壽喜燒·肉屋

营业中

休息中

喺佢哋未開店之前已經幫襯過幾次佢哋網店嘅壽喜燒set，無論係野菜定係牛肉都非常高質，因為要自己燒，所以想試吓堂食嘅分別會唔會差好遠，今次試完的確一樣係咁高質！我哋當日下晝去叫咗最平嘅A5薩摩牛套餐$199，包三個前菜，110g薩摩牛，一隻蘭王蛋，一個野菜盤，一碗飯，另外單點左份100g既A5薩摩牛都係$199，個套餐對女仔嚟講係非常之抵食同勁飽！ 一開始店員會幫你燒第一轉野菜同一片牛肉，之後就會話你知要點燒，讚讚店員細心服務非常之好，會主動幫手影相，仲擔心你夠唔夠飽😍不停提醒我哋我哋單點嗰份牛同套餐一樣價錢，所以唔夠飽可以俾多份菜或者一碗飯我哋😍啲牛一樣咁高質！沾埋蛋黃食，簡直係入口即溶油香爆發～～～呢餐太滿足啦

尖沙咀思鄉薩摩牛壽喜燒-壽喜燒·肉屋好掛住日本既壽喜燒🥲無意中發現尖沙咀有間壽喜燒專門店😂今日就食呢間，lunch 都好full，坐到窗邊位置🙂lunch 有2款set 選擇，分別點左: 特選·薩摩牛壽喜燒 同特上·薩摩牛壽喜燒，分別就係”特選”選用赤身A5 薩摩牛，而”特上”就用霜降A5 薩摩牛🤤前菜有3款，豆腐、味道似薯仔沙律同埋雞軟骨肉丸，都唔錯😀主角出場啦😌油脂分布平均，色澤鮮艷，霜降A5油脂就更加豐富☺️店員會先放上蔬菜，再加入薩摩牛，倒入預先調配嘅壽喜燒汁，食嘅時候記住配上蘭王蛋，會更加香滑😉連珍珠米都好好食雖然厚度方面，不及日本咁滿足😅對於呢個價錢嚟講都算唔錯👍🏻有興趣可以試吓”回鄉”感覺😂

由訂座去到食嗰一日，完全冇任何人打過電話俾我同我confirm booking，亦都冇任何人同我講限時90分鐘。只有send條link嚟話要比$200 deposit，否則就取消訂座。嗰日去到諗住入座先，但侍應告知只限90分鐘。我o哂咀，收呢個價，乜service都無，錢就識收，但最基本係打電話嚟同你講90分鐘限時都無，咁都俾咗錢啦，唔通即刻掉頭走咩？牛肉好簿，成間嘢油煙好臭，唔通風，無人幫你燒，自己嚟，仲有個位超級無敵窄，衰過坐茶記。叫左一個$498 一個$698，連加一埋單$1400，呢個價錢性價比好低。

生日飯黎左呢度慶祝 食壽喜燒前有啲前菜 有沙律 金菇豆腐 明太子牛肉卷 入面包左蘋果/梨咁 外軟內爽👍🏻 ✨特選。薩摩牛壽喜燒 $398呢個係有A5薩摩牛西冷/肉眼 70g + 赤身A5薩摩牛切片 110g赤身牛比霜降油脂少啲 但其實都唔會話好韌 肉同油脂都幾balance 冇咁漏👍🏻👍🏻✨特上。薩摩牛壽喜燒 $498呢個係有A5薩摩牛西冷/肉眼 70g + 霜降A5薩摩牛切片 110g霜降牛係真係油脂多啲 食落係軟腍啲 比較溶化 但其實食得多都真係好漏🙈🙈✨星紫流砂 $38職員介紹呢個有蝶豆花就比較寒 所以女仔未必啱飲 呢個就益力多味比較重✨夕燒　$38有芒果 蜜桃 西柚 四季春 幾清新 配肉幾好👍🏻✨邊角肉 100g $99覺得介乎喺霜降同赤身中間 多脂肪過赤身但又腍啲 都好食👍🏻兩個餐都跟左啲菇同菜好鮮甜 有壽喜燒汁同水可以調教到啱自己口味😆最後個柚子雪糕都好香柚子味 食左咁多肉之後呢個都好清爽鮮膩👍🏻👍🏻職員一開頭都有介紹餐牌 同埋開頭會幫手燒啲同教點樣燒👍🏻 不過講野都講得幾快有時聽唔清同埋唔好嘅係平日都好多人 得90分鐘用餐時間 都真係啱啱好 食飽想坐多陣傾下計抖下都唔得😓

