多寶美食

营业中

休息中

今日lunch去寵物街睇完貓貓狗狗繼續睇金魚一路行到街尾 見到間小食鋪 好耐冇掃街喇 見人地拎住啱啱炸起嘅豬大腸好吸引 整番串先炸到好脆皮好正呀 咬落去食到一層層咁 出面脆 入面煙韌有咬口 加埋甜醬芥末超正另外再外賣啲上番公司同同事一齊食其實佢啲臭豆腐都好出名 不過唔敢買上公司 實俾人鬧死墨魚 水魷魚 牛柏葉都係13蚊串都幾大串嘅 我覺得算抵食 食呢啲最重要係個辣汁呢間幾好 惹味香辣得嚟唔死咸魚蛋比較實淨彈牙 唔係浸水會發漲嗰種 唔錯燒賣唔係成口粉嗰隻 彈牙有少少魚味街頭小食嚟講 用料都算高質魚肉碗仔翅足料呀好多肉絲 蔥花鯪魚肉好味加埋醋 胡椒粉同埋辣菜圃超正

放工途經太子一間人氣好高嘅小食店「多寶美食」，有好多人企喺度食緊，好奇嘅我又停低腳步睇睇🦶。小店主打各式各樣嘅港式街頭小食🇭🇰，款式唔算特別多，集中賣某幾款。佢價錢相宜，成個餐牌打爆晒的話，都係二百蚊有找🤣。馳名炸大腸($16)，朋友好鍾意食，即場啪咗一串。我自己本身就唔好的🙈，小店嘅出品氣味比較強，但沾辣醬同芥辣食又OK喎，因為炸得夠脆。魚肉碗仔翅($25)，單拼$22，雙拼$25好似抵食啲。碗仔翅口感唔錯，唔會太稀或杰撻撻，而且好足料，有雞絲同素翅等。另外拼嘅魚肉有好多嚿，質感唔粉，鯪魚成份唔高，所以亦唔腥🐟。墨魚/水魷魚($13)，🦑小店嘅墨魚以及水魷魚同樣處理得宜。佢哋保留咗應有嘅彈牙口感，但又唔會太硬，老人家都食到。牛柏葉($13)，牛柏葉爽脆，大小切得啱啱好，易咬🐮。山根($10)，山根口感煙煙韌韌，非常索汁🤤。最後就係大雜燴：燒賣魚蛋雙拼($20)同牛丸($16)，前者係基本野🍢，食材質素正常，精華所在係個咖喱汁，佢辣得過癮，係好經典嘅港式風味🌶，正啊。一串牛丸有四大粒，食落幾彈，似牛筋丸，唔係街市平價貨。總括嚟講，小食店出品有水準，價錢大眾化，難怪有咁多人幫襯👍。最後，

旺角鬧市中的小食店臭豆腐炸得非常香脆可口，可惜講嘅時間趕急，忘記攞甜醬，如果唔係，會更加好味。魚肉碗仔翅碗仔翅非常足料，有很多塊，非常抵食。足夠一個午餐的份量。在辣燒賣魚蛋咖喱汁非常香濃，又香又辣，魚蛋彈牙。炸大腸咬落非常香脆，外脆內軟多寶美食地址：太子水渠街30-32號地下

街頭小食即威力真係好難抵擋⋯之前係廟街做左10幾年，近來搬咗過黎太子😍今日比佢既臭豆腐既「臭」味吸左過黎🤤🤤$10舊臭豆腐，熱辣辣，外層炸到脆卜卜，內裡軟綿綿，加埋辣醬同甜醬真係無得輸！生菜魚肉勁足料，魚肉好彈牙。碗仔翅可以有菜譜任加😍水魷墨魚好爽脆。魚旦同燒賣最緊要當然係個惹味辣汁😍百零蚊食到超滿足，平靚正之選🫶🏻

行過太子，嗅到臭豆腐的香氣，嘴巴馬上饞，這東西在香港機乎絕種，極少地區有得賣。炸臭豆腐$10比一個小朋友拳頭大一點，金黃飽滿，外皮酥脆，香氣四溢（對鍾情臭豆腐的人來說）。吃臭豆腐必須趁熱吃，一口一個滿足。炸大腸$16大腸油炸後切片，串起，吃時加甜醬和芥末醬，口感煙韌，腸片香脆，好吃😋墨魚串$13、百頁$13 和 水魷魚$13這三樣可算是香港街頭小吃的天花板，橙色的墨魚鬚切段，串起，百頁切塊，水魷魚切段同樣串起，鹽水浸煮，再加秘製咖喱汁，經典街頭小吃超yummy 牛丸$16咖喱魚蛋一定係街頭小食嘅冠軍，今次再豪華一點要串咖喱牛丸，牛丸爽滑彈牙，好好味。碗仔翅$22最後要了一碗 碗仔翅，碗仔翅必須要加浙醋、麻油、白胡椒粉和辣蘿蔔碎，熱辣辣的碗仔翅口感豐富，順滑好味。

