多多餅店

营业中

休息中

這餅店的中式包點一直有水準,農曆新年也很旺,很少人來買賀年貨品,或辦年貨. 但現剛剛裝修一會再營業時,今天發現饅頭細左四分之一,太小了!其他食物都無改變價錢或大小,只減饅頭,真怪.

好好食好好食好好食痴線太好食要講十八次，我對鳥結糖要求都高架，好難可以獲如此高評價。美孚街坊麵包餅店，最搞笑係我睇陳雲海格羅茲尼賀年果公里見佢地食，剛好路過美孚一出站見到又八卦下。這家麵包店有好多有趣的產品，仲會放藜麥入去焗麵包，用的食材很健康，配搭亦很新鮮走得好前，同我行開的路線好相似，friend子，我鍾意！鳥結糖有八個不同口味，全部都好吸引就買包什錦試下先，竟然全部都好好食！粒粒有驚喜。首先我鍾意每粒糖底面都有層薄朱古力，其質地亦軟硬適中，唔會咬崩牙亦唔會痴晒牙。甜度有種叫人一而再再而三的魔力。我最鍾意朱古力脆心，中間果層太不可思議。另外值得一提個薑汁杏仁超級薑，直頭食薑糖的級數，意想不到。+++++INFO多多餅店地址：美孚美孚新村百老匯街65號地下電話：+852-2148-3117營業時間：06:15-22:00 (星期一至日)

難得黎到美孚，試過同事買嘅鳥結糖好好食，所以黎朝聖一下，見到門口咁多人買葡撻蛋撻，我就順道買一個葡撻試下，一拎上手，頂凍嘅，即刻問阿姐有無個熱啲，佢答我無，得凍! 我心諗：咁你個保溫箱用黎做咩？咁鬼多人買個葡撻都可以係凍，連一絲微溫都無。。 。山長水遠黎試個凍葡撻，7蚊又唔係平，賣撻阿姐態度又冷淡。。。唉！可能好味呢～一食甜到呢…洗唔洗咁甜呀?真係得個甜字。。。非常非常失望。。。都唔係樣樣衰嘅，賣曲奇個姐姐幾好人，鳥結糖真係出色嘅

朋友去開果頭，買咗盒分俾我地食。Greentea Pumpkin Seeds Rice Crispies Nougat 綠茶 南瓜籽 脆米 鳥結糖 較軟身。好鍾意佢中間夾住啲朱古力脆米，有咬口。最緊要係啲糖唔痴牙。下次會試下其他味。

又有同事調職，佢買咗呢間本地餅店出名嘅鳥結糖！上次試咗3款，今次佢買4款雜錦味道四寶脆心：啡色紙盒簡單，每款有獨立錫紙包裹，錫紙面仲分唔同顏色，寫明味道，好方便！打開每粒有米紙包裹，唔會黏手！綠茶南瓜籽脆心：綠色綿花糖搶眼，軟身拉得出絲，甜膩唔黏牙，朱古力脆心脆口甜甜地，香濃朱古力味！朱古力脆心：兩層綿花糖軟身拉得出絲，甜膩唔黏牙，朱古力脆心脆口甜甜地，香濃朱古力味！黑芝麻脆心：白色綿花糖搶眼，軟身拉得出絲，見到幾多芝麻夾雜在綿花糖中，不過芝麻味唔突出，甜膩唔黏牙，朱古力脆心脆口甜甜地，香濃朱古力味！咖啡脆心：啡色綿花糖軟身拉得出絲，甜膩唔黏牙，幾香咖啡味，朱古力脆心脆口甜甜地，香濃朱古力味！咖啡同朱古力味幾夾！幾款都好味！喜歡綠茶同咖啡多啲，味道層次突出啲！好好味嘅鳥結糖

美孚必買手信😝😝鳥結糖好多種味揀吾知咩味🤔所以買咗什錦味😛😛佢吾會好硬 外面仲包住朱古力 啲料好特別😆全部都好夾😍 呢度仲有好多特別嘅食物 之前去到係復活節所以有復活蛋賣😋

剛過去週六，去了兒時喜歡的餅店多多。已幫襯了多過36年。那天由鰂魚涌去到美乎買咖啡曲奇餅(並非平$88一磅)。磅完後收$9o，無所猬。之後想買鳥結糖，所以問店員可否買一磅的想要3種味。其實，如果店員話不可以，我會買一隻味。但 當你話可以的時候，便開始有些發脾氣。當然磅完了結糖後，又是說"多兩蚊可以嗎？" 當然沒有問題啦 。但係又抽回一件鳥結糖大力 throw into "飛"回入櫃裏面，發脾氣，畀面色。究竟她有沒有收多錢或比少，我都無所謂。但幫襯咁多年，為何有如此服務出現？請檢討。

