基隆茶餐廳 (已結業)

此店一向駱驛不絕，今次疫情下光顧了午餐set，店子座位不多，每小枱加了不透明隔板，所以搭枱也有私密性和安全感，不過若二人幫襯就是感覺窄了。是次叫了沙薑雞飯配熱奶茶，茶多奶很滑，只是茶味不太濃，雞份量大到似酒樓例牌菜，壯觀且華麗，分開另一碟上有胸肉和髀肉，感覺雞最好的部位全都擁有了，肉香也滑連大量的雞汁及沙薑醬十分下飯，而飯也極大碗用上靚米甘甜，套餐價$45考慮到分量和極佳質素真不愧茶餐之霸。深水埗乃城中窮區，區內不乏大量美而廉食肆，而且交通方便，西九龍商場及黄金/高登電腦城也近在咫尺，適合大眾到訪留連。

而家嚟親深水埗都會去一去基隆星米算一流, 夠味5油有鑊氣~~之前見人哋話必吃乾炒牛河, 味道5錯, 不過個日我吃嗰個冇乜鑊氣, 得暖暖地...豬頸肉炒河油左D啦~!整體嚟講都OK嘅!服務都5錯!!

睇門口，一身黃色既裝修，十分搶眼。疫情期間，每張枱之間嘅圍板設計得好靚。✨味道70分，食物飲品都不錯。.🔸常餐 ($40): 雪菜肉絲米粉，牛肉奄列，牛油方包。奄列用鹹牛肉包喺蛋入面，勁香口。方包都幾軟，唔會擺到又乾又硬。雪菜肉絲落好多，令到個米粉好夠味，有好輕微既辣味。.🔸蕃茄湯麵餐($40): 蕃茄牛肉米線，火腿奄列， 牛油方包湯底係羅宋湯，入面有好多羅宋湯蔬菜料，酸酸甜甜，飲落都正。.🔸扒麵餐($38)雞扒幾嫩，冇雪味，出前一丁(+$4).🔸咖喱牛腩飯($48)不過不失，咖喱都夠香，牛腩唔算出色。.🔸茶走 (跟餐)落煉奶嘅奶茶，煉奶份量適中，唔會過甜，茶味夠濃。

疫情下的香港 支持小店 基隆茶餐廳 快靚正 港式常餐 凍檸茶 沙爹牛肉麵 火腿奄列加牛油方包 良心小店 仲會派飯盒街拍左2小時,行到去深水步,理所當然就襯有下午茶堂食開餐先下午茶都係廿幾30蚊起,與一般茶餐廳差不多,味道亦唔突出但係呢度既老闆經常會派飯比老人家同弱勢,算係為佢經營做小小支持常餐特餐下午茶餐 炒河炒麵炒飯 雞脾薯條乜都有,選擇多,配搭多餓底唔考慮太多,直接點左一個40蚊既常餐,凍飲加2蚊位置唔多,可能就返大家要分開坐D,好彩唔洗等位直入咁檸茶先上,30幾度降溫消暑良品,呢度凍飲夠冰凍,飲到尾D凍都未溶曬值得一讚,茶味唔突出,但調得幾順口好飲,沒有苦澀味再黎就係沙爹牛意同煎蛋奄列牛油方包太少牛油,幾乎無味,我就夾埋個火腿奄列一齊食岩岩好食不過不失既味道,肚餓了,最緊要夠快上菜嘛!沙爹牛肉湯意,佢D意粉粗到公仔麵咁款,仲以為佢比錯原本以為佢唔夠味道,食食下發現佢沙爹味慢慢滲出黎又幾夠濃味喎!意粉比公仔麵好食,少一份油膩感,環境裝修都乾淨,冷氣又夠凍亦都無因為要翻單趕客走,算係咁啦

開分店近左自己就有機會試下，絕對抵食！下午茶時間去，嗌左個午餐既喇沙牛肉炒飯，仲有茶餐既叉燒意粉，有牛油方包，火腿奄列同野飲😛好少可會有喇沙炒飯，而且仲要分量都唔少，加埋野飲都幾飽！仲要質素唔差，唔會太辣太油，值得一試！而常餐就好典型茶記味道，份奄列係即整，少少油但夠香好熱，好港式既味道😋而意粉就普通，但都唔會太淋🙈唯獨少少批評就係疫症期間同枱無隔板，可能都要夾住陌生人同枱，少少擔心，但其他都正😆

