夢工房西日料理 (已結業)

葵芳呢一間放題我食過無數次午餐或者晚餐都食過， 今次又有特別嘅日子又嚟食晚餐啦，一行三人食得好好味。講講刺身先，新鮮程度一般般啦， 壽司就好好味尤其火灼嗰啲真係好正，跟住就到羊架同焗蠔，焗蠔仲有兩種口味添，一種係黃金焗一種係蒜蓉焗，兩種口味我都鍾意好好味，小朋友更加鍾意呢啲味道， 燒羊架好入味炸蠔都好好味，炸得好夠脆，蝦天婦羅都好好味， 仲有芝士焗雜菌同埋蟹子沙律味道同質素都好好冇失望， 如果刺身能改善係新鮮D就更加完美 店內裝修好有現代感呢樣我都鍾意

今日同朋友行葵芳，發現有料理放題係MTR 附近，唔駛特登過去旺角食，價錢二百蚊唔駛，就入去試下。一開始即刻點左份刺身，三文魚，甜蝦，希靈魚必食。刺激都幾新鮮，而且來的份量都好快好足。 原來仲有限量的三文魚腩，可能太夜先食，三文魚腩無晒。如果下次再食，會提早返啲，因為我真係個三文魚愛好者。刺身食完，再食下壽司。三文魚壽司，花之戀，火灸芝士三文魚，和牛壽司，火灸鰻魚都不可以不試。壽司細細件，一啖一件，又唔多飯喂飽你，可以將所有都款式都可以試均晒。之後來左啲炸物，炸天婦羅，蒜蓉雞翼，脆香三文魚腩，雞軟骨串，呢啲都好值得推荐。炸天好香口，味道又唔差。清酒煮蜆，鮮甜好香的蜆肉，次次放題見到必點。翻見左3次，真係超喜歡食。芝士炸蠔同蒜蓉炸蠔，好濃香的芝士同蒜蓉味，各點一份，雖然好好食，但食多份會好飽好膩。等俾個肚試多啲唔同既野食。雖然好多不同種類的雪糕雪條同cake. 但因為太飽關係，無食到雪糕雪條，反而拎左杯啫喱同豆腐花食。因為好少見原裝的啫喱同豆腐花。最後，真係大住個肚，好滿足咁走，再去葵涌廣場行下消化下

今日本人帶著很開心的心情去食一餐放題 但係结果係嗰度啲食物上得很慢 而且漏單 食物質素有差 食嚟食去都係得啲火鍋配料 總言之就係食完想快啲走 其實我係睇完嗰個youtube去嘗試嘅 令我好失望 以後都唔會 再幫襯 我從未食過咁難食嘅放題 食完嘢收碗速度又慢

一個晚餐只需百多元可以任飲任食兩小時...超抵；而且食品種類多🈶️冷🈶️熱、🈶️生🈶️熟任君挑選，食品尚算美味...我個人十分喜歡薄薄的羊架，壽司🍣屬迷你版可吃多幾款，而朋友就喜愛炸榴槤球及榴槤雪條，飲料種類亦算🈶️多款選擇，系唯獨欠可樂汽水！此店裝潢別緻...啲椅及洗手間用貨櫃箱鐵版做！會推薦給朋友來試，自己亦食過翻尋味會再度光臨的。地點方便....葵芳🚇或巴士🚌到可到達；食夜左不怕🈚️車坐回家。

168放題加88蚊松葉蟹，蟹係幾好，其他食物質素半差半壞，不過不失。但有部分職員態度惡劣，吾係奢求有好好態度都吾應該用甘差個態度對客人呀??我地係黎消費食野，吾係欠左你喎，做份工做到甘悔氣就吾好做啦。貼錢受你氣咩，吾會有下次！！！

來到葵芳站，我們很久沒有吃放題。很久之前和朋友有來吃過夢工房西日料理，記得這裏有很多款色，各式各樣的食物，十分吸引。放題有西日式的美食，包括刺身，壽司，手卷，炸物，甜品，火鍋，肉扒，小食等等，包羅萬有，款式種類十分多。飲品是自助形式，竟然也有燒酒呢。主流飲品是茶，汽水，果汁。燒波羅十分清爽，汁多清甜。羊扒和牛扒值得一試，肉汁多。甜品方面，有不同味道的雪糕，也有芝士蛋糕，豆腐花，乳酪。三文魚刺身十分新鮮，其他生魚也不錯。

