增煇大排檔 & 增煇藝廚

营业中

休息中

佛跳牆驚喜，實在太吸引，食到一平先記得影相🥳🥳由於成日去食其他野無影低相，腐皮卷，蝦多士，送酒一流☺️另外新出個鱔燒到岩岩好。食落似鰻魚口感，但又有膳既鮮味🥰🥰

成日都想食大排檔 依加香港愈黎愈少前排好朋友講起 咁就黎呢到試吓環境乾淨 冷氣夠涼拿拿臨叫野食啦炒牛柳粒 粒粒都軟熟 最怕食到有筋既牛柳粒 呢個竟然無椒鹽鮑魚仔朋友仔推介 好香口鮑魚洗得好乾淨 好好味馬拉盞通菜 味道夠濃 份量又足夠 唔似出面幾啖就食晒豉椒鮮魷 好食唔似食像筋 夠獲氣菠蘿冰 用新鮮菠蘿切粒 好得意好飲胡椒豬肚花甲湯 好夠胡椒味 飲完好暖胃 花甲夠大粒

朝早失驚無神收到電話話約食飯，仲諗住識食嘅朋友會帶我食好嘢，點知諗來諗去最終⋯⋯佢話佢以前經常黎，的確呢間大排檔係有啲名氣嘅，我都曾經嚟過，不過純粹個人喜好我對中菜一般般，同埋我仍然覺得兩個人食飯好難叫得多唔同款式。Anyway終於我哋叫咗四樣：分別係椒鹽白飯魚、鎮江金沙骨、炸皮蛋、蝦仁炒蛋，重後加咗一樣火腩大鱔煲（因為碟椒鹽白飯魚個friend一咬落去話，其實我呢啲粗人食落都係咁嘅味姐🤪）諗住佢話cancel咗佢就算啦轉個頭又嗌多一樣，兩個人點食得晒🥵最好食我覺得係蝦仁炒蛋，阿媽自己一定炒唔到，佢真係用鮮蝦嚟炒，我阿媽永遠只係會用雪藏。炒蛋可以再嫩滑少少🤏炸皮蛋我食咗整整一隻，平時喺屋企都只係食金銀蛋莧菜嘅時候會夾少少嚟食🤪好明顯係俾面派對啦，其實我覺得個表面係炸得林咗少少🤏而鎮江骨同埋火腩大鱔煲都係一般啦。大鱔切開一碌碌炸，個粉漿嫌太厚囉。其實我嘅原意係唔想食到咁飽㗎，仲諗住之後食糖水，但係我又費事碟碟夾兩舊就唔食印象唔好，所以呢啲飯局都係少去為妙😂

大排檔系列之～增輝藝廚～星期六晚餐時段排隊攞飛處已經人頭湧湧，我地好彩只需要等左10分鐘就可以入座。見人流都唔少，可能係曾經獲得米豬蓮推介係唔同啲？！鳳尾蝦腐皮卷 $73上菜後一望，覺得有啲搞笑，碟內嘅腐皮卷顏色形態都各不一樣，有啲深色有啲淺色好似無炸到咁；有啲外層皺皮食落偏乾身，好多渣滓，有啲平滑又食到內餡嘅味道；成碟野食落口好似玩大抽獎咁，1516好忐忑🤣🤣孜然豬串骨 $128份量充足嘅，有6隻肉質有啲乾身，咬落較煙韌；雖然佢外層灑滿好多調味料，但隻髀裡面嘅肉就無咩味，食完外層後入面就覺得淡茂茂。紹菜粉絲蝦米煲 $83呢餐最伏嘅一道菜雖然有主角bb蝦米作調味，但成煲野都係無味道可言😭😭仲有啲粉絲又散又碎唉，食左幾啖就放棄了。咸魚雞粒炒飯 $88覺得呢餐最好食嘅一樣嘢😆😆雖然啲飯色炒唔均勻（有幾舊白飯自成一團），無咩鑊氣，但有咸魚搭救就可以了。👣👣雖則有呢個米豬蓮嘅推介加冕，但同同區嘅大排檔比較覺得略輸一籌，不論菜式味道質素價錢cp值等等都稱不上。

