夢工房西日料理 (已結業)

今日放假約左朋友去葵涌廣場行街，朋友住葵芳，行完街之後介紹我去呢間食放題。6:30前入座只係$168可以任飲任食兩個鐘，價錢好吸引。入到去裡面幾大，座位幾闊落，裝修幾特別，好有工業風味道。食物款式選擇非常多，刺身丶壽司丶手卷丶炸物丶火鍋丶串燒丶飯麵等等。估唔到d刺身仲好新鮮，特別係三文魚腩丶甜蝦入口鮮甜，完全無雪味。壽司雖然細細件，但又幾好味喎，食得出係即叫即整，唔會求其。熟食方面推介炸雞翼丶日式餃子🥟同榴槤炸彈火鍋配料仲有少量海鮮🦞，蔬菜自取任食仲有可以自取飲品，汽水丶無糖茶丶檸檬茶丶芒果汁丶蘆薈汁丶啤酒丶清酒丶梅酒，全部任飲，講得出嘅都有。仲未完喎，最後仲有甜品雪糕任你拎任你食，雪糕最少起碼有七八款選擇，雀巢雪糕杯，脆皮雪條，就連軟雪糕都有，花多眼亂，食到你唔想食呀。$168呢個價錢真係超級超值，食到捧住個肚走，放題黎講真心唔錯。

朋友話食過間放題幾好，約好行完街就過去食，入到去見到好多 Iron Man，裝修都幾型格。刺身叫咗甜蝦刺身、三文魚刺身、松葉蟹捧刺身、八爪魚刺身、玉子刺身、希靈魚刺身、象拔蚌刺身、墨魚片刺身，全部都好新鮮，當中甜蝦最正，有膏又鮮甜，我哋encore咗幾轉。黑松露帶子壽司食到香濃黑松露味，帶子都算厚身。中華沙律酸酸哋，好爽口。芝麻八爪魚好大隻，食落彈牙。鹽燒多春魚燒得香口，但啲魚春仍保留一粒粒爆開嘅感覺。鹽燒雞軟骨串夠爽脆。炭燒雞肉串好入味，有微微炭香味。紫心甜薯又軟又甜。牛油蒜蓉包有香濃嘅蒜蓉味，好惹味。羊架嘅肉質唔錯。手打漢堡扒同一口腸都正正常常，啱晒食肉獸。炸嘢最緊要夠熱同瀝乾油，餐廳呢2類食物都做到呢啲要求，真心好味呀! 薯絲蝦炸得夠脆，蝦肉彈牙。紫心香芋丸食到香芋泥，幾得意。吉烈蠔嘅蠔木味濃。軟骨餃子真係食到雞軟骨粒粒。蒜味單骨雞翼少少辣，好惹味。日式炸餃子夠香脆。天婦羅叫咗大蝦天婦羅、茄子天婦羅、南瓜天婦羅、松葉蟹捧天婦羅、芝士獅子狗天婦羅，粉漿薄脆，每款都好好味，芝士獅子狗比較特別，一咬開成嚿都係芝士，啱晒芝士控。蒜香燒蠔同黃金燒蠔比想像中出色，雖然唔係話好大隻，但食落一啲

一直都唔知葵芳有放題食，直到朋友帶我黎先發現呢度有間抵食放題。我地食既係午市放題，都只係$148一個人，比起出面其他同類型既店，性價比算高了。餐廳以工業風為主，裝潢好有特色，而且夠曬寬敞呢到既食物種類繁多，壽司、刺身、揚物、小食、串燒等都有，最勁係連火鍋都有，真係咩胃口都迎合到。而餐廳既自助區亦都好用心，即使係中午時間，都已經有各式各樣既蛋糕、甜品，飲品選擇都唔少，好多都係支裝。放題最重要一定係食物啦，以下呢五款料理都係高度推介大家試火焰XO醬和牛壽司︰和牛好細嫩，一啲都唔嚡，加埋XO醬其實幾特別。芝士牛油什菌︰什菌一向都係我既最愛，加埋牛油同芝士，好香濃。而其他既小食，例如炭燒雞肉串、鹽燒秋刀魚都係有水準之作蒜味單骨雞翼︰單骨超方便食用，而且炸得好酥脆，加埋蒜味，好香口蒜香燒蠔：蠔唔腥，好新鮮。加埋蒜都係比較惹味既配搭！刺身：食放題一定要點刺身啦，基本上刺身好食已經加好多分。而呢間既刺身都好有水準，我地點左三文魚、鮑魚片、甜蝦、甘鳥貝等刺身，味道鮮甜、色澤亮麗總括黎講，呢度既放題性價比高，食物選擇多，漏單少單既情況基本上都冇發生，值得一試