去到門口見到午餐餐牌，諗住2舊水一個餐幾經濟可以試下，侍應接待唔係好出聲，原來咁岩4點就轉晚餐，預200蚊budget 就變左400蚊晚餐。去到qr code 落單先知得返晚餐，我會預入門口果刻就知道4點後係食晚餐，咁既然坐低左就由佢。我對食物質素無乜要求，所以食落無問題。最後問題發生係甜品，食飽之後無人再招呼，到我埋單，個甜品都一直無出現，到我走左我先醒起。提醒各位去食野要問清楚，呢度d 侍應做野太辛苦，問一句答一句，唔好expect 佢地服務緊你。200蚊就抵食，400蚊要再考慮下。衛生問題，雖然有圍裙，但d 油彈到成張台都係，可以考慮用高身d 既鍋或者凹陷式既爐。

點解吾似食緊和牛？壽喜燒牛會有牛臊味？吾怪得啲好評大多數都只係話lunch set好抵食！CP值好高!但係就無咩講到啲牛有幾好食😂😂😂而我同朋友係第一次黎食dinner當食完第一塊牛終於知點解😌最平嗰款赤身A5牛切片仲要食到有牛臊味仲有碟係有黑點㗎omg😩😩😩有圖有真相！放心講完啲牛講返服務先餐廳有90分鐘用餐時間，我明想客人盡快食完走，可以翻多轉枱所以一次過將成個set除咗甜品之外既野都上晒，包括飯！侍應同我地講食完前菜會幫我地燒第一塊肉，之後就自己燒但當我地岩岩食緊前菜無耐，有個應該係男經理就行過黎話幫我地開左爐先見佢放左舊牛脂肪落去抹勻左個pan底之後佢叫食緊前菜既我地可以搞勻左碗雞蛋先俾佢一陣放塊牛落去點解個pan都未熱，又無同我地講聲就好快放左塊肉落去，跟手落埋汁煮我地都呆咗，心諗咩事，我對筷子夾緊前菜食緊之際要我地搞勻咗蛋先都算仲要hea到亂咁煮俾我地係想點？俾完塊牛我之後佢叫我朋友都可以搞勻隻蛋先，再加多句：「如果唔想搞隻蛋住，可以俾我放塊牛喺碗飯上面。」真係呆晒! 重點我地都未食完前菜，就算煎完我地都未食得切，咁塊肉都凍晒啦，一係就咪叫我地食前菜先同埋落pan煮之前係咪

依間真係長期full booked，可以上網訂定位先因為未試過先試下lunch 先餐廳有提供圍巾等你唔好比汁彈污糟件衫💖不過有限時就唔可以坐得耐揀好左食邊個set就會上頭盤Staff都會介紹每款冷盤，不過好似間唔時轉😂可以由淡味食到濃味，同埋有麵豉湯見到食完頭盤就會幫你準備個肉😋😋😋特上•薩摩牛壽喜燒 $249因為唔想太膩就揀左依個set油脂分佈睇落算平均🤩個staff就會幫你用油脂熱鑊🧈之後就會幫好你放哂配菜同埋一片牛跟住就要開始自己燒(´･_･`)牛係比較散同埋有筋😀同期望有少少落差但隻蛋同埋日本米都好好食同男朋友掛住食牛搞到d烏絲燶哂😟食到最後會有少少咸🥺一分錢一分貨，如果想要有人serve就要去返貴價少少sukiyaki🤨依間lunch嚟講平平地算唔錯

◡̎ 特上·薩摩牛壽喜燒 ʜᴋᴅ ²⁴⁹位於尖沙咀嘅人氣壽喜燒午市套餐性價比極高 ˘͈ᵕ˘͈包括前菜 野菜盛盒 米飯 漬物 店員會示範一次煮法 再由自己烹調油脂分佈均勻 未去到入口即溶配上蘭王蛋汁食極為美味午市限時70分鐘 平日午市都非常爆滿建議大家提前預約啊 ᙏ̤̫‎☺︎ Nikuya is a Japanese restaurant that offers sukiyaki lunch set at a good value. The set includes an appetizer, vegetables, and rice with raw egg. The beef has an intense marbling and fat dispersed evenly throughout the meat. Making a reservation in advance is recommended due to the busy lunch hour on weekdays.︎

