多多餅店

营业中

休息中

朋友話這間餅店的鳥結糖很出名, 所以買了一盒俾我地一齊試下, 有好多種味道, 咖啡,朱古力,芝麻, 感覺似餅多D,幾好味,唔會好甜,唔會好痴牙呀, 我覺得咖啡味最好味呀, 佢一盒裝, 唔係好大粒, 用嚟送禮最佳.朋友還買左一些曲奇餅, 我試了一塊竹炭味道,唔係好甜的,都算鬆化呀, SIZE適中. 幾特別呀, 佢還有綠茶及其它口味的.

打從3月第一次幫襯多多的曲奇餅和鳥結糖後,之後都狂幫襯左一輪,重要幫家人和朋友都買左三次.因確實係平靚正之選.鳥結的味道,個人覺得同台灣的糖村唔同,但我個人會喜歡呢隻本地薑,前者無咁甜,後者就好重牛奶.兩隻我都好喜歡.曲奇一盒約六十元,勝在多款,一次過可以滿足晒咁多個願望呢.鳥結糖,朱古力花生,朱古力杏仁,曲奇餅,葡tart都係多多的必試之選.面包試過就麻麻地.

說起美孚第一時間只會想到「香港十大屋苑」之一，而且是個「無啖好食」的地方。在這個典型的住宅區內有間其貌不揚的傳統麵包店，他們出產的鳥結糖十分受歡人，令很多人都慕名而來，包括阿贏。他們家的鳥結糖有很多口味，包括原味、黑芝麻脆心、杏仁西梅、朱古力脆心等等。個別口味有獨立包裝，一包5粒/$14，亦有一盒6款口味的集錦禮盒裝，任君選擇。葡撻蛋撻除了鳥結糖之外，葡撻及蛋撻也是多多名物。$6.5個的葡撻，撻皮很香脆，不像kfc的葡撻，撻皮較韌；而蛋撻的酥皮也很鬆化。但個人認為兩者味道也偏甜了一點。無冰無糖奶茶 $14男友說茶味很出，但不夠香，普通。

Seeing how much time I had before tutoring, I popped in here for a quick look, and I went straight for the nougats. Wrapped in edible rice paper, it is sweet and addicting. The nougat has the right amount of chewiness while maintaining its shape. Also, I tried the doughnut, pandan bread, and the cheese bread. The doughnut and the pandan bread were alright, but I would not buy it again. However, the cheese bread was soft and you could taste the cream cheese (?). Definitely will buy again if I am

曲奇餅基本上是大眾情人，恨它的人多半是嫌它致肥，愛它的就把這缺點都包容了，我，就是其中一人。曲奇餅中，名店出品的有她美的地方；地區餅鋪的，卻有另一風味。灣仔區的那間百xx是本人的心水之一，奈何地點不太就我出沒的地方，不能想買就買。早陣子認識多多，先是認識它的鳥結糖，後來才發現原來大家都對其曲奇讚口不絕，心中暗暗mark down 了。家雖住在這條紅線鐵路線上，但就是緣慳一面，今次有幸乘坐順風車來到美孚，想起它，竟然就想就在眼前，緣份來了，誰可抵抗？賣曲奇的姐姐很友善，有問有答。當時是放工時間，來買麵包或曲奇的街坊都很多。第一次試，要了半磅，3 款口味: 朱古力牛油花、班蘭及芝士脆條。朱古力牛油花算是最好吃，牛油味不太濃，上面的朱古力有入口即溶的感覺，吃多幾塊都不會覺得太肥膩。班蘭味就只有色水沒有味道，可能班蘭從來都是柔和的，那輕輕的味道很容易被蓋過，以致一吃再吃都不太嘗到那班蘭味... 芝士脆條，很失望地說，是三款中最失敗的... 一條硬條，除了看到面頭的脆芝士，實在吃不出任何芝士味，我這芝士怪都差不多要放棄它... 朋友說多多的咖啡味曲奇由細食到大，我這次竟然沒挑選到! 看來沒有順風

第一次探訪住在美孚的同學的家, 當然被美孚人介紹最有名的食物~多多的蛋撻和葡撻都是最令人一試難忘它們的皮都是非常鬆脆, 而且十分香牛油的味道~而那些蛋便是精髓! 嫩滑的口感伴隨著濃郁的蛋香外脆內滑, 絕配!難怪很多美孚人都"食過番尋味", 不是美孚人也會慕名而來!不過要注意的是, 要先買票, 店員才會出外夾給你喔!

