大丈夫食堂 (已搬遷) 新店位置

今晚屋企冇住家飯食，一個人收工百無聊賴，就在附近行街，無意中經過哩間鋪，見到個鰻魚丼好吸引，就入去試下先，實物賣相都好吸引，食落鰻魚汁調較得好好味，但價錢有點貴，間唔中一次還可以。

人試我又試😂😂荔枝角收工行過去都差不多10分鐘，佢個店既位置都幾僻，而且定位係介乎荔枝角同長沙灣兩個地鐵站既中間點🤦🏼‍♀️好似我呢啲頂級路痴就少少野都要人地帶路既😂 好啦入返正題💁🏼‍♀️我見最近好多人都講緊呢間小店，據講個豬扒係無加過鬆肉粉去處理，而係師傅將佢拍拍拍，拍鬆到脹大1.5倍咁，難怪佢作為一個豬扒定食居然會比鰻魚丼稍貴一點，但係用心上我亦認為值得的，而且仲有一大賣點，就係定食既飯同沙律係可以無限追加，飯桶同沙律控就有福了😝（但我不是🤭） 佢一個定食之中，仲配上前菜木魚絲、一個湯和一份茶碗蒸！而貝兒我，就係比佢個茶碗蒸吸引到，我本身係超愛超愛食蒸蛋既，食親任何日本餐廳，佢有既話我就一定會食，無論係跟餐還是要單點都會食！ 我係第一次見到定食會包含左茶碗蒸，我好感動好滿足🤤🤤佢份量唔係大，但真係好滑溜！朋友仲話佢唔愛吃蛋，叫我幫佢😍願意願意哦😍😍 講返豬扒，果然係外脆內嫩既🐖👍🏻無炸到乾爭爭咁，而且炸粉同肉無話整到分開既，所有會失分既缺點都無乜！正！鰻魚就稍為普通左啲，但係佢配果個飯，就係一個紫菜飯，加些少鰻魚汁咁，係一個我好喜歡既味道☺️😛😛 最後一定一定要提下，刺身之中我既最愛！

公司附近有一間人氣小店，每天午飯時間都排滿了人在門口，一直都很想試。難得星期五，就排一排隊吧！星期五，人人都想外出吃飯，輕鬆一下，這次等了約35分鐘才能入座！ 一坐下，店員就奉上熱茶，我覺得茶杯很漂亮XD蒜香醬漬三文魚丼 $68原來三文魚丼，一半是正常三文魚刺身，一半是蒜香醬漬三文魚粒。分量很多，鋪滿了整碗丼，而且刺身都頗新鮮，真是超值選！ 吉列豬扒定食 $98 嘩！這塊吉列豬扒亦是分量十足！ 豬扒大塊之餘又厚身。 炸粉炸得剛剛好，鬆脆又不會油膩。 豬扒肉質夠鮮嫩，不錯！ 鰻魚飯 $88 有半條鰻魚，鰻魚厚身，不會乾，加上甜甜的鰻魚汁，拌飯一流。午餐附送的沙律和蒸蛋也很高質，整體都很不錯的一間小店！

簡簡單單日式食堂 環境地方整潔 食物水準新鮮足料 價錢合理 平常解決一餐半餐絕對推介之選 唯一冇酒牌 食日本餐冇酒確實係有點遺憾 店員服務態度爽掂快 絕對會再捧場 奸巴嗲 奸巴嗲 奸巴嗲

假日冇野做就碌下各平台，睇下有咩好食，今次挑選左位於長沙灣嘅大丈夫食堂，餐廳名字可愛易記。周圍係工廈，位置不算便利，但一講喺大中華隔離，應該都叮一聲，而且附近同類型食肆不多。紅日關係，過左兩點仍要等位，一場黎到，加上兩張枱，就俾啲耐性等下。餐廳位置不少，裝潢簡潔，淺木色枱櫈為主，同隔離枱有少許親密餐牌供應數款定食、丼物，例如燒鯖魚、吉列豬扒、鰻魚丼、魚生飯等，選擇唔算好多，定價$68-128，稱唔上十分便宜，不過定食附沙律、湯、漬物，仲可免費添飯及沙律，性價比亦不俗，包你食到飽飽。另有刺身、壽司、小食等，唔知係咪時間比較晏，部份定食貼上準備中嘅字樣，未有供應。飲料方面只有樽裝汽水，所以大部份人都係飲番熱茶火炙玉子壽司 $14、火炙蟹棒壽司 $16、三文魚壽司 $16壽司定價同連鎖店差唔多，火炙系列純粹個人喜好，幾鐘意玉子燒到軟腍腍蒜香草煮蜆 $38沙白仔無沙，雖然唔係大粒，但滑身多汁，兼超過廿粒，真係唔貴了眼見隔離枱嘅魚生丼份量唔係太多，擺喺長沙灣區有點小貴，我地最終點左兩份定食。會一次過將食物放於餐盤送上，感覺良好，起碼唔似一啲港式日本料理。吉列豬扒定食 $98定食附上湯、漬物、茶碗

