壽司郎 (黃埔天地)

营业中

休息中

🤔相信壽司郎好多人都已經食過，但大家有冇發現唔同店，質素都有點差異，相信係同壽司師傅有關，而黃埔總店，係我比較過幾間壽司郎後，覺得比較好食嘅！🤫必食推介：雜錦天婦羅，炸粉好薄好脆，唔會有油益味，食材新鮮，蝦彈牙！🤩炸雞幾多肉汁，而且香脆。好多蜆，湯唔會太似沖粉嘅味道，唔錯嘅。😌天婦羅蝦壽司非常好食，蝦好大隻好彈牙！長鰻魚壽司都幾好，呢款係海鰻，由於佢好長，包住成舊飯食，口感非常好。紅瞳赤陸，肉質結實，燒完有微微嘅魚油，好香好好食！🥹我幾鐘意日本桃聖代，桃嘅甜味好天然，雪糕好軟，奶味濃🥰。芝士蛋糕條都好食，好特別，佢雪到個口感好煙韌，上面有片薄脆嘅焦糖！🫠

每個月總係會有d時候好想食壽司，唔想諗去邊就去壽司郎喇，好彩佢每個月都會出新嘢，咁就食極都唔厭。😆😆下面介紹幾款7月嘅期間限定📌紅墾赤鯥超級推薦！魚油味超香，肉質鮮甜👍🏽📌鹿兒島產間八鮮甜！👍🏽📌碳烤半熟鏗魚$12 2件，抵食，一試無妨。💜因為我唔食鰻魚所以個3款都冇試喇～另外壽司郎我最鍾意食：醬烤鰈魚鰭邊，魚油味超重。炙燒鹽味三文魚，想食三文魚但係又唔想叫普通嗰啲就會叫呢個～鯖魚押，呢個最近先第一次試，好好食呀👍🏽特選大吞拿魚腩，入口即溶😍油甘魚，必叫！

📌壽司朗 - 黃埔🗓(23/7) 星期六 ⏰晚上6:30左右💈特式：壽司兒子係日本開過嚟香港都一段時間了，相信好多香港人都已經食過，同感受過佢個種要排飛既威力。🥩🍖🍗🍔🌭🌮🥗🥯🥘🍲🍝🍣🥟🍤🍱食物：因為好多人都應該已經食過，加上佢本身個menu都好少改動，所以只重點講下佢7月限定既推介食物。炸海苔海老 - 呢個係本月限定入面我最推介既食物，相信係即炸，夠熱夠脆，好香口，$17有7隻，鐘意食蝦既我覺得超值。間八 - 呢個都成日不定時出間，但以佢$17得一件嚟計，我情願食普通油甘魚。鰻魚三味 - 無特別，同平時個d咪差唔多，如果呢個價錢我覺得佢本身menu個鰻魚卷仲好食d。螢光魷魚軍艦 - 無特別，$12蚊可以一試，但見唔到佢螢光🏮。鰻魚肝軍艦 - 呢個唔記得影相，但呢個都係幾好食，值得一試。☕️🍵🥤🧋🍺🍷🥃🍹🧉🍾🍶🥛飲品 - 都係飲佢提供個d綠茶粉溝水啦。🍽環境：可能真係太多人幫襯既關係，近d幾次去都發現佢地衛生情況越嚟越差，其實而家疫情🦠咁嚴峻，應該要多加注意。🤵🏻🤵🏻‍♀️🤵🏻‍♂️服務：樓面服務正常既，最特別係我每次都會叫包鹽用嚟加柚子汁食油甘魚，但今次我叫完，佢竟然係用隻豉油碟就咁裝d鹽

芝士蛋糕幾好食好香個pack醬好好食終於叫到海膽食味道好一般唔需要嗌食食下仲有d苦炸嘢好香好熱唔錯其他刺身壽司都係平時咁嘅味道今次冇叫得太多但係叫咗海膽都同平時差唔多價

第一次同朋友仔嚟一齊食 朋友仔喺附近返工 但係佢今日放假 所以就叫咗啲同事幫佢攞咗飛先因為黃埔呢一間係等得最耐嘅一間壽司郎所以有人幫手攞咗飛先 真係覺得唔錯啲員工服務好好雖然係公司規格 第一次食壽司郎 會同客人講小心梯級 買單或者叫員工都可以喺個平板入面撳掣叫佢哋過嚟去到就有得食啦～ 叫咗啲壽司 🍣炸嘢食 拉麵甜品食咗個布丁🍮 布甸超正好好味😋我食咗一個 朋友仔食咗兩個 佢本身仲想食第三個🤣 我同佢講話你小心肚痛 先叫停咗佢唔好再食之後會繼續keep住幫襯

