夏銘記 (已結業)

細個果時住呢頭，約D 同學仔去中央圖書館多數都會o黎呢度食下魚旦粉。賣點係自家製魚旦、魚餃同魚皮，D 墨魚丸都唔錯。D 魚旦食落口有時重會食到魚骨；但係唔知係o米自己口味唔同o左，硬係覺得細個果時食D 魚旦好味D咁。E 家我間唔時都會o黎呢度食，貪佢泊車方便，唔夠飽又可以過對面証鐘整碗糖水tim~~~~<br />呢度絕對唔會有好好o既service(只係粉麵舖一間)，但又唔至於態度惡劣o既地步。反正平平地又一餐，通常食完就走，都唔講求乜o野service 啦~~~

雖然聽聞阿蔡生都在這裡買魚蛋打邊爐，但印象中呢度好似以魚餃好食同出名D，通常坐低都會叫碗魚餃河，一支大可樂就搞掂。打邊爐時又會買盒魚餃，加埋樂園的牛筋丸和墨魚丸就夠啦。<br>咁D 阿叔又好似無咩服務態度的，如果賽馬日就最好散o左場至去。<br>

呢間係就係老字號。但食物水準就一般，魚蛋都可以，但配合粉麵則算一般。價錢亦略為貴一點。如果不怕時間限制，倒不如行遠點去金聲戲院，波鞋街附近的樂園好過，十蚊一碗，反正質素都差唔多!

呢間舖頭0既服務極差﹐非常無禮貌﹐最離譜既係有次我們叫了魚旦河﹐等左好耐都未黎。於是我同?講﹐點知佢竟然好大聲話「等多陣啦﹗」後來佢俾錯左碗魚餃河﹐佢竟然唔肯換﹐只係講句「食啦﹗」就算﹗其實俾錯左唔緊要﹐但佢地的態度好有問題﹐連一句都無。所以我勸各位千祈唔好去呢度食﹐貼錢買難受﹗食品只屬普通﹐無特別之處。

去開圖書館,叫了雲吞撈麵,雲吞很普通,湯是魚湯很濁,很重鹼水味,麵不錯,幾彈牙,最差的是條白菜,又梅又黃,煮條菜都未識!怪不得沒有人叫撈麵.

呢度魚蛋同魚片都幾好,但個人鍾意魚片多D, 香口D 嘛......呢度賣o既似乎唔係潮州魚蛋,個味有D 分別

哈哈~都有一段時間無出report喇~話說今日要出去旺角買U2同BLUR 的新碟,......但係仲未食lunch~若果在旺角食真係諗唔到食d咩~又唔想去果d 茶記~果d 拉麵店真係請都唔會去~富記都係唔去住....結果,都係去何文田果頭搞惦先~ 唯一麵都係唔去住....好野唔使成日食嘛...呢個係我的格言，咁呀？就去o左十年未去過的勝利道........第一站係連蔡瀾拎佢地D 魚蛋o黎打邊爐的"夏銘記"。我去仲早，未多人~~~叫碗魚蛋河試下先~~一食粒魚蛋...唔多對路，無錯都算彈牙但係有點腥味..................................個湯底淡到近乎無味，~可能我愛食一D 味濃的東西.......唔多掂...呢間o野話到明不準吸煙，但係隔幾檯有個著住校服的學生肆無忌憚在吞雲吐霧.......而家D 學生哥真係無咩公民意識~~當然唔係個個都係咁o架啦~~亞SIR 無教o架????.....

有日經過果頭, 見到哩間麵店, walk-in 行入去, 好耐無食過地既麵啦, 於是試一試睇下有無變先.. 叫左碗魚蛋麵.. 唔.. 都重keep 到.. 不過可能自己對食既要求高過細時, 所以都唔覺得特別好食, 不過對於其他麵店, 夏銘記仍然係信心之選..