多多餅店

营业中

休息中

20-Apr-2012(Fri)伯母同呀佬都要食中藥，諗起都苦呀。今日諗起好耐冇食過既多多餅店紐結糖，雖然落雨，小小心意可以買嚟比佢吔餸藥呵番吓啦。今次剩係買咗脆心味紐結糖，佢嘅鬆脆可口朱古力，加上卜卜米真係好令人回味。不過價格又加了，39蚊一包(半磅)，據即場了解，店員話佢吔嘅紐結糖係每日新鮮製做，保存期陰涼地方可以擺放2星期，存放入雪櫃1個月。希望佢吔快d好番啦！

每次經過"多多"，都見店內人頭湧湧，擠滿了選購麵飽、排隊付款的人。走進店內，便會發覺外表普通的麵飽小店，麵飽架上卻是充滿創意的。你心裏會產生一個疑問，為何"多多"比其他同樣大小的麵飽店，麵飽、西餅和其他小食的選擇好像多一倍以上呢？那是因為除了可在一般麵飽店找到的麵飽外，"多多"有不少自創的品種。除了廣受推崇的"朱古力曲奇"外，果仁朱古力(不是經常有，上次在今年農曆新年前後買到)和芒果糯米糍，也是值得一試的。其他麵飽也可按個人口味選擇，大多數都不會令你失望。

今早嚟咗美孚食早餐呀，路經多多餅店，諗起好耐冇食過既紐結糖。一進門已經有店員招呼，我選了 原味 和 脆心 紐結糖。因為已經好耐冇買過，都忘記了邊隻最好味。原味 紐結糖，口感不會太硬，有點朱古力碎和奶味及花生碎。包裝紙係藍色的。$26蚊半磅，但我覺得兩者比較脆心紐結糖比較優勝。脆心 紐結糖，口感比較脆口點，多點朱古力和有點奶味及花生碎。包裝紙係綠色的。$36蚊半磅，這個價格我認為值得一試。

兔子一向都偏好吃(甜)麵包多於吃米飯之類的。近日放假但不願體力勞動去太遠的地方，所以屋企附近的店舖成為我最近侵略的目標。麵包餅店我認為多多已算美孚最出色的，服務態度亦不錯，不時聽到店員大喊新鮮出爐的ＸＸ包。　方便客人購買，今天三時多聽到菠蘿包新鮮出爐就立刻買了。皮沒有很甜非常合兔子口味（兔子不太愛太甜的東西），新鮮出爐麵包沒什麼好挑剔的，真要說就比聖Ｘ娜新鮮出爐的遜色一點點點點，但$3.5又能得到滿足，沒話說。要讚好另外新鮮出爐蛋撻 ($5/1) 亦是一絕，我超愛酥皮撻，所以有時間，我會在店外等一陣子等新鮮出爐的蛋撻，熱騰騰的蛋撻雖然有點過甜（於我來講而已），但配合酥化撻皮，一絕。

四月上旬‧晴七時許來到這裡，發現差不多所有麵包也賣清亦有條不長不短的人龍，應該有點水準吧？來看看有什麼好吃的。見雪櫃有紅豆糕，拿出五元買了一件。不太甜，幾滑但中間的西米是實實的。聞起上來有花奶香味，但吃起來教淡，一般。似乎好吃的是麵包類了。

同事買過多多蝴蝶餅回來,是好吃到停唔到口。曲奇餅也是…..今日尊誠來拜訪,想買什麼便買什麼,買過夠!曲奇餅$45/磅,買了半磅x2。朱古力on top的(最鬆化,又有最愛的朱古力,最好吃)、咖啡(極濃咖啡味,它會影響其他,都帶有少許咖啡味)、朱古力合桃(意料不到非常脆&香口)、果醬夾心(餅身較實,果醬是一般酸酸地那款)、雙重朱古力(反而無乜朱古力味)。其餘還有合桃,方形原味,紐花原味,朱古力原味方格,阿麻籽,等。總之就是沒提子干。我愛它的曲奇不甜不膩,但又不失牛油香,確值得來買!另外也買了一堆麵包。麥包$3.5,沒吃。丹麥條$6,應該是半酥半麵包質感,但它麵包佔多了,味道合格。鴛鴦西梅蛋糕$4.5,上層蛋糕無乜味,軟綿綿的,西梅層有西梅味,質感實和乾一點,整體麻麻地。沙翁$4.5,不太甜,沒油益味,很滑,蛋味嫌不夠濃。拿破崙$4.5,酥皮咸酥,不鬆化,蛋糕芯,韌的!咸味拿破崙,都是第一次吃,很奇怪。看來只有蝴蝶酥&曲奇可取,麵包蛋糕都唔得。推介曲奇有朱古力on top、咖啡、朱古力合桃、紐花原味、朱古力原味方格。

成日係美孚轉車，今日等車嘅時侯肚餓，走去買個包食, 一路都食開酥皮奶黃包，好好味。撞正佢地新鮮出爐葡撻，好靚因為好耐無食過, 所以決定今次唔食奶黃包, 於是買咗兩個，嘩好香，唔係太甜，好好食, 一口氣食晒兩個，好滿足。

