大兄冰室 (已結業)

大兄冰室地址: 荃灣西樓角路136-168號荃豐中心地下A1號舖雙重芝士蕃茄濃湯 🍅 $56有好濃郁嘅蕃茄味，唔知以為飲緊蕃茄湯，有多種蕃茄，蕃茄蓉熬製而成，而且啲雙重芝士都不少，不錯。但啲配菜就唔係好掂，口感較為硬，乾身，失望咗少少。火焰芝士肉醬熱狗套餐 🌭$65軟綿綿嘅麵包，裡面包住多到滿瀉嘅秘製肉醬和用咗火槍燒溶咗嘅芝士，再配上脆皮法蘭克福腸，味道食落香口不錯。

之前嚟過食次lunch啲野食都ok今日再嚟食tea, 好衰唔衰揀左個 “大兄克戟夾餅公司三文治” （$42）。嚟到比我果下，我O左咀，餐廳應該係餐牌度加返“迷你”兩個字上去，個所謂公司三文治個Size 係一個豆沙包咁大，收我$42！唔好講件野咁細件，佢塊夾餅甜架，唔係好夾裡面啲涵呀，又咸又甜咁。早知我叫份雙拼三文治無咁嬲，價錢平$10, 仲唔會食左等於無野食過落肚咁

又去呢個商場搵食知道呢度有間特色d既冰室，今次終於有機會試下，午市時間要排隊等位，等左10幾分鐘就有位啦餐廳都唔算太大間，有卡位同窗邊位，可以一邊食野一邊望下街景見上網好多人讚佢既蕃茄湯底，好似幾吸引午市仲有其他套餐，款款都圖文並茂，望落去都幾吸引飲品揀左個熱咖啡，幾香唔錯另一個加左$8揀左珍珠奶茶，都幾似平時飲既台式奶茶，珍珠幾煙韌，唔錯跟餐揀左個田園沙律，呢個係用芝麻醬，不過無乜驚喜蟹籽野菌甜椒絲海蝦忌廉意大利粉，仲配左塊蒜蓉包，塊包好香蒜蓉牛油味好脆個意粉唔算太淋，雖然係忌廉但又唔會太膩，蝦就比較細隻不過都有4、5隻，味道ok另一個揀左芝味炸雞拼蒜蓉汁法蘭克福腸，芝士醬個味唔算太濃，炸雞都香脆既；蒜蓉汁係平時食鐵板果種蒜蓉汁，味道比較濃蕃茄濃湯螺絲粉，呢個蕃茄湯真係唔錯喎，蕃茄味夠濃，中間仲有d蕃茄肉，螺絲粉又唔會太淋，唔錯！整體感覺唔錯，食到d唔係平時茶餐廳食既野

次次經過荃豐都一定會見到大兄冰室出面大大個logo，今次就去食翻個快飯。本身諗住冰室賣既野食都係港式野，點知佢賣既野食又偏西式wor😯餐牌見到啲意粉、漢堡、熱狗，當然都有啲港式啲既野食好似公司三文治果類。另外最吸引我既就係佢既蕃茄螺絲粉！一見到諗都冇諗就揀左佢。  1⃣️芝味炸雞拼蒜茸汁法蘭克福腸 跟蕃茄濃湯粉（$63）炸雞都幾大舊，炸得幾香肉又厚，但係炸皮有啲濕左淋左，面頭有一大片溶左既芝士🧀腸仔配上極多蒜茸汁😂正～另外蕃茄濃湯真係好濃，入面有好多煮到淋曬既蕃茄蓉🤤滑蛋都好多。另外螺絲粉份量爆多，本身我都自認大食架la，但係呢碗螺絲粉我真係食到差啲食唔曬🙈  2⃣️蟹子野菌甜椒絲海蝦忌廉義大利粉（配花枝丸）（$58） 蟹子比得多幾多，意粉係偏港式風味，忌廉汁偏稀身，不過配料比得好足。蝦、蟹子、菇所有野都幾多。另外仲有跟蒜蓉包，同平時食西餐果啲脆脆既蒜蓉包好唔同，呢個蒜蓉包係軟熟既包，唔係好似有烘過，面頭搽左啲蒜蓉醬。午餐有得揀根花枝丸或者沙律🥗揀左花枝丸，唔算彈牙，可以當過下口癮咁。   3⃣️鴛鴦雞扒拼金菇牛肉卷（配花枝丸）（$65）鴛鴦雞扒係有煎雞扒同炸雞扒各一件。煎雞扒又算幾嫩滑wor，快

