壽司翔太 (已結業)

食lunch壽司SET $130，物超所值。海膽壽司正到冇人有，唔係好捨得咬佢...吞拿魚腩甘香，唔會過肥三文魚子，一D都唔腥仲有沙甸魚，好少食到其他壽司都好好，不過以上四款我個人特別喜歡仲有個綠茶雪糕都好味道喎

估下~$231 食到乜?係兩件好鮮味, 入口即溶既饅魚壽司.(成五十蚊一件! 我覺得我好奢侈, 不過真係好正!)加一件Toro 手卷. 都好正, 係將Toro 切到好似肉醬咁, 但一D都腥. 都麻麻正.再黎一客得豉油碟咁大既咸魷魚, 呢個真係精品, 有數十條切得差唔多長既魷魚, 蝦羔咁色, 難食到痹!(唔好怪我, 係我唔識欣賞d地道風味). 豉油碟都裝得晒既野竟然食唔晒, 一萬個腥十個滿分呀! 仲有d好韌既唔知乜? 唔通真係要成條唔咬吞落肚? 食慣香港味既人千祈咪叫呀!(味道呢欄真係好想俾5分, 無奈有個咁惡哽既野要扣2分)裝修一般. 不過最過份係一個JAPANESE only 既\"時令\" 餐\牌! 唔識日文都好似唔想你幫襯. 廿個嬲呀!話到尾, 個饅魚壽司真係好正. 一分錢一分貨係真既....無喇......... 係四件野咋, 仲想有乜呀! 有$800都未必食得飽, 小心, 小心.

前個月左右經同事介紹去依度食壽司...其實都預左貴..但想試下算係正中日本料理既壽司...兩個人去到都諗過幾耐食乜...因為有d精選只係寫左日本字..唔識睇..最終叫左個一人晚餐...有前菜,煎魚,剌身,壽司拼盤,蜆肉湯和雪糕(我選了緑茶).前菜和魚我就覺得無乜特別..剌身好新鮮...同元乜元乜真係差好遠,尤其係牡丹蝦,真係好鮮甜..到壽司..海膽..三文魚子係最好食..我真係第一次食咁好食既海膽,三文魚子一d都唔腥,本人係勁怕腥的...d湯無乜特別...但係個蜆己經好太隻.到入口d汁係必出黎的..好好食...真的..個綠茶雪糕都好正...本想叫多一件海膽..但八十蚊一件,勁貴..下次先再食..下面無填笑定喊...因有些人可能覺得咁新鮮好抵,但有些就可能會覺得太貴..

某晚人在老銅, 突然好想食sushi. 原本想試壽司達, 但見到個門口唔係好敢入...... 終於都係黎番翔太.雖然好想食壽司, 但其實唔係好餓, 我只係食左池魚同秋刀各x2、玉子、針魚、赤貝同牡丹蝦. 感覺同上次一樣, 各款基本上都ok, 但又唔算非常鮮甜果隻. 芥辣無上次落得咁重手. 埋單依然覺得幾貴.......

朝早忽然想食壽司，想搵間好d，係openrice search下，見comments都ok，決定夜晚去食。壽司叫了個特上壽司拼盤，再另加兩件散叫蟹籽同鰻魚壽司，拼盤有海膽、toro、赤見及左口魚等味道一般，紫菜較淋唔得爽脆，而飯係淋唔夠黏性又唔夠醋味。Menu冇牡丹蝦好失望，問個待應姐姐話有60蚊一隻刺身，價錢唔算平只叫了兩隻，一上枱唔見頭及腳，原來係一蝦兩食，蝦身做刺身，其餘攞去炸，蝦肉需夠脆，但唔夠鮮甜，反而炸左的頭同腳仲好食，咸咸地口感似鹽燒，不過炸過後好似少左d蝦膏。冷烏冬夠正宗，與日本一樣煙煙韌韌有咬口，係香港好多數d烏冬都較淋。論水準及價錢都不及孝勢好。

尋晚去左呢間, 齋食壽司. 玉子、左口、小肌: 普通.針魚、池魚、金目、象拔蚌: 幾好.牡丹蝦: 都幾好, 但我唔鍾意佢拎個蝦頭去炸.三文魚籽: 確係幾正拖羅: 要左最肥既, 係就係夠肥, 不過唔算香甜, 而且多筋, 唔掂.十款壽司, 加杯野飲, 埋單每人四百幾, 我覺得孝勢好食d又平d. 不過叫套餐應該抵食d, 我見隔離個客應該叫左$450果個set, d野食多到丫無奶油食得晒. @@

六件散叫壽司（大拖羅、帶子、牡丹蝦、海膽、本魚及象拔蚌)，全部由翔太師傅親自製作，魚生非常新鮮，而且味道不錯。海膽沒有苦澀味，在香港較難得。另加一客燒茄子，合共$400多元。

每次去吃中午餐必定制訂要壽司定食，好新鮮，好好味道。在銅鑼灣吃日本菜的首選。

今日再次幫襯LUNCH SET﹐依然超值﹐今日食左一個自選壽司SET﹐$120﹐可以從壽司選單上面選8件不同款式的壽司﹐再加一條自選卷物(壽司卷)﹐水準真係無得彈﹐在香港我甚少食海膽的﹐因為海膽一旦唔夠新鮮就會有腥腥的怪味﹐但這裡的海膽壽司是我在日本以外吃過最好味的了。卷物我選了“蔥吞拿卷”真係好好味道﹐雖然只係蔥吞拿﹐但睇得出應該係用靚的吞拿肉(中拖羅)黎整的﹐正~呢間野真係食多幾次都唔厭。雖然有DD貴﹐不過﹐值得。

我諗翔太係香港的日本料理中算係頗高水準的了﹐但比較親民﹗雖然唔算平(可以話係幾貴)﹐不過勝在唔係“只限有錢人”的格局﹗刺身新鮮得不得了﹐其它料理亦有一定水準﹐各位不妨試下個燒牛扒。晚飯要食得好你要預算$300~500一位﹐但食過你會覺得係抵食的。服務亦好好﹐雖然唔係熱情招待﹐但係隨叫隨到﹐應該做的都會為你做﹐唔應該做的就絕不騷擾客人﹐呢樣先難得﹗有時D鋪頭招呼太好太熱情就會變成“擾客”了。這方面我十分欣賞翔太給我的感覺。如果覺得太貴﹐可以先試他們的午市精選套餐﹐本人強烈推介﹐特別係刺身SET﹐只係百零蚊﹐以水準計真係算係超值。午市套餐禮拜六都有﹐但2點鐘LAST ORDER﹐記得睇時間去食﹗

好新鮮,好味,正-貴!!!!