大丸迴轉壽司 (已結業)

話說今日家姐遲左放工,搞到勁夜先食飯.係屋企附近兜左一陣,決定試下新野.呢度9時半後有20%off,又好似新裝修,無乜人,就上左去啦.開始睇menu既時候,發現勁少選擇.壽司款式少,熟食也少.最後叫左三文魚壽司x4碟,玉子,甜蝦,腐皮壽司,各1碟,加洲手卷&蕃茄沙律.先黎既係蕃茄沙律($25) 係一個大蕃茄切片,加少量椰菜和蟹籽個sauce係芝麻汁,但有少少washibi味.一見到唔係用蕃茄仔,我地就shock左,and食落去,又唔係好食.加洲手卷 ($12)真係唔好食,d飯係熱架!同明將無分別!d飯又散,個手卷又少toppings. 唔抵又唔好食三文魚($8),玉子($8),甜蝦($12),腐皮($8)壽司三文魚勁薄,又唔滑又唔鮮美,玉子都好薄,無甜美無口味甜蝦唔新鮮腐皮好難唔好食,但佢整得好難食,完全無味最重要係所有壽司飯都又散又稔又熱.食完之後,決定將呢度評為'一次過''真係試一次就夠!同樣既錢,我可以去買4個mcdonald餐最後2個人唔夠飽,去m記食多左麥樂雞餐 --

日日返工都經過嘅新壽司店，唔上去領一次野總係有D唔死心，樓上係宗教團體，未上到去已經傳來聖詩歌聲，餐廳唯有開大音樂鬥頂，煩!成個餐牌晒冷都係得幾味，之前已經有食評家提過有幾咁少，三文魚壽司刀功好，薄到好似一塊膠布貼上舊飯一樣，相信就係傳說中嘅日式燈影刺身，8蚊碟，相信係飯錢加上欣賞師傅刀功.....鰻魚壽司亦一樣薄到風吹得起，味道同新鮮程度冇意見，基本上我係睇到有舊魚喺上面，食落口似食白飯，唔多覺有其他野....清酒煮大蜆賣 $38，一碟7隻，平均一隻5蚊有多，計落仲貴過和民，雜錦天婦羅，唔脆，冇蛋香味，雪藏蝦，加上超薄蕃蕃，超薄南瓜，一蚊 size 咁大嘅冬菇，唉....最見得人嘅係蕃茄沙律同蟹子沙律，埋單兩條友三舊水，仲要跟手過隔離街食雲吞麵....最後係歡迎大家親身嚟體驗下我嘅感受.....

晚上一家三口出深水埗搵食,開車經過,呢間"大丸",反正未試過,就去試試吧~ 先行幾層裝修過的唐樓既樓梯,去到打開餐牌時,赫了一跳,食物選擇少,而且,除了五個不同價錢既迴轉壽司檯上既壽司叫做抵食的外($8 白碟,$12 ,$16 ,$20紅碟 , $35黑碟),本來想叫個炒飯或湯麵比囡囡食,因為小朋友不太適合吃生冷嘢的嘛,點知,湯麵冇,炒飯就只有兩款,分別係$88蚊既鰻魚炒飯及一款忘了名字的$128元既炒飯 ,最後,我呢D平民,當然不會叫囉,$88蚊碟鰻魚炒飯,比成條去炒都唔值囉,我才不會那麼"豪"呢~ 我們叫了十款食物,轉過頭又話有其中四款沒貨(連最普通既象拔蚌壽司,炸蝦天婦羅及餐牌有既"東昇班"壽司都話冇),選擇已經少的了,仲要想食乜冇乜,只有在出面迴轉檯再飯其它食物,唉~~~ 老實說句,呢間食肆,食物水準只是大路貨色,不屬水準之作,沒鮮味可言,因此,根本就唔值呢個價錢,早知就唔好貪好奇,去番附近的"三上"好過了~食完呢餐,埋單只是$320幾 (因為,我們叫了的只是普通的壽司),我同老公都食到面到黑埋,真係好失望~