和朋友到長沙灣附近走走, 到了晚餐時間, 走到大丈夫食堂! 長沙灣本來無日式店, 加上附近多左好多住宅, 所以日式店是好有巿場! 7:30左右到, 見門口已經有人等位, 但無得拎票, 原來係要入鋪面報數拎飛!!等了15分鐘左右, 選了吉列豬扒定食, 豬扒炸得剛剛好仲好juicy, 最驚炸到又乾又硬, 仲有碗日式蒸旦同湯, 好特色, 好飽好滿足!! 食飽見門口仲有好多人等位, 所以好快就結賬走人!返黎 睇openrice先知原來可以免費加飯! 雖然本身份量都好足夠, 但侍應都無提及過

餐廳比較細，7點去到啱啱滿座，咁就要等位啦，我喺門口向侍應示意咗2位，佢用手勢表示OK，之後有另一位客人過尼攞位，但侍應就比左飛佢地，咁我就向佢地查詢表示不解，雖然最後都解決到，但佢地既攞位方式真係冇乜系統，會造成混亂。三文魚親子丼三文魚腩幾大片同好肥美，三文魚子好飽滿而且味道幾好！至於湯、沙律、甜蛋都唔錯。炸海鮮丼有炸蠔炸蝦同炸魚三種海鮮。其中炸蠔同炸魚較好食。兩者炸得外脆內軟，唔會過乾。炸蝦就較一般，正常水準。定食包埋茶碗蒸。蛋夠滑，味道幾好，唯一不足係菇味太重，有少少喧賓奪主。餐廳可以任添飯同沙律，所以一定唔會唔夠飽😂侍應雖然係唔太醒目，但態度都幾好既，而且食物都幾抵食，所以都值得再幫襯。

聽朋友講係大中華附近開左間性價比高既日式餐廳～見星期五晚屋企冇飯食～放工黎個快食先～大丈夫食堂～7點鐘去到等左大約十分鐘先有得入座～鋪面一眼睇晒大約三十個位～等位果陣已經諗好食咩～一坐低就叫野食～好快野食就到喇～叫左個吉列豬扒定食同三文腩親子丼～吉列豬扒定食～塊豬扒炸得岩岩好～雖然未去到專食吉列果種餐廳既質素～但以佢$98一個定食黎講絕對超值～白飯一樣可以任加～仲有碗蒸蛋～明明食到好飽都食晒成杯蒸蛋～證明碗蒸蛋都👍👍三文腩親子丼～淨係睇相都睇到d腩有幾腩同d三文魚籽有幾大粒～$98真係超值～個沙律又係任加～好新鮮爽脆～配個沙律汁酸酸地好開胃～兩個人食到飽一飽咁走～埋單仲要冇加一～晚市食日本菜唔駛$200埋單～真係邊到搵～推介推介

聽講依間小店大排長龍，所以諗住9點去食就唔洗點排，去到見等3張檯應該幾個字入得啦，最後都等左9個字。因為得廿幾個位但又冇限時，所以有d人食完坐係度hea下傾下計，翻檯就慢d，想食要有心理準備喇。定食多數都一百蚊樓下，有漬物、茶碗蒸、麵豉湯仲有白飯同椰菜絲無限任添，非常抵食。吉列豬扒同南蠻炸雞都係外脆內軟，仲有肉汁，以依個價錢黎講係非常正呀！白飯係珍珠米，軟硬適中。椰菜絲清甜爽脆，配埋d沙津汁好解膩。