前晚2個人想食大排檔，行經愛文生，見到大排長龍，成條街坐滿哂，都知有排等，就去左增輝，話哂年年都米芝蓮推介，但真係好失望。鬼馬炸油條，幾好食，夠脆，唔油膩，但呢個價錢，我會expect入面d味道再香d再重d士多啤梨骨，唔太掂，d骨好少肉，有d係2條骨夾住一片肉，食起上黎非常不便，仲要d肉又靭又硬，好痴骨，根本用筷子咬唔到出黎，要用手扯。個醬係普通甜酸醬，冇士多啤梨味。如果佢係$50-70一碟，我唔會有意見。但佢依家呢個質素係完全對唔起佢個價錢。仲有一碟冇影，海鮮雜菜煲，全晚最差... 落左好多好多薑，成煲冇鮮味得薑味，而且落咁多薑，都僻唔到佢d魷魚既腥味。d菜煮到林哂又黃哂。根本食到一半已經唔想食...另外講下服務，d侍應係有禮貌，可惜唔算好爽手，坐低叫都叫左10分鐘先有人黎落單。落4樣野黎得3樣，再催一催，原來有一樣係落漏，我地直接話唔洗補落啦。因為以佢今晚呢個質素，已經唔需要再試... 埋單3樣野加2個飯total $360，唔值呢個價同米芝蓮推介，非常失望。

香港地好食嘅羊腩煲嘅姐越嚟越少，唔係話有咩秘方咁鬼勁，而係偷工減料越來越多，不過呢增輝依家呢就，得！😎點解咁講呀？羊腩煲佢就幫你片返起啲肉，其實你而家食落呢好似刺身咁啖啖肉，而且呢片片都有皮有肉 唔會有時呢成嚿都係皮，食一兩嚿係爽呀，叫你食成煲皮都唔係話唔難頂。另外一樣成日有人偷工減料呢啲腐乳，係要加番兩片椒絲先好食㗎嘛，增輝都畀番啲基本嘅野你。另外一樣當日唐生菜啦，好多餐廳都偷你嘅，呢度你就畀返你可以碌下碌下。羊腩煲湯底都好緊要㗎，如果清得滯呀成兜湯飲水咁 ，增輝呢個呢配埋後面啲腐竹呀筍呀，都好夠入味，唔怪得咁多朋友都鍾意嚟食啦。😋

今日同個朋友嚟到呢間小廚食羊腩煲，之前都知道呢間成日都要排位好彩今日早咗啲你6:30到唔駛等即刻入咗之前曾經睇雜誌見佢介紹過羊腩煲我同朋友都好鍾意食羊腩，最後點左個羊腩煲😋羊腩煲附送山菜同埋湯都係用羊煲，清清地都幾好味。😘羊腩煲嚟到有齊枝竹，冬菇，馬蹄，仲要羊腩煲全部係羊腩，煲得好入味同啲羊一啲都唔鞋👍🏻如果係羊腩煲最好三個人以上因為都好多🤪

Summary: A gimmicky eat for HK "street food", but probably not for everyone. Taste good, but a bit pricy (for what it is).The Goods: nice gimmicky street food feel eatery. Simple and tasty. The Bads: I think it's a bit pricy for what it is (but more on that below). If you don't smoke, eating outside is not a good idea because other people do (the opposite statement will be a good point for smokers).Damage: We (2 persons) paid HK$350 (no SC applicable). So that's HK$175 per person.  We had it a b

嚟到Happy Friday 好想放工去暢飲兼食好東西今日嚟到深水埗有名嘅增輝食晚飯因為我哋6點幾已去到 店內仲有好多位店員哥哥好nice 會吹2句水😂我哋叫左🔸鬼馬油炸鬼 係油炸鬼中釀左嘅蝦膠去炸，炸得超級香脆，點佢哋嘅甜辣醬仲更惹味，超好食！雖然凍咗都好脆，但係趁熱食係最好味嘅！👍🏻👍🏻👍🏻🔸椒鹽鮮魷 鮮魷魚厚身、超彈牙，面頭有少少炸麵包糠，炸蒜，外脆內軟，又係好好食！佢仲加左啲辣椒吊味，香而不辣！👍🏻👍🏻👍🏻🔸孜然豬仔骨哩款份量幾多吓，肉質好食但味道就一般，肉好軟好彈好juicy，但只食到外層嘅調味料，入面係冇味的，如果可以醃耐啲會好正。

依間食晚飯好多時要等位，所以訂枱黎食就吾洗等黎依度吾係食裝修，係享受大排檔風味食物、依間小菜同海鮮好食💯又有鑊氣黎食飯又仲意食辣既朋友，可以上下麻辣蟹煲整得吾錯，蟹吾會太細隻，啖啖肉🤤另推介八寶鴨同大蜆象拔蚌湯🍲八寶鴨好足料，鴨吾會整得太老😋大蜆象拔蚌湯夠鮮味、湯底足料乳豬仔皮夠晒脆吾會太肥，其它小菜有大排檔風味夠鑊氣，食物上枱夠熱花枝皮蛋整得岩岩好吾會太溜，未食過依間可以試下依幾款小菜，店舖仲有其它菜式整得幾好

