多寶美食

营业中

休息中

多寶美食太子水渠道30-32A號美星樓地下10號舖太子旺角是港式小食檔集中地, 出開去每每忍唔住, 拮串魚蛋燒賣食下。伴我長大架小食, 過下口癮。多寶好懷念佢開返, 我買左一大包比女朋友食,魚蛋有辣有唔辣, $20 辣魚蛋併燒賣, 最喜歡個豉酒汁同辣油, 堅好食!$16炸大腸同$10臭豆腐買完拎上手熱辣辣, 禁不住要立即張口品嚐。臭豆腐先唔講氣味, 有人喜歡有人討厭是非常兩極化的食物, 但外面炸到脆卜, 落埋甜醬辣醬, 一咬下熱煙隨即飄出,中心是有好多洞的豆腐嫩層。好耐都無食過兩溝$25 魚肉碗仔翅, 有鯪魚肉同碗仔翅, 瘋狂加醋同胡椒粉。碗仔翅入面有豬肉絲, 木耳同粉絲,童年回憶哦!$13 水魷 $13墨魚 $13 牛柏葉溝埋一盒, 同樣有出色架醬汁, 風味一流。今日青掃街食到飽, 想起以前著住校服, 打完波或者先以為好型架MK日子。香流以前珍惜的回憶, 隨社會改變好多都消失, 這兒時回憶架味道,希望人仍在香港的日子, 盡情吃, 街角上拮魚蛋食臭豆腐,中佬的浪漫。

香港是小食林立的地方，但是好吃的小食，你有品嚐過多少？這間小食店本來是來自油麻地廟街的，沒想到現在重新開業，居然還在太子這個地理更方便的地方，距離地鐵站路程只需要三分鐘左右，十分方便快捷，但令我最喜歡和驚喜的，居然是價錢依舊的親密和貼心。而我大力推薦的就是炸大腸，炸大腸最重要當然就是外皮香脆，內裡質感豐厚，還有的當然就是清潔乾淨。小店提供的居然是大腸包小腸，這個精密度極高的製法，吃起來口感當然更加美味，最重要內裏的脂肪和污垢物清潔乾淨。

好耐冇掃街喇~勁掛住臭豆腐，而家真係買少見少，行過見倒多寶有得食，忍唔住要食返舊先。落左單之後唔洗等好耐。臭豆腐($10) - 自從有小食店俾樓上住戶投訴臭豆腐太臭之後，除左臭豆腐買少見少，臭味亦大減。哩度嘅臭豆腐雖然唔係太臭，不過都聞倒臭味嘅，豆腐炸到外脆內軟，加埋甜醬食都好正！炸大腸($16/串) - 炸大腸係除左臭豆腐之外另一我最鍾意食嘅街頭小食，大腸皮炸到脆脆地，中間嘅豬腸好有咬口，加埋芥辣食好惹味。牛柏葉($13)/水魷魚($13)/墨魚($13)/魚蛋($10)  - 哩幾款小食如果外賣，店家都會放埋落同一個兜度，所以會係同一個咖哩汁底，咖哩汁少少辣幾惹味。牛柏葉幾爽口，唔會太韌。水魷魚幾爽脆。墨魚有咬口唔會太韌。魚蛋幾彈口。碗仔翅($22) - 杰度適中，質地唔會太似鼻涕，入面有好多雞絲，食完都幾飽肚，店家仲會問食客要唔要胡椒粉同醋。雙拼($25) - 即係碗仔翅拼生菜魚肉，入面都有幾舊魚肉。可樂($7/罐) - 夠冰凍，價錢合理。

好耐無掃街😜今日係太子見到有臭豆腐同炸大腸食，即刻要買黎食😋😋呢間小食店都幾多元化，大部分小食檔既野食都齊晒👍🏼。🥢炸大腸 $16掃街名物，好正又唔貴既炸大腸，腸洗得乾淨，炸得岩岩好，脆脆地又唔會太硬身，咬落爆汁。。🥢臭豆腐 $10而家好少地方有臭豆腐食了，鍾意佢個種咬落口好臭，但聞落去唔會太重口味既臭豆腐，整體外表炸得好酥脆。。🥢麻辣山根/牛柏葉/雞肉腸/魚蛋山根 $10、牛柏業 $13、雞肉腸 $5，魚蛋$10，加左個麻辣汁好正，辣辣地又惹味，陳皮魚蛋辣得黎好入味。。🥢燒賣$20 $10/5粒燒賣，以太子區黎講價錢都可以接受，燒賣俾好高分👍🏼好香魚肉味仲要係彈牙既，流轉量好快，唔會蒸太耐，好味。。🥢魚肉碗仔翅 $25雙拼魚肉+ 碗仔翅，兩溝夠足料，魚肉偏硬身少少，碗仔翅底夠味，記得加啲醋，好惹味。

