大八方中國料理

营业中

休息中

假日專登從沙田搭車入荃灣，再轉車到深井的豪景花園食大八坊👍🏻是久違了的味道👍🏻提及深井必要食燒鵝，大八坊的燒鵝是抵食夾好味，勳味不會搶過鵝油及鵝皮的味，一口咬鵝鵝皮擠出嚟的鵝油很好吃，醜上梅醬，非常好吃。除了燒鵝，仲叫咗幾款點心，燒賣蝦餃腸粉等等必食點心。蝦餃又大粒又剔透。值得一推是炸豆腐，份量很多，配上特別製造的醬汁，是一道非常開胃的菜式。另一款豆腐是上海豆腐，味道有少許甜，加上木耳一齊吃，也很開胃，味道好好。 望住個無敵大海景同朋友嘆茶吹水，人生一大享受！

星期日午市，因為榕龍和黃金海岸都冇位，所以第一次去青龍頭呢間屋苑內的茶樓。叫左七樣點心，等咗半小時才上一碟腸粉，仲要只係微暖，之後所有嘅點心都冇一樣係熱。點心上得超慢，等左個幾鐘，最後只上咗5碟點心，埋單又照計7碟錢。腐皮卷、金錢肚係ok蝦腸，腸粉係ok，蝦肉係又硬又實炸魷魚鬚，硬到要放棄义燒包，𥚃面只有一pat醬和肥豬肉因餐具有污漬，請侍應更換，對方竟然歎口氣，指我自己去櫃攞。完全貼錢買難受。

突然想食片皮鴨, 憶起兒時係深井住, 呢間酒家都有片皮鴨食, 專程渣車入去食, 懷緬一下☺️☺️環境沒有太大變化, 都係咁寬闊, 樓底好高, 超級闊落, 帶有古色古香嘅中國風格, 侍應帶到我地坐係靠近玻璃窗卡位, 天色準備入黑, 所以都望到少少晚霞😂我地order一隻北京片皮鴨, 侍應係我地面前逐塊逐塊咁片,片皮鴨燒得好靚, 顏色好有光澤, 薄薄餅皮包住片皮鴨搭配京蔥青瓜絲一齊食, 夠哂新鮮爽口, 再點甜甜的鴨醬, 好味好味😆

多年沒見的好朋友話請我去食好嘢，於是就一口答應了他們。原來系去青龍頭某屋苑內酒樓飲茶。這裡地方比較偏僻，有私家車比較方便，但環境卻一流，有一覽無遺的海景伴餐👍🏻👍🏻。點心亦足料好味道，春卷很香脆，蝦餃蝦多，煎豆腐其他酒樓少有，這裡的煎豆腐配自家醬汁味道很夾，幾特別😋，甜品朋友介紹了綠豆糕，清甜，多綠豆，另外海鮮抄面的魷魚新鮮彈牙，服務員也熱情招呼。能用實惠價錢享受一頓海景午餐，多謝好友介紹。

🐦🥟🥟🥩餐廳名: 大八方中國料理地區: 深井青龍頭結論: 突登過黎食燒鵝 再加碗瀨粉(餐牌上面冇的) 都算附合預期的好 點心質素不過不失 好多人都叫小菜同炒粉麵飯 想過黎食可以搭小巴302直到或者揸車 食滿$200免兩個鐘泊車 揸車過黎當係個食飯都得#深井美食 #青龍頭美食 #深井 #青龍頭#燒鵝 #鮮蝦豆苗餃 #蝦餃 #金錢肚#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink

今天点了數碟点心及炒飯一碟。送來的柴魚花生粥雖要重新煮熱。瑶柱菜粒蛋白炒飯的瑶柱少得驚人。手拉腸粉可以沒有甜醬。後補甜酱三吹四請後十五分鐘送達。可以一讚係特点蝦餃，皮薄蝦甜。其它(义煷包，鳳爪，牛肉球，春卷)一般可以接受。地方整潔程度比大排檔好少少。全場服務員少貓四隻。服務態度如刘華個句.... 今時今日的服務態度点得呀。

舊同學新居入伙，成班老同學山長水遠去到青龍頭恭賀。同學間屋面積1,400多呎，向東南，有個無敵大海景，對住青馬大橋，清晨可見到日出，個view真係超靚👍難得入青龍頭探老朋友，同學夫婦熱情招待特登去荃灣街市買咗唔少海鲜，然後帶去大八方酒樓烹調，當晚招待我哋班老友食海鮮餐先上桌嘅餐前小食係豬腳仔跟住，聽講呢度啲燒鵝重好食過深井，一試果然大大件且肥瘦適中，唔會好油膩，鵝肉入味，好juicy，無鵝騷味，暗藏香氣，超好食燒鵝係我嘅忍唔住食多兩件同學買嘅龍躉，嚟酒樓加工，肉質爽口彈牙火腩炆斑頭腩白鱔肥郁味鲜，蒸得唔過火生蠔炸粉唔會太多，美味黃花鱼炸得酥脆，成條連骨都食埋海蝦好新鮮太多油，可惜！總結：呢間酒樓環境寬敞舒適，侍應招待熱情，帶去加工嘅海鲜，每樣都烹調得宜，非常美味，是晚賓主盡歡，非常開心推薦呢度嘅燒鵝，食客必吃之選

