夢工房西日料理 (已結業)

呢間放題未裝修之前已經有食過，裝修之後第一次嚟食，我同朋友都覺得食物質素有所提升，6點半前入座只需$168加一，就算係宵夜時段，8點半已經有得食仲要再平$10。特別係三文魚腩刺身，肉質細膩，魚腩非常新鮮肥厚，口感爽滑，嗌多幾round已經覺得抵翻哂，而墨魚片同甜蝦都算爽口。壽司方面特別要推介黑松露帶子壽司，可能個人比較鐘意食黑松露，所以超級鐘意食，兩者好夾，鐘意帶子質感滑再加上入口時充滿黑松露既味道，而且好少見到放題有咁既配搭。火炙左口魚邊壽司、火焰XO醬和牛壽司、北寄貝壽司都值得推介。左口魚邊入口即溶、和牛鮮嫩唔會"韌"，北寄貝爽口。個人認為其實火焰系列都值得一試，而其他壽司都正常味道無咩特別唔好。呢個係單骨雞翼，之前係香口炸既單骨雞翼，依家就變左呢隻好似燒雞咁既雞翼，但味道相當唔錯，咬落仲係新鮮熱辣辣，肉質鮮嫩多汁，非常惹味。至於黃金燒蠔同蒜香燒蠔黎講就覺得黃金好食d，可能因為比較鐘意溶入左既芝士。呢個手打漢堡扒，個汁非常惹味，有d黑椒調味，幾juicy，會偏鹹同重味少少，食一塊會覺得幾滿足。飲品有好多選擇，亦都有得飲酒。甜品都有好多，不過食到太飽無食到。裝修完感覺好新淨，好色彩，

D野尼唔足已經係最大問題，姐係你話我食唔哂浪費你大可以罰我錢，心甘命抵。食物質素都唔講了，見人見智，我就覺得一般般，係除左價錢平之外，都諗唔到有咩好了..........………

見full house以為可以1試有火鍋有日式放題, 想食熱嘢食凍嘢又得👍肥牛 - 有誠意, 上菜時每片仲係凍❄ 咬落唔韌, 有再encore👍火鍋 - 小型gas爐1口牛 - 醃料好香, 有encore👍蔬菜/蟹籽沙律 - 配搭穩陣👍烏冬x胡麻醬, 配搭OK但烏冬有D乾, 應該預早準備芝士焗雜菌 - 夠熱但咸左D壽司 / 拖羅 - 室溫😮蜆 / 蟹膏粥 - 暖雪條 - 多款, 有2個雪櫃仔有蛋糕仔上菜速度OK, D餸有黎齊👍枱有位置上菜 - 唔同侍應都丟D碟落枱, 有幾次被嚇到😱枱無位置上菜 - 侍應黑面🌚發生咩事?!俾二百幾蚊食飯要受氣😑

今天打算到葵芳廣場逛街，所以預訂了這放題。其實期望不高，因為在OpenRice看見價錢很划算。去到之後發現有很多選擇，而且餐廳的佈置很有特色，有很多機械人、美式設計、總之就令人煥然一新。放題跟貴錢價的也沒有太大分別，選擇一樣多，味道一樣好，唯一不同的是他的賣相比較平凡。今天腸胃不太好，所以我吃了很少刺身，看見他的火鍋也想吃，但是也是因為腸胃不太好所以沒有吃得太飽。甜蝦是我的必吃之選，比外面吃的還要肥美甘甜，讚！另外是燒𧐢，也是好好味，只是比較細隻。其餘的食物如燒物、炸物及火鍋類也是10分多元化，飲料選擇也多，我覺得最有趣的是我吃了一碗炮谷。這樣划算又不失選擇多又美味的日式放題，待我腸胃好些我必定再來。

這店食物的選擇挺多的，有炸物，燒烤，刺身，火鍋，甜品等等。夭婦羅幾好味，有炸蝦，炸番薯，炸茄子…炸蝦很彈牙，又香脆，很不錯。炸番薯很甜，而炸芋絲蝦很有特色，其他放題很少能吃到。刺身種類也不少，有三文魚，甜蝦，象拔蚌，螺，希靈魚，鮑片等等。各樣刺身都幾f新鮮，我比較喜歡吃甜蝦，肉質爽口，一點腥味也沒有，而且也不算細隻。象拔蚌也爽脆可囗，整體都不錯。香煎雞翼十分美味，外皮香脆，肉質嫩滑，而且不太油。羊架也煎得很香，肉質林滑，很惹味。其實這裏有很多火鍋生料，肉類和蔬菜都很多款，但實在太多東西吃，所以我沒有吃火鍋。我特別喜歡吃藍色的海塩雪糕，鹹鹹的，奶味很濃，十分好味。而綿綿冰也不錯，冰絲細滑，很冰涼，有牛奶味和芋頭味兩款。