荃灣其實真係一個幾好嘅地方，交通方便又多美食。今日係荃灣做完公事決左食埋個午餐先返屋企。係巴士站附近見到呢間大兄冰室。望過menu好似都幾吸引。午餐仲有沙律送添。黑松露卡邦尼野菌脆煙肉忌廉意粉：雖然我完全食唔到有黑松露嘅味道，但個意粉嘅味道都唔錯。最搞笑嘅係意粉上面有個蒜蓉包。沙律就正正常常。無咩特別。炭燒咖啡：呢杯咖啡不得不讚。除左香濃嘅咖啡味道之外。奶味勁濃郁。好啱我口味。最後要提一提嘅係餐廳衛生唔錯。餐具亦都係一份份包好。係而家呢個時勢之下對食客都係一份保障。

蕃茄濃湯早餐，茄味濃，多士很有驚喜，酥脆好味，只有半塊 意猶未盡。。。雞扒香口，不油膩。配上沙律菜，菜新鮮清爽。檸檬茶原來是用檸檬汁沖，也是一點小驚喜。service ok，可再來。

今朝要去荃灣做嘢，食早餐，第一次試呢間，未坐落見隔離連鎖店七八成枱有客但呢間就得一兩枱客，都有啲猶疑，但想幫襯多啲非連鎖店，都姑且一試，食完覺得大有改善空間。沙爹牛五香肉丁麵，奶茶，要$40，已經覺得貴，唔緊要，都試下。結果牛肉同肉丁都超少，麵太硬，奶茶太重茶味無奶味。或者早餐唔係佢主打啦。

下午茶時段，叫咗沙爹牛肉芝士醬潛艇配沙律連凍檸茶$52，另外加$8配左蒜蓉包同炒滑蛋炒蛋麵包先到，一睇賣相已經心知不妙，完全係地痞茶餐廳級數嘅出品！有圖有真相，係一塊又老又硬嘅蛋餅，麵包只有微溫，咁就跌咗八蚊落鹹水海，其實而家市面上所謂嘅冰室，炒滑蛋水平普遍都唔差，呢間都可以算係墊底嘅級別......跟住沙嗲牛肉潛艇出場，賣相唔錯，沙嗲汁只係食到鹹味沙嗲香欠奉，牛肉無筋算OK，芝士醬芝士味香濃而且唔會好滯，但係兩者結合一齊我又食唔出有好嘅化學作用，就係沙牛有沙牛味芝士有芝士味咁囉，但係有一個敗筆係佢加咗啲生菜絲係中間，但係沙嗲牛肉嘅熱力將啲生菜整到又淋又軟仲出水，嚴重影響口感沙律就正正常常啦，唔算特別新鮮但係亦都冇變黑嘅咁都有啲嘢讚下嘅，潛艇個麵包有好多芝麻，咬落好香口，而且啲嘢飲都幾大杯，飲極都仲有，算係挽回返些少分數唔使比喊面啦⋯⋯但係咁樣都食咗$60性價比真係唔高

平日好少去呢個電子用品商場行，之前男友係對面馬路見到佢招牌，係卡通肌肉男 💪🏻 寫住大兄冰室，佢見幾得意就試，跟住推介我去。佢格離有另一間食肆，好易入錯。早餐 -「A7 招牌沙嗲牛麵」$37我轉左烏冬，都幾開心唔洗加錢😋湯底就揀左我最喜歡既蕃茄濃湯。超級有驚喜，個湯底濃到好結身，一啲都唔稀，食落好濃既蕃茄味，佢比起蕃茄專門店做得更加蕃茄！沙嗲牛肉淋，沙嗲味出，幾出色🥰跟既多士就有啲失望，比較薄身，好細塊，份量係一塊麵包切四片🍞炒蛋入口順滑，有蛋香，幾好食🍳下次有興趣試佢下午茶既大漢堡🤩