店名: 壽喜燒·肉屋 地址: 尖沙咀海防道38-40號中達大廈3樓尖沙咀站A1出口，行2分鐘環境: 4.5/5價錢: 5/5味道: 5/5呢間壽喜燒店由網店起家，最近終於開左實體店🥰由網店開始已經好出名，想食嘅話記得先預約，佢哋booking好full架🙈午市套餐相對性價比比較高，最平$199就食到😍店內環境舒適，店員服務亦好好😆午市套餐包含、前菜、野菜盛合、米飯及漬物（日本米選用）同蘭王蛋😚極上•薩摩牛壽喜燒❤️❤️❤️❤️❤️$349套餐有極•霜降A5薩摩牛壽喜燒片120g，店員先用牛脂起鍋，第一塊和牛會由店員服務😛呢款相對地油花最多，油脂最香，入口即化😍 油脂會在口中淡淡的散發，沾上蘭王蛋，口感更滑😋特上•薩摩牛壽喜燒❤️❤️❤️❤️❤️$249套餐有霜降 A5薩摩牛壽喜燒片 110g，油花無第一款咁多，但同樣分布均勻😆肉質嫩滑同時有肉味，同樣沾上蘭王蛋，口感更佳🤩特選•薩摩牛壽喜燒❤️❤️❤️❤️❤️$199套餐包括赤身A5薩摩牛壽喜燒片110g，三款之中油花最少，肉味會比較濃郁，但並唔會因為咁韌，同樣都肉質嫩滑，牛味更出😌

【網店發展抵食壽喜燒😋】由網店發展成實體店，我係佢啱啱新開果陣食🙈食咗晚餐，有分特選、特上、極上3款SET，食到肉質肥瘦都唔同~佢係用和牛嘅薩摩牛🐄性價比都幾高！每個SET都有前菜、野菜、肉、飯、甜品😋一開始店員會幫你燒！之後你可以按自己喜好唻燒👍🏼-🍴前菜有3款，包括豆腐etc. 都幾開胃😚.🍴特上•薩摩牛壽喜燒包括一塊70g 雪花肥瘦分佈平均嘅薩摩牛，入口即融😍 油脂感比較重😳食得多都幾膩🥱不過加返蛋汁食又可以減少罪惡感😈呢個SET仲包霜降牛，都好食冇咁油膩😬.🍴特選•薩摩牛壽喜燒包括一塊70g 雪花肥瘦分佈平均嘅薩摩牛🙈仲有110g 赤身，呢款油脂感冇咁重😬肉味都幾出😍.🍴野菜有菜、菇、豆腐、芝士竹輪、粉絲etc. 有壽喜燒汁嘅調味🤭啱曬！.🍴甜品係柚子雪糕！FRESH☘️-💡係一次幾好嘅壽喜燒體驗！LUNCH SET抵食啲🤣-💎推介指數: 💎💎💎💎💎💡性價比:✨✨✨✨ (呢個價錢對得著呢個質素😚)🍴ENCORE指數: ⭐️⭐️⭐️⭐️⭐️(慳錢嘅我下次要食LUNCH😛）-

今次週年紀念就揀咗去肉屋食高性價比嘅薩摩牛壽喜燒做lunch，每位入座嘅人低消要揀一個set🍲而食完前菜後，店員就會主動幫手開爐擺盤同幫你燒第一塊牛。期間店員都會細心講解同埋介紹壽喜燒嘅步驟，之後再俾你自己體驗吓燒(⁎⁍̴̛ᴗ⁍̴̛⁎)🅵🅾🅾🅳今次就揀咗一個特上·薩摩牛壽喜燒同一個特選·薩摩牛壽喜燒share食～特上·薩摩牛壽喜燒110g ♡ $ 249霜降A5薩摩牛切片，油花細密分明，油脂豐富，做到入口即溶嘅口感，啖啖都有油脂同肉汁香味，但唔會覺得好膩！特選·薩摩牛壽喜燒110g $ 199赤身A5薩摩牛切片，肉質嫩滑，油花分布均勻，較少脂肪，牛味濃郁，頗有咬口每一個套餐都分別包咗：三款特色前菜（薯仔沙律 & 胡麻醬豆腐 & 蝸牛雞軟骨丸子）野菜盛合（洋蔥 & 冬菇 & 豆腐 & 娃娃菜 & 芋絲）蘭王蛋米飯及漬物（日本米適用）呢間餐廳經常都full house！大家記得去之前要預先book位，同埋要預先綁定信用卡俾$100留位費，缺席嘅話就不設退回～Dinner仲會有甜品送🥰