食媽我今日會去葵興做嘢，於是就約下食友一齊食個飯。記得上次有位好同事介紹放題，價錢抵！質素對得住個價錢，聽到就梗想開下眼介啦。位置好方便，葵興地鐵站一出。扶手電梯一上就係了。。以188蚊位嘅價錢食物選擇都唔算少。。有刺身，火鍋，壽司，小食區，甜品，雪糕等等⋯⋯刺身方面有三文魚、墨魚、鮑魚片、希靈魚、甜蝦、仲有象拔蚌等，整體嚟講都算新鮮。不同日子及時間，收費也不同，而且還可以加額無限任食生蠔及松葉蟹火鍋方面就有3種湯底選擇: 蟹粉粥、壽喜燒同豬骨湯。亦有個火鍋區任食，配料除咗肉類同菜類，仲有大蜆同蝦。有個專區提供醬料，麵食，炸魚皮等⋯⋯而且仲有生啤（想飲就通知職員為你服務，而且要18歲以上人士先可以接觸酒精飲料架！）仲有部爆谷機！可以滿足到小朋友嘅最佳設施仲有蠔食，有炸蠔、芝士焗蠔同蒜香燒蠔，蒜蓉焗反覺更香口，令蠔的香味更突出，我們再有添蒜蓉焗蠔，絕對係回本!!大蝦沙律，蝦雖不算很大，仍很有分量，口感新鮮，配合沙律一齊吃，仲有其他小食都相當不錯架！在這價錢唔算貴價，可以俾多少少錢就無限任食生蠔及松葉蟹，甜品種類又多款式，雖然唔係最高級或頂級的味道，但都好親民而合理，正所謂一分錢一分貨，個

今日放工難得同老公二人世界，近近哋去葵芳地鐵站隔離食放題。 一入餐廳，裝修感覺似韓式燒烤餐廳風格，座位尚算闊落， 感覺整潔。點餐方面選擇頗多， 有12種食物分類。刺身方面有12種選擇，當中我比較喜愛墨魚與象拔蚌， 墨魚口感黏黏的，我同老公都好鍾意， 另外象拔蚌非常新鮮。 唯一可以改善的是點餐數量與送餐不符， 所以我們叫了很多轉。壽司方面我最愛黑松露帶子壽司與炙燒左口魚邊壽司， 首先黑松露香口， 而左口魚用炙燒真係冇得輸。熟食方面同一般放題沒有什麼分別， 所以沒有特別影相。 反而呢度有得食火鍋，肥牛任叫，都幾特別。飲品選擇不多，種類普通，但驚喜位是有Hoegaarder Rosee。由於我平日用餐，價錢合宜，整體上都幾滿意。

一不離二，前兩天食完放題，屋企人又話想食放題。好呀，再找找食肆。岩岩想起，之前去過葵芳地鉄站附近的夢工房也不錯。都有一段時間冇去過葵芳，咁就去一趟。可能太耐冇嚟，裝修跟以前完全改過。而家喺玩味工業風，走年輕新潮風格。超多飲品、雪糕、雪條選擇。甜品選擇多的是，各式各樣任君選擇。死啦，選擇困難症又發作咯。仲有火鍋供應。火鍋湯底有三個 choice。豬骨湯底和壽喜燒底，仲有一個特別嘅蟹糕粥底。1-7位可免一個湯底，8人以上還可免2個湯底 Tim.大堂有好多火鋦配料提供。Sashimi 有象拔蚌同松葉蟹棒刺身、甜蝦、鮑魚片、玉子等等。壽司、燒物、天婦羅、手卷、串燒。太多林林種種食物選擇，滿足不同要求，這就是屋企人喜歡放題的原因。

今次不是第一次去這間夢工房,記得先前它們的裝修是比較粉色的裝潢,現在轉了工業風的形象！换了新氣象,環境擺設更見開放些,客人也吃來豪放輕鬆天花昇氣球装飾看來很吸晴！食放题就樣樣都要試下啦：首先吃刺身,第一迴忘形也忘了影相有多款刺身選擇,這個等二迴在叫八爪魚,象拔蚌,鮑魚片和 三文魚...炸物叫了天婦羅炸蝦和紫薯！炸漿調教很香口！我地叫了些八爪魚手捲,好味,我鍾意！燒物有羊架很惹味和芝士腸很香口！也有三文魚頭和多春魚也是我至愛！日式煮物-有洋葱燒汁煑牛肉,汁調教得很入味和牛肉很夾啊！還有芝士焗生壕,雖然中蠔的 size不大,但（芝士焗來没有過火,芝士提昇了蠔肉的鮮味）牛油焗粟米- 做下西瓜刨,刨下粟米粒,愈吃愈好味！後來又吃了Tiramisu和雪條作飯後甜品,開心又满足啊！

