壽司郎 (屯門市廣場1期)

营业中

休息中

老公要加班，於是自己一個去咗壽司朗享受吓MeTime。5點到，已經出現人龍，真誇張，等咗大概半個鐘就有位，好彩唔算好耐。一開始梗係要叫杯梅酒嘆吓，味道濃郁，清甜回甘，一酒解千愁。揀咗幾款壽司，大部分都好好食，魚生有鮮味，蝦清甜有彈性，不過略嫌飯無咩香味及欠黏性。之前有網民話壽司朗嘅甜品比壽司有過之而無不及，今晚第一次試吓佢哋享負盛名嘅卡達拉娜，口感同味道似冷凍過後的香濃烤布丁，真係好正，真心好好食😋。

壽司郎開左咁耐，都仲係好多人排隊😂，不過我都係乖乖排隊照食啦。今日係壽司郎就食左好多壽司，有牛油果三文魚卷，呢個好食好重牛油果味又有沙律醬，成個味道好夾。仲有生蝦壽司，上面隻生蝦係勁大隻手指咁粗。吞拿魚壽司算係壽司郎既名物，$12就有兩件，吞拿魚唔會咬落好多榨，好食。仲有普通既三文壽司質素正常發揮。熱食就叫左個腐皮烏冬，腐皮大大塊，烏冬好彈牙。而最好食就係甜品卡達拉那，焦糖面好好食，仲有芝士味好濃，超好食。

平日中午12:30左右 排咗30分鐘就有得食即刻嗌咗一輪壽司先炙燒芝士三文魚 $12嗌咗2次炙燒完嘅芝士 都幾難會唔好食壽喜燒牛排 $12有成2塊牛肉 連埋燒肉汁 係一個好食嘅牛肉飯炙燒羅勒炙燒三文魚腩 $12羅勒味好重係唔係香 就見仁見智啦🫢海鮮紫菜卷 $12好足料好抵食 每次都會嗌蟹膏軍艦 $12青瓜同蟹膏 分開食比較好😂茄子田樂味噌 $12ummmm….唔好食🫣花之戀 $17 又真係包到有啲似花😂用成3塊三文魚 包到肥嘟嘟咁蝦三味 $173款入面有2款嘅蝦都跳船🫠有時赤蝦會幾好食今日就賣相一般 味道正常 只係好抵食之選🥲醬烤日本產帆立貝 $22帆立貝好大粒 但無乜味 應該未必會再嗌🤔無伏都還可以😛：-極上鰻魚 $22-三文魚牛油果卷 $22-醬烤特選中吞拿魚腩 $17-醬烤鰈魚鰭邊 $12炸雞軟骨 $17好好食有啲黑椒調味 又香又脆又惹味茶碗蒸 $19 好豐盛嘅配料😂$19嚟講 相當滿意究極巴斯克烤芝士蛋糕 $27上面層焦糖脆卜卜 芝士好香好濃郁中間仲有一層cream/ mousse (?)唔錯唔錯

Lunch時間終於拎到位可以試下啦！食左4樣野，但唔知點解好似無咩啱口味……食物係新鮮個蒸蛋好滑好好味，不過個燒牛肉就麻麻地，好鞋好硬，都幾難先咬開，亦唔覺得有咩牛肉味……生既壽司比熟既好，下次我都會識得點叫啦

今次叫咗外賣壽司，唔使排長龍🙈不過款式就冇堂食咁多。但味道都係一樣咁好食。尤其係蝦壽司同玉子壽司，蝦壽司好彈牙，好好食。玉子壽司好重蛋味同好juicy。整體嚟講，性價比好高🥳

北海道常被日本海和太平洋包圍，所以很容易就吃到鮮味的海產。今個月壽司郎亦以北海道x三陸祭為主題，帶來不少小妹覺得不錯的商品。🐚青森產特大帆立貝：超級極度滿足！它上檯時是完全遮蓋了壽司飯，你說是不是很誇張！不要問，只要點一碟，嘗一口，大家就會明白了。🐟三陸產炙燒喜之次：火炙過後令魚香更突出，魚肉是細緻而幼滑，魚味是濃郁的。🐠北海道產沙甸魚：上年推出同款產品時，小妹已經暗暗尖叫，今年牠再度回歸，魚肉依舊偏滑又帶來難以形容的味道。🦑北海道產魷魚拌辣醬軍艦：鹹得有點過份，且吃不到辣味，可以不吃。🐙生拌八爪魚軍艦：起初以為是芥末八爪魚軍艦的同鄉，不過牠的滑溜感更強，惟一死症就是牠那像擦膠的質地（無計，八爪魚就是這樣）。🍤炸北海道產日本公魚：沒有太大驚喜，就是無骨、啖啖魚肉的炸物。🧀濃厚芝士味卡達拉娜：焦糖味當道，好像吃不到芝味，質地又好像比普通卡達拉娜硬身，吃到最後有一股怪怪地酸味，不推薦。就這樣。壽司郎銅鑼灣店開店在即，日本政府又好像蠢蠢欲動要開放自由行，未知小妹能否免卻排隊之苦，直入慣常到的壽司郎分店呢？

