大兄冰室 (已結業)

下午茶：經典日本牛肉流心五重芝士漢堡 $58皇牌蕃茄濃湯：鴛鴦雞扒Set $76-牛肉流心芝士漢堡 芝士做到流心效果👍🏻呢個有少少驚喜 隱若少少芝士味 漢堡扒不過不失 呢度可以免費烘底 建議可以叫佢烘一烘個包會更好！-鴛鴦雞扒蕃茄湯螺絲粉 蕃茄湯底味道唔錯 有少少蕃茄肉係湯底！湯底叫左小辣 飲落口初頭係蕃茄味 之後辣味會慢慢出嚟！鴛鴦雞扒係香酥雞扒同香煎雞扒 香煎雞扒味道唔錯 香酥雞扒都炸得夠脆！-小食揀左炸花枝丸 見佢有加七味粉 唔係好食得出 不過花枝丸炸到外脆內軟口感唔錯😋檸茶同其他茶餐廳味道唔同 呢度有加青檸 凍檸茶叫少甜味道偏酸 飲落口幾開胃！-整體味道唔錯 門口見佢寫住外賣自取有85折 咁都幾抵食！

一間將傳統與時代感結合嘅冰室🍅香酥雞扒米線..............$76(套餐)濃厚嘅蕃茄濃湯配上滑嘟嘟嘅炒蛋每一啖都感受到濃濃蕃茄果然係餐廳嘅主打🍅瑞士雞翼......................(跟套餐4選1)瑞士汁好入味作為小食兩件岩岩好.🍅朱古力脆脆..................+$8平時好怕飲到啲好假嘅朱古力但呢個朱古力甜度岩岩好濃厚嘅朱古力加上脆脆口感特別岩晒女仔🍅經典牛肉芝士漢堡.......$58(單點)食得出係自家新鮮烘焙嘅手工麵包口感外脆內軟仲有好香嘅牛油蒜蓉香一啲都唔馬虎牛肉好juice加上焗香嘅芝士同磨菇食完喺口到停留估唔到冰室都做到呢個水準.🍅四季春奶蓋..................$17牛奶奶蓋+清新嘅四季春一甜一清中和食物嘅油膩感

今次去左試推薦嘅潛艇同埋蕃茄湯粉，呢間嘅地理位置好方便，喺眾安街上橋隔離嘅商場就係啦！ 身為一個咁鍾意食包嘅小編梗係要試食佢地嘅潛艇啦🤤本身小編唔係太喜歡芝麻，但係潛艇入面嘅芝麻令到成個包既味提升咗，呢間冰室唔單止好食而且都抵食，加上又有好多選擇，一開始仲以為一個潛艇再加迷你嘅蕃茄湯粉會唔夠飽，點知食淨四分一我已經覺得吾掂啦～要放鬆唞下先🤣 潛艇好足料，成個面層都係吞拿魚， 但係個人認為覺得蕃茄湯粉可以再濃啲，如果大家鍾意食淡味嘅，其實都已經足夠 但係小編係唔濃味唔滿足🤪 而另一份叫咗脆皮豬手加烏冬 再追加一份雞翼小食，最估唔到嘅係豬手竟然有三大舊而且味道都唔錯，好有咬口😲建議大家食番茄湯粉嘅時候可以叫麻辣，因為成個湯底嘅味道會更加升級同更濃味，唔食得辣嘅叫小辣都可以，飲品方面出面嘅百香果飲品都係偏甜，而呢間嘅甜度係啱啱好👍🏻唔會飲到糖尿病🤣而且味道一啲都唔會化學

今日終於食到去荃灣區啦！咁岩陪朋友去荃豐中心買野就順便睇下附近有冇好野食啦🤪·🌭 火焰芝士肉醬熱狗套餐 (HKD 65)熱狗可單點可叫套餐，我就轉套餐配左薯條食😙而想試辣嘅朋友仔亦可以轉辣肉醬！首先熱狗嘅賣相係100分！肉醬同芝士多到滿瀉🤤用火槍燒溶左嘅芝士，令味道食落更香口。外層用左軟綿綿嘅麵包，裡面就有惹味嘅秘製肉醬配脆皮法蘭克福腸，非常匹配！最驚喜係脆皮腸底下竟然加了生菜，配搭新鮮蕃茄，令整體感覺好清新👍🏼·🍔 經典日本牛肉流心五重芝士漢堡包 (HKD 58)朋友就加左$8配炒滑蛋+蒜香多士，漢堡包口感外脆內軟，食到有香濃嘅蒜香味。配料有牛肉漢堡、洋蔥、野菌、生菜和蕃茄，一咬落去d芝士流哂出黎，有多重口感😋牛肉肉質恰到好處，亦能鎖到肉汁！·🥛四季春奶蓋 (跟餐+ HKD 17)奶蓋特別之處係用左3.6牛乳製作而成，咸咸地配埋四季香，特別清新，岩哂配埋burger👍🏼·🍫朱古力脆脆 (跟餐+ HKD 8)朱古力飲落唔會好甜，最頂仲有朱古力脆脆同棉花糖，就好似食緊脆皮雪條嘅感覺，口感好特別！估唔到中心嘅小角落會食到咁好味嘅熱狗，真係有驚喜，下次會推介朋友黎試試😋