❣️店舖之前係經營網店 ，有光顧過 ，肉質不錯，所以決定他們開店後再次光顧❣️以情人節為基礎，菜式多，加上壽喜燒肉質靚，所以每人$699 加一，我覺得係合理❣️整個套餐值得欣賞的是壽喜燒肉片及壽喜燒和牛粒滑蛋飯 ，尤其壽喜燒和牛肉滑蛋飯令人驚艷❣️其他方面，一口黑松露蘑菇清湯個人較不懂欣賞，雖然有黑松露的香味，但略嫌太油膩，說好的清湯？❣️前菜方面，能明白因節日關係，因此提早準備 ，48小時慢烤和牛配明太子醬釀雪梨，食落和牛已經好凍，另外在沒有淋到醬汁的烤和牛表面有種把食物放置在空氣中太耐的乾❣️情人節外出光顧 ，明白節日多人，趕翻枱，但一次過將所有食物放上枱及催開鍋，來不及之餘，還要給經過的員工說沒有好好看火，但火明明是上一刻其他員工剛調較完，告訴我們多煮一會，實在令人不解及感覺不舒服❣️甜品方面建議可以提供比較清爽型的，因為當你吃了前面夠重口味的食物，如果再吃蛋糕，感覺會太heavy了

特選•蕯摩牛壽喜燒lunch set ($199pp)上牛之前係有前菜的🫡hmmm有個豆腐但我唔記得側邊個兩個沙律薯蓉係有咩分別😂薯蓉overall入口幾順滑嘅👻食完之後 staff就會遞埋飯、生雞蛋、野菜同呢個set嘅赤身A5和牛上嚟！個人覺得唔鐘意食太肥嘅朋友們可以揀呢個set👻因為冇咁油 牛味比較出🫶🏻壽喜燒汁好食濃味嘅！認證！絕對唔係超市罐頭質素🤣日本飯真係冇得輸🥹本人唔好食飯 但每次一有珍珠米就停唔到口🥹壽喜燒汁加珍珠米係勁match!!!🥹.特上•蕯摩牛壽喜燒lunch set($249pp)個set同上面唯一嘅分別就係碟牛😬呢個set嘅牛叫霜降a5和牛 嗯冇錯 脂肪比例真係多好多😗但我地唔知係咪唔好彩 上個碟頭兩塊油脂分布唔太平均 搞到佢一夾就散🙂壽喜燒嘅精髓就係要一大塊咁食再點生蛋食先正😋但試咗頭一塊 因為碎咗 食落口感搞到似打邊爐個啲普通肥牛🙏🏻到最後個塊終於完整夾到 友人話質素其實唔差 食得出同赤食有唔同.第一次嚟有個staff幫手燒一兩轉 第二次嚟staff幫手燒咗一次之後我地就全自助😂今次嚟明顯比第一次少咗人 不過都係book定位穩陣啲😉overall我覺得如果

開業時已經經常光顧，當時年輕嘅男經理服務態度好好，又會介紹我地唔同嘅肉有咩分別。但而家個中年經理態度好似趕客咁，其實我地都食到尾聲抹嘴準備走，咁都要叫我地準時還枱。可能我今次食lunch set唔想比返相對嘅服務態度啦，但咁嘅面口態度，就算食物keep到水準冇變，我真係唔想再嚟。

食左個lunch set ，性價比高，店員好好會介紹3個set嘅分別👍🏻店員服務態度好好，十分友善♥️，環境好舒服，下次一定會再帶朋友過嚟試下，下次會試吓晚市👍🏻餐廳地址位於海防道，於尖沙咀地鐵站A1出口步行3分鐘之後即可以輕鬆到達，真的10分方便。餐廳亦有提供圍巾，我當日穿着白色衣服前往用餐，亦都不用害怕會弄污糟我的衣服。餐廳職員亦會經常詢問是否需要添加茶水真的10分細心。我感到有賓至如歸的感覺