為了調理好身體，最近除了特別注意飲食營養均衡，另外以往留起quota一次過勁食的習慣也要改，變成每日多餐少吃，盡量是一感餓就進食。 試過有一次，搭車途中感到有點肚餓，就下車去找點吃的；多年前在大學時期，兼任聖誕臨時工時，每朝幫襯的多多，就成了目標。　那時每天上班前，都愛在這裡買麵包吃，不過就未有在Cafe部享有過堂食經歷，這天總算試到了。其實店內環境很不怎麼樣，很多新開的茶記還比它好，不過它就是有份懷舊親切感，二時多的下午也吸引了不少街坊街里來幫襯，我也等了幾分鐘才有位。誠然牛角包不是甚麼健康食物，但是日口痕，還是忍不住買下來，並自我安慰：這總比吃西多士、炸雞翼等健康吧! 　店內的牛角包也有不同夾心選擇，包括火腿芝士、碎蛋沙律、吞拿魚蕃茄等，我選了最健康的吞拿魚蕃茄牛角包($18)，中間的吞拿魚給得不算多，反而蕃茄與菜絲比例更高，想想這應該更有益健康，是好事；至於牛角包本身，則烘得又熱又脆，色澤金黃但又剛好未致於過燶，幾好食的! 當然其層次感不可與Le Salon的神奇牛角包相比，但也是個不錯的出品，吃得我挺滿足了。是日天氣悶熱，實在受不住熱飲，就要了凍奶茶少冰(+$2)，然而成品的冰

一向多多的蛋糕都是傳統味道, 足料不太甜, 價錢相宜, 製作絕不遜色於其他大品牌餅店, 今次這個'精庄'雜果蛋糕亦未有令我失望, 不太甜, 不太多忌廉, 層與層之間還少有地以果粒夾雜 , 相比起其也餅店, 這層一般都是用以騙人的厚厚忌廉呢...

見到有人六月尾留食評 一磅曲奇至$40我今次去買就已經$42喇!! 不過$42都值既 因為真係好食揀左四隻 其中三隻都係溝有朱古力既 另外一隻係長方形齋果仁有朱古力果三隻最好食 而個人最愛係唧花上面有一撻朱古力醬果隻!!! 最唔鐘意係齋果仁啦佢其實仲有好多選擇 不過我比較鐘意朱古力...佢仲有果JAM曲奇, 咖啡曲奇, 牛油曲奇, etc...仲買左一盒朱古力花生 $13 (唔記得影相就已經食曬 ) 全盒大約有6件

是日返工, 行出門口, 竟然發覺時間尚早. 那先去銀行辦點小事, 再回來, 依然時間充足. 反正出門前, 冇食到任何野. 剛好又路過樓下的多多,,,,雖然我一向對多多的快餐部有強烈的偏見. 但想快快趣食個早餐, 就腳方便, 都係入黎多多啦.好快就有決定, 叫了一個牛扒煎蛋, 西式早餐. 而且多多既快餐部, 出哂名快. 係收銀處俾哂錢, 牛扒雞蛋雖是即煎, 但也不用等太耐. 賣相, 同連鎖快餐店相若, 牛扒薄薄的, 最好就係肥肉邊唔韌. 不過, 塊扒係乾煎, 肉汁同油已經混在一起. 而且味道冇乜. 煎蛋, 是全熟, 煎到老哂的蛋, 乾爭爭.....完全冇蛋香. 而奶茶就一般, 沒什麼特別.味道....真的去連鎖快餐店食早餐會好食過佢. 多多, 都係食佢既麵包, 感覺會好d.

每次去到美孚，總勾起童年回憶。想吃個午飯，便立即想起開業已經很久的多多。先經過包餅部，忍不住入去一看。面包款式繁多。最後選了健康的杞子桂圓麥包($10) ，作為翌日早餐。味道與一般的麥包沒有太大分別，只是多了杞子及桂圓，而且分量幾多。順便買了曲奇餅($40/磅)及鳥結糖($50/磅)與同事分享。值得一讚是店員，很有心機的將餅和糖砌得靚靚才入袋，未吃也開心。比較起一些出名餅店的曲奇，這裏的是略為味淡，不過也沒有「漏」的感覺。鳥結糖亦不差，只是嫌略甜了些。之後走到旁邊的餐廳，叫碟咕嚕肉飯($28)。當時大約一點半鐘左右，但客人不多。一如所料，咕嚕肉已不脆口，幸好酸甜汁的味道調較得適中。跟餐的奶茶也夠茶味，取回不少分數。最令我開心的是，全店的員工都禮貌周周，不吝嗇「唔該」、「多謝」，叫人舒服。

由細食到大的一家快餐店。能快高長大都是因為她的什扒飯。會滿臉暗瘡都是因為她的炸薯條。其實我應該食過她出品的所有食品。味道還可以，環境還可以，服務還可以，你可以一試，不過醒你，她只是一家快餐店，所以你要求的應該只有，快。食品都還可以、麵包還可以、西餅蛋糕都還可以了。 (哪我為什麼要寫食評呢?)我想推介我認為她最好的產品：花生紐結糖。她的紐結糖非常甜，如果你又想食糖又怕甜，那你就別試好了。紐結糖已經不是隨處可見，最多你可以去皇后餅店買到。不過皇后的紐結糖比較乾，硬身，帶少少脆，不帶太重甜味，想是顧及了現在香港人講飲講食講健康的口味，食糖唔食甜。多多的紐結糖較軟身，所以入口不會硬梆梆。較甜，重奶味，比皇后餅店的好，比澳門官也街的好。唯一能與之匹敵的，唯有以前車里哥夫餅店的出品。可惜現在沒有了。

葡撻$4.5個皮薄餡靚皮不會太多油新鮮出爐最正!!

The Best in Town!Not much ppl notice that Door Door located in Mei Foo Sun Chuen since the early 80's. Crunchy, fresh, valuable assorted cookies with good services....etc.