第一次黎屯門壽司郎🍣 同樣都係要等一段時間先有位🤫 但吾同嘅係 入座嘅時候冇職員帶位 要自己睇塊板去搵座位編號😂同屋企人一齊叫左啲壽司 甜品share食☺️ 因為吾係太餓嘅關係 所以3個人加埋只係叫左18碟野食🫣當中有幾樣壽司覺得好食嘅🤣 其餘就正正常常冇咩特別😗 好食嘅有🤤特大虎蝦天婦羅卷🦐咬落口啖啖蝦肉 而且天婦羅炸粉吾會太厚 口感岩岩好😛壽喜燒牛排🥩個味好夠濃😍 吾會太多脂肪比例 好開胃🥹炙燒生姜醬叉燒🐷叉燒幾淋身 咬落好吾硬👍🏽 味道都夠濃 而且有埋姜嘅味道 感覺幾特別☺️軟殼蟹壽司🦀軟殼蟹腳位嘅粉多左少少 但整體夠脆口 每啖都有濃濃嘅香味 值得一試😛炸蝦牛油果卷🥑比例幾好 咬落爽口 幾好食🤣抹茶蕨餅芭菲🍵幾層口味同口感😍 芭菲有明顯嘅抹茶味 一定要食❤️普通嘅有以下食物 主要衰在口感 已經放左一段時間 凍晒同埋淋晒🥹 葵芳新都會個間壽司郎好食好多🫣 黃金脆薯🍟醬烤日本產帆立貝三文魚牛油果卷🥑鹽味牛排🥩炙燒芝士鮮蝦🦐鮮蝦天婦羅🍤 同埋炙燒鹽味三文魚

🔹️壽司郎🔹️說到壽司郎又令我想起一句歌詞：[ 周圍都係 周圍都係🥳點解日日都見到佢地大頭咁滯個場面好混亂當佢地走埋一齊 ]每期都有指定的限定商品，到處都是卡樂B蜂蜜牛油卡達拉娜的誘人廣告，吸引我到訪壽司郎☺️壽司郎這個名絕對不陌生，在逆市中不斷擴張，努力於18區開設門市，但每區店舖的人流都沒有退減，想吃壽司郎就看你彩數😂緣份到了自然有位，如果沒有緣份就唯有等待到夜深啦 🌇 我又等待了1.5小時🥺🥢卡樂B蜂蜜牛油卡達拉娜❤️聯乘著名零食品牌卡樂B，外包裝是卡樂B蜂蜜牛油薯片，真的好可愛吃下去有蜂蜜牛油甜香，有冰淇淋的質感，表層焦糖有像在吃薯片的感覺🥢蜜瓜雪葩入口即溶，啖啖蜜瓜味🥢雪花和牛雙味有像在吃風乾火腿的味道

對上嗰次喺元朗度食，完全覺得勁垃圾因為食過黃大仙係好好味所以對壽司郎仍然抱有期望呢一次就自己一個人去咗屯門度食2:30左右攞飛，可能一個人等位唔算好耐，一個鐘左右食咗三間壽司郎，屯門呢間排第二，唔算話太差，合格不過就有少少意外喇平板order完一次食物之後，竟然送咗Double 搞到我之後都唔夠膽用平板order食物當然同返服務員講，佢幫我收返啲食物啦亦都冇Double 計錢，而店員嘅服務同態度都好好屯門呢間分店絕對有下次

成日都會聽人將壽司郎形容為被壽司耽誤嘅甜品店，甜品嚟講的確抵食又好食!卡達拉娜口感creamy得嚟又帶少少挺身，所以有啲人會覺得似雪糕，依個形容我就覺得誇張咗啲，其實都係偏向燉蛋，面頭嘅焦糖做得又薄又脆，有時會仲會推出新口味保持新鮮感，不過外賣嘅人就要留意，因為驚炙燒會加速融化，所以default係唔會炙熱上面嘅焦糖，有需要可以同店員講。芭菲一樣相當唔錯，大大杯而且配料足，雪糕入口幼滑，記得要留肚食埋甜品啊