黎到夢工房，當然要試試壽司啦！呢間日本料理餐廳嘅壽司🍣款式特別多，有刺身亦有熟嘅壽司🍣！可以滿足食客唔同要求！另外，仲有燒粟米，雖然表面有D濃，但係味道香濃，入口時滲透出香噴噴嘅牛油味！呢個係蟹粥，好好味，真係有蟹肉，蟹子，配料十足，我地都叫左兩碗呀！燒汁牛肉真係要試一試，比得上吉野家嘅牛肉味道！入口軟林林，肉質一啲都唔煙韌！芝士焗豪應該係食客最受歡迎👏🏻有好多食客都棒埸架！刺身必食，色香味俱全！

今日約左朋友放工黎大吃一餐，為忙碌的日子加油。於是我哋就黎左一間主打放題既日式餐廳🍴呢間餐廳一直都有所聽聞，因為呢度嘅價錢好大眾化， $168就可以任食唔同嘅嘢食！🤗🤗生日仲有88折，一大班人一齊黎gathering 都係唔錯既選擇。首先，呢度嘅刺身都有好多選擇㗎！例如：三文魚刺身、墨魚片、希靈魚、鮑魚、立魚、八爪魚、象拔蚌、三文魚腩等等，三文魚刺身都好肥美😚😚而且仲係厚切，幾新鮮！另外，鮑魚片食落去仲甜甜地，薄切，唔會食落有渣，好爽口！甜蝦都好新鮮，食落去唔會有陣冰鮮嘅味道！👍🏻👍🏻另外，炸物方面都有好多款式，例如：炸生蠔、南瓜、番薯、松葉蟹棒、大蝦等，款式都好多！其中我精心推介大蝦天婦羅，真係拍得住出面六、七十碟嘅天婦羅🍤唔會落得太多粉，入面仍然好甜，外面個皮好脆、好薄！最正嘅係呢度仲有得打邊爐添！我哋揀咗壽喜燒湯底，好入味！隨便落冬菇、生菜、鮮蝦、金針菇都好入味，完全唔洗落其他配料，都好正！食刺身食到咁上下，有熱野食真係唔錯！😋😋仲叫左蒜蓉生蠔同芝士焗生蠔，呢兩款生蠔都係餐廳入邊嘅熱門食物。蒜蓉生蠔就唔使講啦，乜嘢食加蒜蓉都冇得輸，好香口！生蠔唔會話有腥味✋🏻✋🏻✋🏻其次，濃湯煮

一直以為葵芳只有葵芳廣場多好嘢食 原來葵芳廣場旁邊呢度有個小商場，入邊竟然有放題食 唔係朋友帶路真係唔知道添 $88就有午餐放題 個價錢真係幾吸引 加$48就可以升級有多啲嘢食揀。放題有嘅刺身 小食 炸物 壽司 火煱 雪糕 嘢飲 任你吃到飽火焰左口魚變壽司🍣充滿油香推介~~~估唔到放題都有左口魚邊食羊架不錯 追加左兩次肉質嫩滑非常JUICY呢度仲可以有個小小嘅鍋比你打邊爐打邊爐嘅材料選擇都不少嘢飲同埋雪糕選擇都好多總括嚟講覺得葵芳呢間夢工房係非常之抵食 種類選擇都算多 而且地方夠大唔使同人迫 值得一讚

食放題唔一定去旺角同尖沙咀嘅，原來葵芳都有一間，鄰近地鐵站附近的好爵中心商場，扶手梯上一層即刻揾到，價錢百幾元任食，平平地約埋朋友去試下。入去見到有火鍋配料區，食放題同時仲可以打邊爐，又真係幾特別喎。入座後每枱均有一棟食物點單紙，總數十三款，簡單清楚一目了然。刺身點咗三文魚 甜蝦 墨魚片 鮑魚片 玉子同埋松葉蟹棒，最愛三文魚，肉質肥美鮮甜，其餘整體質素尚算可以。壽司離不開三文魚北寄貝花之戀等大熱款式，樣樣細細件的的骰骰，咁樣反而仲好，食多幾件都唔怕會太飽。天婦羅同炸物做得幾好，最欣賞呢度的榴槤炸彈，每人每次限叫一粒，金黃色外皮香脆可口，外脆內軟好美味，一粒唔夠喉要點多一粒先滿足。仲有其他種類， 焗蠔 雞粥 燒羊架 串燒 拉麵 小食同沙律，食物款式應有盡有，呢度附近有唔少屋邨同屋苑，價錢大眾化相信會吸引好多街坊客棒場。雪糕選擇多多，最鍾意係Fruttatogelato波波球，一次過食齊幾隻味道正呀。

今晚－行６人來吃睌市放題，食物選類尚算多，有焗蠔、羊架、壽司、刺身、串燒、沙拉丶炸物等。但我印象最深刻就不記得了，因食物味道－般，而刺身、焗蠔等我們落了３次單廚房才收到。另外有火鍋料供選擇，飲品種類多，每人＄196價錢尚箅合理了！我認為此店適合大伙兒用餐！