朋友生日，帶朋友去食放題，係葵芳地鐵站附近有一間夢工房，價錢平民之餘又低食。食物種類繁多，多元化。我同朋友一坐下，即刻點了一大盤壽司，餐廳壽司與其他壽司餐廳不同，有好多火焰系列的壽司，例如火焰三文魚壽司，火焰鳗魚壽司等。壽司黃金比例。食寶生冷野，食碗蟹粥，暖暖胃，香濃海蟹味，材料充足，非常入味，大小適中，不會太大碗，同朋友一人一碗。又有炸物，天婦羅，香脆可口，而且熱騰騰，夠新鮮。想少D暗瘡同怕喉嚨發炎，叫碗烏冬，烏冬非常入味，又材料豐富，份量適中。食完還有多款不同口味的甜品，好軟雪糕乳酪，這個玄米茶雪糕，有點苦澀滋味，但又充足甜味，好吃，令到我連吃兩杯

今日收工約了同事出葵芳新都會廣場行街，同事話想食放題，原本打算搭車出旺角，但又唔想走嚟走去，於是上網搜尋一下，發現附近有間食放題的夢工房西日料理，gogogo一於去試下。首先梗係食刺身，種類都幾多，除咗常見嘅三文魚 甜蝦 希靈魚 象拔蚌...等刺身之外，仲有少見嘅三文魚腩同甘鳥貝刺身，質素尚算新鮮。象拔蚌食落好爽口，甜蝦鮮甜美味， encore係常識吧。壽司都有好多選擇， 全部細細件容易入口，最欣賞黑松露帶子同花之戀壽司，夠晒新鮮味道唔錯。燒羊架出乎意料之外好味，沒有羊羶味，羊架燒至剛剛熟，入口軟嫩，加上醃醬甜中帶辣，香口惹味，抵讚。黃金燒蠔size大細不均，不過~芝士香味同蠔的鮮味配合得宜，水準唔錯。天婦羅做得出色，唔會太厚炸粉，熱食最好味。叉燒拉麵，肉片偏薄和肉味較淡，反而烏冬Q彈牙，加上湯底清甜不油膩，味道尚可。呢度仲提供好幾款前菜小食同沙律，例如芝麻八爪魚同螺肉，我們超鍾意食。百多元就食到咁多美食都不俗呀。

傳聞質素略低的「夢工房西日料理」，今天明知山有虎 偏向虎山行，跟朋友一起新身體驗真偽。雖然餐廳名為「西日料理」，但午巿套餐都是和食為主。最特別的是套餐會附送2杯飲品，對筆者來說有點多呢。50元的叉燒拉麵（另可選烏冬），除了有叉燒4片，還有蟹棒、海帶和粟米粒。豬骨湯底入口略咸，味精感有點重。叉燒厚身，肉質有點實；上面塗抹了燒汁，筆者個人覺得有一點奇怪。拉麵屬於一般貨色，尚算掛湯。但有一角麵餅還未煮鬆，有少許扣分。最後總結是江湖傳聞有點誇張了，質素並沒有傳說中的低。

