多美餐廳

营业中

休息中

呢間茶餐廳坐落於我公司樓下附近，徒步行過去都係5分鐘路程，屬於舊式茶餐廳，雖然歷史比較耐，但食物質素一向有保證！好似我經常叫既雙拼燒味飯，燒肉皮脆肉嫩，油雞入味肉滑，另外薑蓉同豉油汁都係自己想落幾多都得，真係比起其他餐廳好味又抵食好多，值得推介比其他foodie試試

在柴灣工廠區內，除了工廠飯堂外，原來也有商貿大廈。這次來到8號廣場的多美餐廳，內裡是茶餐廳格局，但運作方式就似快餐店。流程是先看餐牌挑選食物，之後再到前台買票，再到中式 / 西式的候餐處等候。這裡的餐桌和椅子都是傳統中式的款式，令人聯想到這裡的中式燒味會較好味！我們一行數人分別點了燒肉飯和燒鴨飯，燒肉味美香口，而且份量足夠，性價比高。燒鴨飯更令人驚喜，除了美味外，師傅更給了燒鴨脾的切件 （聽說燒鴨脾的命中率偏高），進一步提高性價比！總體而言，這裡的性價比不足，而且藍領和白領都有光顧，算是工廠區內較齊整的一間店。

被公司派往柴灣工作體驗及交流，中午飯要找地方解決，正好讓我寫一寫工廠附近的食肆。在這商廈內，赫然發現這間頗大的美食中心，有碟頭飯，兩餸飯，燒臘，炒粉麵等。如大X樂般，先在入門口處先買票，拿到出品處交票，找位，拿著票尾等叫取。我選了時菜斑腩飯，即叫即煮，約八分鐘便有取，鑊氣夠，未吃已感到哪股熱氣，所謂斑腩是魚柳上粉炸，再打汁茨淋面便是，上面加放幾條菜心。「斑腩」如其他食肆一樣，不知會用哪一種魚，但大多數是龍脷，鯰魚之類，肉質和味道中規中矩，茨汁不太稠，顧客層面，大多是附近的勞工界，飯的份量算足夠。

今日上左柴灣工廠大廈樓上批發鋪入貨，就去左府近嘅多美餐廳吃早餐，買左粥粉麵套餐，可能太晏炒粉麵都沽清，只好轉食腸粉，自助醬汁，正合我心意，不過腸粉厚左d唔夠滑，柴魚花生豬骨粥，多料但就咸左d囉！

第一次來，好少機會０係工廠區食飯，０係多美食左豉椒排骨河同切雞飯！兩樣都好好食！尤其個豉椒排骨河好有獲氣！切雞都好滑 ！以而家既茶記/連鎖快餐店來講好耐冇食過呢個水準喇，而且仲係３０蚊有找，加埋野飲先３２蚊，出面真係冇幾可啦!

自從轉了新工後....多美便成為了我的飯堂了...最不喜歡就是買他的炒粉面...附近的工業區....很多上班人士也會叫外賣/堂食...有時一等便要等20分鐘...價錢也不平啊....單一炒野也要$28..什麼都沒包呢....真係有點氣的 而我喜歡就是買他的外賣燒味飯...不用等..時間快....單一種就$25..雙併就$27..份量也很多...也可以接受啊!!

今日中午本來想過藍灣廣場買飯盒，不料，到樓下剛下雨，由於不想回公司取雨傘，唯有到此買飯盒。我選了星洲炒米，像我預期一樣好油兼無味，一d辣味都無。令我印象深刻係收銀亞姐，大家對答如下:-收銀亞姐: 食咩呀?俏露雲: 星洲炒米收銀亞姐: 係度食定走?俏露雲: 走呀!收銀亞姐: 下次早d講呀!俏露雲: 咁你下次早d問囉!收銀亞姐: 下次我唔問添呀!哈哈!收銀亞姐咁態度，真係笑死我! 仲點會有下次呀，我以後一定唔會再黎! 我寧願行多十分鐘過藍灣好過啦! 其實，上次趕時間買過一次三文治作早餐，已經覺得好難食。此店三文治竟然分兩種，在收銀處即買三文治$7一份，但唔知擺幾耐，好難食。亦可以付$10即做一份一樣三文治，較新鮮，我估味道應該好少少! 但我無興趣再試囉!

成日o係度等,等足五個鐘,痴線!食tea去也.叫個雞翼西多士,雞翼超古怪,超硬身之餘亦充滿醃料味道,完全唔掂.西多士ok,即叫即炸,但始終係超油膩之物,不宜多吃.附近冇野食,幫襯佢係一個無奈決定.

雁晝食飯,有快餐店格局,有比快餐店更差o既食物質素.叫個茄汁雜扒飯,雜扒有豬扒,雞中翼,腸仔同火腿.豬扒同雞中翼都係凍o既,硬掘掘,雞中翼仲有怪味,類似燒味部o既燒雞翼味,但佢表面上係炸o既,奇怪!個茄汁味道更怪,直頭係怪味,非筆墨所能形容.連飲品收$27係有點兒那個.

這店在工廠區，靠近小西灣運動場。昨天在這家自助茶記吃早餐。五寶丸米+齋啡五寶丸米：大大碗，有五大粒丸子，牛丸、白魚丸、貢丸和兩種墨丸。其中以墨丸最好，墨魚肉大粒又彈牙。這裡環境不錯，有落地大玻璃看街景。有點特別：店內的桌椅是中式，紅木椅+紅木鑲雲石。