早幾日同朋友去葵芳行街，買左戰利品之後，緊係要去食野啦！我地就黎到夢工房西日料理食野，首先我地叫左d壽司同手卷，分別有芥辣八爪魚手卷，三文魚，蟹籽沙律手卷，炸蝦反卷，重有中華沙律同新鮮波蘿，依d都係前菜啦，手卷size 剛剛好，材料新鮮，無論係壽司或是刺生，都好好味，而且食幾叫就叫幾多件，唔會浪費食物，食完再叫，完全符合我同朋友要求！之後我地叫左天婦羅，有大蝦天婦羅，芝士獅子狗天婦羅，蕃薯天婦羅，天婦羅好脆，粉又唔會好厚，食落好有口感，外脆內軟，所以我地食左好多件，加上又熟辣辣，更添口感！當然重有我最愛既場物，有薯絲蝦，日式炸餃子，紫心香芋丸，脆卜卜的，其中薯絲蝦脆得黎，重有濃濃薯仔味，我最愛呀！我好愛食面食，所以叫左個雞肉拉面，雞肉好新鮮同d面好彈牙，份量剛好，加多個印度薄餅，我選左咖喱味，食多幾件都重得呀！最後，當然唔少得甜品，有女士最愛既雪糕，雪條等。。重有好多飲料選擇架，我就食左綠茶同雪條，成餐夠哂豐富，好有滿足感！依到款式好多，真係好想食哂呀！😍😍

第一次呢到食放題 想不到會有意外收獲 價錢唔貴且食物質素平均都算高 性價比一流沙律吧有好多唔同種類既沙律選擇 好refreshing刺身有三文魚鮑片魷魚等 整體都算新鮮芝麻雞翼就係我係港式日本放題必食既主角 皮脆肉嫩 一咬開D肉汁會湧出黎 一個人都食左超多隻其他炸物如薯絲炸蝦 炸蠔新鮮炸起 炸蠔超juicy熟食如清酒煮蜆鮮甜美味出面亦有自律火鍋配料拎 選擇算多 岩哂食完壽司刺身想暖胃既朋友甜品亦有綿綿冰 海鹽味雪糕 出面更有唔同牌子既雪糕雪條拎 小朋友/中意食甜品既大朋友一定會好開心Generally來說絕對係值得一試!

今晚同朋友試下葵芳「夢工房西日料理」放題！這間放題地點方便，一出葵芳地鐵站步行幾步就到！一到巳見很多人，但我覺得這餐廳環境很不錯，有不同懷舊的特別擺設，坐位也很寬闊！這裡有好多選擇，有各式各樣刺身、壽司、料理、揚物、沙律、飲料、雪糕，還可以點火鍋料打邊爐，絕對媲美自助餐。刺身種類多，用冰盤上枱可以保持冰凍，而且肥美，鮮甜。而壽司同樣地種類很多，而特別值得一讚是拖羅壽司，拖羅不但肥美甘香，肉質也很好，值得推介！天婦羅也是種類很多，食落有香脆的口感，炸粉拿捏得宜！這個放題有兩款熟蠔提供！黃金燒蠔及蒜香燒蠔，雖然蠔比較細隻，但質感同份量很好，蠔面鋪上芝士同蒜，很香口，很惹味！

見食評中好評如潮，今日就過黎試一試。六點幾到，梗係唔多人，一坐低立刻剔剔剔。菜單選項都有好多，每樣叫D,就成台都係。欣賞食物嚟得快，都90%齊。另外每碟都細細份，所以唔會攪到食一，兩碟就飽囇。雖然價錢經濟，但都有蠔食，蠔就細咗D, 味道搭夠。唔駛$200位，又有咁多嘢食，真係算係咁。

以前經常過來葵芳，都沒有來過這間餐廳。反而現在少來葵芳，才來一試。今天下班時候過來，全場已超過90%座滿。這裡靠著地鐵站，位置非常方便。這裡比其他放題餐廳特別，火鍋應該算是他們其中一個主打款式。因為一進餐廳，已有一個很大的位置，是自助材料區，可選的東西也不少。小食/沙津菠蘿很新鮮，胡麻拌烏冬很適合夏天吃，很清新的感覺。刺身/壽司這裡可以選三文魚腩，現在不多放題餐廳有供應。天婦羅蟹棒是我的推薦，非常好吃。燒物首推雞軟骨，如果沒有記錯，我們點了超過8串，哈哈。飲料種類很多，連日本清酒都有提供。