多寶美食😋😋😋街頭美食平霸聽聞店主前舖係廟街已做左十多年、現搬來太子水渠道、行過路過的街坊、真係有福、掃街小食之選、當然係臭豆腐、炸大腸、唔係好多街頭小食店有提供、所以必食首選😜😜、店舖美食價錢便宜、抵食👏🏻👏🏻👍🏻臭豆腐：$10/件⋯臭豆腐外層炸到香脆、外脆內軟、臭豆腐香味、沾D甜醬、芥末醬好惹味！👍🏻炸大腸 ：$16/串⋯大腸炸到脆卜卜、皮薄甘香酥脆、好有嚼口、油香腸味、不油膩、賣相仲好吸引、沾埋啲芥末醬甜醬、好盞鬼👅魚旦 ：$10/串⋯魚蛋夠彈牙、有口感、加埋店舖嘅辣醬好獨特👍🏻燒賣 ：$10/串⋯香濃魚肉味、配埋辣醬夠惹味！香港人最愛❤️山根 ：$10/串⋯用濃湯滾到啱啱好、煙韌有嚼口、配埋啲辣汁、好夾😘水魷魚：$13/串⋯非常爽脆、有嚼感剪成一啖一嚿嘅size、爽呀😊牛柏葉；$13/串⋯滾兩滾、爽口彈牙、加D店舖辣醬、好好味！碗仔翅 ：$22/碗⋯真材實料、好豐富、味道濃郁、加埋香麻油及醋超夾、香港懷舊美食味道、yummy yummy 🤤 #太子#街頭小食#臭豆腐#多寶美食太子水渠道30-32 A號美星樓地下10號舖港鐵太子站B2出口，步行約3分鐘

呢間小店本身係開喺佐敦一直都有食開有一日再去嘅時候發覺已經結業覺得非常之可惜但係上網搜尋後發覺原來搬左黎太子今日終於有機會過嚟食！識食一定係食炸大腸好多小食店都有做炸大腸但係呢間點解咁特別呢？因為佢係 原條 大腸炸完你落單 佢先至一嚿一嚿切出黎串俾你呢一個做法係製作時間會稍為長少少但係好食非常之多坊間好多都切好哂收到訂單就落油鑊炸咁樣個炸大腸炸到成舊都乾晒多寶嗰個做法佢係會令到炸大腸外皮好脆同時內裡保持煙靭軟嫩我食過最出色既 炸大腸沒有之一！正！

呢間小食舖位於太子水渠街，同巴士站好近。所以有時見未有車，我都會去呢度買啲小食等車。🥢炸大腸（$16）外層脆卜卜，裏面幾有咬口。冇去晒肥膏，食落好鬼香。🥢臭豆腐（$10）炸得幾香脆，仲有獨特嘅鹽滷香味。即叫即炸，加埋甜醬、芥辣好惹味。👍🏻🥢生菜魚肉（$22）魚肉份量幾多，隨時多過生菜🤣。🥢碗仔翅（$22）大大兜幾多料，質地啱啱好。😆🥢牛丸（$16）一串有成4大粒，彈牙好味，亦都好飽肚。🥢魚蛋拼燒賣（$20）個汁又香又辣幾惹味。燒賣彈牙而且有少少魚肉甜味。📍多寶美食 (太子)太子水渠道30-32A號美星樓地下10號舖

♡ 太子遠近馳名既小食店 - 多寶美食♡-放假行完花園街同金魚街 口痕搵下街頭小食🤩 見到人山人海～ 埋去趁下熱鬧先😆除左必食既魚蛋燒賣呢度仲有我最鐘意食既生菜魚肉同炸大腸🤤 - 生菜魚肉真係好正～ 魚肉爽口彈牙🐟 超級推薦❤️而炸大腸仲整到脆卜卜🤩碗仔翅又勁足料 ～ 😝👍👍魚蛋燒賣既辣醬好獨特～ 慢慢辣上喉嚨好過癮💓 墨魚🦑燒到岩岩好😝超級惹味～～ -❥ 呢間鋪起廟街做左十幾年～ 最近先搬過黎🥰 雖然太子、旺角好多街頭小食店～但呢間真係一定要試💓 #⇢店鋪資料：多寶美食 (太子)太子水渠道30-32A號美星樓地下10號舖*instragram: conniew_915