-【又多一間新冰室可以選擇🍗】難得放假就同朋友殺入荃灣搵好嘢食！路過見到呢間裝修咁潮既冰室，就即刻行咗入去試一試！·經典日本牛肉流心五重芝士漢堡包🍔個份量都真係幾大，絕對對得住個價錢！咬落去啲肉汁已經係曬隻手到流出黎，加埋入面五重芝士，實在太正太滿足！最重要既係，牛肉一啲都唔乾，十分推介！·火焰芝士肉醬熱狗🌭熱狗份量都係大大份，最有驚喜既係個味道好有層次，唔會只有肉醬既味道，熱狗腸香脆有口感 ！ 食完飽到夜晚添呀！·四季春奶蓋茶味同奶味各有春秋，入口有兩種層次！重點係奶蓋份量夠厚，重奶香味！·朱古力脆脆朋友點左呢杯朱古力脆脆，香滑香濃有口感！沒有越飲越淡的感覺！- 📍 大兄冰室地址：荃灣西樓角路136-168號荃豐中心地下A1鋪總結： 呢間冰室比到我好大嘅新鮮感，餐廳的食物確實不錯，尤其是漢堡包的確值得推薦！

突然間好想食漢堡， 經過荃灣搜尋一下，見到呢間新開嘅漢堡包， 好似幾吸引， 我哋叫咗一個豬柳漢堡和 牛肉漢堡 ，兩個都非常好味， 有肉汁香味， 口感剛剛好唔會好油膩， 而且麵包好大個，包上面有芝麻都幾香。 餐牌上見到熱狗都幾吸引 ^^下次想食埋佢個芝士熱狗， 叫咗一杯凍朱古力珍珠， 真係好好飲，入面有朱古力碎碎， 我係朱古力控，所以覺得非常好飲， 而且唔會太甜剛剛好 重點佢嘅薯條係粗薯條， 熱辣辣即炸出嚟架~ 薯角都要試我覺得薯角 比粗薯條更加好吃^^

還在放新年假的我，有時間周圍覓食，一個人最方便想食就食咩。原先都有留意呢間大兄冰室咁就去試下，因為平日加上2點打後人流唔算太多，但都有7成人入座。入座時間可以叫下午茶，但最後叫左個午餐😆吉列豬扒，雞翼滑蛋茄湯螺絲粉，涷啡少甜最快到當然是飲品，凍啡飲落第一口，同平時咖啡唔同，再望清楚個menu原來佢地咖啡係炭燒咖啡，好味等左一陣，主角來齊茄通粉好大碗，真心可以兩個人食，材料豐富，好多蕃茄肉湯底好濃加埋滑蛋，正!雞翼同豬扒都好食，仲配個千島汁，不過太酸，如果有得選擇改沙律或他他醬會較襯，整體全部都好味，我見仲有其他都想試，下次同多兩個朋友來再食多次。

一個舊式電子商場 竟然開左間都幾多選擇嘅冰室 有芝士肉醬熱狗、漢堡包、焗螺絲粉等🤪裝修新潮 啲燈好光猛 要讚下店鋪有將餐具先pack好一包包 好衛生💛.👉🏻吉列豬扒拼雞翼配螺絲粉茄湯有原味 芝士 辣味 今次試左原味先✌🏻餐廳將茄類同雜菜熬煮番茄湯八個鐘 所以湯底番茄味都幾濃郁 有啲似羅宋湯食到有滿滿嘅番茄蓉 甜味較出😗螺絲粉幾掛湯 但蛋唔夠滑••••••••🔸吉列豬扒拼雞翼雞翼醃料有用少量香茅 煎到幾香口入面肉質嫩滑 雞翼味道係比豬扒出色豬扒炸完出嚟食落口都唔會油膩調味偏淡 同埋肉質偏薄身—————大兄冰室 (荃灣)荃灣西樓角路136-168號荃豐中心地下A1號舖