繼上次食完之後今日行完街後就再上去食..今日唔使等位係樓下個板仲見到有黑夜壽司全部壽司都八折^^上到去店員都好好禮拜帶我同男友坐卡位今日叫左火炙三文魚壽司呢個真係好好味...原本我仲會以為燒過ge三文魚會好鞋..但食落去唔單止唔鞋..仲好似食緊三文魚腩咁ge口感另外食左個三文魚皮咬落去好似海"折"爽爽地咁 冇腥味當然有食呢到推介ge清酒煮蜆啦d蜆真係好大隻..好新鮮.份量岩岩好夠我同男朋友食^^值得推介ge係呢到ge芥辣八爪魚呢到ge八爪魚係青青地色大大舊個d唔似其他壽司店用紫色個d八爪魚.一d口感都冇老闆仲好好俾左張vip卡我地..店員個個ge 服務都好好..主動問我地有咩需要經常幫我地添水...下次會再黎~~

等位唔會太耐，因為都冇人...............呢間野開左冇耐，服務做得好好！完全係好到加零一，但係啲食物真係好唔掂！不論係壽司果舊魚生，還是最基本既飯都好有問題.........如果唔識「教」米水，真係唔好做壽司店咯..........海蝦天婦羅：海蝦唔新鮮，咬入口完全冇味，上面既沙律醬好似溝過水咁，好難食..........唔好講舊飯....太多米水的爛飯芥辣8爪魚：8爪魚好細粒，而且唔多，一味得啲芥汁，啲汁溝埋啲爛晒既飯入面，爛上加爛.......帶子粒：又霉又黃，好似咬緊香口交咁，同樣問題.........溝左水既沙律醬，再加埋果堆飯.....omg..........三文魚：如果連呢個都唔ok 的話可以執笠了，不過唔好意思，真係唔掂喎....... 仲衰過百佳果啲........全場唯一值得讚既係服務，個個店員都笑得好開心好甜，令你一入到去都好開心，不過食到啲咁既壽司.......我真係好唔開心咯...........埋單 80蚊左右，唔好話一分錢一分貨啊！行前2步既三上同埋佢對面街果間都好味得多，價錢，可能仲平過佢都真係bad listed 架la.....

返完教會走咗過哩深水埗，原因為幫公司落黃金買代用墨（苦差一件），所以，就順道搵咗住依區嘅表哥表嫂同埋見到我個惡樣先乖嘅表姪女食晏，因為表姪女都幾鍾意食壽司，以往好多時同佢哋一齊嘅話都會去黃金對面嘅金太郎，但見北河街附近開咗檔新嘢「大丸」，今次就改改哩依間新嘢試試。我都係石硤尾大，對深水埗區景物都有份感情。大丸晌幢新樓「富匯居」嘅一樓，佢前身係戰前舊樓，地鋪係「統一大葯行」，望落去好有歷史，轉眼就變咗，唔拆嘅話依家都可能成為古蹟呀！上到去，地方比想像中細，不過純白色人造石枱面，配粉紅色皮梳化椅，就確係幾搶眼。覺得最好坐會係近窗一排二人位，因為大大隻玻璃窗可以望晒成條元州街街景，感覺開揚；另一排近窗嘅四人卡位就比較窄，可能會無咁舒服；仲有一個「騎呢」死角U形五人位，望落有啲夾硬砌出哩。點都好，心水就係一定要揀坐迴轉壽司位，點解，下文自有分曉。大丸有咩食，簡單，一張半A4紙餐牌打晒出哩，49款壽司（每客兩件，價錢分別為$8、$12、$16、$20）、31款手卷（每件價錢分別為$8、$12、$16）、14款刺身、14款煎炸煮物、7款沙律小食，無咗拉麵烏冬…等飽肚嘢。唔好見佢有成幾十款壽司，好多

