夏麵館 (活@KCC) (已結業)

葵涌這幢KCC商場，平日很少經過，剛好今天飯後約了雀友在荃灣打牌，這個位置實在剛剛好 😍😍夏麵館裝修簡潔整齊，座位舒適。我們兩個套餐，另加涼菜一碟，餸菜已經放得滿滿的😍😍回鍋肉客飯 $75回鍋肉用上豬腩肉，醬汁濃郁，椰菜爽口。糖醋魚塊客飯 $75咬開魚塊，裏面是燙口的，有驚喜！跟餐酸辣湯，要酸有酸，要辣有辣！沒有豬紅，最合我胃口。蒜香四季豆 $32涼菜一份，蒜苗味香，健康清新。套餐包靚湯、白飯及油菜；性價比超高 😎差點忘優惠送上的小籠包，皮薄肉汁多 😍😍套餐可以加配凍飲及甜品，我們點了酸梅湯及高力豆沙 😋😋，完美的一餐每位大約盛惠 $150，以今時今日的消費指數來說，平到一個點，問你仲可以點

葵興呢頭本身真係可以話係食物沙漠但最近開左KCC呢個新商場多左好多野食經過聞到呢間野又幾香就入黎一試==============================都幾多野揀仲有好多好上海味既野不過今次見到個二人餐幾抵食試左呢個睇下咩料子先酸辣湯有D似食碗仔翅但係佢係會酸D三鮮豆腐羹我個人鍾意呢個多D因為味道清D鮮甜D蒜香四季豆非常好食既涼菜蒜味香濃夠惹味,四季豆好爽口食到停唔到雞絲粉皮又係好有水準既涼菜呢個直頭令我決定下次黎一定要叫五小碟通常雞絲都會好乾但呢到既雞絲唔會乾仲幾嫩更重要係花生醬香到不得之了撈埋落本身淡味D既粉皮到簡直一流呢碟野好味到黎多3-4碟要黎做主菜都冇問題糖醋魚塊不過不失之選味道較得幾好,甜甜地又唔會太酸但魚塊應該係預先炸定所以已經淋左同冇咁好食所以不過不失啦上海擔擔麵終於到招牌菜果然不負所望叫左小辣,又唔會太辣,但就好惹味麵質都唔錯,食到淡淡既米香湯低有少少花生醬味好吊胃不過要留意既就係D麵好索水如果同我一樣都係相機食先既朋友可能要留意啦酒釀丸子桂花幽香,丸子軟糯浮係上面既粒粒桂花就算唔食齋睇都夠賞心悅目啦酒味唔會濃,食唔慣酒既朋友都唔洗怕美中不足係酒有少少酸如果改

第一次到KCC商場食野，好近地鐵站，夏麵館都係到開左分店，朋友係附近返工，又成日OT，就下佢係附近食。7點半黎囉左位先，未算多人，再晏少少就多左好多人，其實呢到好近葵涌廣場，行過去都係15min呢到係飲茶，要收茶錢嫁晚市客飯好抵食呀，我地都有叫，再加d小食呢個就係晚市客飯$94韭黃炒鱔絲，個醬汁好入味好正呀，鱔絲好有口感好好味三鮮豆腐羹，好足料，清清地豆漿有熱有凍，我成日都咳緊係要熱啦..另外叫左3個小食夏味燻蛋$22，係流心嫁干偏四季豆$52，好入味同爽口，有d肉碎，唔會好單調蟹粉小籠包$70，推介呀，皮薄多汁，啖啖鮮肉KCC商場本身都有野買，仲可以行去葵涌廣場行街，好方便

今天我們比較早到，所以人還是不多，坐落一陣，開始多人了。之前在荷里活廣場分店試過淮山麵，水準很高，今天特意試試其它。先點了個自選涼菜屋小碟 $103,有蒜香四季豆，開洋拍青瓜，雞絲粉皮，鎮江水晶肉，糖醋小排。四季豆很新鮮，有濃濃的豆青味，青瓜很爽甜，雞絲粉皮的醬料很香，鎮江水晶肉和糖醋小排都很開胃。再來個賽螃蟹 $75，听名字很多人不知道是什麽，尤其小朋友很好奇，其實是蝦仁炒蛋白，炒得很香滑。鮮肉鍋貼(3隻) $34,上次食完再叫，今次當然再安哥，因為太好吃。蟹粉小籠包（4隻）$70，蟹粉金黃香滑，小籠包肉汁豐富，讚！瑤柱蛋白炒飯 $78，飯炒得夠乾身，上台時熱辣辣，夠鑊氣。上湯雲耳勝瓜 $50，吃飽了來個勝瓜，簡直是沙漠裡面的綠洲，很清新。熱豆漿 $14，豆味香濃，質地幼滑。甜品是高力豆沙包（3件） $34，外層軟綿綿，裡面有豆沙餡，很得意。還有酒釀丸子 $30，煙韌的小丸子配上淡淡的酒味，還有桂花香，一切都很和諧。完美的一餐！

