影片
更多
2022-08-17
99 浏览
堅信號生煎包聽人介紹咗好多次，終於有機會嚟到其中呢間位於深水埗嘅分店。招牌生煎包呢個招牌生煎包真係無得頂，包底香脆，肉汁豐富，肉同包嘅比例拿捏得宜，而食嗰陣要小心，喺咬落去嗰下啲肉汁係會好易爆哂出嚟。外婆紅燒肉配菜飯：紅燒肉用咗上等五花腩，見到完美肥瘦分明咁分咗五層。炆煮得好入味，亦都夠哂腍，佢哋嘅醬汁有好濃嘅南乳香，好有家嘅味道，配埋菜飯一齊食，有效消減紅燒肉嘅油膩感。京蔥牛肉配菜飯：牛肉份量好足，鑊氣十足，牛肉帶有京蔥嘅香味，牛肉肉味都好濃，用埋秘製醬料一齊炒更加惹味。堅揪小籠包：平時嘅灌湯小籠包係用豬肉餡，但呢款堅揪小籠包就用上嫩滑嘅雞髀肉同埋紫椰菜，所以食落會更加健康。而佢同灌湯小籠包一樣都做到皮薄餡靚，入面嘅肉汁仍然豐富。涼拌青瓜：夠哂清新清爽，好啱夏天食嘅小食。洛神花蜜，柚子梳打：前者有亮麗嘅紅色，酸酸甜甜好開胃。後者清涼解渴，柚子蜜嘅份量控制得宜，甜度適中。
招牌生煎包
呢個招牌生煎包真係無得頂，包底香脆，肉汁豐富，肉同包嘅比例拿捏得宜，而食嗰陣要小心，喺咬落去嗰下啲肉汁係會好易爆哂出嚟。
外婆紅燒肉配菜飯：
紅燒肉用咗上等五花腩，見到完美肥瘦分明咁分咗五層。炆煮得好入味，亦都夠哂腍，佢哋嘅醬汁有好濃嘅南乳香，好有家嘅味道，配埋菜飯一齊食，有效消減紅燒肉嘅油膩感。
京蔥牛肉配菜飯：
牛肉份量好足，鑊氣十足，牛肉帶有京蔥嘅香味，牛肉肉味都好濃，用埋秘製醬料一齊炒更加惹味。
堅揪小籠包：
平時嘅灌湯小籠包係用豬肉餡，但呢款堅揪小籠包就用上嫩滑嘅雞髀肉同埋紫椰菜，所以食落會更加健康。而佢同灌湯小籠包一樣都做到皮薄餡靚，入面嘅肉汁仍然豐富。
涼拌青瓜：夠哂清新清爽，好啱夏天食嘅小食。
洛神花蜜，柚子梳打：前者有亮麗嘅紅色，酸酸甜甜好開胃。後者清涼解渴，柚子蜜嘅份量控制得宜，甜度適中。
张贴
