壹玖捌叁

营业中

休息中

農曆年過後，大家都要少少時間調理一下腸胃。好唔容易約齊一班朋友出稷聚餐。我呢班朋友個個都係食家，最鍾意周圍搵野食，今次黎到跑馬地一間中餐館 – 壹玖捌叁，試試佢地出名既精緻中菜。 現場環境清淨，大家傾計都好容易，唔使大大聲。每位侍應都好有禮貌，斟茶遞水都好快，好好咁招呼我地成班人。 我地先點左湯，叫菊花豆腐燉花膠湯，完全考廚師刀工，塊豆腐切到成棵花咁靚，唔止得個睇，湯濃，花膠燉到剛剛好，好有咬口。 之後散叫左幾個小菜，密汁香欖骨，肉質鮮嫩，醬汁鹹淡適中。樟茶鴨，煙燻味唔係好重，無羶味。黑蒜白玉蒸龍躉球，從未試過黑蒜蒸魚，估唔到味道咁夾又去腥味，佩服廚師廚藝。乾煸四季豆都係濃味菜，叩做有少少纖維落肚啦。 食完大家都唔係好夠，叫左個鮑汁章魚雞粒炒飯，好好食，飯係粒粒分明，而且都好足料，食完個個都有讚無彈。 最後，超水甜品當然唔少得，都係滋潤補身既野，分別桂花燉雪梨，桃膠銀耳糖水，仲有薑汁糕。作為今晚的結尾，非常滿足滿意。

食嚟食去都係屋企附近嗰幾間，今日諗住試新嘢見到食評話呢間質素 幾好，咁啱老公生日，所以就一家6人去試一試。 佢地用ipad落單，每款菜式睇落都好精緻 ， 價錢都唔平 (故此 我期望食物會有高水準)。頭盤：叫左咗燻蛋 ， 鴨舌 ，海蜇。 (OK 一般)湯：我地6人，叫左3位 西洋菜湯(清甜，正!)， 3位螺頭湯 (好似加左 無花果 未道太甜，吾好飲😣，失望。)主菜： 叫左醬茶鴨(OK) ， 仲有 咕嚕肉(有水準)， 龍躉斑翅(落單侍應推介，但估吾到都係一 般😑， 有魚腥味。)最後甜品：紫薯金沙球，等左好耐(但係係成晚最特別，最好食😍😍👍) 。 埋單差吾多2千元。呢個價錢，我就覺得有好多其他更好既選擇攞。

今晚帶了老婆去跑馬地的壹玖捌叁食晚餐，餐廳是朋友介紹我去的，這裏的中菜價錢屬中上價，但食材屬高。我們點了一個二人餐，每位都是$500，已經有翅有鮑魚食。香葱油海蜇花：海蜇爽口彈牙，香葱及麻油味濃郁，令原本無味道的海蜇增添不少風味。脆香牛油白飯魚拌椒鹽茶樹菇：白飯魚及茶樹菇外層薄薄的粉漿，炸得外脆內軟，加了點胡椒粉及鹽調味，簡單好味。蟹肉竹笙煲仔翅：濃郁的金華火腿味道，還有一絲絲的雞肉及蟹肉絲，其中雞肉絲條條幼細，蟹肉鮮甜，魚翅爽口，每啖都有金華火腿味道。松子蟹肉芙蓉蝦球：蝦球結實爽彈，一定是新鮮蝦肉，炒蛋白內有些蟹肉絲，有蛋白香同時又有蟹肉鮮味。鮑汁玉掌扣五頭湯鮑：鮑魚厚身，肉質腍及彈牙，咬落去有肉汁，鮑汁味濃郁，越咬越有味，簡直唔想吞落肚，鴨掌炆得又腍又入味。濃汁牛肋骨煲：牛肋骨炆得很嫩腍，濃郁的牛肉汁味道，紅蘿蔔更是吸引了湯汁精華，十分入味。鮑汁章魚雞粒炒飯：炒飯比較濕及腍，但裏面十分足料，有蝦肉、冬菇粒、雞肉等，還有鮑汁味道，入口香濃。最後食埋個甜品，合桃露味道濃郁且幼滑，而且不會太甜，十分滿足的一餐。