今日約左幾個舊同學gathering。朋友提議去葵涌KCC因為假日比較少人。甘我地就係眾多選擇下㨂左呢間夏麵館來食晚飯。我地叫左d野大家開心share：涼菜五小碟 $103：蒜香四季豆，開洋拍青瓜，雞絲粉皮，鎮江水晶肉，糖醋小排。糖醋小排味道最出色。酸甜適中，排骨肉質頗淋很入味。賽螃蟹 $78蛋白炒得幾香幾滑。蝦仁亦處理得不錯ok爽口沒有雪味。整體不錯👍！鮮肉鍋貼 3件 $34雖然價錢便宜但係幾好味。豬肉涵料有肉汁。鍋貼皮不太厚底部亦煎得幾香。好味道！生煎包 3個 $34做法同上面鮮肉鍋貼一樣只是外型變成包點。味道一樣好味有肉汁！X0拌餛飩 6件 $40幾好味我自己幾鍾意。錕飩皮薄，函料豐富，XO醬令味道更豐富更突出！鮮肉小籠包 4隻 $38 食上海菜必然會叫小籠包。呢度的小籠包都做得唔錯！ 皮唔厚。有豐富肉汁。好味道！上湯雲耳勝瓜 $50因為叫左很多澱粉質和肉類，就叫左呢個菜中和下。都OK好味道！瑤柱蛋白炒飯 $78炒得幾香，有鑊氣。蛋白亦多。飯粒分明唔會太淋。味道剛剛好唔會太鹹！熱豆漿 $14有豆味，唔太甜。健康之選！高力豆沙 3件 $34朋友讚說幾好味！酒釀丸子 $30有很香的桂

今次姨甥返香港放暑假，如果話有啲咩特別想帶佢去食的話，應該要數上海菜， 可惜一直都約唔齊人囉😕。上海野咁飽肚，要人多先食得過癮架嘛！既然係咁，我今日唯有先帶佢食夏麵館頂住癮啦，呢款新派上海菜小館，人少少都食到嘅。一如以往，姨甥仔一個人可以食兩個人嘅份量，加埋我話要減肥嘅半個人，我地又試叫到一枱都係囉🤭😝！先嚟三個小食，全部都係有人話想食🙄，川味口水雞，上枱原來好鬼大份，比佢嚇親，雞肉嫩滑又冇乜骨，夠哂辛辣好惹味👍手抓蔥油餅，嚟到覺得個賣相麻麻地，但其實好香好脆，食不停口😋食上海野必點燻蛋，不過我就覺得佢煙燻味唔夠，同有點偏鹹，似鹵蛋多啲。主食我都估到有人實點排骨擔擔麵架喇，排骨炸得酥香，擔擔麵味道唔錯，只係個湯略嫌烯左啲唔夠花生醬味喎。我就諗住要食少啲肉，而且有點口水雞，所以主食我只點左個蔥油開洋拌麵，呢個就冇乜特別，不過不失啦。食完主食，點都要食返啲甜野嘅，有人話輕輕地叫個高力豆沙啦😅！咁呢樣呢度又幾好，事關高力豆沙一份三件，我地兩個人都食到，如果去正常上海菜館，就好多野都點唔到架喇！