黎到荃灣已經LUNCH TIME，路經呢度見到開左間新冰室，而且係FUSION冰室，中意試特別野既我又點會錯過!!😌由於DINNER做節，所以LUNCH唔想食太多，點左個包餐。日式芥未蟹籽吞拿魚潛艇 $42芝麻包鬆軟，有烘過，包面上D芝麻脆而香，包裡搽左牛油，夾住蕃茄，再配埋滿瀉既吞拿魚蓉，酸酸地既魚蓉食落開胃，整體味道唔錯，更令我諗起山崎麵包店既魚柳包，由於呢個味係童年味道，所以個人幾中意呢個配搭😊。而分量黎講，亦岩岩好。友人點左吉列豬扒拼雞翼蕃茄公仔麵 $52偏酸既蕃茄湯，配少少辣好惹味，再加埋熱溶芝士無得輸!! 😋公仔麵個分量好似有兩個麵餅，食極都有。😮但吉列豬扒好薄，而且炸到過哂火，硬掘掘，乾爭爭；雞翼比豬扒好。午餐包餐飲，友人杯凍檸茶幾特別，用上青檸，茶色淺D，但唔係友人杯茶；而我杯咖啡就中規中矩。我中意FUSION既食物，所以我對餐廳印象唔差，只係價錢唔算平🤔；而友人則表示麻麻，主因午餐全部都係粉、麵、包，中意食飯既佢表示選擇唔夠全面，加上食物以蕃茄為主，令一向唔太中意蕃茄既佢更覺得別無選擇🤔。其實各有所好，離開果陣剛到下午茶時間，門外早已有一堆捧場客。

今日(11-2-2021 Thur)年三十朝,我請假,但老公冇請,同佢食個早餐啦,由於佢想食沙爹牛肉麵,於是搵茶餐廳,欣榮咖啡已收爐,去光榮佢又太遠,於是嚟呢間,好記我上次嚟嘅經驗(食評係20年12月25日刊登:https://www.openrice.com/zh/hongkong/review/%E6%B7%B1%E8%89%B2-e3900086),我唔多嚟,奈何一係blue店嘅翠河,一係呢間,冇選擇.去到都有好多位,睇完menu,老公揀咗$37.00嘅A7飲熱檸水,我要$34.00嘅A3飲熱奶茶.落咗單等好耐,連遲過我哋嚟嘅客人都已經有得食,點解我哋未有?我望一望落單嗰個女人(應該又係上次落單嗰個老闆娘),佢由收銀位行過嚟,同我哋講咩機咩咩….你哋係咪要A7同A3?我哋答係.即係佢冇落到單,要等我哋想催嘅時候至醒覺?有冇攪錯?點做生意o架?由唔趕等到變趕.我想即走添呀.冇耐,兩杯嘢飲同我嘅早餐到嚟,再過一陣,老公嗰份都到嚟.熱奶茶濃淡適中;牛油蒜香多士夠味同脆;螺絲粉彈牙;但牛乳雞湯都幾重胡椒味;火腿雞肉腸係來貨,冇問題啦.老公要嘅係炒蛋,不過不失啦.而佢話沙爹牛肉麵都原正常冇

難得入去荃灣買野，順便睇下有咩好野食🤣網上search 到呢間，覺得好多款食物都好吸引！就try下先！餐廳環境幾新潮🤣現代同懷舊元素結合！仲有打卡既霓虹燈，環境感覺幾精神✨番茄麻辣牛肉米線 $36好吸引既番茄滑蛋湯低！個蛋炒得好滑、出色👍🏻番茄湯味道好濃！好味🤤辣牛肉都好食，夠入味！不過米線如果彈牙啲就更好🙈脆皮咸豬手 $47見到圖片覺得好吸引所以try下先！真係唔錯喎！幾好食，同埋脆皮幾正呀！呢個價錢抵食啦🤣鮮橙四季春 $37大大杯👍🏻味道幾清新，幾消膩～

很久沒有去荃豐中心那邊了，這次來到發現開了一間新的茶餐廳，於是朋友話想試試！餐牌上有多款蕃茄湯底的粉麵，而且還有熱狗等美味食物，非常吸引！鴛鴦雞扒螺絲粉雙重芝士蕃茄濃湯，這裡的蕃茄湯有三款味道選擇，而且還可以揀選辣度，這次選了原味湯底，蕃茄湯味道非常濃郁，味道剛剛好，不會太酸，而且也有不少蕃茄蓉，好有口感！而且揀選了雙重芝士，芝士份量也不少，而且跟蕃茄湯很match！鴛鴦雞扒分別是香煎和香酥兩款，雞扒煎得香口，亦炸得脆口，雞肉嫩滑！大兄芝味熱狗，這款熱狗用上脆皮腸、蕃茄、生菜及自製忌廉芝士醬，麵包用上芝麻包，更香口，脆皮腸脆卜卜又juicy，皮頭也有加上芝士，而且火炙過，令味道更香！泰式風味辣肉碎潛艇，用上肉碎、泰式香料、指天椒、蕃茄、生菜等材料製成！肉碎有少少辣，有泰式香料的味道，微酸，很惹味！泡沫檸茶，好有檸檬的酸味，而且好有茶香，又不會太澀，夠解膩！

