大丸和風食堂 (已結業)

旺角呢啲旺區食日本料理唔會平大家都知，今日偶然比人發現左呢間平民價錢嘅日本嘢，仲唔試試佢？地方闊落，仲有大量卡座提供，都算坐得舒服。食物種類都幾多下，壽司、刺身、燒物、天婦羅、拉麵等等經典日本菜應有盡有，果然係五臟俱全海膽刺身一大板都係148，喺今時今日嘅香港地簡直不敢想像，加多兩隻78嘅室津生蠔就組成左我地嘅前菜刺身拼盤生蠔鮮嫩多汁，海膽新鮮，完全唔似係呢個價錢可以比到嘅。跟住就輪到燒物，燒鰻魚串，鰻魚汁惹味十足，肉質鮮美第一食呢個月見免治雞肉棒串，雞肉串點生蛋汁食，學到嘢仲幾好食添餐後甜品我地叫左個芝士蛋糕，唔好以為喺日本餐廳食芝士蛋糕就一定會中伏，呢度嘅芝士蛋糕拍得住出邊賣緊六七十蚊嘅甜品店，同呢間日本嘢一樣都係性價比極高

今日嚟到旺角女人街嘅大丸和風食堂，地鐵站行過去都係幾分鐘，非常方便，而且價錢非常親民，用好相宜嘅價錢就可以唔同嘅串燒、丼飯、一品料理，連刺身都有得食，選擇非常多😋因為想留quota食燒物同壽司，所以無叫到飯，叫咗個牛肉壽喜燒，但都只係$58！超抵食！另外壽司嘅款式非常之多，我就叫左一件燒左口魚壽司、黑松露帶子壽司、皇帝蟹棒壽司、鵝肝壽司同埋海膽軍艦😋😋😋樣樣都超水準，都只係十幾蚊，仲要唔係出面咁易食到嘅組合，性價比極高！特別係鵝肝壽司，雖然單價睇落好似好貴，$40，但一上見到大大件就知物有所值，而且真係燒得超！好！食！鐘意食鵝肝嘅朋友必點唔該！另外再叫左燒牛舌同燒原條魷魚，又係好出色！牛舌有咬口之餘唔會靭，落少少海鹽同黑椒已經無得輸，推介！魷魚就寫話係日本直送，當然要試！亦都係一啲都唔靭，就咁簡單燒汁已經好鮮味😋😋

與朋友飯局，友人想吃日本菜，港鐵旺角站D2出口，步行約3至4分鐘，交通非常方便。店內面積頗大，座位寬敞且很多都是卡位，室內裝修以簡約日式和風格調，樓底掛滿日式燈飾，牆上也有日本風情畫，店員禮貌推介是日適時美食。菜譜豐富種類很多，價錢相當平民化，日本菜式應有盡有，任客人自由配搭。魷魚壽司兩件$18, 熟蝦壽司兩件$18兩款食材都很新鮮，入口感到又鮮又甜，飯粒分明夠爽口，沾上日本豉油已覺美味。牛油果軟殼蟹卷$78卷內的軟殼蟹炸得脆脆，夾雜著爽甜青瓜，卷面一大塊厚切牛油果還有蟹子和沙律醬襯托，口感非常豐富又滿足。牛肉壽喜鍋$58鍋內有日式肥牛，肉質嫩滑，日本滑豆腐、金菇、京葱、冬菇、大白菜、芋絲、還有鍋中有隻鮮蛋，壽喜鍋湯調味很好，這個價錢相當抵食。燒鰻魚飯$98鰻魚燒至焦香，肉質嫩滑多汁，入口即化，混入燒汁的日本珍珠飯粒口感分明，味道極佳，分量足夠二人分享。

旺角日本菜 都好多，而這間不嬲都食開都唔錯，今次再嚟晚上平日九點，不太多人，叫咗4樣食物連加一$150/位，整體都保持到，坐大卡位舒服。鰻魚卷都幾大舊，喜歡醬汁不多，鰻魚大塊和有壽司醋壽司好食。豚肉泡菜鍋，泡菜混好偏辣幾香，豚肉和配菜不少，湯底都幾好飲。朋友最喜歡牛舌，所以見到就叫咗，鹽燒 厚切牛舌 ，驚喜好味，厚身程度都可以，牛舌幾香面帶點燒脆感而入面軟熟。天婦羅配蕎冷麵🍜天婦羅🍤炸得不錯不油身又新鮮，麵份量不少扁身口感可以，$88都抵食。