鳥結糖👅平時對鳥結糖無咩好感😕因爲覺得好硬好痴牙咬得好辛苦😅又唔係特別好食～但呢間啲鳥結糖好出名！一食就即刻改觀😆😆鳥結糖拎係手係硬正，但咬起黎係實得黎林身😍完全唔難咬👍🏻甜度又岩岩好😋好多花生粒同果仁😊另外個朱古力味仲有驚喜☺️入面係朱古力米通😋甜甜地脆脆地😝好似仲有其他味道嫁😌

多多餅店, 呢間野有好多年歷史, 係舊派餅店, 價錢比起大型連鎖餅店平, 最正既係, 佢係有鳥結糖賣! 佢既鳥結糖我食過好多好多次, 全部味都食過, 今日經過餅店再買番我最鏗意既coffee 味同朱古力味各一包, 仲係超好味! 如果無甘甜更好。

多多既麵包同蝴蝶酥就食得多, 但係人人都讚既鳥結糖就好小買黎食, 因為都唔平, 點知新年個排媽媽買左盒大既鳥結糖返黎, 咩味都有, 梗係唔放過啦!一盒有唔同味道: 有藍莓榛子、 西莓杏仁、 黑芝麻脆心、 綠茶南瓜籽脆心、 咖啡脆心、 朱古力脆心、 夏威夷果仁紅莓同原味花生。味道配搭望落好似有d奇怪, 所以揀左原味同咖啡味穩陣d。 原味入口都幾硬下, 牛奶味唔算好香濃, 加埋花生就香口d, 甜度唔算好甜, 不過唔係預期咁咁好食, 反而鐘意台灣糖村隻鳥結糖多d, 腍軟煙韌又好有口, 而且奶味仲好香濃。 反而咖啡味入口比較軟身冇咁硬, 咖啡味都幾香濃, 中間夾住脆心, 食落有d似 tiramisu。傳說中既多多鳥結糖, 食過又唔係話好特別, 可能唔駛我排隊又唔駛我比錢啦!

前幾日去朋友公司，佢請我食咗一粒鳥結糖，本身諗住又係類似澳洲、英國買返嚟個D，唔食由自可，一食嘩好好味吖，佢請我食嘅係咖啡朱古力味，我立刻問佢响邊度買，佢話响美孚好出名咖！吓！美孚對我嚟講好遠喎，去唔去好呢？卒之立定决心，去就去喇，由屋企坐咗50分鐘嘅港鐵車程終於都到達，好彩一出港鐵口靠向右邊行大概20步就到了！咁遠黎到，一定要買多幾樣先，仲買埋馬仔添。馬仔就真係嘛嘛地其實佢本身就係一間麵包舖，入面有好嘢賣！

一直知道多多既鳥結糖好出名但無奈我少去美孚今日同事買左盒四味鳥結糖我攞左三隻味唔同味有唔同顏色既包裝 方便辨認一打開有張薄薄既米紙包住鳥結糖有別於傳統鳥結糖 多多係煙韌得黎又唔會黐牙上下兩層鳥結糖夾住中間既脆心多重口感 又唔會太甜朱古力脆心脆心果然好脆不過朱古力味就唔太出咖啡脆心咖啡味好出 綠茶南瓜籽脆心最愛呢隻好重綠茶味 好清香不過就食唔出南瓜籽希望有機會試埋其他味

😋食到停唔到囗嘅多多鳥結糖！每種口味都想試，買咗盒有十款味嘅雜錦包裝鳥結糖，個人特別喜歡咖啡同朱古力味！薑味很薑，有點辣😛。仲買咗咖啡味同朱古力味曲奇餅！同樣好香好好味！😋😋

姐姐忽然走到美孚，買下兩包鳥結糖給我吃😳咖啡/朱古力脆心鳥結糖($65)沒有富麗堂皇既包裝👀就只有一張簡單不過既錫紙包住，如果不是姐姐買，我在街經過也未必會買，哈，不過聽講新年前好難買到，個個都搶住黎買，有冇好食到咁誇張？結果：鳥結糖外軟內脆，味道層次豐富，底面是係鳥結糖🍫🍫中間係脆脆朱古力夾心，煙靭而不黏牙！！！I like it!可以清楚見到鳥結糖層次分明，有別傳統的鳥結糖食過呢隻鳥結糖，令我對鳥結糖完成改觀！！！難怪有人說，是全香港製造最好味既鳥結糖👅👅

之前聽別人説此店的鳥結糖有多款口味並非常好吃。我碰巧路過此店就買了一包咖啡脆心鳥結糖嚐嚐。一包有五顆長方體的鳥結糖，每顆都是獨立包裝。每顆用一張金色的包裝紙及一張可食用的紙包着。鳥結糖的最上層及最底層是薄薄而香甜的牛奶巧克力。而鳥結糖的第二層及底二層是咖啡味的烏結糖。烏結糖香甜不黏牙，咖啡味突出。中間那層則是微厚的脆米巧克力。整個鳥結糖豐層次感，很好吃。