雖然壽司郎真係成日都要等位等好耐 但都冇咗我要每月去食佢期間限定款嘅心🍣今個七月最推介就係佢個鰻魚三味😚除咗有最常見嘅蒲燒鰻魚之外仲有加咗山椒同埋白燒💓除左甜嘅配搭 估唔到山椒同白燒都特別喎 三款都好好食😋

期待已久的壽司郎終於又食到了。一黎叫晒今期推介的壽司，有D款式我都係第一次見到。最令人驚喜的不是刺身，反而是忌廉芝士。試了一件之後就瘋狂係 menu 度搜尋有配忌廉芝士的壽司。除此以外大部分壽司都屬水準之上，款式也很多。壽司郎雖然沒想像中便宜，但是性價比 (CP值) 高！另外，點餐系統限制每次只可點4碟壽司的設定不錯，使人可以考慮清楚才點。最後食了一個卡達拉娜。嘩！鎮店之寶！值得一試

之前去過好多間都拎唔到輪候票估唔到黃埔呢間冇咁多人終於可以第一次堂食壽司郎叫左好多唔同款既壽司黎試總共都應該有28-30款我個人比較推薦係貝殼類的刺身壽司茶碗蒸同埋佢地既薯條都幾好食另外只有堂食特別好食既係果個卡達拉娜唔係話魚類唔好食 但覺得貝殼類特別好食食到食材既新鮮 所以2個人都食左差唔多30碟不過估唔到真係好抵食 埋單都只係500以內 仲有錢找總括黎講:壽司唔會令客人失望 店員亦好好態度價錢亦都好抵 雖然排隊排好耐 但係都係值得既

一直因為要排長龍，都冇去食，啲朋友個個話好味好推介，就一齊排下等下，呢間都算好，排一個中就有位，又系商場入面，涼住冷氣等都ok。嗌左好多款壽司，啲魚刺身舊舊都好新鮮又唔會好腥，厚度同size都岩岩好，個人最中意火炙三文魚壽司，好好食。甜品嗌左綠茶同白桃芭菲，綠茶比較甜，白桃清新啲，但都好好食，又算平，32蚊有一杯，出面啲芭菲平極都要六七十蚊。綠茶系用綠茶粉，唔系茶包，都好好飲。真系抵呢間野日日排長龍，好滿足，人均百5蚊但食得好飽，一定會再食!

今日約左朋友去食黃埔壽司郎，朋友12點幾自己去取票，要等100幾位，排左大約2.5小時，終於輪到我地個號碼，排隊時嘅比較長，建議未開始肚餓就應該要開始排隊，否則肚餓先開始排會餓到胃痛😅每次去都有好多唔同既新款壽司，每次去都有新驚喜，今次去有松板牛壽司，每人叫左1碟，味道不錯👍🏻除此之外，叫左幾碟平時食開既壽司，都好好味不過真係排隊時間太長，平日上班時間去食，反而唔需要排隊，所以寧願平日去食壽司郎

夏天除了為大地帶來雨水，還為大家帶來壽司郎初夏限定，來簡單介紹一下啦！🦪鮑魚（蒸、生）：爽口但切得偏薄的代表。不能說不好吃，但27元1碟來說，小妹會將quota 轉去吃2碟蔥吞。🍙小柱海苔包配三文魚子：滿足感max的代表。雖然平時都可以吃到小柱壽司，但今次這個做法就是將很多鮮味的小柱和帶鹹香的三文魚籽一併品嘗，12元1碟來說就是值得Encore！🧂鹽漬筋子：炒車界代表。壽司坐高速列車來的時候已經不幸翻側，將碟上的食材重新疊起再放進口中，好啦！小妹就是覺得太鹹。🐠針魚：軟彈的代表。魚上的薑蓉再一次搶fo，吃不到什麼魚味。朋友把薑蓉去掉才吃就覺得魚味偏淡但軟綿的質感是不錯的。🐡縞鰺：重口味的代表。它坐高速列車來到時，我們就是深深感受到「圖片只供參考」的重要性。魚味偏重且魚質厚實的縞鰺不是小妹的cup of tea。🥠日本鯷天婦羅：苦口的代表。值得一讚的是它坐高速列車來到時是真的熱烘烘的，可惜入口有苦澀味（先吃魚尾再吃魚頭的話苦澀味更高），不推薦。🍑白桃芭菲、赤鯥和螢光魷魚軍艦是翻炒作。白桃芭菲是皇道，一定要order！而另外2個呢，由於初販時都已經中伏，所以直接skip了。總的來說，白桃芭