同朋友經過呢間日本餐廳好多次😆裝修闊落 乾淨同企理今日就同朋友試吓先加拿大海膽蟹子炒飯 $128😋😋Fried Rice with Crab Roe Canada Sea Urchin炒飯入邊有熟咗嘅海膽面頭亦都有新鮮海膽好滿足：）牛肉壽喜煱$58味道唔錯濃郁又唔會太甜牛肉都好滑性價比高底下有豆腐冬菇娃娃菜仲有芋絲👍🏼依家好多日式餐廳都有唔同類型嘅串燒呢一個月見免治雞軟骨棒$28加埋無菌蛋好食😋黑松露炸薯角 $38大大條份量好足 抵食而且黑松露醬味道都好香濃～特價壽司只係$9 ～ 1件火灸黑松露帶子🍣 + 火炙海膽醬赤蝦🍣飯握的唔錯 唔會鬆散一啖剛剛好人均消費大約$150性價比非常高而且環境舒適可以慢慢食

同朋友行開旺角想食日本嘢，係女人街搵下搵下，見到一間好有日本風味裝潢嘅日本店，見到價錢又唔係貴，所以就入去試下。見到每日都有特價嘅食品，所以都有啲吸引，入到去店員就安排二維碼畀我哋掃碼點餐，見到食物方面都有唔少，例如串燒，沙律，壽司等等都有。朋友分別嗌咗一啲前菜，壽司，主菜同埋小食試下。三文魚加州卷一碟有六件，六件大小適中，每一啖都係滿足感，卷物非常足料。尤其三文魚有一定厚度。除此之外，三文魚表面亦有蟹籽作點綴，飯卷內玉子、蟹柳同青瓜，十分足料。食材新鮮，口感豐富，味道非常濃郁，其實唔洗點豉油同芥末，味道已經非常鮮甜清爽豐富。火炙三色丼內有三文魚、帆立貝以及比目魚各三塊，全部加以火炙，配上一大碗珍珠米飯，份量充足，口感適中，而且食完真係有飽肚感。火炙後嘅三文魚焦香且油脂更突出，肉質鮮嫩，入口即融，比目魚就肥美爽口，啖啖焦香。帆立貝就燒至表面金黃色，大粒之餘仲晶瑩可口，鮮甜無比。另外叫咗一個天婦羅拉麵，天婦羅拉麵嘅拉麵都係軟硬度適中，而湯底就係用豬骨湯底，配上溫泉蛋，溫泉蛋都有流心嘅蛋黃。天婦羅都有唔同花款除咗有兩隻大蝦之外亦都有茄子南瓜等等令到食材更加多元化，而且佢哋嘅炸漿都係十分之薄

今日經過女人街，就同朋友決定喺呢度食飯。大丸日本料理，睇落去唔錯！三色卷，真係不錯，三色卷整體卷得好緊，好有口感，三色卷外有三種唔同嘅魚生，分別係三文魚、吞拿魚同埋帶子，每一種魚生都有唔同嘅味道，食落去好新鮮爽口。野菜鍋，湯底的味道好濃郁，有著蔬菜的清香味，非常開胃。裡面有著各種蔬菜，包括大白菜、豆腐、紅蘿蔔、洋蔥等等，吃落去十分清爽。非常健康既一道菜豬軟骨石頭鍋飯，豬軟骨肉質鮮嫩，入口即化。加上配上白飯係有飯焦的，就更加好味。黑蒜油大蝦拉麵，麵條煮得剛剛好，口感彈牙，很有嚼勁。湯頭非常香濃，黑蒜油的味道很特別，配上大蝦的鮮甜味道更加美味。整體來說，非常值得一試！綜合以上，大丸日本料理的食物質素非常高，每道菜都有其獨特的味道，而且份量十分足夠。食物質量絕對值回票價。如果你喜歡品嚐高質素的日本料理，大丸日本料理絕對是一個值得一試的地方！

