大丈夫食堂 (已搬遷) 新店位置

早兩個星期連訪三家心儀食店都吃了閉門羹，最後唯有在附近隨便找點吃的，倒霉程度連我自己也嚇一跳。不過不到黃河心不息，今次出發前做好功課，避開了其公休日前往，晚上六時多等了約十分鐘便能入座，檯面坐位也闊落，小店來說坐得舒適。 吉列豬扒定食 $98 置在網架上的豬扒新鮮熱辣炸起，外皮鬆化卜卜脆，肉質鬆軟多汁帶肉香，吃著也沒膩感，驚喜出色。伴上的茶碗蒸亦不馬虎，蛋滑溜又有鰹魚香，討喜。 蔥粒吞拿魚腩定食 $108 吞拿魚腩肥美新鮮，份量慷慨，每一口都是豐盈的魚油滋味，加上甜甜脆脆的漬物，口感比想像中豐富。配上的麵豉湯有油揚、海帶等配料，呷一口暖暖胃同樣不錯。 小店可以免費添飯和沙律，吃得飽之餘又可減少造成不必要的浪費，加分。吃著吃著，實在滿足，心裡已默默盤算著要一訪再訪。

以為舊區無嘢好食？咁就錯喇，舊區一樣有好嘢食，仲要抵食！長沙灣區近排開咗好多新嘅日式餐廳，今次去尼間大丈夫食堂試下。鋪頭唔算大，坐滿哂，要等位。喺門口已經屬意要食佢個炸海鮮丼！一入到去即刻order🤤食物等咗一陣就到，成個定食咁，有前菜，麵豉湯，茶碗蒸，當然唔少得炸海鮮同飯啦。炸海鮮包括炸蝦，炸蠔同炸魚，三樣海鮮都熱辣辣。食落三樣都好新鮮，味道唔錯👍🏻唔夠喉呀！Btw,尼度飯同沙律係任添架👍🏻

📍🇭🇰 大丈夫食堂Dai Jou Bu Sho Ku Do.長沙灣有唔少食店，繼上次吃完呢間的另一款，今次等我繼續介紹埋另一款的主食先😋！店舖內座位較密集，坐得逼少少，如果想約朋友出來傾秘密就唔好留係到啦，隔離左右好易聽到你講野的內容！.🍱吉列海鮮定食｛HK$88}這個定食分別有吉列蝦、蠔、沙追魚，今次覺得炸吉列系列就較為普通，都係魚生好吃得多！而呢一set仲配有沙律菜、蒸水蛋、面豉湯、白飯還可以免費添加，真係吃得好飽！

📍🇭🇰 大丈夫食堂Dai Jou Bu Sho Ku Do.今次輪到發掘係長沙灣呢區的美食時間，原來呢頭都有唔少日本餐廳，放工肚餓，可以試下呢間，都有唔少日式菜式可以揀！至於環境方面，光線充足，引入幾幅簡單大型日本壁畫，但坐位就一般，吃完就好行啦，因為晚餐來講都多人等位！.🍱三文魚腩親子丼｛HK$103}三文魚腩厚切，有質感，油份分佈剛好，一set仲配有沙律菜、面豉湯，玉子燒，白飯和湯還可以免費添加，真係吃得好飽！

長沙灣一直都有平價餐廳都好吃的，只是你找不找到。今次我找到一間又是小巷，褔榮街真的有很多美食，今日介紹的是—大丈夫食堂七點平日門口已經有幾枱人等緊，我先拿飛，店舖規矩是兩人等位需要齊人入座，而三人以上要過半人數先入得。等10分鐘左右就有人離座，店員是跟著拎飛號碼叫飛的，確定未齊人，就會叫下一張。店員見我未齊人會先問我需要等幾多分鐘先齊人，先再叫下一張。非常貼心👍🏻👍🏻👍🏻，值得表揚。每叫一張都會問一問我，可能是只有我一個苦苦等待😢😢大約等了30分鐘，朋友先出發，我們都順利入座。店內眼見只有二十多個位，但等候時間並不耐，因為餐廳主要食丼飯，好多人都是食完就離座，平均客人的用餐時間都好快半小時至一小時左右。主餐是定食/丼飯，分別叫了兩個鰻魚丼，三文魚腩親子丼追加日式蒸蛋，還有數量限定的鹽燒三文魚頭。鰻魚丼除左鰻魚丼外，有沙律🥗，小菜應該是海帶絲，日式蒸蛋，日本定食必有的味噌湯。只要點丼物/定食，均可免費添飯和沙律。大胃口的人都不用怕不飽。沙律新鮮，番茄🍅爽脆👍🏻👍🏻，非常開胃。小菜小小咸伴飯一流。我喜歡先食伴菜再食主餐，再飲湯🥰日式蒸蛋口感細滑，蛋汁混合高湯和材料的精華，吃起來格外鮮甜，故