喜愛放題的朋友再次邀約去吃放題, 他說找到一間超值的放題。 因我晚上沒空, 只能午餐時間才可跟他一起去。 此食肆地點非常便利, 就在葵芳港鐵站附近。午市放題2小時每位$88, 多付$48可有升級食品(刺身丶揚物丶甜品丶鐵板燒丶火鍋丶酒類), 很花算呢。店內以紅磚牆和水泥牆作主要內部分隔。 裝飾品遍佈四周的牆身和間隔牆上, 有很多更是近年紅遍世界的超級英雄, 玩味十足。點菜單分為兩大本, 食品種類多, 有刺身丶壽司丶手卷/卷物丶小食/沙津丶鐵板燒丶揚物丶火鍋配料和食事/拉麵。 午市放題還有火鍋真的很少見。刺身和壽司新鮮, 刺身方面, 我較喜愛三文魚 丶象拔蚌和鮑魚片; 壽司方面是中拖羅和火焰XO醬和牛。鐵板燒的羊架丶西汵牛排和手打漢堡扒烹得剛好, 一口腸味道惹味 芝麻八爪魚大大只, 味道甜甜的。揚物就選了吉列蠔丶流心芝士蝦丸和薯絲蝦。 炸得表面脆口, 尤其是吉列蠔, 我們吃完再點。飲品種類非常多。 四個大雪櫃放滿不同種類的飲品, 另一個大雪櫃亦有來自不同國家的酒精類飲料。 此外, 在旁桌上還有清酒和梅酒。 天氣那麼熱, 看見如此多款雪糕和冰條可供選擇, 頓時心花怒放我們

夢工房日式放題裝修設計很有風格。小女給我預早慶祝父親節 🧔葵芳是個好的選擇地方， 和家人聚餐聊天，正！我最愛放題 & 火鍋，價格便宜， 而且食物品種多，加上這餐廳提供有多款啤酒🍻選擇，汽水、果汁更照顧到我的家人。 👍🏻首先點選了多種刺身三文魚、帶子、希靈魚、甜蝦、鮑魚片、象拔蚌、八爪魚等，全部新鮮清甜😋。 清酒煮蜆，清香肉滑。火鍋濃香豬骨湯底配料豐富：牛、豬、雞肉類，也有鮮蝦， 惹菌菇菜和豆腐，一晚品嚐日式放題和火鍋，真的過足癮🤣🤣。小女還點上幾款燒物給我座酒，燒三文魚、雞串、玉米、豬肉串等等，外表香濃燒烤味，內裏還保持鮮美肉汁。甜品奶凍、香芋海鹽雪糕 和 各式各樣雪糕，芝士蛋糕、和甜品更是我小女至愛😍。豐富、滿足、實惠、充滿歡樂氣氛的父親節 😆😆😆👍🏻。

自小葵芳長大，見正葵芳不斷變遷！有大型廣場、美食、酒樓和各式各樣食肆。餐廳裝修很有個性，以倉儲擺設作主題，坐位舒適，喜歡打卡必到。今日朋友過來葵芳找我吃飯，我當然推薦信心十足的 夢工房 日式放題、火鍋配料豐富、小食種類繁多，啤酒、汽水、甜品等任吃任喝！我們先以清楚種類餐紙選擇食物落單後，快而準送上美食，各式魚生刺身、壽司🍣、甜蝦新鮮美味。烤羊架、牛排、雞軟骨、雞翼用來送酒就最正。不停點餐和拼搏後，甜品也是不能少的環節！ 嘗一嘗爆谷機、海鹽雪糕🍦，清新香芋味道、乳酪、水果等美食。

都有一段冇時間冇黎夢工房西日料理食放題，最近黎開葵芳行街，星期六於是想食餐好的。menu 之前唔同左，多左d 野食，特別係火鍋放面，例牌當然有天蝦羅，燒物，炸物，小食，沙律壽司，等等。飲品係自助形式，任揀有咩飲，連酒都有架原來。叫左唔少刺身，三文魚，玉子，甜蝦，鮑魚片，希0魚，樣樣乜都有d, 都十分新鮮呀，而且冇雪味。叫左唔少炸物，炸蝦餅，紫心丸，薯絲蝦係好特別，食落似蝦丸，味道都唔錯。仲有沙律，枝豆，款色很多。甜品有唔少選擇，芝士蛋糕可以一食。

葵芳有間放題，諗住去試下，點知。。真係請都吾會食。難食到想嘔🤮D鹽燒多春魚係凍既🤬咖哩簿餅D咖哩凝固變左一舊野，好似💩咁🤬🤬梅酒凍蝦係其放係D酒度就叫梅酒凍蝦🤔仲要好似放係個乞衣兜到咁🙂火焰左口魚壽司完全冇燒過🤬點叫火焰🔥刺身又吾新鮮🙄放係一個咁既大碗度🙈真係未見過🙁最重要係D服務態度 有個瘦既年青人 好似我地殺左佢身邊既人咁😳黑口黑面冇禮貌 🤬好似吾識講野咁🤔係咪啞嫁?放D食物係檯度仲要勁大力🤬🤬咁吾想做吾好做啦年青人😪😪唯一比較好既就係雪條雪糕有多D款😛最好味既🙂因為吾洗廚師整😃總結 不可一不可再😆