/大兄冰室🇭🇰/#sa荃灣篇 ➖➖➖最近愛上茶記 會揾唔同好食嘅番茄湯同沙嗲牛西式嘅話都會想食burger 滿足下～呢間冰室同時滿足到我幾樣願望❣️佢近荃灣嗰啲住宅商場 但有啲隱蔽 店舖主打番茄湯底 大部分粉麵都係配番茄濃湯除咗粉麵都有西式嘅burger 、潛艇堡連台式飲品都有！番茄湯的確幾出色 係荃灣又多間可以食🤤➖➖➖1️⃣港式沙嗲牛公仔麵 $33 (𝟟.𝟠/𝟙𝟘) 🌟本身以為係沙嗲牛😝但原來都係配番茄湯底覺得配螺絲粉會更夾～湯底都可以揀辣度 中辣已經夠惹味會越食越辣😆 番茄味都夠濃稠 雖然公仔麵唔算好有咬口 較腍 但都幾掛湯入味沙嗲牛嘅味道都幾濃 牛肉都帶嚼勁 不過加左番茄湯就變咗唔係主角🤣配埋炒蛋都幾滑 亦可以+$8 配炒蛋蒜蓉多士+ 多一份滑蛋牛油香幾重🤤 如果再烘脆啲就更好➖➖➖2️⃣經典日本牛肉流心五重芝士漢堡包 $58 (𝟟.𝟜𝟝/𝟙𝟘) 漢堡包就好似平日茶記咁～不過烘得幾香脆 有好多芝麻粒✨中間塊漢堡扒幾厚身 肉質幾軟腍 亦有幾多流心芝士同芝士醬～凍左會比較乾硬 但食完唔會好膩！另外亦會配埋薯條同沙律呢👻➖➖➖3️⃣奶蓋四季春 ～$17 (𝟟.𝟛/𝟙𝟘) 跟餐半價 雖然無得無糖 甜

二月尾跟車爸爸一起在大窩口換身分證，之後走到這間大兄冰室吃了頓挺喜歡的午餐，這間餐廳服務和質素也認真不錯，絕對值得推介給荃灣的街坊。來到這兒要小心因為門口左右兩邊其實是兩間餐廳來的，我也差一點兒入錯了右手邊那一間呢！餐廳裝潢頗具玩味加上有透光度十足的玻璃，坐下來整體感覺也十分舒適。坐定定消毒好雙手後看看餐牌有什麼吃，很快地我倆便選出了自己喜愛的午餐，餐廳出菜的速度亦很迅速但又不會感覺太迫趕，餐廳侍應手腳快之餘亦十分健談招呼真的很周到。我們點的粉麵餐可額外加錢享用小食我們以＄20加配了瑞士雞翼，一客有兩隻Size正常的雞翼味道是可以的但我覺得可以滑溜些便會更加吸引，對於吃開老婆弄瑞士雞翼的車爸爸當然覺得沒那什吸引啦哈哈哈⋯車爸爸例牌選喝熱奶茶聽聞口感挺順滑而且茶香也頗足，絕對是一杯吸引到他味蕾的熱奶茶~我們同樣點了皇牌番茄濃湯系列他選了黑椒牛扒米線＄50，一客有三小件的黑椒牛扒看上去弄得香口，車爸爸說質感挺不俗起碼不會乾柴之餘也頗淋身。番茄湯底之中原來還有三種口味可選，而他揀上的的是雙重芝士番茄湯底，另外還有的經典原味配嫩滑炒蛋、和配脆口響鈴卷的惹味香辣番茄湯底。看車爸爸的性感演出是否感

今次輕食者嚟到荃灣，睇中呢間冇飯冰室，撩起條筋想試。立心想試吓佢哋個蒜香芝蔴包餐，見個menu推介日式芥末蟹籽吞拿魚餐，好似好特別咁，就叫咗一份。個餐已包一個迷你蕃茄蛋螺絲粉，個包我例牌叫少醬，嘢飲叫咗熱茉香綠茶走甜。餐具已在枱上，有紙包住一份份，自己攞，感覺衛生，無錯，只係‘感覺’🤣，當佢係啦！先上嘢飲，係囉，點解我杯綠咁多泡㗎呢?!我估佢哋賣開台式飲品，搵機搖過嚟啦⋯⋯飲落都係台式綠茶味，味道正常。個飽同個粉嚟到，賣相唔錯，大細識中。個飽軟熟好食，但唔太食得出蒜香味，料足，有齊生菜、蕃茄、吞拿魚、蟹籽，口感十分豐富，亦好夾，但D吞拿魚有啲凍，明顯就咁係雪櫃攞出來，叮一叮都好呀... 個番茄蛋湯粉卻十分不錯喎，湯唔太甜，粉又唔會淋哂咁，炒蛋算幾滑...👍🏻👍🏻👍🏻 好多其他餐廳話出名番茄湯底個湯底都太甜🙈$45成個餐都真係抵食嘅，不過下次我會試其他款式嘅飽囉⋯⋯