周五晚上決定去呢間夏麵館食晚飯，位於葵涌新開廣場入面。店內空間都夠大，座位幾舒服、燈光明亮。由於食客唔多，兩人安排到四人卡位。Menu有晚市套餐、涼菜、小菜、單點麵飯、甜品、飽點。鮮肉小籠包 $38/4豬肉都夠大粒、略嫌湯汁較少。紅油炒手 $38/6大大粒紮實菜肉雲吞，餡料夠飽滿。甜豉油佔比例較多，唔辣較易入口。夏伯伯涼拌茄子 $32 茄子擺盤不錯、顏色鮮豔。醬油味濃，帶甜，惹味開胃。不錯嘅前菜！排骨擔擔麵 （少辣）$65麵質彈牙，非常大碗。香氣撲鼻，湯底花生味濃。上海排骨就係豬扒。豬扒肉地夠，炸粉唔會厚。調味略淡，建議浸一浸擔擔麵湯底食。另外叫左個晚市套餐包埋酸辣湯。酸辣湯味道都幾正宗，足料夠酸。川味口水雞 晚市客飯$78口水雞雞肉嫩滑夠凍，上面調味辣醬好辣但好惹味。雞肉份量好多，有兩層ga!套餐加$16 高力豆沙@2以連鎖上海菜黎計，呢間算係幾抵食。

今日同frd 去左葵涌廣場行街行完就搵下lee 頭有咩好野食發現KCC 入面有好多餐廳yeahhhh .... 葵涌終於開左夏麵館la ... 之前係鑽石山食過一次我覺得佢都幾抵食上海菜我最鍾意食冷盤叫左個五小碟其實都幾大碟叫咗蟹粉小籠包佢可以俾你揀兩粒或者四粒味道都不錯另外叫咗小籠包... 不過佢嚟到嘅時候就已經穿左我一發現就同服務員講所以佢都即刻換過籠嘅俾我哋入面有好多湯兩個女仔叫左一個晚餐一齊share食份雞有半隻lol又有湯同飯再叫左個酒釀丸子係食上海菜嘅必選甜品買單之後鋪頭仲送咗張卷俾我下次可以食夠$100送小籠包一籠正呀

夏麵館於1999年創立在上海設有多家分店夏麵館以自家製的麵條聞明亦是中國第一間不使用味精的麵館標榜少油少調味非常適合現代健康飲食新潮流雖然上網查找了一下雖然也出現了負評不過畢竟每個人DNA不同自然連口味也不會一致因為在自家附近KCC@life也有夏麵館我也斗膽來試一試啦店內寬敞舒適適合一家大小餐單的選擇也常多樣商品茶位一樣需要$4（每人）首先來了一客炸饅頭（6個）$28炸饅頭真的也是一樣不會出錯的餐點上桌時熱騰騰的就是新鮮炸的蘸上附加的煉奶平民間的美味真的就是這麽平凡卻讓人忘卻不了XO拌餛飩（6件）$40XO真的有夠阿莎力的放超多的而且這顆餛飩的size直逼大水餃有夠撐的啦椒鹽豬排骨$70豬排骨肉超嫩超香的椒鹽蒜頭回鍋肉套餐$75白飯轉菜飯+$5回鍋肉是我一直想試卻不敢試的原因是怕回鍋肉的白脂肪過多吃了會頭暈（有人跟我一樣嗎？吃了白肉的部分，會頭暈想吐的，我想只有我和我媽一樣🤣）可是原來回鍋肉的油脂分佈的比例是瘦肉較多而且肉體應該有先加了粉滑溜溜的搭配高麗菜真的是一口接一口耶附送 三鮮豆腐羹 羹湯沒有很濃屬於湯體較流質的羹類裡面有花枝、蝦海鮮的甜點則選了 高力豆沙（2件）$16熱騰騰的

今日同朋友來葵芳呢邊行下街，朋友介紹附近開咗個新商場叫九龍貿易中心，有餐廳同店鋪可以睇下，就過黎食埋晚飯。見到有間夏麵館，就食下上海菜啦。跟套餐叫咗一杯酸海湯同豆漿，豆漿味道清甜，酸梅湯味道酸酸甜甜，入口甘甜。酸辣湯，味道偏辣，但飲落好惹味，材料份量豐富，有豆腐粒，豆腐絲，木耳等。三鮮豆腐羹，有豬肉，青瓜粒，豆腐粒等，味道清甜易入口。川味口水雞套餐，$78, 原來啲辣醬係勁辣，雞肉好入味，唔油膩，肉質嫩滑鮮甜，雞肉濃郁。菜飯，飯粒軟熟，加入菜粒煮，食落清新爽脆。韭黃炒鱔絲，$88, 鱔絲同韭黃的份量都好多，醬汁惹味香甜，炒得好入味，鱔絲夠軟稔，咬落鮮甜。小籠包，熱辣辣，即叫即整，入面湯汁好多，味道鮮甜，肉質嫩滑，皮都好夠薄。煙燻流心蛋，蛋黃流心好香甜，味道濃郁，入口即溶，而蛋白都好香煙燻味，咬落香味散發。甜品係薑茶湯圓，用芝麻流心湯圓，好香濃，咬落煙韌，用薑茶湯味道更能中和，食到好满足。