今日同朋友一起去食好野點菜紙先食刺身壽司刺身都幾新鮮,甜蝦都好鮮甜好味魚刺身都好鮮甜好味,而壽司都OK既飲品櫃都幾多選擇,種類都算好多,有甜既有唔甜既,大家都可以拎岩自己飲的燒蠔都幾香口好香蠔味天婦羅-炸物唔會太油膩,脆漿都唔算好厚食下前菜,粥都正常OK既熟食肉類肉類都幾好食,D肉質素算幾好蕃薯仔都幾香甜.多春魚多春香口仲有火鍋火鍋種類非常多有好多粉麵選擇仲有菜類肉類等等可以滿足想食唔同野既朋友仔甜品時間連甜品雪條都有好多選擇,仲可以自己拉雪糕食

葵芳夢工房餐廳食物種類林林總總，主打日本料理及火鍋，可以食到咁多款食品，這個價錢也合理。餐廳環境裝修得很特別，色彩繽紛，營造了一個舒適的環境，座位寬闊，具足夠空間感。餐廳飲品是自助領取的，我們先叫了許多壽司，壽司種類很多，例如和牛，三文魚，帶子，甜蝦，八爪魚等等。壽司材料很新鮮，上菜時間也算快，落單也準確，服務值得欣賞。此外還有天婦羅及其他熟食食物，例如有芝士焗扇貝，炸生蠔。 食物也算新鮮，生蠔肉質鮮甜，加上芝士，令人感覺更開胃。

今日約咗係葵芳返工既朋友，佢推介去'夢工房西日料理'，話放題中佢食物多元化，好多食物選擇，我當然係樂於奉陪。我哋6:15去到，人未係好多,裝修好modern， 出面有四個裝汽水 、酒(任飲)嘅大雪櫃 ，仲有火鍋疏菜配料、醬油自己拎， 放題中都少見。嘩……見到點菜紙選擇都真係唔少喎， 我哋二話不說， 即刻點刺身、壽司先! 刺身我哋點咗三文魚腩，象拔蚌，甜蝦，壽司點了帶子、燒牛肉、虎蝦，整出品都好鮮甜。三文魚腩肥美，帶子壽司好新鮮，最值得再點!熟食方面，我首推黃金燒蠔，大大隻蠔，燒到很野味。另外天婦羅炸蠔及炸蝦，都很脆口。甜品方便，雪糕、雪條放滿2個大雪櫃，另外蛋糕都有好幾款選擇。 雪條我揀咗我至愛嘅榴槤味， 唔係周圍有得食，好正呀! 朋友揀咗椰子味，佢都話唔錯。 另外試咗個焦糖藍海鹽雪糕， 鹹鹹地味道好特別。餐廳實在太多選擇，食得太飽了，無試火鍋，下次一定要再嚟試埋火鍋。

我和朋友很久沒有食過放題了，所以對呢餐滿心期待。行入去，裝修都幾靚幾有心思。一坐下，當然是立即叫刺身了。本身見menu 上有三文魚腩刺身，很興奮地點了很多件，誰知已經賣完了，所以早點來食應該會更好。雖然沒有最想食的三文魚腩，但其他刺身都唔錯，甜蝦同埋普通三文魚刺身都叫了很多件，以呢個價錢來說都算新鮮。象拔蚌爽口彈牙。小食叫了中華沙律和蒜味螺肉。螺肉酸酸甜甜的，很開胃。鐵板燒試了羊架、西冷牛扒和一口腸。其他熱食叫了鹽燒雞軟骨串、燒三文魚、黃金燒蠔和瑞士雞翼。全部都燒得幾惹味。個瑞士雞翼我同朋友每人起碼都食咗6隻。最後當然到甜品了。呢到甜品款式不少，特別係雪糕。下面呢兩款唔多放題有，真係好好味，所以我一個人食晒兩條。每人207蚊食到咁飽都叫值！