今日同朋友兩個去試新野一入門口覺得d裝修好令上到去 職員好有禮貌地帶我地去坐窗邊卡位坐位都幾闊落 坐得幾舒服叫左3碟3文魚壽司可能係即叫即整啦 要等一陣先有三文魚都幾大塊 同埋好新鮮d飯都幾特別 同出面個d有d唔同比較軟身d 幾好味另外叫左2碟特大帶子壽司帶子好鮮甜同真係幾大隻wo....特別想讚下清酒煮蜆同餃子呢到ge清酒蜆一d腥味雪味都冇職員同我地講話係用新鮮蜆煮ga wo咁3十幾蚊都幾抵食...同埋個餃子真係好好食入面d餡個味較得岩岩好 十個讚!!!!!!!overall黎講呢到都幾抵食同埋d野食好新鮮 會再黎食~~

今天來到這一間的迴轉店 在樓下等了一會 上到去看到店的裝修 感覺都ok舒服我同我個fd 坐左係bar台 見到好多好得意既(壽司)重有 d迷你壽司蛋糕<==好靚好得意吃左 一陣 d師傅 重同我地 介紹 壽司係d乜來 感覺d師傅好好 由其是有位穿白衫的 旭師傅 佢好詳細咁同我地講有乜好野吃 叫我地試下 重特意幫我做左 d特色壽司 同入左廚房做左d熟吃 給我們試下 之後 有個樓面既叔叔 同我們介紹佢好識講既 而且為人好風趣 之後講左一陣先看到佢係這一間店的樓面經理 佢同旭師傅 幫我們介紹左 店的 招牌野吃 餃子<==出面好少這樣好吃 皮簿裡面d菜同肉都配得好好 味道一流 (首選)酒煮蜆<== 湯 既味道剛好 帶出蜆既 鮮味 迷你壽司蛋糕<===又靘 而且d魚生 都好新鮮 見到師傅既心機!!(個人感覺重要係35蚊低吃到暴 XD ) 什錦天婦羅 也不錯重有D特色 壽司同反卷 吃完 之後 3人埋單 都係 $ 4XX 幾 到 唔錯唔錯 最後 只係 美中不足 既 係 樓面 好像得經理做到野 其他人好像都幫唔到手 呆呆地咁 重有D唔係穿制服既人係到唔知做乜 係到阻住哂 有

今日1家5口試下呢間新開的大丸迴轉~外面見到好靚好特別.就試ha la! 入到去裝修新潮好舒服, 店員帶我地坐去見到街景的邊KA位,邊食邊見到街景..感覺好舒服!試左個蟹籽番茄沙律,好味+好開Wai!AH妹愛食火炙, 試左帶子,三文, 同和牛火炙..^^..100分超好味壽司叫左特大帶子, 三文, 鰻魚, 同玻璃蝦..壽司味道唔錯+好新鮮爸爸叫左個大碗刺身...^^驚喜驚喜,100分好靚..用乾冰上的!但我忘記影相u.u!個海膽真係好好味+好新鮮!其餘都好味!店員介紹我地食gor個焗黃金帶子同餃子..一食, 全家都話掂!!我個人都覺得佢地的食物好好味+賣相氣明靚過板前同一!希望你地快D開dor D la^^100%支持再會去食^^服務不差, 有幾個店員+經理非常有禮貌!衛生,乾淨^^1家5口消費$500多左右..最後經理亦送4張vip卡..^^

我們一行四人…打算試下新開呢間壽司店…裝修都唔錯、坐得幾舒服、服務員好禮貌，本來唸住新開一定做得好好啦…點知…出事！d壽司係同區既壽司店之中…最最細舊的…比起旺角的monster還要細舊…都算了…星期日…七點半都未夠喎！大佬呀！乜都話賣晒？？樓下又冇通知！到我地坐底晒叫野食時…叫乜冇乜…連最基本既鰻魚、海膽、章紅壽司都話冇？？ok!…連秋刀魚又冇？？想點先？？本身個餐牌已經唔多選擇啦！睇住個迴轉位…轉下轉下的…都只剩一d卷物…最後我地四個都只係食左五六碟就走了…根本唔飽！連碟枝豆都…凍冰冰乜味都冇…咪玩我啦！乜鬼都賣晒就一早要通知樓下等上去既顧客啦…我地唔會再去了…反正…同區幾間又大舊又多選擇…唔使獨孤一味食壽司不過…唯一令我另眼相看的就係蟹籽沙律…唔係一般用的生菜…雖然我唔知係乜菜…不過我去親西餐廳都食到既菜沙律！好味！