經過上一次的教訓後, 這次不再"嚐辣"了! 對比午市, 餐廳的晚市時間格外清靜。 這次則點了價錢比較便宜的常餐, 餐牌內主要是熱狗形狀的芝麻包類加蕃茄螺絲粉的配搭。香辣肉碎普遍也會配捲心生菜, 而作為熱狗的餡料卻令我好奇的選了! 等侯上餐的時間不算太久, 芝麻包開半後兩邊都塗滿了牛油, 而且有經過烤焗, 令到包的香氣四溢, 在茶餐餐出品下能即製的實屬少有。可惜正當我打算提起整個包大口大口地吃時, 中間的肉碎餡料卻滑掉了出來! 原來包切得太深, 而且餡料太濕, 導致承托力不足, 無法把整個包順利放到口中。或者可以弄個熱狗pick up challenge, 有誰可以只用手去拿起包來吃而最掉落最少餡料的就有獎~~! (幻想一下)肉碎除了水份過多外也沒什麼可挑剔, 上面放上了泰式青檸供調味。 但我覺得沒太大需要, 畢竟只是包類食物, 跟生菜包的食法有別。蕃茄螺絲粉則是一貫的水準。跟餐飲品選了免費的凍蜂蜜綠茶, 一共$42, 也算是晚餐不錯的選擇!

係千色店買完野，過咗對面大兄冰室食個晚餐先返屋企。🔸香煎雞扒拼蕃茄濃湯螺絲粉🍅揀呢到就係因為想食蕃茄湯底既野😍除左螺絲粉仲可以揀其他例如米線、烏冬。蕃茄湯底好濃郁，唔會好酸，有少少茄肉而且湯底都幾傑身，唔會水汪汪咁。我要左微辣，食落好惹味，好開胃😋仲有配滑蛋又係一流🍳不過如果滑蛋再多啲就更好😍有兩塊雞扒，雞皮煎得好脆，雞肉都算嫩，唔會乾爭爭。螺絲粉份量好多，男人食應該都夠晒飽。要左套餐，可以揀小食同有杯飲品。小食揀左瑞士雞翼(2隻)，瑞士汁都幾入味，甜甜地好食！我要左凍檸茶，同平時茶餐廳既凍檸茶唔同，覺得多左青檸味，有少少似台式飲品咁，都唔錯👍🏻🔸香蒜西冷牛扒配意粉、蒜蓉包🐮🍝西冷牛扒好大塊，肉質好軟淋無筋，冰室質素來講算唔錯。意粉有忌廉汁，蒜蓉包都香脆。晚餐仲有蕃茄湯或者沙律揀，已經揀咗蕃茄螺絲粉，所以揀咗沙律，成個餐份量都好多！加$10轉特飲😎朱古力脆脆🍫呢杯十分推薦！朱古力味好濃郁，上面有啲cream，飲落仲有粒粒朱古力碎，有雙重朱古力嘅感覺，正😋今晚食咗兩個餐，整體都唔錯，餐廳都乾淨企理。見到仲有漢堡包同潛艇系列🌭🍔款式好多，都好吸引，下次可以再嚟試吓！

大兄冰室Big Bro Café呢間冰室主打蕃茄湯 漢堡包潛艇堡蕃茄濃湯用左意大利長茄 車厘茄 大紅茄熬製8個鐘天成飲品選擇好多 有齊港式台式 日式芥末蟹籽吞拿魚蒜香芝麻包($45)配迷你蕃茄蛋濃湯粉+飲品食物用木板上放得幾精緻芝麻包大大個 烘過鬆軟 吞拿魚蟹籽份量都幾多配埋迷你蕃茄蛋濃湯粉係幾飽肚幾抵食1次過試到兩個招牌鴛鴦雞扒螺絲粉雙重芝士蕃茄濃湯($76跟自選小食)蕃茄得揀配芝士定蛋&辣度蕃茄味幾濃稠 仲食到唔少蕃茄蓉 湯底是做得不錯 配螺絲粉最岩雙重芝士份量多到做到拉絲 鴛鴦雞扒同瑞士雞翼就不過不失飲品方面特飲有半價平干地飲到台式茶飲西柚烏龍做得幾好 清新解渴的唔會過甜仲飲到西柚+茶味唔會只飲到西柚味而飲唔到茶味