黎到女人街，食肆琳琅滿目，係呀返唔知點樣選擇之下被大丸既和風裝修吸引，決定咗去食～ 內裡位置相當舒服，同隔離枱有一定距離之餘，又有軟墊梳化坐～火灸黑豚肉拉麵🍜麵條彈牙，叉燒質感唔錯、入味，糖心蛋流心程度💯雜錦天婦羅天婦羅種類豐富，有海蝦🦐、茄子🍆、南瓜、紫薯、冬菇、青椒🫑，滿足晒喜歡多元化種類天婦羅既我🤣 全部都炸得岩岩好又唔油😙明太子雞翼係成只雞翼連埋雞翼尖架～雞肉嫩滑，加埋明太子好香口～ I like 伴碟有沙律🥗食，平衡一下，仲比埋檸檬你去滴，加添清新既感覺😌和牛串燒和牛串每粒和牛粒之間都夾左塊洋蔥🧅，可以中和到肉類既膩感，加埋和牛肉既軟稔和豐富既調味，真不錯😋抹茶🍵拿鐵標準，飲得出奶和抹茶既比例剛剛好～

收工行陣女人街，走入呢間日式平民食堂，鋪面寬闊夠大，卡座坐得舒適，似居酒屋好岩同朋友嚟呢度傾計食飯😎菜單提供多樣選擇，新鮮的壽司、刺身、丼飯、串燒，佐酒小食等選擇好豐富👍🏻用QR Code 落單，我地見價錢親民，岩哂三心兩意我地左揀右揀幾款熱食小食🍡款款都想食下😋鹽燒厚切牛舌串 $68/2串串燒有驚喜😍燒得夠熱夠juicy🍢有跟手掌一樣厚的牛舌，看著就讓人垂涎欲滴，正!醬燒皇帝蟹棒$16 大大件蟹棒抵食😆    明太子雞翼 $48熱辣辣漲卜卜🍗燒得剛好食落夠脆夠飽滿，啖啖肉滿足呢😚黑松露薯條 $38日本料理有炸薯角，佐酒小食必點🍻黑蒜油蝦球拉麵$72蒜香撲鼻帶來香濃的味道🍜重口味之選!羽根餃子6隻 $48

🎀大丸和風食堂⭐三文魚加州卷⭐火焰三色卷⭐明太子雞翼⭐鵝肝壽司⭐豚肉生姜燒三文魚加州卷份量好多, 2個人share 一人3件都好有滿足感。三文魚有足夠魚油香, 配埋青瓜、玉子同蟹籽, 一啖有多種口感, 推薦！而火焰三色卷嘅卷物調味適中, 唔會太重口味, 3款入面最鐘意帶子, 燒到啱啱熟, 所以口感保持到微微軟嫩嘅感覺, 唔錯唔錯。鵝肝壽司基本上好多枱都會order, 油香十足, 外面烤到焦脆但係入面依然粉嫩, 連埋壽司飯一齊食中和埋個油脂感就啱啱好啦。Address:旺角通菜街75-77號地舖G/F, 75-77Tung Choi Street, Mong Kok港鐵旺角站 D2 出口, 步行約3分鐘

今日同朋友去咗旺角一間高質日本餐廳🍱大丸和風食堂日本料理餐廳一入到去已經覺得呢間餐廳環境好舒服，啲座位好闊落👍我哋兩個人都點咗幾多野🤩有角切魚生飯，火炙三色卷，鹽燒雞軟骨串燒，鹽燒冬菇串，帝王蟹棒壽司同黑松露帶子壽司🤤🔸角切魚生飯真係好足料，鋪滿晒唔同種類嘅魚生，三文魚吞拿魚蟹子嗰啲都有好多，其實食晒碗飯都已經好飽！🔸好欣賞佢啲壽司，特別係火炙三色卷🤩壽司表面燒到微香，面且上面舊魚生好鮮味，加埋啲微酸嘅醬汁真係好夾又開胃😋至於帝王蟹棒壽司同黑松露帶子壽司都好高質，舊蟹棒上面都有微微炙燒過，同埋有啲芝士味，食落覺得幾有層次；至於黑松露帶子壽司，上面啲黑松露都幾多，黑松露味好突出，而且同帶子一齊食真心好夾👍🔸 鹽燒雞軟骨串燒同鹽燒冬菇串都令我有驚喜，首先餐廳好貼心咁加埋啲壽司菜俾我地一齊食，令我地食完串燒都無咁滯，抵讚！兩件串燒上枱嘅時候都熱辣辣而且好香口，大滿足！