梗係要撐黃店啦，唔係好多茶記係架。食早餐點都要食個茶餐廳早餐先得。叫左C餐！碗炸菜雞絲通粉好大碗，我食到飽上心口。配煎雙蛋同多士。如果多士係連包邊就好啦，雖然好多茶記都唔係。

去開深水埗買野 太多餐廳唔識揀見呢間咁岩有人走 有位 就入去可能新裝修 環境好好 新淨 光猛舒適朋友叫左常餐 牛肉熱嘅已經加晒分 (好多茶記D牛肉都係凍冰冰 但麵就熱辣辣 奇奇怪怪咁) 牛肉都入味 夠淋 唔錯湯底味道剛好 唔會過咸焗豬排意粉 較失望意粉唔掛汁 汁還汁 粉還粉 應該叫飯會好D豬排醃耐左 失左應有嘅肉味切得太薄 無咬口 同埋邊位會好易燶汁方面偏甜 建議可以再酸少少值得一提 間野服務好好有朋友遲左到 我地叫做坐得比其他人耐雖然有人等緊 但餐廳都無咩咒言仲幫我地Hold住D order唔整住 等朋友黎到先上

旺角基隆茶餐廳近月在深水埗逆市開張, 聽說之前很多人排隊. 新店門面很簡潔, 可以在外面看到其中一個廚房. 深水埗有很多地道的茶餐廳, 不過很多都欠缺特色/吸引力.這個基隆茶餐廳餐廳內寬敞且乾淨, 就算有疫情都不怕食客坐我太近, 很有安全感聽說餐廳內的設計是上一手遺留下來, 滿有酒窖(?)特色.新分店依舊選擇眾多, 而且菜式地道, 早午晚均有選擇, 可以看到不少老友記流連, 跟伙計談笑風生. 晚市人流較多, 忙得不可開交,因此 店員態度亦有點不耐煩, 不過他們很殷勤, 出餐速度夠快! 小炒菜式有鑊氣, 份量適中, 不過未必適合怕油膩/濃味的朋友.怕油膩的朋友可以試試例湯. 十分足料 

幫襯好多次，通常都係行完鴨寮街去食下午茶，試過好多款都好味嘅，夥計態度都唔錯，係佢哋自己傾偈比較大聲。但係收銀個哥哥就唔係咁友善，俾錢時佢用手機睇緊片，要等佢睇完先至收錢。

去深水埗買電子產品，見到基隆茶餐廳外牆甚有色彩，原來這店位於超過七十年樓齡的大廈，可見充滿歷史痕跡。 而且係黃店，所以支持下。叫了西多士拼雞翼下午茶餐，有花生醬餡的西多士點上糖漿，好味，雞翼都好脆。下午茶餐的炒粉麵都好抵食，就叫咗碟乾炒黑椒牛肉烏冬，熱㷫㷫，有鑊氣，牛肉夠腍。再叫多個叉燒滑蛋飯，叉燒都多，下午茶，真係抵食，好味道。

今日嚟到深水埗，你都平時好多人排隊嘅基隆茶餐廳，由於係平日既關係，難得排幾個人就到😍😍九王乾燒伊麵 $44乾燒伊麵最緊要記梗係夠乾身，又夠鑊氣，好食👍🏻只係略嫌比較油，但食得茶餐廳就冇計🤪🤪回鍋肉炒一丁 $44 一定炒得夠鑊氣，又入味正，回鍋肉，又好好食，一d都唔失禮，當然回鍋肉除咗肉之外，筍都係一大重點，好食👍🏻👍🏻另外奉送餐飲一杯，叫左茶走，連繫好多，奶茶又有茶香，好飲價錢偏平，不容錯過