第一次來多多餅店是抱著一試其鳥結糖既心態，想不到試了一次便上癮了，奈何美孚是個住宅區，沒事是很難特意跑來。是日碰巧再來到這區，當然不能錯過鳥結糖啦！ 鳥結糖的味道有很多，但我最愛的是西梅合桃！軟燸的鳥結糖有著西梅天然的甜味, 咬著咬著合桃的香味便又徐徐滲出, 回味無窮 諗起又想食啦！正要走到cashier 付款時, 被一陣香氣所吸引, 原來是綠茶 scone. 身為綠茶控的我當然要買一個來嚐嚐吧 Scone 的綠茶味道不是很濃, 有點人造的感覺, 但對索價7元一個的scone 總不能有過高的期望吧。但餅師也很用心的在scone 中加入了什果乾, 想不到竟帶出了另一種特別的味道,吃著吃著就把一個給消滅了

男朋友係美孚長大，話多多葡撻好好食！ 今日搭巴士前特登去多多一轉，未行到門口已經見到有人係度排隊等新鮮撻出爐。 我第一次幫襯多多，入去行一轉，有蛋糕，面包，曲奇同唔同味道既了結糖，門口仲有復活蛋tim! 唔怪之得咁多人黎買同讚！ 等左一陣，蛋撻同葡撻同時出爐啦 男朋友隨即去櫃檯買飛，我就排定隊等食。 佢買完飛交俾我：「4個葡撻。」我：「2個俾Uncle, Auntie? 」男友：「我地1人2個。」我：「吓 咁多？」男友：「1人要食2個先夠！你試過就知。」聽完佢咁講，我又期待又驚食唔晒，因為我好怕漏同太甜 買完急不及待就拎出黎食啦！ 我貶下眼就食完一個，大家睇到：佢個皮好薄咬落仲係脆脆地既 入面個蛋漿調得好好，食落好滑溜，味道唔會過份地甜，真係食兩個先夠。

拜年期間在友人家吃過多多既了結糖，一試難忘，原因係食開既了結煻一係好硬，一係好似花生糖嗰種脆口，相對較好味既係軟硬適中好好咬嗰隻。但多多既了結糖呢，竟然有如威化嗰種鬆脆外層，中間又有點 chewing既咬口，又唔會好甜，所以覺得好好味。適逢二月中去台北玩時順便會一會當地朋友，諗梗買乜送禮時就讓我想起這個多多了結糖嘞。於是乎一口氣掃了幾盒雜錦，請朋友吃時自己又有得試。每盒雜錦有6種口味，包括原味﹑脆心朱古力﹑咖啡脆心﹑黑芝麻脆心﹑藍莓榛子及杏仁西梅，各自有唔同顏色糖紙包裝，每款6粒，一盒$98，未算好貴，送禮還可以啦！味道方面，初時以為全部都係脆心，即帶威化那種，試過所有味道才知原來得三款係脆既。(一開始冇留意盒上糖名呀！)原味了結糖味道跟一般既無異，口感就係軟硬適中好好咬嗰種。脆心朱古力係我最鐘意既一款，一來係脆，二來係朱古力味，所以大愛。黑芝麻脆心跟朱古力那款口感一樣，不過多了黑芝麻香，吃罷芝麻香味喺口中久久不散。咖啡味係我老公最愛既味道，佢可是一粒接一粒咁食呢！同樣如威化般鬆脆，咖啡味濃。藍莓榛子我只吃到藍莓味道，榛子唔多覺，要食多粒試真啲先！(回家吃多粒，原來真是有榛子味的，跟藍

這是一磅裝的雜錦口味，會買這個是因為男友公司的同事們很喜歡買小食會公司跟大家分享香港的手信嘛，有些都已經買過回澳門給同事們試了，再來想到的就是它多多的鳥結糖，自己也有吃過買過！！覺得味道不錯，價格又不會很貴就買多種口味的給他，另外也多買一盒給自己但那麼多的味道中，還是巧克力跟咖啡最得我心啊其他的都不錯，只是沒那麼喜歡，要是能多點店面可以買到就好了畢竟我不會常常到這邊來啊至於到底為什麼我會這麼喜歡巧克力口味呢只因裡面的脆米粒粒配著可以牽絲的棉花糖香濃的巧克力香，而咖啡口味甘香不苦澀也好吃耶但這盒子做得很美，半透明的可以看到多色的糖果同時只需花HKD$88就買到的一磅禮盒裝

話說友人請左我食1粒鳥結糖，1試愛上，得知係美孚多多面包店到買，一收工就去買喇* 心大心細，又想試其他味，就買左三味脆心禮盒裝，黑芝麻好香(紫色)，完全食唔出咖啡味(金色)，至愛原味(銀色) 再幫朋友買半磅原味*(買半磅只可揀1個款，1磅可以2款) 見到好多人買曲奇食，點會唔試呀買半磅可以揀6款，緊係樣樣到試下，有杏仁朱古力，朱古力，芝士條，班蘭，抹菜咖啡，牛油*我覺得班蘭同牛油曲奇係最好食，牛油香同鬆脆正！

嗜甜如命的我，從前最愛皇后餅店的鳥結糖，再從前一點每逢去台北也不忘買糖村的牛軋糖 (台灣的叫法)。直至數日前，過年後在公司發現了一盒包裝帶點懷舊色彩，內裡一條條錫紙包裹著貌似正方長條形的樂家杏仁糖。看了又看，不知道此為何物，細心一看，原來是鳥結糖，再看盒底的文字，原來是香港製造，位於美孚!一拿上手，便感覺到是屬於軟身，喜歡薄薄錫紙的包裝，再有一層磨沙透明般的米紙般包裹著，好有兒時的風味。咬下，多重口感，香軟柔滑中夾層的脆脆，甜度適中, 最怕硬如石頭般的鳥結糖又或是過甜, 吃過黑芝麻味最為突出!朱古力味，原味亦無敵，一粒接一粒!其實香港都可以像台灣澳門有些民間小食手信，只是商業化與否，但我寧可這樣小店經營，堅持與注重品質。