番工番得多，晏晝食黎食去都係頹飯，所以決定夜晚搵間高質嘅中菜廳食下，問一問朋友佢地就即刻介紹壹玖捌叄，話呢間中菜廳嘅晚餐簡直冇得彈！去到嘅時候經理好好態度咁介紹左個新春套餐俾我地試下，等我逐一簡單介紹下啦。率先送到嘅係2個前菜，薑汁陳醋雲耳同麻辣墨魚頭，一放雲耳入口，微微嘅薑汁加上酸甜彈牙嘅雲耳，搞到我個胃即刻開哂，然後配上麻辣墨魚頭，墨魚頭薄切 呢種辣味挑逗住我嘅味覺，明明我唔食得辣都好忍唔住口不斷咬不斷夾。螺頭燉湯姬松茸螺頭燉湯好清甜，絕對0味精，湯料十足然後飲落去覺得好暖胃好舒服，作為食正餐前嘅湯可以俾足滿分。黑松露野菌蝦球作為黑松露嘅狂熱食家，咬入口個一下覺得黑松露再濃d會仲正，但勝在蝦本身嘅肉味十足，正正咁樣就突顯左蝦濃郁嘅鮮味。一口鮑魚豆腐伴金蠔大利豆腐好滑 鮑魚炆到好入味 彈牙得黎唔會硬。金蠔做到好出色 unexpectedly入口即溶feel 好甘白好軟熟。京都陳醋咕嚕肉真心推介。咕嚕肉炸得好香脆，酸酸甜甜的陳醋汁，剛好掛在肉上，一口size 惹味又開胃。櫻花蝦臘味糯米飯呢個係我嘅至愛，臘味糯米飯，上面有好香嘅蛋絲，然後啖啖飯入面都有鮮蝦肉，成個飯嘅size岩岩好，唔會

接待遠道來港的輩當然要選一間體面的中菜館，所以今晚來到壹玖捌叁晚膳。門面具中國特色除了傳統的紙質版菜單，也可以電子屏幕下單。比較散點食物的價錢後，我們覺得這款鮑魚魚翅二人餐比較划算。香蔥油海蜇花海蜇切成不規則塊狀，色澤通透。雖然灑上香蔥油，但沒有油膩感。海蜇爽口，我們吃得一件不留。脆香牛油白飯魚伴椒鹽茶樹菇白飯魚炸粉略厚椒鹽茶樹菇外脆內濕潤竹笙瑤柱燕窩羮質地濃稠，湯料豐足，燕窩、竹笙、蛋花著實不少，個人覺得如果鹹度減低些會更美味。長輩點的蟹肉竹笙煲仔翅鮑汁玉掌扣五頭湯鮑鵝掌腍滑；五頭湯鮑燘得入味，入口帶黏，味道出色。濃汁牛肋骨煲肉香濃厚；紅蘿蔔腍甜；洋蔥吸收了肉汁，此道菜佐飯一流。鮑汁章魚雞粒炒飯粒粒分明，略嫌炒得不夠乾身。合桃露幼滑，但甜度較高。雖然價錢不便宜，但餐廳位處傳統豪宅區，而且食物質素上佳，定價算合理。

今日老公話要慰勞一下我，話要帶我去一個神秘的地方俾驚喜我最後老公車了我去跑馬地嘅壹玖捌叁壹玖捌叁的裝潢充滿氣派，未入店內已充滿期待！店員絕對是這餐飯的精髓所在之一！安排我們到座位後，除了特登拉凳給我們外，還有禮替我們鋪上手帕於大腿上！服務態度絕對滿分！店員最先奉上自家製的醃製喬頭開開胃口茶芥選擇了壽眉，壽眉茶香味醇店內亦有免費提供WiFi, 十分方便！是日老公發辦，點了材料貴重的Set E頭盤已絕不惹少！香葱油海蜇花和脆香牛油白飯魚伴椒鹽茶樹菇頭盤已絕不野少，一上後店還說一句enjoy your dinner！海蜇花是師傅用葱花提鍊的油所做，所以會較為清新另外，牛油白飯魚十分特別，滿滿十分香口的牛油味。而且茶樹菇亦充滿胡椒的辣，又爽又脆竹笙瑤柱燕窩羹店員一上菜時已聞到羹香，一看就知用料絕不馬夫，吃第一口時能感受到厚厚的瑤柱扒在口中，也令整碗羹非常濃郁鮮味，簡直一絕！松子蟹肉芙蓉蝦球松子蟹肉芙蓉蝦球不但用了新鮮蟹肉，蛋白利吸收新鮮蟹肉與松子的味道使其變特別，再配上大大隻鮮甜蝦球，令整碟佳餚再昇華一另一層次鮑汁玉掌扣五頭湯鮑一碟好味的鮑魚最緊要除了出色的鮑魚外，鮑魚汁就是整碟菜的靈魂所在，