不經不覺，壽司郎已進駐香港3年了（亦暗示大家已經被武肺折磨3年）。來到壽司郎3週年創業祭，她們主要是為客人送上過往大人氣的商品，而新品方面，就是跟卡樂B聯乘的那件蜂蜜牛油味卡達拉娜了。蜂蜜牛油味卡達拉娜的質感比經典卡達拉娜軟滑，牛油味和蜂蜜味都很足夠，不過可能小妹已牢記著經典卡達拉娜的味道吧，硬是覺得這件期間限定版又鹹又甜，感覺怪怪的。其他再發售的人氣商品來說，小妹只點了自己喜愛的，其中我們共點了4碟加大碼蔥吞！未知是不是因為今次是晚上8時多才入座的緣故（晚上10時關門），所以小妹覺得點餐後等了好一陣子才送上食物，另外貌協會會員表示他所點的壽司大都炒車了。就這樣！壽司郎請繼續為我們送上日本味啊！

自從壽司郎開業已經很少去其他連鎖式壽司店了，最主要因為價錢不算好貴但味道可以.雖然長期排隊我自己會選擇朝早時段食第一輪因為不需等好耐大約一個小時就可以入座了，有陣時當早餐食🙂見呢排出咗三周年創業祭期間限定但不似預期😝雪花和牛雙味：好乾身好似食緊風乾左的鹹牛肉壽司，一款我唔會再點嘅壽司。蜂蜜牛油味卡達拉娜：賣相好可愛，但是牛油味偏重完全好像食牛油一樣只不過面有一些焦糖.如果同屋企人一齊分享是可以的，但如果自己獨食就吃不消了🤪.其餘這幾款就是我每次嚟到必點🤭質素永遠保持到，完全係隔幾日心思思就會想食的

壽司郎食過幾次，今次等候時間是最短的一次，自從發現這家店比以前食開那一家連鎖店高質兼抵食之後已經回不去了。店內有卡位，也有吧枱位，所點食物經由輸送帶送到，方便又衛生。上方是輸送帶送來所點食物，下方是迴轉帶，客人看到迴轉帶有合眼的食物，亦可即時拿取享用。第一輪點了赤貝、赤蝦、帆立貝、吞拿魚腩和海膽海苔包，赤蝦來了個香蔥赤蝦，經反映後換回了想要的赤蝦。各種食材鮮味依然，最愛還是海膽海苔包，一片片完整的海膽很是吸引，味道甘美豐腴，用脆脆海苔連飯包著一起吃，實是一絕，後來又追加了一次。第二輪有炸海苔芝海老、海螺雙味、間八、赤鯥、鮟鱇魚肝軍艦、海膽海苔包，海螺雙味是每次必點的，喜其爽脆帶鮮的口感。第一之吃鮟鱇魚肝軍艦，感覺還可以啦。間八和赤鯥是期間限定，間八油潤有咬口，妹子比較喜歡赤鯥的清淡，炸海苔芝海老外脆內嫩，個人覺得比較油膩，試一次就好。甜點選了日本蜜瓜和卡達拉娜。蜜瓜也是期間限定，肉軟清甜，可以啦。卡達拉娜也是每次必點的項目，原來這個日本超人氣甜點是源自西班牙，含在口裡讓它在口腔內慢慢溶化，品嚐香滑的味道與口感，是一種很好的享受。期待下一次再來吃的時候也不用等太久啦。

🍴推薦：海膽海苔包 $17垃圾口嘅我表示 好！好！味！🥹🥹🥹🥹🥹 encore完又再encore 啲海膽不停係我個口入面游水🥹真係好甜好正🥹⚠️廢話巡例講講建議拎完籌返屋企 校定鬧鐘瞓覺靚覺先😌當日星期日晚 我5點去拎 730先有得入去食😌* 另收10%服務費 & 進食時間為60分鐘 🕒

每次都見到屯門壽司郎排滿哂人但又好想試下係咪傳聞中咁好食咁今次排唔到隊就試下買外賣啦價錢實惠加上可以試哂D三文魚今次我揀既係三文魚盛盒(二人前)食材方面真係好新鮮 味道亦都好好食每款三文魚個味道都好分明同埋個價錢真係好抵 只係176$其實一盒 兩個人都已經好夠食 仲差少少食唔哂最後建議大家 如果真係唔想排或者排唔到堂食但係如果你地想拎佢地既公仔 外賣係唔會蓋印仔架(緊記)如果要換公仔 就一定要堂食可以轉攻外賣返屋企食 因為之後亦試過去黃埔堂食其實外賣都一樣鮮味同埋都係咁好食