七夕..要慶祝下..今晚C先生話唔想食西餐..於是等佢收工後就搵咗間食上海菜既..《夏麵館》價錢平民，但質素完全唔差！呢碟係自選涼菜5小碟-其實份量一d都唔少，素鵝同埋粉皮非常好味👍🏻酸辣湯😋每一啖都係料😍超足料👍🏻回鍋肉粗炒-呢碟正呀！辣中帶少少甜味👍🏻主角出場🎉蟹粉小籠包正呀！仲點係果啖湯☺️另外加咗碟上湯雲耳勝瓜清清地，不錯不錯👍🏻飲品熱豆漿，另一杯係檸檬柚子蜜！總括呢間C先生相當滿意，由頭食到尾，仲要碟碟清..性價比高👍🏻👍🏻

葵涌📍🎼麵麵麵麵共你煮個麵🎵🎶🎵🎶🎵🎵🎶我想講除咗馬鞍山之外 其實#葵興 都係一個#美食 沙漠嚟 #垃圾 都要#排隊 食 不過都想講呢間#餐廳 開咗幾個月到目前為止#朕 都ok滿意 哈哈哈哈哈 由於時間嘅關係已經整好咗一個#懶人包 ✳️畀大家參考 🔜.▶️夏麵館🍜名副其實嗰#麵 係最好食嘅 無論係酸辣#水餃 #湯麵 嫩雞煨麵黃魚煨麵 麵質/味道/#湯底 都好食.▶️#小食 黎講🦀蟹粉#小籠包 涼拌海蜇都會食完會#掛住 嘅▶️#甜品 👍🏻高力豆沙 咬落去#軟綿綿 ...好似我個#肚腩 咁🤭 又唔太甜 可以食多幾件 哈哈哈哈哈 其次豆沙鍋餅 都唔錯▶️最後如果可以晏晝早啲食就十二點九前💰埋單有#八折 即刻抵好多 又唔洗驚多人 輕鬆🖐🏻 ~*~*~*~*~*~*~*~*~*~*~*~*~*~*~*~*~*~*~*~*~*~*🌟Overall Scores: 7/10

諗唔到食咩，是但食下上海野。叫左賽螃蟹，嫩雞x麵，醉雞，小籠包。醉雞先上，見到個樣都唔開胃，d皮灰黃色，d 肉極鞋口，最神奇係無味，酒味雞味都無，食左兩舊收手。賽螃蟹無蛋黃都算，同食緊一堆大陽蛋走黃無分別。又係成碟放番係到。到個麵。。。湯係普通味精湯，d麵硬淨，唔知以為食緊拉麵。小籠包，是但啦，無野食既情況下食左。粗口x1000000000000000000000000000000

等位安排極度有問題，經理只係安排4人或以上人數入坐，1-2人枱等咗45分鐘都仲未有枱，但大枱大概係等5-10分鐘就有位。同經理反映1-2人枱等咗好耐，好耐冇叫過，佢望都冇望，只係話"我會安排"就冇理過，然後繼續安排4人枱或其他大枱入坐。如果係唔歡迎1-2人黎食lunch嘅，其實可以早d講，KCC而家都有好多餐廳。食物質素不過不失，但想等1-2人枱嘅，就要有等45分鐘先有得坐嘅心理準備先好黎食！！！

KCC呢間係食過最差的一間，亂七八糟的上菜，排骨麵沒有排骨，只上麵來；擔擔麵只有稀稀的湯同麵上枱。後來叫待應跟進，才上回排骨麵的排骨及擔擔麵的肉碎和麻醬。上菜時極不專業，隨意放上來，弄得筷子也掉在地上。明顯上不會是專業傳菜員，好像是廚房的助手兼任失當着。食物份量比其他分店也較少的，食物中找到一條黑線，衞生情度一般，環境同快餐不大分別。或許，到訪這天好像要提早9:00關門做清潔之類的工作，故此比平常的操作弄得糟一點而已。整體今次經驗絕對上是失望，應該不會再到訪這店了。