上週試過大眾化平民點心店，今個週末就去這家精緻中菜餐廳嘆返下。這兒裝修雅緻，沒有一般中菜廳咁嘈雜，空間幽靜，枱與枱有適度的距離，坐得舒適。午餐時間坐無虛席，主要見熟客家庭客為主。午市有散點和設有不同套餐組合，由$298-$1380兩位。今天想簡單吃下點心，點左二人午市點心過橋麵食套餐B$298 。（可選五款點心及一款麵食包甜品，感覺優惠又可試多一點。）晶瑩蝦餃皇：真的名乎其實蝦餃皇，這蝦餃造型不錯，大大粒，真的要分三四口才可以吃完，十分滿足！蝦餃蝦味十足，口感爽彈又滿有鮮味，有水準！蠔皇叉燒包：叉燒包小巧，飽皮比較厚，質感十分軟熟，味道香甜，而叉燒餡蜜味適中。臘味蘿白糕：煎到幾濕潤但唔油膩，外層焦香，蘿蔔味十足，又有臘味，不用沾醬，已經夠美味。豉油皇香煎腸粉：腸粉煎得香軟，配以芽菜韮黃，滿有豉油香而唔油膩。田園三色小籠包：這小籠包有三色蔬菜皮，賣相吸引。一放入口，包子的皮很薄，湯汁破皮而出。這小籠包味道幾好，有水準。美極醬野菌煎龍躉球讚岐烏冬龍躉球炒得香口，醬汁是有點像美極的鼓油，味道鮮美，加上厚切，啖啖肉有口感；還有爆香左的茹菌四季豆，配料都幾豐富；烏冬是扁身的，口感滑溜，湯底淸澈；

今日去開跑馬地探朋友順便食埋晚餐因為有老人家所以決定去食中菜值得一提既係佢呢度用ipad點菜，當然都有傳統既餐牌前菜燒牛舌肉味香濃，質地軟身，燒得剛好蟹肉竹笙煲仔翅蟹肉同翅既份量十足，飲每一口都有好多料，湯底濃郁，竹笙夠爽松子蟹肉芺蓉蝦球蝦球夠大隻而且十分爽脆，蛋白配上大量蟹肉，值得一讚既係佢唔油膩，又開胃鮑汁玉掌五頭鮑鮑魚肉質鮮甜同嫩滑，鵝掌夠入味樟茶鴨樟茶味濃厚，記住要趁熱食，鴨外酥內嫩，有煙熏香味金銀蛋浸白菜仔足料，湯濃郁，菜吸了湯汁後更鮮甜鮑汁章魚粒炒飯呢款係有有少少濕既炒飯，成個飯炒得好香，配上冬菇章魚等，味道更好最後既甜品薑汁糕完全係新鮮整既，好煙韌而且熱辣辣，薑既辣味唔會過重，岩哂我係一間好高質既中菜

早前有晚帶左家中既女皇大人去跑馬地覓食個晚決定帶女皇大人去食中菜，早已聽聞呢度既中菜別緻得黎都幾有質素，呢晚就一於黎試下先適逢新春期間，呢度既二人套餐都轉左做賀年既應節套餐，女皇話都幾岩食，咁就order呢個“狗年新春喜慶2人套餐C”HKd$988+10%同佢嘆返晚中菜啦首先黎到既兩款涼菜，左邊既“麻辣墨魚頭”唔會太辣，加上經過薄切既墨魚頭十分爽口，的確開胃之後既“螺頭燉湯”都好足料，用上瘦肉螺頭等材料燉成既呢啖湯，甜而不油膩，不錯呢飲完靚湯就開餐食正餐啦第一道菜係“黑松露野菌蝦球”當中既野菌香氣十足，蝦球大大粒又爽口之後既“一口鮑魚豆腐伴金蠔大利”有齊入味唔韌既鮑魚、嫩滑既豆腐、鮮味大顆既金蠔、掛汁既髮菜、西蘭花同豬脷，豐富得黎又夠意頭跟住仲有我偏愛既“京果陳醋咕嚕肉”，每件都大大粒，啖啖肉，配上酸酸甜甜既醬汁一齊食真係令人愈食愈想食架然後仲有一碗“櫻花蝦臘味糯米飯”糯米飯飯粒分明，各種臘味份量充足，食落惹味滿足當晚既是日糖水係合桃露，大大碗之餘質素相當高合桃香氣撲鼻，入口順滑最後仲每人有一球“紫薯金沙球”，呢粒有住流心奶皇既紫薯脆球就係我地呢晚完美既作結雖然呢餐的確唔平，但可以同女