長沙灣呢間日本野晏就長期好長人龍 今日食過個吉列豬扒之後 就知排耐啲都抵吉列豬扒定食🍱配沙律 日式蒸蛋 漬物 麵豉湯配料好豐富 飯同沙律仲可以免費任添 真係幾大食都唔怕🐷吉列豬扒 大大塊 即叫即炸 一咬落去好酥脆 炸皮超薄 完全唔油膩 啲肉好冧冇乜筋 一啲都唔乾 唔洗點醬都咁好食🥗沙律菜新鮮 有好多芝麻醬 加幾多都得 🍳日式蒸蛋 好滑好多料雖然呢個晏就差唔多100蚊 但係呢個定食真係幾大份 好豐盛 仲要好高質 係難得一間日本野好想食多幾次

就係今日17/2星期日也是家庭日😜尋晚已決定今日去呢度食😁所以刻意早D去希望唔使等太耐喇🤗點知等既人唔多最後都等左20分鐘左右因為三人比較難🤔嘻嘻眼見裡面二人位有吖😅不過好彩好快有位😎味道一直以來都無變保持水準😉我哋叫左海鮮丼（正）😍蒸水蛋一直又滑又多料份量剛好👍😋沙律菜可以重覆免費添加我一直都沒有添加因為套餐上的已充裕😙今次去已調整價格😏當然明白的🙄值得推薦👍👏👍👏👍👏👍👏

推介呢間既炸雞定食， d 炸雞外脆內多汁， 又吾會油淋淋， 非一般港式既日本定食， 湯同茶碗蒸都熱辣辣， 吾會因為繁忙時段預先整好保暖👍👍而鯖魚定食一般都無難度， 但此店值得一讀既係佢地燒得外皮香脆， 絕對有誠意!

原本一直很支持及喜歡的一間店, 由最初開張已經一直幫襯到現在, 之前一般由戴眼鏡那有禮貌waiter(最有Heart 的waiter)安排入座及招待客人, 因為食物質素及口碑越來越好, 生意越來越多, 早前已經請多了人幫手,........可惜就出事了,一間餐廳的成功除了食物重要外, 員工的態度相信對客人來說也非常重要,  (雖然這間食堂食物質素仍可以保持水準)但是沒有客人希望去到一間食堂要面對一個這個黑面又沒有禮貌的waiter (尤其是之前一陣很支持這店, 感覺完美, 但就是因為佢而令食堂質素跌下, 令我也不想再去的感覺 >.<)希望食堂可以要求一下她對客人的態度必須改善, 加飯時令客人感到難受, 全程面黑外, 沒有應對, 放碗時的態度更令人難受, 介紹新上場食品予客人時, 完全是被迫狀態, 問多句面更黑, 令客人有點害怕也不感再問下去, 心想她完全無heart 又面黑又似被迫的態度亦完全對客人沒有禮貌的, 為何要在這完美日本食堂工作呢?  是否可以改善一下, 令食堂回覆以往, 令舊客尋回以往大丈夫食堂各方面完美回來呢!  寫這篇食評完全沒有敵意或攻擊性, 對那黑面

2018年最後一日，梗要食餐好慰勞下過去一年嘅辛勞，為2018年最後一個工作日落個完美句號！大丈夫係出名多人排嘅食店，試過係繁忙嘅lunch排左40分鐘先有位！但今次係好想食嘅心驅使下，早左十分鐘出嚟攞位！策略成功，等左10分鐘左右就有位！佢每個午餐定食都跟沙律、日式蒸蛋、漬物同麵豉湯，價錢由$58至$98不等，免加一！今次叫左壽司烏冬定食，品質依然！有5舊壽司，壽司都係啲常見嘅普通嘅，但係新鮮嘅，仲有我至愛嘅腐皮烏冬，腐皮係兩大塊架！份量都足夠，重點係佢只係$58咋！！絕對係抵食之選！同事仔就叫左個三文魚飯，有十塊三文魚蓋過晒啲飯，好豐富喔！呢個就貴少少，要$68！$68有魚生飯喎，勁抵！今日有個小插曲，日式蒸蛋製作機壞左，侍應姐姐逐枱逐枱問會唔會考慮轉玉子，蒸蛋可能要等好耐！其實佢可以一言堂一開始講今日餐單轉送玉子，佢都有考慮食客嘅意慾，都係值得讚！