食物款式小, 冇乜好選擇, 食完第一轉想再叫其他嘢食都揀唔落手, 唯有去維記食個豬膶麵!!!環境乾淨, 可能新開不久唔會太穢, 坐位太狹窄, D侍應行來行去會撞到我隻手, 招呼都算可以, 食物size太細, 我未見過三文魚壽司件三文魚又薄又細塊, 同三上好長個隻冇得比, 仲要加一服務費, 三上d嘢好食好多都冇收加一, 深水埗區嘅日本餐廳, 呢間最差, 保證冇下次, 不知所謂, 最後一蚊貼士都唔比!

早前就去試食一間新開都不夠一星期的日本野...點知一食就有驚喜..深水埗其實沒有甚麼好食的日本菜..之前好食的三上..家下都唔係好掂就打算試下新野LA~一上去..發現竟然要行兩層的樓梯..真係估佢唔到...而且間舖都唔算大..但係服務就好好LA~...由其是黃經理..可能剛開業不是有太多選擇..但係勝在食物質素好..真係好新鮮我本人係唔食魚的刺身..因為怕唔新鮮會好鯹..最後我屋企人都有叫到...佢地講到好好味,所以我都試左一片,又真係同出邊食既完全唔同,真係好新鮮..超怕魚鯹的我都食到..我屋企人就超鐘意大丸的海膽..而我就覺得佢地的壽司好好味..而且賣相仲靚過板前..我推介大家食帶子壽司,火炙三文魚壽司<---10個GOOD~一定要試試

難得大B肯出街食飯, 仲記得有間新開壽司店, 今日就高高興興去試試!!壽司由$8 ~ $20 不等, 雖然比出面的壽司SIZE細咗D, 款式也不是特別多, 但價錢平, 味道不差, 真係抵食, 最緊要唔使等位>.<

見佢新開張, 就去試下啦... 入到去,好靚~~ 坐去 car 位... 見到街景.. D 食物唔錯~~ 好食 ... 個經理好好人, 服務又好... 下次會再去食過... ^.^

食物ok唔差~但服務參差有d店員完全唔識招呼得一個男部長識得做野幫親過兩次~~第一次去叫野食~~個店員成日落錯單~~叫左兩碟三文魚壽司變左來一碟食物唔來又無人跟進~~除左最開頭有個經理問過一次後~之後食物唔來完全無人理~~再叫左4個手卷~~可以等左差不多30分鐘都無人理~~行過就算~~開工好似發夢咁食物落左order又無單比你睇~~要專登叫佢print先有~如果唔係完全唔知自己食左幾多~~埋單佢話幾多就幾多~~最離譜係第二次去果次起初好清楚咁對住個女店員面前指住個menu講要當時半價4元碟既赤貝壽司個女店員起初話無貨未有供應之後佢見到個壽司師傅擺赤貝壽司上台就話宜家有供應了~仲好主動咁問我要唔要 (原來到最後果d係活赤貝,一碟要$35)咁好啦~佢話有供應，咁我叫啦～前後叫左7碟，由頭到尾都好清楚話要”赤貝壽司”~~仲指埋個menu 原價8元赤貝壽司果項俾佢睇~~到最後都可以搞錯~~~埋單同我講要320幾元~就係話我一直食果d係活赤貝(當中有245元係活赤貝)~~我向經理投訴完先扣兩碟~~~講真我照俾7碟x 4元28元佢都無得唔接受因為我由頭到尾都係叫赤貝壽司~仲指埋俾佢睇~佢地搞錯無理