4個人飯聚，晚上黎到深水埗 - 增煇大排檔 。叫左個 胡椒豬肚湯、瑤柱蒸蛋、帶子西蘭花、同一個椒鹽魷魚蘇，兩個白飯，一支beer。夠食，胡椒豬肚湯多料，豬肚，蜆，入味，趁熱飲多幾碗。椒鹽魷魚蘇比較咸。瑤柱蒸蛋不過不失，正常屋企蒸蛋既味，瑤柱本身都唔係濃味野。帶子西蘭花，帶子鮮，西蘭花正常，我都係食得多菜蔬。每人大概hkd 160，好ok 👍

點佐炸大腸，薑蔥撈黑栢葉，豉椒炒鵝腸炸大腸不過不失，黑栢葉偏咸，炒鵝場無鍋氣兼帶苦味，鍋氣欠奉，成個過程食唔出好味兩字，感覺只是一間貴價的普通大排檔。口味因人而異，但基本的味覺應該會雷同，有心煮的餸一定會好味。唔明....😇

今日特登嚟到增輝大排檔，間中都有嚟下大排檔食嘢，貪佢煮得夠鑊氣！😙😙😙聽人講呢間餐廳以前係好爆好多人等位，同埋好難book位，可能最近疫情嘅關係都少咗人出街食飯！蟲草花蒸雞簡單嘅蟲草花蒸雞已經好好味，今次呢隻雞葉得比較鹹少少，所以食兩啖就飲杯水. 啲雞係好滑既！豉椒鵝腸炒得好有鑊氣，青椒又唔會話太生，同埋鵝腸嘅份量都好多，抵食！砵仔蒸魚腸呢味餸係屋企都好少會煮，因為佢處理嘅工序都比較繁複同埋都好難整得好食😋😋😋鬼馬油炸鬼油炸鬼加墨魚膠呢個配搭，簡簡單單都可以變咗一道佳餚. 鬼馬油炸鬼整得好脆👍🏻👍🏻花枝釀皮蛋呢味餸就比較普通啲，可能啲皮蛋唔夠靚，所以食出黎無皮蛋應有既香味.

打完牌🤪我跟朋友去呢間位於深水埗的大排檔，真係細佬女唔識嘢，原來係「米芝蓮推介餐廳」😋😋本身食唔到辣嘅我，被呢煲 - 辣酒煮花螺 （$198）吸引住～～ 食落唔算好辣，不過每粒螺都好入味。但係價錢有啲貴。邪惡既。脆皮炸大腸 （$98）- 又脆又香，唔太肥喎。 蒜蓉蒸勝瓜（$83）-估唔到咁大碟😂😂。每一塊都好大件好汁。芥末芝麻蟲蝦球 - 呢碟實在要試一試，食完令人熱淚盈眶🥺🥺，好鬼正。仲有椒鹽鮮魷（$128）及風沙炸豬手（$128）- 夠鑊氣，無問題。整體來講都係要揀啱菜式，未必所有都合心意，不過服務態度很友善，推介好多菜式俾我地。 仲有記住叫支大啤，更有風味🤣。

睇開我食評都知我係性價比達人所以今餐飯一定唔係我揀嘅係我老婆揀嘅，同埋另外兩個friend四個人佢座位舒服，可能係因為而家疫情所以啲枱擺得比較開 ，咁我哋嗌咗五個小菜 ，咁呢五個菜係我啲朋友揀嘅，講真係叫餸嘅時間我都覺得配搭錯誤，不過唔緊要朋友鍾意就ok啦，開咗三支啤酒，四個飯京都骨，我唔知係好定唔好，佢啲豬扒冇用鬆肉粉醃到爛曬，所以仲有豬扒嘅口感，但係略嫌有啲乾硬，佢豬扒應該唔係好肥，汁就正常啦，又係嗰啲沙律醬汁 香脆油炸鬼？？ 我唔記得個名啦簡單啲形容就係劏開條油炸鬼釀啲墨魚膠炸到脆卜卜再點返個甜酸汁 當我講完呢個形容就係咁啦唔會有任何特別 墨魚膠和油炸鬼冇特別炸嘢就係脆嗰隻，冇特別就係咁簡單炸墨魚咀，一睇就知係厚粉版但係墨魚咀都尚算ok，小食一流秋葵炒生蠔， 我又係唔記得佢個名啦又係簡單將啲蠔上薄粉炸咗，再燴返個汁而好明顯啲秋葵係後面加落去兜嘅但係兜嘅時間好短啲秋葵都仲係暖暖地就上枱 呢碟嘢整體嚟講並不是難食，但食不到鑊氣金銀蛋莧菜就係金銀蛋莧菜，講完再加咗三支啤酒，四碗白飯埋單七百幾蚊講真咁嘅食物質素， 五個小菜收七百幾我又唔係食緊什麼珍饈百味呢個價錢對於我嚟講真係好難接受 咁