見到個個排你都會去想排嘅壽司郎紅磡永遠都超多人排一等到報復式點餐吞拿魚麻麻地一個冰感炙燒可以甜品一定係全場最好食嘅卡特拉娜每次嚟都一定要食芝士味好香奶味好濃仲係好似焦糖燉蛋嗰啲脆脆喺上面真係好正雞軟骨其香幾好食三文魚正常甜蝦都唔錯有芝士類嘅壽司都係好好味唯一美中不足某嚿壽司裏面有塊紫蘇葉唔係我鍾意嘅味道每次都唔小心中伏再嗌整體嚟講壽司郎未係話好好食不過喺紅磡冇乜選擇壽司平價嘅情況下就只能夠食壽司郎所以永遠都好多人排隊三百幾蚊一定食到好飽好飽甜品真係好出色仲有芝士炙燒系列都十分好

好耐冇食壽司郎🍣 今次佢又出咗啲新嘢，但我係唔會屈服食芫荽㗎❌ 食翻平時食開嘅，同埋試下少少新嘢就算😗 (好掛住蟹腳😭😭😭💔 松葉蟹腳世一☝🏻)🤍特盛海螺 ($12)🐚有塊香草係壽司度🌿 唔知大家鍾唔鍾意，但我覺得夾埋一齊勁難食😭🤮 之後個啲我都夾走咗，果然所有臭草都是難食的😞🤍特大極上北寄貝 ($22)有少少海水味，貝味好出，幾好😋🤍鹽味牛排 ($12)之前嚟都好想試，但係每次都掛住食魚食到好飽，今次終於有機會🥰 估咗呢件壽司幾好食，充滿油脂香，仲有好少好少入口溶嘅感覺👍🏻🤍特選中吞拿魚腩 ($17)🐡：有筋🤍特選大吞拿魚腩 ($27)🐡：好食好多，因為多啲油脂，好食啲，同埋重點係冇筋

好少寫食評，呢間分店只有一個字~ 差！同其他分店相比，呢間嘅服務真係不敢恭維。。。雖然知道服務行業唔易做，而且壽司郎工作量相對係高，但客人似欠咗佢哋，態度怠慢，食物質素亦比其他分店差，開店初期還不錯，但耐咗就每況愈下，可能因為覺得唔憂做掛，壽司飯鬆散，一夾就跌，魚生比較不一，如果接近截單時間，點餐機會顯示系統繁忙，落唔到單，兩樽豉油冇晒，亦唔會有人理你，由客人係度等，話知你冇得食啦⋯⋯如果可以選擇，大家都係稍移玉步吧！

依家越嚟越多分店其實都唔係真係等好耐 今日等咗一個鐘已經有位！小妹第二次食only😬都係諗住試吓新嘢▶️ 香蔥赤蝦 ($12) 👍🏻今期特別款 上面一大堆乾蔥 之後一大隻生蝦 仲有啲沙律醬生蝦食落黏黏地🦐好新鮮 乾蔥係平時蔥油拌麵嘅乾蔥 配埋一齊又幾好食喎😋▶️ 醬烤日本產帆立貝 ($22)Sushiro啲帆立貝全部好厚切同鮮甜😍不過呢個醬烤咗同平時正常嘅冇分別 可以食返正常嗰隻▶️ 海螺雙味 ($22)一碟兩款 一款係有醬油 另一款係檸檬🍋海螺咬落爽彈 平時我少食 所以唔知叫唔叫好味我淨係知片檸檬好酸🤣▶️ 蟹柳沙律醬 ($12)之前都食過 鍾意佢蟹柳夠大條但係今次佢賣相出事 件壽司反咗😗可能因為太忙同埋佢落得太多太多沙律醬 淨係食到沙律醬味…▶️ 芝麻漬海鮮紫蘇包 ($12)第一次試 上面超多魚籽 入口即爆汁 跟住有啲生魚 最失敗係我唔知原來塊葉就係紫蘇😂冇食到 以為係裝飾只怪我唔識食▶️ 鱈魚白子軍艦 ($17) 👍🏻呢個都係唔知咩嚟 但係係今期特別款之一 咁就叫咗上面有啲橙色啫喱 食落酸酸地 好似果jam咁？鱈魚唔係我一般諗嘅鱈魚 依個形狀好似個腦嘅物體🧠質感好有趣 偏凍 然後有啲slim