早上參觀完屯門T.park後,旅遊巴司機哥哥就載咗我哋嚟呢度食午餐，呢度環境寬闊,樓底高洗手間乾淨又大不過係啲侍應唔夠,所以我哋個領隊Teresa要做埋PT侍應呢度啲燒鵝真係冇得頂，試過就知道，其他小菜~包括蝦仁炒滑蛋,欖菜炒四季豆,粟米斑塊，上湯蒜子浸娃娃菜，仲有糖醋排骨都好好食，隔離枱細食仲送咗燒鵝畀我哋枱添食，同枱朋友叫咗青島啤酒飲得好高興,搞到我都忍唔住叫咗一罐可樂飲下，佢仲有條好似用石雕嘅龍，栩栩如生，雕工精湛侍應雖然人手不足但係態度都好親切

每次都會食燒鵝，口水雞。佢d燒鵝仲好食過深井出名既飯店。口水雞麻香味濃，食完d汁仲可以攞返屋企加青瓜絲撈麵，簡直一流。仲可以望住個海景用餐，誠意推介，食過返尋味。

深井青龍頭大八方，一直係我飲茶不2之選⋯今日叫咗蝦餃，有肉汁又夠料、春卷好脆又有多料、鴨腳扎，D鴨腳炆到剛剛好、炸饅頭又香又脆、冰震鳳爪更加係無得輸之選、叉燒腸粉，D皮厚咗D、最後來個排骨菜遠抄麵，更加係每次都一定要叫，趣好脆口，排骨又夠多，食完剛剛好，正！

🍽大八方中國料理🍽 Dinner難得入深井探朋友 朋友非常熱情招待😳準備咗好多好嘢食😎登登登登😂 係海鮮sss宴🐟🦀🐚魚係朋友釣🎣長腳蟹、帶子同蟶子係附近街市買上黎俾酒樓煮☺️等朋友嚟之前 又燒肉做前菜個燒肉超香好好食🙈可惜食完先發現唔記得影相完全冇浪費到啲海鮮每樣都煮得好好食剩返啲魚🐟仲幫我哋切好 俾我哋帶走無carb 都食飽飽❤️環境闊落舒適💪🏻有人情味嘅酒樓😳p.s. 回味一下🙂而家無dinner😂

大八方係一間性價比超高嘅酒家，永遠唔會令我失望，飲茶同食晚飯都好好⋯個人比較喜歡週未過嚟飲茶，每次必點嘅係「冰鎮鳳爪」推介之選⋯而另一必食系列，就係菜遠排骨抄麵，真係其他地方食唔返⋯ 😅😅😅

大八方 青龍頭呢間酒店位置比較偏，唔係去探朋友應該唔會突登入去，但味道有驚喜！最好食係煎釀茄子（中點），好入味！上面嘅蝦膏好厚肉，點醬汁一流🤣叉燒酥（大點）都好好食😋好鬆脆！鹹水角（中點）食得出係即叫即炸，唔係返煎，味道非常好！😋排骨（大點）好大舊，好入味，下面仲有芋頭😋

我們一向喜歡這裏口水雞丶燒鵝丶叉燒。今日去完千島湖，在掃管笏搭的士過嚟食lunch仲抵，三個人$193 埋單。$145餐有叉燒丶燒鵝大碗飯，一碟菜心，細碟口水雞，兩個點心加埋茶錢加一，合共$193，好味又舒服。

疫情咁耐，一直都冇飲過茶，今日心血來潮，落去飲下茶啦，叫咗5樣嘢食...1.）叉燒腸粉 2粒星，個皮硬骨骨，叉燒粗鞋，冇咩味，仲衰過街邊檔或者叮叮點心嘅質素。2.）牛肉腸粉 2.5星，個皮軟過叉燒腸粉少少，不過裏面啲餡得舊粉，完全冇食緊肉嘅質感，唔知食緊啲乜。3.）叉燒包3粒星，質素正常，整出嚟都算都熱😐4.）蝦餃3粒星，皮唔夠薄，餡就算正常。😐5.）炸春卷1粒星，一咬落去都有少少脆嘅，不過成條凍冰冰，最後成碟退返畀佢....個位得一支牙籤....說真，作為街坊都唔願意再嚟食...sad...