用7個字來作總結：唔好難食，但唔值兩個人去食叫左三樣野1） 特餐 （唔包餐飲）牛扒+煎雙蛋+多士走油（加左$1將本身個牛油方包轉左做多士）煎蛋同牛扒都超油，雖然知道茶記牛扒都會「走」油炸一炸，但都唔洗咁油吧，立立令重點係個牛扒係超級鹹，而且又有腥味至於塊牛油方包加錢轉多士，己經叫左佢哋烘燶啲， 但出到來都係淋 ，一啲都唔脆。2）小食- 炸魚+薯條炸魚柳幾脆口，而且唔油，只係個粉漿厚到幾乎食唔到啲魚薯條唔淋油，部分薯條夠晒脆， 平價貨唔會有薯味，整體都正正常常3）秘製薑酒生滾牛肉米粉餐湯底有少少酒味，個人幾喜歡，但都係超級鹹， 米粉偏硬；個牛肉就好過個牛扒好過，起碼唔腥， 而且夠曬嫩滑跟麵餐加左12 蚊叫的紅豆冰， 不過呢杯紅豆冰少少甜味都無，紅豆無紅豆味， 奶水都無味， 係佢啲嘢太鹹所以先飲左半杯解下渴一杯有料的飲品，佢竟然比支幼身飲筒， 相當唔細心。佢一係就唔好比飲筒，感覺仲環保啲， 一係就比返支粗筒我，宜家用左支飲筒又唔實用，雖然係紙飲筒，但始終都係 嘥晒啲嘢服務態度就不予置評！

今日天氣好熱～加上唔想浪費一個口罩…咁我哋就上網搵 d 餐廳可以外賣送餐服務既餐廳叫外賣。咁我哋就搵到呢間餐廳…打電話…響左一兩下…已經有人接聽…然後佢講每日都有四個唔同既午餐選擇，除左四個午餐，當然可以叫到平時想叫到茶餐廳既野食都有。咁我就試下午餐…個職員就即刻講 A餐：鮮茄豬扒火腿飯；B餐：菠蘿生炒骨飯；C餐：粟米肉粒飯；D餐：野菌雞扒焗意粉，講得好清楚，餐還送熱飲，外賣加一元…我就叫左 A餐和D 餐加兩杯熱檸水…20分鐘…野食已經送到上門口…非常有效率…野食又熱辣辣

我覺得一間食肆只幫襯過一次就去評論，有時難免流於武斷，因為每間食肆定必有強項弱項，食啱食唔啱，感覺可以差之毫釐，謬以千里。幫襯基隆茶餐廳嘅兩次經歷，就係其中一個最好嘅例子。第一次去，當時唔太肚餓，叫咗個蝦多士拼薯條下午茶餐，蝦多士唔係由細到大食慣一塊麵包上面鋪住蝦膠嗰種，而係將啲蝦仁放喺麵包入面再成塊炸，好似有餡嘅西多士咁，食落口感有啲怪：出面係香脆嘅麵包，但入面係軟腍嘅蝦仁，兩者落差比較大，至於薯條水準亦一般，炸得比較硬身。當時已經估計，呢間嘅西式食品應該唔係主菜。回家後睇食評，果然中式食物才最耍家，所以第二次去，二話不說就叫咗碟乾炒牛河。一上枱，見到條條河粉色澤均勻，滿佈油光，已經蠻有信心，一啖入口，只覺河粉香，鑊氣夠，牛肉亦軟腍有肉味，認真唔錯。值得一提既係，小店居然採用紙飲管，為環境出一分力，真係意想不到😮。深水埗新店位於超過七十年樓齡嘅恒貞大押舊址，成棟建築物外觀滿有歷史感，店內亦保留咗兩邊有圓拱嘅石牆，頗有欣賞價值。

呢間係新開嘅茶餐廳，裝修幾光鮮門面都幾靚，仲以黃店作招徠，不過食野都係志在食物質素。佢啲菜式冇咩特別，普通到唔普通，是日午餐選擇都比較少，簡左豉汁豆卜蒸排骨飯。首先，份量都算多嘅，排骨粒粒都大粒多肉，可惜， 排骨一食就有陣千年雪味，真係反哂胃，完全唔想再食落去。 至於碗飯就仲「西利」，勁濕，食緊爛飯甘，連碗白飯都唔掂，真係冇下次。開餐廳應該顧好食物質素，不應顧此失彼。另外，仲試左佢個鹽焗雞，唔知係咪唔記得落鹽，個雞一啲都唔咸..... 值得一讚，就是服務態度都不錯。