疫情咁耐，已經好耐冇去旺角街頭掃街，今日難得幾口子出嚟行吓，路經呢間小食店，就湊熱鬧比小朋友認識咩係香港傳統小食。佢似乎主打炸大腸，雖然我平時都唔係特別喜歡，不過都叫串黎試吓，外皮都炸得夠脆，$16有切開五舊一串。臭豆腐$10一磚，老實講就唔係好臭，不過都外面都炸得夠脆身，加埋甜醬辣醬都OK嘅。另外有碗仔翅同埋生菜魚肉， $22一碗，都幾大碗，魚肉好多，碗仔翅唔記得落醋，感覺淡咗啲。掃街當然唔少得咖喱魚蛋同燒賣，魚蛋係細細粒嗰款，燒賣都幾好食，再加咗墨魚、牛柏葉和牛丸，都幾爽口彈牙，唔錯嘅。本身帶住小朋友掃街就唔係太方便，點知呢度咁岩隔離有個公共空間仲有枱櫈可以坐低，有別有一番風味。

今日去了金魚街買龜糧，再去始創買電腦用品，離開後見到這間新開的小食店，有我至愛的臭豆腐及炸大腸，即刻買了一些小食返去同屋企人分享。臭豆腐炸至金黃香脆，臭豆腐獨特香味，外脆內滑。炸大腸大腸香脆略有咬口，而且洗得很乾淨。墨魚、水魷魚、牛柏葉墨魚彈牙、水魷魚爽脆、牛柏葉爽口。碗仔翅翅湯有很香麻油及醋香。生菜魚肉魚肉份量很多，十分爽滑，生菜爽脆，麻油香及胡椒粉味重。燒賣魚蛋雙拼燒賣爽口不會太粉、魚蛋彈牙。

👩🏻出咗院日日都係cheat day😈。本身只係打算買啲小食加餸+做宵夜，點知食到冇食到正餐🤡。比較推薦以下幾樣：🔸炸大腸（$16）香脆又有啲咬口。處理得好所以冇異味，但加埋甜醬就更好味。🔸臭豆腐（$10）老公未食過臭豆腐覺得勁臭，但我覺得同細細個喺牛下/旺角食嘅比真係碎料🤫。外脆內軟，入口陣陣香味😍。一件唔夠喉😖。🔸生菜魚肉（$22）魚肉大大嚿，份量又多。有魚肉甜味又有蔥嘅香味。生菜幾靚幾新鮮。🔸牛丸（$16）一串有4大粒好滿足。牛肉味唔算好重，👫反而幾鐘意佢有啲豬肉甜味，有少少筋同埋幾彈牙。📍多寶美食 (太子)太子水渠道30-32A號美星樓地下10號舖

小學生涯最後一課補習後👦🏻第一次「掃街」去「掃街」是香港人🇭🇰對惠顧街頭小食的獨有叫法因為以前的街頭小食都是木頭車、走鬼檔（就是無牌小販那種）😬通常都會幾輛、甚至十幾輛木頭車在某個街頭巷尾營業😋食客惠顧時也就可以一口氣吃齊各款小食🍡🫔🥣故此稱為「掃街」現在的小食店都是有實體門店、有牌照的了今天的這家「多寶美食」比很多同類店家都企理乾淨👍🏻感覺不錯😊生菜魚肉 $22✨魚肉超多，菜略少✨湯底不算太鹹✨感覺超抵食碗仔翅 $22✨肉絲頗多，很足料✨店員有細心查詢是否要醋和其它調味料✨Jon仔👦🏻大愛碗仔翅，一個人獨佔全碗😋燒賣魚蛋雙併 $20✨價格和份量跟買燒賣和魚蛋各一串是相同的✨只是用竹籤和用碗的區別各款串串是$10-16不等✨我們試了墨魚、魷魚和牛栢葉，汁料味道不錯

收工肚餓唔知食乜好，好想掃街！金魚街尾新開咗檔小食❤️唔執輸掃返堆慢慢歎😎炸大腸❣️食過有啲串好晒再返炸，呢度即切之餘，仲要厚切！非常酥脆！忍唔住即場食咗先🤣臭豆腐❣️大大件！熱辣辣！外脆內軟！非常臭🤪牛栢業、魷魚爽口、墨魚夠粗、牛丸彈牙，放埋一齊加上秘製醬汁，好有街頭小食風味☺️而家買少見少🥲生菜魚肉❣️好鍾意食呢種魚肉，曾經試過自己整但失敗😂魚肉多到食極仲有咁，成兜滿滿的，食返夠本，滿足晒☺️下次經過一定要encore😎😎