回程路途中恰巧經過一間日式餐廳，它的名字非常熟悉，夢工場。 這家餐廳是以日式放題為主，有不少名人曾光顧過，大多數為電視劇藝人及近代歌手，門口牌旁邊更張貼不少餐牌及西餐著名品牌吸引客人。最值得欣賞的是內部牆上高處懸掛著多張關於日本著名卡通人物的劇照相片，如叮噹、龍珠、隱者龜、金剛等。中間部份則為其模型，每件的手藝也塑造得十分真實及細緻，一絲不苟。中間凸出位置的天花上吊掛了多個色彩不一的燈籠。坐下去看著它恍如進入宇宙世界做夢般著迷。 飲料及食物一個價錢2小時。種類包羅萬有，包括魚生、刺身生食;  炸天婦羅、貝殼、爐端串燒及甜點等熱食。遠較普通單點的便宜得多，每人只須約$200即可享受。 我們先點了一大盤雜錦魚生，它包括即日捕獲的活海鮮如蝦、元貝、脂肪及Omega 3豐富的三文魚、油甘魚、吞拿魚。他們的肉質細嫩及脂肪分佈平均及不膩，即使放在冰上沒有流失鹹水味道。還有季節及產量限定，平時售價高昂的象拔蚌，咬下去跟一條橡皮圈般彈性。每次只須約$100可無限品嚐多種海鮮，把海鮮的營養素全都發揮出來，絕對是健康之選。嚐過生食後，是時候叫熱食補充一下。本人點了一道泡菜豚肉鍋飯，麻辣湯底以豬骨精心熬製了

可能價錢問題，影響到食物質素！個人口味問題，三文魚有筋，麵豉湯難飮，也不祈望其它食物。除了焗蠔和汽水雪條外，其它感覺似下價貨！如果只是為填飽肚子也可以。註： 生日88折是優點！

朋友比較喜歡食放題，我比較喜歡飲酒，這間餐廳滿足我們喜好內裡裝修很遊樂場感覺，七彩鮮艷佈置令人賞心悅目平日來亦坐滿人，因為價錢真的很吸引，不用$185連加一就可以任飲飲食，除左好多無酒精飲品選擇外，竟然仲有啤酒，清酒，梅酒無限任飲，真係十分抵食物種類多到數不盡，我們二人不停order 都吃不完全部種類，連打邊爐都有得點，湯底仲可以有三種選擇，太正雖然是放題，但食物質素沒有馬虎，熟食種類上菜都是熱辣辣壽司，刺身亦很新鮮甜品亦很多選擇，連我最愛韓國蜜瓜雪條都有得吃我是酒鬼，可以飲任酒精，真是最最最抵

今晚得我同阿仔兩個食晚飯，見仲係暑假， 出區外覓食，食佢至愛嘅放題估唔到呢度裝修都唔錯，成個遊樂場咁， 入到去心情自然放鬆。天花有吊起氫氣球，周圍放滿figure，牆身同椅都好colorful🎉呢度係西日火鍋放題，我哋嘅策略係先食咗刺身同其他熟食，最後先上火鍋呢度有一大堆食物係傳統嘅畫紙仔，另外火鍋配料，飲品，甜品就係自助形式出去攞。 刺身都係任叫，種類繁多，新鮮甜美呢度嘅煎炸嘢相當唔錯燒三文魚頭骨，燒得好香。仲有大蝦天婦羅，松葉蟹棒天婦羅，炸漿薄薄地，熱辣辣出爐，呢幾樣我哋 都有encore. 榴槤炸彈，脆卜卜嘅波波包住裏面啲榴槤肉，榴槤味出曬嚟仲有叫壽司，羊架，雞翼，薄餅….. 食咗大概一個鐘左右，我哋就叫火鍋啦，揀咗蟹膏粥底，因為我哋兩個都好鍾意食蟹，仲有肥牛，海蜆，蔬菜，金菇…….打完邊爐嗰啖粥甜到呢最後梗係要食番杯雪糕，打返個完美句號先走。

今日去葵芳睇戲，未夠鐘又唔想行咁耐街，於是搵下附近有咩餐廳食下嘢消磨下時間。搵到呢度有放題，於是就黎試下。餐廳地點都好方便，葵芳站隔離，出口隔離上扶手電梯就到。一入門口就見到飲品同甜品，都好多款式選擇。去到個陣已經好多人,我地walk-in好彩仲有位,等左一陣就坐低咗啦。呢度食物款式都好多，刺身，壽司，手捲仲有串燒等等,上菜都好快唔需要等好耐。呢食物質素都好好，刺身壽司都好新鮮，其他食物嘅質素都好好，絕對無因為價錢而降低食物質素，值得一讚!!