Family day 一家人黎跑馬地食飯呢到雖然有啲偏僻但食物質素好就夠啦門口有一副幾得意既對聯上到去都發現幾grand幾舒服點菜係用tablet架落order之前staff仲會幫你核對一次咁就實唔會落錯單啦前菜叫左燒汁牛舌燒得好香 配埋燒汁食冇得輸食落好滑好彈牙蟹肉竹笙煲仔翅啲翅好靚好多配埋啖啖蟹肉一流一人叫左一客鮑汁玉掌五頭湯鮑鮑魚鵝掌都燘得好入味但又唔會太稔食落仲有啲咬口松子蟹肉芙蓉蝦球蝦球爽脆彈牙蟹肉蛋白炒得嫩滑加埋松子蟹籽食落有幾種口感松子脆蟹籽彈牙蛋白滑好豐富半隻樟茶鴨好香茶味鴨好嫩唔會韌食落個皮仲係爽脆正！金銀蛋浸時蔬要左白菜好味到連個湯都飲埋鮑汁章魚雞粒炒飯一上抬就聞到好香粒粒分明既飯加埋蝦粒、肉粒、章魚用鮑汁炒口感豐富最後食埋甜品薑汁糕即叫即整上枱仲係熱辣辣食落煙煙韌韌又重薑味係我食過最好食既薑汁糕！埋單都係$2000一家人每人都係500蚊都幾抵食服務又好特別的香港菜給特別的您推介比大家！

同媽媽去街,happy shopping 之餘就緊係要帶佢食好野啦 上網揾到呢間喺跑馬地既中餐,佢應該鐘意既~喺金鐘搭叮叮去跑馬地,沿途環境幽靜, 幾寫意~到餐館門口, 樓底高，兩旁有對牌匾感覺高雅 ~有待應帶領上2樓,正月既關係走廊裝飾放滿年花好有氣氛 待應先遞上ipad , 直接喺ipad 落單,每一道菜都有相, 好多都好吸引好想食吖不過媽媽中意食香口d,就由佢決定啦~  蜜餞素脆鱔落單時，店員話呢個係冬菇做既素鱔。夾起既時候，蜜餞一絲絲~咬落去好鬆脆，炸粉恰到好處, 唔講真係唔知係素既鱔~菊花豆腐燉花膠湯花膠同豆腐分開上，2個湯都有少少唔同，豆腐個湯:金華火腿味突出，豆腐切工勁吖，朶花真係唔捨得整散。花膠有厚度，配清湯味道唔會蓋過主角青檸金絲蝦球一絲絲既麵包絲包住大蝦球,入口鬆脆,大大隻蝦爽口彈牙。配上青檸汁, 調較得好好,香而不酸又唔甜，比較偏向清香，加埋幼幼既青檸皮，好fresh，唔會搶去蝦球既味道。  樟茶鴨方由芝麻蝦膠同埋樟茶鴨肉做成,一口咬落好有層次，有彈性既蝦膠、鴨肉有輕輕既煙燻味，上碟又靚。不過上面既芝麻再香D仲正~伴碟既係炸菠菜葉(問左先知), 好幼細既菠菜絲炸過

日忙夜忙為家庭，囝囡大了開始兩支公時間多了，要調節心態最好找兩人共同興趣，要不然爭吵時間多咗並不是好事。最近終於發掘到我和老公的共同興趣是食，閒時四出搵一下有冇特色餐廳酒樓之類。今晚行經跑馬地見到一間中式酒樓名字幾特別，外觀有點古色古香，於是乎入去又試下新嘢。前菜要了牛油白飯魚伴椒鹽茶樹菇。用牛油來炸白飯魚多了一份油香，脆口惹味。茶樹菇平時用來㷛湯，原來炸的方式一様好味。灑上椒鹽增添惹味感。整體是不油不膩，好味。老公話橫掂來到今晚一於食豪啲，每人一碟鮑汁玉掌扣鮑魚。芡汁不會傑杰杰，鮑魚有嚼口，鵝掌非常軟腍，好滿足。蕃茄濃湯浸生菜幾特別，湯底好鮮甜，生菜爽脆有口感。無飯不歡的我最愛炒飯，點了一碟瑤柱蛋白炒飯，飯粒炒得分明，夠乾爽香口。甜品都是我至愛，楊枝甘露布甸造型ok 呀！粒粒的柚子爆汁，香甜不膩。