今日天氣真係好熱熱到溶左了，個人好肚餓但又冇咩胃口，喺油麻地按摩完就去花園街睇下有咩好西食行行下見到呢間多寶美食就試吓，我本身就諗住食生菜魚肉同臭豆腐，店員推介我試埋炸大腸好啦，大腸我都好鍾意食💕喺等野食嘅時候，就同店員吹下水，原來佢地喺廟街做左十幾年，而家搬左來花園街呢邊，即係歷史悠久👍🏻信心嘅保證炸豆腐大大舊，外脆內軟我配埋甜醬來食，一流炸大腸又係炸到脆卜卜，厚切，我最鍾意點埋黃芥末一齊食生菜魚肉，個湯底清得來好夠味，魚肉勁多好彈牙，生菜份量適中，我加左少少麻油同胡椒粉一齊食天氣真係太熱啦所以我加左支津路烏龍茶飲，都係加$8咋，呢間鋪頭啲野真係又平又抵食行過花園街大家記得試吓

之前係佐敦嘅多寶，近期搬咗去太子，舊嗅豆腐原扯⋯好耐冇試過，今日專程去拜訪，嗅豆腐$10，唔係好嗅可能怕附近街坊投訴，嗅豆腐一定要配好嘅豆板醬，可惜呢個真敗筆，死喊一D都辣味，兩者合併食完可能要洗腎⋯炸大腸$16，可能係脹頭關係，又細又窄，而且炸得有D over 咗，好硬又乾，以前係佐敦我經常專程去食，真係好失望呢⋯見到有水魷魚$13，又買串試吓啦，原全入唔到味，咖喱汁黑萌萌睇到已經感覺不妙，食落去同估計一樣，回頭指數應該係零⋯

前兩日買左件衫唔岩著，諗住返工前去換，於是去左始創嗰頭🚶🏻‍♀️見到呢間新開小食店😋好多人幫襯，於是停低叫左幾款小食，我買左兩件臭豆腐、燒賣魚蛋雙拼、兩串墨魚🦑、一串牛柏葉、一串炸大腸、一串水魷魚同一碗生菜魚肉🥬順便預埋同事☺️ 佢哋既生菜魚肉份量頗多，食極都仲有👍魚蛋都係用我最鍾意嘅陳皮魚蛋😍😍加埋佢地既醬汁，勁好食😋記得以前街邊小食旺角百老滙就最集中同出名，好多遊客都慕名而去！而家又多一個選擇🥳佢地間舖好易搵，行到去金魚街尾就係🤭

今日同朋友行行見到間👀多寶懷舊街頭小食一去到老板好親切和友善介紹店內小食🤝朋友提議買d小食試下😄買咗d炸豬大腸,馳名臭豆腐🤗墨魚🐙魷魚🦑碗仔翅,生菜魚肉🐟，魚蛋燒賣🍢，牛柏葉生根,牛丸,貢丸,加埋飲品,炸豬大腸好爽脆😃臭豆腐好有風味👍🏻墨魚同魷魚好爽好好食🥰碗仔翅好足料😍生菜魚肉冇骨湯底好正👍🏻一碗雜錦咖喱魚蛋燒賣,牛柏葉,生根,牛丸,貢丸，好有懷舊街頭小食feel😍😍加埋咖喱醬汁好夾👍🏻👍🏻👍🏻中意食街頭小食嘅你就要黎試下😄

香港獨特既傳統美食不少得街頭小食🍢今日響旺角花園街行完街👢，經過多寶美食被佢既臭豆腐🥠同炸大腸既味道吸引住✨就買左d美味既街頭小食回味一下。😋小食店主打有傳統既碗仔翅、🫕魚肉湯、魚蛋燒賣🍡、炸大腸🍢同臭豆腐，仲有其他小食。🍘最吸引我既炸大腸炸得香脆🍢裡面帶丁點肥，加埋甜醬汁✨非常香口好味，而臭豆腐既臭味唔算強勁😜外皮炸得鬆脆，加埋豆辦醬剛剛好👍🏻而其他小食都保持到傳統街頭小食既口味✨十分不錯。👍🏻

之前廟街做左10幾年，原來以家搬左黎太子呢d充滿香港特色既街頭小食真係食極都唔會厭！位置就係之前太子臭豆腐，金魚街街頭老闆同店員好熱心推介，好有禮貌天氣咁熱仲保持到咁好態度真係唔容易呀👍🏻炸大腸香脆而且唔會有好濃既內臟味墨魚🦑唔係一般凍食 係熱食浸左秘製醬汁入味又爽口彈牙牛丸魚蛋有魚味又重咖哩味，正呀燒賣似係好食既金龍☺️水魷岩岩好，唔過火齋小食店既素食之選臭豆腐非常臭外脆內軟牛栢葉都係好爽脆🥹好好食總結黎講野食又平又好食