平日夜晚約朋友係旺角食飯比呢間餐牌吸引食物選擇多 圖片精美 有齊中英文店入面都幾大裝修走日本懷舊風我地被安排坐cart位 幾寬敞舒服Barcode落單 方便快捷叫左卷物 壽司 拉麵 甜品落單後 店員仲好貼心咁過黎叫甜品需唔需要後上上菜速度幾快 岩晒我唔鐘意等既人🐟鰻魚卷鰻魚覆蓋成舊飯有多，厚薄同調味適中飯卷包住蟹柳 青瓜 同蛋要擘大大個口先食得晒成舊，好滿足🥑牛油果軟殼蟹卷大大片牛油果覆蓋住成個卷飯卷包住炸得好脆既軟殼蟹驚訝牛油果份量多 同埋熟既程度岩岩好🍣呢間餐廳有本人鐘意既左口魚邊壽司因為唔係間間日本餐廳都有 當然要試下啦調味方面用左醬油七味燒 醬油七味幾惹味燒過既左口魚邊入口柔軟咬落又不失口感我 鐘 意🍜慢煮豬軟骨拉麵 配料中既溏心蛋豬軟骨同拉麵既質地都唔錯整體食物既賣相 質素同價錢都唔錯CP值高下次經旺角可以再encorePS Exit D3近

🇯🇵未有得去日本旅行，就喺香港食住日本嘢先！今日就同朋友去咗一間位於旺角嘅日本餐廳，舖頭裝修幾特別，座位都幾闊落，因為真係好肚餓，所以我哋即刻坐低就叫咗嘢食！🤭🦥我哋兩個人叫咗一份壽喜燒牛肉鍋配珍珠飯、滑蛋吉列豬扒飯、明太子雞翼、雜錦天婦羅、一杯菠蘿梳打同埋荔枝梳打。🐮壽喜燒牛肉鍋熱辣辣嘅牛肉鍋一送到過嚟香氣撲鼻，立即拎起筷子食返一啖先，牛肉肉質鮮嫩，唔會太韌，配上日本雞蛋加埋壽喜燒湯底，送飯一流！🐷滑蛋吉列豬扒飯豬扒外層香脆，內裏軟嫩，配上鮮甜嘅滑蛋，一啖肉一啖飯，簡直大滿足！🐔明太子雞翼雞皮脆卜卜，咬落好Juicy，有少少辣，不過要小心啲食，小心肉汁隨時爆出！🍤雜錦天婦羅呢份天婦羅有三隻蝦、南瓜、青椒、冬菇，咬落唔會太油，食落香脆，尤其天婦羅蝦肉質鮮嫩，食落好爽口！🦦大丸和風食堂 (旺角)旺角通菜街75-77號地舖

日式裝潢，係旺角通菜街咁多餐廳林立之下都幾吸睛👀🐷滑蛋吉列黑豚丼飯 $62每件豬扒炸到好香口，但豬扒肉質軟腍，配上滑蛋，吃起來又脆口又濕潤🐮鹽燒厚切牛舌串 $68/2串牛舌厚切，牛舌芯爽口嫩滑，中心位置最軟嫩，簡單配搭黑椒、鹽燒，爽口又juicy，正🐥炸雞軟骨粒 $48🍣壽司類點左以下幾款試火灸三色卷(帶子、三文魚、吞拿魚) $78壽司非常大件，加上火灸燒香過好惹味厚切三文魚壽司 $20帶子壽司 $32三文魚同帶子都好新鮮，厚切咬落去好有咬口，好處係個壽司飯好細件，岩晒我唔太想食飯既人📍大丸和風食堂🔎旺角通菜街75-77號地舖

我同兩朋友訂左位去食，6點到達不用等位，之前都會同老公人會比較多少少。今次同朋友叫左炸雞軟骨、蒲燒鰻魚飯、牛肉壽喜鍋、鹽燒日本手羽、牛油果軟殼蟹卷、鰻魚壽司*2和巨峰梳打。特別雞軟骨同蒲燒鰻魚飯好味，不過日本手羽比較乾味道都可接受。今次晚餐合共價碼$416，如果openrice訂位仲有折，平均每人$140，環境好適合同朋友聚會，體整食物都不錯。