美孚新邨，其可愛之處就是集中，居民的所有生活所需，完全不需要邨外的其他地方補給。之前報導了區內的一間傳奇小食店，而是次報導的，相信是許多美孚居民的童年回憶，以及現在亦時常光顧的一家已經可以說是老字號的《多多餅店》。全盛時期，《多多》在區內有兩間餅店，一間快餐店。現在就只剩下位於第三期大樓梯底的餅店經營著。不過，有人說同區的《味味佳》及《美孚冰室》是《多多》的姊妹店，這消息尚待考證。《多多餅店》，好多人都喜歡其曲奇及紐結糖，但我獨愛的，是他們的葡撻。每天新鮮出爐，以前12元3隻，現在6元一隻，這兒的葡撻同港式的蛋撻，永遠都是搶手的好貨。每一次來到美孚，都好想回味一下，但每一次來，都時間匆匆，始終與他無緣。緣份始終會來的，台灣之旅前夕，我們先到美孚留宿一宵，第二天一早前往機場前，我勢必跑去《多多》整返一盒葡撻，買來在機場當早餐食。好多人認為，食真正美味的葡撻，一定要跑到澳門去，而在我的角度上，這不是一定的。就算大家一定要吃《安得魯》，去怡東酒店便可，就算大家鍾情於《瑪嘉烈》，食KFC的出品已經是大同小異，或是四太的的澳門茶餐廳，都有不俗的水準。《多多》的葡撻，擺脫了澳門兩個字，他們以自家的

因為好友所贈，一連寫咗3篇講紐結糖嘅食評「聯朋結糖」（一）、（二）、（三）。晌屋企附近嘅多多餅店同樣有出鳥結糖，仲晌鋪面大大個招牌寫上「曲奇鳥結糖專門店」 ，故此都有買嚟送贈番比食友，當然買開都要預番一包俾自己啦，所以就多埋依一篇「聯朋結糖」（四）喇 。佢哋除咗有散裝斷磅賣之外，亦推出唔少輕便裝，兼且有多款口味：經典原味、濃情朱古力脆心、咖啡脆心、腰果西梅、藍莓榛子、黑芝麻脆心等 。留低一包咖啡脆心紐結糖俾自己試試，無錯！包裝袋用番「紐結」，唔喺「鳥結」，啡色袋裝，一包有5大粒長條形，切割齊輯輯，以牛油紙包裹，乾淨衛生 。睇睇包裝袋背面，文字密麻麻，中英日文用齊，顯然有做外銷。成份有朱古力（非天然可可）、玉米糖漿、花生、糖、牛油、蛋白、卜卜米、咖啡油、咖啡粉、檸檬酸，可見都幾「化學」。帶咖啡味而煙韌嘅紐結糖，中間夾有朱古力脆米層，口感確喺幾獨特，富創意，都值得一試 ！寫埋依篇（四）就完成依個小系列，仲會唔會有「聯朋結糖」（五）、（六）、（七）……，就睇吓將來仲有無食友醒我紐結糖喇 ！餘下品牌嘅紐結糖，請另睇其他食評，連結如下：聯朋結糖（一）：http://garycwm.o

在 8 月的一個週末中午，我跟兩位食友到美孚試食越南菜！  我們由地鐵站行到這間餐廳之際，我無意中看見轉角位置，掛著一個搶眼的 <多多曲奇鳥結糖專門店> 招牌！ 我們品嚐過豐富的越式午餐後，我提議到這間曲奇鳥結糖專門店 <多多麵飽西餅> 看一看，順道買鳥結糖給媽咪！ 這裡的確幾大！  售賣多款曲奇餅、鳥結糖、麵飽、小食...等。比其他麵飽更包羅萬有！  我們兜了一個圈，我只是一心走入來買鳥結糖！  主攻鳥結糖區！ 鳥結糖有5粒包裝或磅裝，用來送禮大方得體！ 大家也有收穫！滿載歡笑離開店子。  中秋公仔餅 $5/個我從未見過中秋公仔餅！款式十分可愛！  實在令人意想不到的公仔也有！  當中包括：魚、獅子、狗、蝴蝶...等，有款看似馬騮！原來是佛公！  認真攪笑！ 食友送給各人一塊公仔餅分享！  多謝妳！賣相相當趣緻！食起來卻是幾硬！餅身些少軟腍！ 加上眼睛栩栩如生！原來是硬崩崩的黑豆！ 腰果西梅紐結糖 $13我見口味獨特才買！  一包有 5 粒獨立包裝，打開糖紙，有一層薄薄的米紙包住紐結糖，看起來好像南棗合桃糕！  軟身