本身諗住黎試下堂食，點知見到門口個牌寫住「11點半後，外賣自取85折」，即刻轉左外賣首先要讚下個外賣包裝，港式冰室漢堡，但個漢堡盒一D都唔hea ; 蕃茄螺絲粉都分湯上！西班牙黑豚芝士漢堡 分量十足🤩仲好Juicy! 口感係我男朋友鍾意個種，每啖都有黑豚肉、芝士、菜、同個醬！ 個黑豚肉真係好厚！炸豬手芝士原味蕃茄螺絲粉❤️會為左佢個蕃茄湯再番黎食！外賣 叮番熱，都超濃郁！係成碗湯不自覺飲哂，但埋都唔頸渴🤗個螺絲粉仲要好掛湯！炸豬手番到屋企都仲好香脆，掂埋個蜜糖芥末醬剛好，佢個醃料適中，入味得黎，唔會太搶味！麻辣牛肉原味蕃茄螺絲粉❤️❤️個麻辣牛肉好滑同醃得好入味，唔會過鹹又唔會好辣但就食得出有花椒香🌶 而且份量好足總括黎講 係會因為佢個蕃茄湯再去幫襯

咁啱朝早同媽媽出荃灣有野做 又經開地鐵站 就帶佢去咗大兄到食個靚早餐😋之前已經試過大兄嘅午餐 個陣都係想去嘅餐廳冇開先去食 冇諗到非常好味 🤩🤩 個蕃茄湯非常高汁 👍🏻味道濃郁得嚟非常鮮甜 😚😚仲有好多茄茸喺湯內 覺得非常足料👍🏻 所以今次就帶埋媽媽試下佢嘅早餐🤩 因為之前睇食評話佢地嘅雞湯湯底都好好食 🤟🏻 所以今次就決定試下新野！🥰 我自己就點左 沙嗲牛肉螺絲粉 ($33) ，媽媽就點左早晨四寶米線 ($36) 。 呢個價錢包埋一杯熱飲，都算可以正常！（凍飲就要加$3蚊，加$6仲可以轉做汽水）😚 不過天氣咁凍，當然就點熱飲啦～😤😤 (其實非常想點之前飲過嘅奶蓋四季春，但個朝太早去，要11點後先有供應😔但呢個絕對喺必飲！！！！比我之前飲過嘅都更好飲，因為個奶蓋質地濃厚好多，而且好重奶香味！！！好似係用日本3.6牛乳整嘅！特別好味！！！！） 已經俾我食左一大半嘅沙嗲🤣 平時最驚就係d牛肉又硬又韌 底佢嘅牛肉就好嫩滑，加上沙嗲味好出，配埋雞湯，好正！ 特登叫螺絲粉，就係因為佢更加可以鎖住湯汁～～～ d湯飲完都唔會口乾，非常唔錯！

<在荃灣電子產品聖地中尋找你😎·大兄冰室🧢> _荃豐中心-大兄冰室：皇牌蕃茄濃湯系列吉烈豬扒拼雞翼螺絲粉 + 泡沫檸茶 、大兄黑椒豚肉芝士漢堡包拼粗薯條+珍珠奶茶$160 _大兄冰室位處於荃灣中心一個神秘嘅小角落，位置唔算太過顯眼，老實包包喺俾佢蕃茄嘅氣味吸引過嚟😆作為前某某飲食集團嘅Business Development 仔🤣當然懷住實測嘅心態去測試一下大兄🥳_先食皇牌蕃茄濃湯系列吉烈豬扒拼雞翼螺絲粉 + 泡沫檸茶，依個蕃茄濃湯果然有驚喜喎，先試啖湯，一飲落去茄味十足，完全feel 到啖啖茄茸，唔會太過酸，而且重點係隻滑蛋有加成嘅作用，豐富左整體嘅口感，配合埋螺絲粉正，喺近來食過一碗比較出色嘅通粉🥳_至於雞翼呢？醃料方面應該喺用左小量嘅香茅，唔會太重，肉質鮮嫩。而份吉烈豬扒呢？屬於比較薄身嘅吉豬，食落有D似越式炸豬扒，配埋千島醬也ok 的。杯泡沫檸茶有surprise 喎😋入面有濃濃嘅青檸味，唔會有死甜嘅感覺，反而有一種refresh 嘅新鮮感，可以再戰依款套餐組合🤓_另外，亦都食左大兄黑椒黑豚芝士漢堡🍔拼粗薯條🍟+珍珠奶茶，一咬落口，真係食得出個包廚房大佬用料正，