離長沙灣港鐵站都有段距離，算這區日本定食中非常不錯的選擇，美味嘅，但選擇不太多，價錢不算貴，試了鰻魚飯 和 炸豬扒飯，兩項都很美味，鰻魚飯可以說比美很多大店，沙律和飯都可以免費再加，但唯一蒸雞蛋失手，廚師要改善，中間底部有很多水。但要注意店舖開門營業時間，得中午及晚上營業。

一諗起食刺身就去又經濟又實惠又乾淨環境又好第一次係食刺身飯簡直係豐富嘅便當第二次食吉列豬扒飯簡直外脆內軟好濕潤好好味物超所值第三次就食咗炸雞飯外脆內濕潤夠夠大大件今晚又去食咗海鮮雜錦刺身飯大大件原來飯同埋沙律都係可以再添嘅便當裏面有沙律前菜麵豉湯仲有美味嘅燉蛋最欣賞佢個便當裏面有蒸蛋好好味又唔會太鹹服務人員都好友善解釋今晚有啲乜嘢特別菜單而家都有外賣不過外賣就沒有蒸水蛋反而送玉子燒一句講曬物超所值攬住個肚離開吉列豬扒雖然好邪惡但係食過返尋味非常好味冇得訂枱只可在外排隊等候裏面空間唔係太多如果要嚟食真係要預早少少每次都好喜歡三文魚骹 每次一定叫兩客$20@有三件 超抵食囉無加一既

大丈夫 已經開左一段時間了 我地都幫襯左好幾次 鋪頭係行 簡單 日式風格 幾舒服食物質素 都算唔錯 CP 值幾高 🤣..南蠻雞 套餐佢既 雞件真係 炸得好食 脆口唔會 勁多炸粉 包住細細舊肉。是足料的！配埋佢個 sauce 真係好開胃的..男朋友點左 鰻魚飯定食HKD 88? 真係算抵食 相對 同區既 x x 樂 .呢個相對平 d 同 有 質素。鰻魚 唔會老同腥。 又無咩骨 又多燒汁撈飯🖖🏻份量都算大。 ..兩個定食都會跟 SALAD, MISO SOUP 同埋 日式燉蛋！算是cp 值高。 店舖keep 住有人 入黎食 😋👍🏾..長期支持既店舖之一

終於食到呢間傳說中星期六先嚟休息嘅大丈夫食堂😂 原來晚市係冇蒜漬三文魚丼，唯有叫佢地個招牌吉豬定食，又真係炸得幾鬆脆，而且肉質都唔會話好實，不過豬肉味就真係冇乜。當然冇得同貴成倍嘅porker或者丼吉比，但九十八蚊以小店嚟講其實都有啲小貴，唔係話唔好食但俾我會加多十零蚊食大戶屋開心啲囉。另外鰻魚飯就冇試到，不過目測都幾厚身嘅，反而最正係個南蠻炸雞，脆度剛好，肉質嫩滑，香口惹味，最緊要係個性價比係全餐最高嘛😂

聽朋友介紹左好耐呢間嘢，終於都有機會一試。因為啱啱去完九州，試左當地鰻魚丼之後真係回味左好耐。咁岩舊同事相約，就一齊去試食呢間嘢，又真係唔差wor！性價比都算較高嘅舖頭。對於一個超級熱愛蒲燒鰻魚嘅人黎講，知道有間咁正嘅嘢梗係要搵機會去試一試我今次就試食左呢個鰻魚丼入面有雜菜沙律，麵豉湯，蒸水蛋同埋最重要嘅大大塊鰻魚飯呀蒸水蛋有夠滑，同埋入面都有加左蟹柳；沙律係用醋取代沙律醬，感覺健康又會消滯；麵豉湯都好大碗，同埋最緊要貼近口味唔會太鹹，所以配菜我都覺得不過不失，做得幾好最後鰻魚飯嘅燒汁我覺得係做得幾好同埋都算貼近日本口味嘅至於鰻魚我都覺得好入味，好香好好食不過有樣嘢同日本嘅鰻魚相比較都係差左少少嘅就係鰻魚入面啲骨多左啲同埋食得出，可能燜嘅手法唔同掛不過呢，呢一個餐total唔使70蚊，所以我覺得性價比真係算高！所以有機會快啲去試下啦