試癮，睇落好簡單嘅餸其實最考功夫，而個豬膶麵無騷味之餘口感唔錯，俾佢講到兩次搞到我唔食內臟嘅人都覺得幾吸引所以哩啲良心企業真係要大大力去支持下，鍾意食好西嘅朋友仔妨黎哩間餐廳食下野，包你一試就試上癮