最近友人搵到一間有質素菜館，二話不說帶我去試一下。位於跑馬地，我的印象是高級住宅區，名人明星經常流連的地方，附近的餐廳，菜館都有番咁上下見報率，今晚跟著友人衫尾，相信不會失望而回呢...嘻嘻！經過長長樓梯進入菜館，裝潢平實得嚟有點氣派。點餐全用電子化，非常簡單。咖啡溏心燻蛋（$68）嘩！蛋黃橙紅色澤好似太陽咁嬌艶。末入口已嗅到濃濃的燻煙味，蛋味好濃郁，好正呀👍！鮑汁玉掌扣五頭湯鮑（$188）對我而言幾多頭的鮑魚並不重要，最重要廚師功架。鮑魚入口軟腍，燴汁夠入味。鵝掌基乎入口即化的口感，滋味！南乳脆皮雞（$188/半隻）雞皮呈現焦糖色，皮脆香口。挾起來皮肉不會分開，肉質濕潤多汁好嫩滑，不過略為過於入味鹹了少許。薑汁炒芥蘭（$98）薑味，酒香盡現，芥蘭非常翠綠鮮嫰，不錯！合桃露（$42）相信是即磨的，香滑味濃香，甜度適中，讚👍！今晚好滿足喔！多謝友人的款待。

早陣子同朋友聚餐，想食好嘢😋😋😋，其中一位友人就推薦咗呢間高水準精緻中菜嘅 「藍帶餐廳」 。餐廳位於跑馬地，交通唔係特別便利，不過好彩有電車站喺附近。「咖啡溏心燻蛋 」蛋黃口感好正，仲有咖啡香「碧綠龍皇翡翠杯」用節瓜做翡翠杯，清新之餘再加埋蝦嘅新鮮味「京果陳醋咕嚕肉」 皮薄脆肉嫰滑，好吃，可襯紅酒品嚐 「薑汁薏米麻蓉湯圓」整體來講雖然價錢偏貴，但食物質素十分好，服務亦都好到位。如果有特別聚餐慶祝，推介呢間餐廳。

小編最愛飲茶 今日係養和醫院探望完朋友既bb就黎到附近既呢間1983食午餐餐廳使用全白色既餐具 感覺好乾淨整潔前菜有酸菜 口感爽脆又醒胃鮮蝦蟹子燒賣$42用鮮蝦製作既燒賣特別好食鮮蝦爽口不像雪蝦一般淡而無味豬肉餡有適當既調味 正好帶出豬肉同鮮蝦既香味 加入鮮蟹子後既燒賣口感爽脆咖哩土魷 $38可以食到咖喱土魷嘅地方可以話係越來越少通常都係要去一啲比較舊式嘅茶樓先會見到有呢度整嘅咖喱土魷非常入味 而且唔算太辣土魷口感比鮮魷爽口 較容易咀嚼鮮菇素包 $39單單只看鮮菇包個外形 小編連心都軟化埋了呢個蒸包扮緊一粒冬菇 而中間嘅餡料係冬菇粒餡料經過適當嘅調味後令冬菇味更濃郁麵包嘅外皮經過調味帶點甜 十分美味Xo醬香煎腸粉 $48使用秘製Xo醬烹調而成腸粉 外皮帶脆 腸粉依然香滑加入XO醬嘅腸粉味道更香濃啱晒鍾意食香口野嘅小編紅油抄手$48红油抄手係四川重慶地方既特色小吃餐廳製作既抄手柔嫩鲜美 皮薄潤滑而且湯汁微辣濃香 十分醒胃松子馬拉糕$36馬拉糕呈金黄色 上菜時係熱騰騰的新鮮吃時非常蓬松 柔软帶有輕微的雲呢拿及雞香味加入左松子令馬拉糕更香總括而言小編覺得雖然餐廳有啲遠但係坐得非常舒服而且服務