去金魚街相熟的魚店買孔雀魚,隔離 新開了小食店.N年冇掃街的我,被臭豆腐的「香」味吸引,就試下,當食Tea~Order了：魚蛋、燒賣、生根、水魷魚和牛栢葉 ,臭豆腐,炸大腸和生菜魚肉翅.魚蛋、燒賣、生根、水魷魚、牛栢葉+咖哩醬=最佳配搭,有小時候掃街邊檔的味道~臭豆腐---忍唔住叫了兩件,店主即叫即炸,熱辣辣+甜醬,好味x100~生菜魚肉翅---一次過滿足晒兩個願望~魚肉size適中,碗仔翅足料,加埋一齊食,好滿足！炸大腸---絕對係必食之選！外脆內軟,加埋酸梅醬,清新又不油膩,讚👍最欣賞店主 十分 有禮貌,對每個客人都講：「多謝」,而且又肯提供廁紙給客人~另外,留意到店主每次處理食材前後,都會洗手,衛生意識很強,食品安全有保證~臨走時和店主傾開,原本小食店位於佐敦多年,但因業主加租,租金高昂,所以就搬到金魚街再重新出發.見到店主辛勤又誠懇,以後出嚟買魚我都會幫襯「多寶美食」！

行行吓街肚餓，見到間叫多寶美食，啱晒，見到炸大腸和臭豆腐，好耐無食啦，大腸即時炸，皮好脆，淋上豉油同酸梅醬芥末醬，可除去大腸嘅油膩，仲叫左魚肉碗仔翅雙拼，碗仔翅裏如果有木耳仲正，山根燒賣和墨魚加左咖喱汁，樣樣都有少少辣，配冰凍可樂就最正。仲有兩舊臭豆腐，臭豆腐就已經唔係咁多地方有得食。脆皮即炸大腸臭豆腐魚肉拼碗仔翅臭豆腐

多寶美食 (太子)太子水渠道30-32A號美星樓地下10號臭豆腐$10臭幾條街嘅臭豆腐，外皮酥脆無比，裏面豆腐又香口又滑，充滿香港地道嘅街邊檔文化！馳名炸大腸$16炸大腸皮薄甘香酥脆，腸乾淨嫩滑，大腸獨特味道相當濃郁，配黃芥辣一流！水魷魚$13口感爽脆，味道好鮮，剪成一啖一嚿嘅size非常貼心，好味！墨魚$13非常爽脆，而且剪成咗一啖一嚿嘅size串成一串，墨魚味濃好好嚼！燒賣魚彈雙拼$20魚彈彈牙香口，燒賣軟熟有嚼頭，醬汁好夠味！碗仔翅$22料多，味道濃郁，非當地道。生菜魚肉$22魚肉大大嚿又夠味而且份量好多，生菜清爽，個湯好好飲。

今日轉戰旺角，同阿仔出去行通菜街同金魚街。要買貓貓用品。街頭行到街尾，又嚟掃下街先。相信好多人同我一樣，點都要到此一遊呢間小食店。老老實實炸大腸同臭豆腐已經賣少見少。雖然邪惡，不過偶爾食一次啫。哈哈～ 美食當前，點忍得口啫。經典香脆炸大腸，每串$16，外脆內軟，炸得啱啱好。食炸大腸，我最鍾意大混醬。芥末醬加甜醬同大腸超係絶配，食一串絕對唔夠喉。懷舊臭豆腐，$10一件。記得細路仔嘅時候，媽媽總會係大年初一帶我出去拜神。然後街上好多賣小食手推車，其中遠遠已經傳來炸臭豆腐的味道，每次都令我流曬口水，一定要買嚟食。至於食臭豆腐都要混醬，我就鍾意混甜醬同豆瓣辣醬就至夾。必食辣陳皮魚蛋$10/串，魚蛋夠爽彈有咬口，濃郁辣汁。絕對吾會煮到發脹晒。

今日嚟到通菜街買金魚，買完見到呢間小食店，好鬼肚餓㖭，一於執返串魚蛋食下先，點知出事啦，越買越多嘢食😜炸大腸原來喺呢度必食嘅，脆卜卜相當有口感，魚蛋好彈牙果然個個都食，再雙拼埋個燒賣，燒賣啲汁好正呀，索哂呀♥️嗌左雞肉腸仔，呢啲小食原來平凡中帶有驚喜😍再嗌多兩碗濕濕地潤下口先🤪生菜魚肉同埋碗仔翅唔會陌生啦😊生菜🥬魚喎果然真材實料喎，因為平時食開嗰啲都係生粉多，呢度真係足料魚肉🤪碗仔翅配埋醋真係一流囉😄

多寶美食喺佐敦嘅時候我已經成日幫襯，最近佢仲搬咗去太子金魚街，更加近我，當然要多啲嚟幫襯支持下。食物仍然係咁繽紛，每次我都會揀好多款。搬咗新舖，但食物依舊，係令人懷念嘅味道。就算而家喺街唔方便食嘢，都堅持一定要食佢哋嘅馳名炸大腸，新鮮食外皮卜卜脆，我就鍾意加甜醬食。魚肉碗仔翅嘅魚肉份量超多，而且夠彈牙。牛丸總共有4粒，而且超大粒，粒粒夠入味。山根索哂汁超夠味。燒賣一串有5粒，口感彈牙，混入少少辣汁好正！魚蛋同樣5粒。墨魚彈牙又入味。水魷魚就爽口卜卜脆。牛柏葉沾滿醬汁味道冇得彈。