「大丈夫食堂」的名字大丈夫在日文漢字是「無事、無緊要」的意思，與男人大丈夫無關，放在食堂的名字上代表「吃得安心」的意思。店家開業只有幾個月，位於長沙灣天主教中學至聯邦廣場的一段福榮街，雖未及深水埗那一段熱鬧，但隔壁是「大中華飯店」，在高峰期大中華在福榮街及昌華街一帶有超過5個舖位，所以這街段每個晚上都會變得非常熱鬧。 大丈夫現時以8款日本定食套餐為主，價錢由HK$68-98不等，也有供應壽司刺身和小食，不設加一。店內地方不大，約有26個座位，裝修簡潔，牆上只掛了幾幅富日本色彩的畫作點綴，木色的傢俬，門面用上落地大玻璃，簡潔明亮，感覺也夠舒適。由於餐點價錢親民，所有定食都可以免費添飯及沙律，所以用膳時段店前經常企滿輪候人龍，大家在等位期間不妨先看看門口的餐牌，想好要吃什麼吧！ 大家在等位期間不妨先看看門口的餐牌，想好要吃什麼吧！ 凡定食套餐都可以免費添飯及沙律 (午市) 南蠻炸雞定食 HK$68 (附沙律、日式蒸蛋、漬物、麵豉湯) 餐具包括茶杯、木匙等極具日本風 ▲雞外皮炸得好鬆脆，內裡肉質仍然保持鮮嫩，亦不覺太肥膩 ▲免

這間小店已經係第2次專誠過黎食座位比較小要啲時間等位，所以第2次過黎會揀非繁忙時間(2pm後/6:30pm前)過黎食。吉列豬扒好抵食，份量大而且價錢又抵最正係可以無限添加沙律+白飯另外試左南蠻炸雞同鰻魚飯都好好味不過我都係最鍾意吉列豬扒所以極力推薦吉列豬扒

6點半前去到唔駛等，坐著就見出面企滿人，建議早d 去，唔駛等咁耐。另外，好滿意ge係，服務員唔會有種想賺多幾圍前而趕你走ge感覺呢知係我食ge饅魚飯，呢個應該係比較出名，好多人叫！饅魚不過不失，好肥美，饅魚汁都好味唔記得係吉列雞定豬，我鐘意個沙律醬呢個係吞拿魚飯，不過自己對生ge食物無咩感覺，不過我朋友就話好好味呢個我朋友上次來食過1次，佢覺得好味所以再叫，有d奶油味，味道好特別，我自己食就唔覺得有沙響入面，幾好最開心係佢飯同沙律任添，不過其實未添已經食得好飽

知道公司附近開左間日食小店，但次次經過都好多人等，所以一直都冇試過，到今日，同事話想食，最後決定照等！店舖其實都幾細，所以輪候時間長，特別係食飯時間就仲多人！等位期間就睇佢門口menu，諗定食乜入去可以即刻叫！我就揀左蒜香醬漬三文魚丼，個餐會包埋沙津、麵豉湯、蒸蛋同埋漬物！最後等左9個字終於入得！沙津個醬汁酸酸甜甜好開胃！啲菜就幾新鮮夠爽脆！至於個麵豉湯就正正常常冇咩特別，蒸蛋好嫩滑主角三文魚丼不得了，飯上面嘅三文魚分開左兩邊，一邊係醬漬三文魚粒，另一邊就係三文魚刺身！我食晒啲刺身，只用三文魚粒送飯，已經好好味！啲三文魚都好新鮮絕對有下次！

小店處於一個不起眼既位置6:15到達 已坐一半滿 幸不用等位約6:50便慢慢開始出現人龍必食鰻魚飯 開蓋 整整半條鰻魚蓋著飯鰻魚汁跟熱辣辣的紫菜及飯混在一起一個字 正！麵匙湯不會太咸飲完都不口渴豬扒飯定食 脆口又夠曬熱！熟食定食都包左上角的茶碗蒸碗很漂亮呢 蛋淡淡的味道也夠香另外，連飯都是好吃的！這裡還可以免費任添飯及沙律🥗這裡真是很有日本的感覺！下次必須再回來食刺身定食因為眼見旁邊的顧客碗中刺身都是新鮮又靚！

一位去食 好快有位地方企理 選擇唔多 所以出菜好快曼魚飯好食可以任添沙津白飯期待可以根據季節改變菜單增加人情味但今日得個妹妹做收銀加外場做死妹妹仔啦😂😂😂辛苦哂