大八方中國料理

营业中

休息中

自從限聚二人之後好耐都飲過茶喇，呢日心血來潮好想食點心，又咁岩經過舊屋諗起大八方；限二人之後都少左人飲茶，所以即使係星期日中午時間，都係直接有位；仲要可以自己揀位坐，幾好啊，可以靜靜地假日飲個茶呢個我覺得都算係佢地嘅招牌菜，口水雞，好多時我都會點呢個，微辣，十分惹味春卷應該一大批炸定，所以唔係剛炸好嘅十分熱，脆度都爭dd蝦餃大隻，都算晶瑩剔透，係有隻個皮穿左有啲敗筆；水準最穩陣嘅就係蝦燒賣，同埋叉燒腸，膠粉豉油係另上，鍾意落多少自己話事另外由於餐廳喺青龍頭，我地係揸車去嘅，消費涌$100就可以免費2小時

同朋友第一次來到青龍頭，知道呢度大八方有海景特登來一邊飲茶一邊欣賞風景。星期日中午1點來唔算多人，唔使等位就可以拿到卡位四人台了。好好彩呀！乾蔥胡椒蝦（$78）蝦炸到殼好脆，幹蔥同胡椒夠曬惹味，蝦膏夠多，蝦肉係口中有蝦膏既蛋黃味。值得一試！蟹子燒賣（$29.8）豬肉夠新鮮彈牙，唔會太多粉。如果再熱啲會更好。桂林牛肉腸（大點）蒸過後的牛肉仍然保持嫩滑,醬油唔會太甜岩岩好。荷葉珍珠雞（大點）內裡既餡夠多汁，糯米飯夠曬入味

呢間餐廳真係唔係附近居民都唔會知佢既存在，但真係好有驚喜!本身見佢係小商場仔既一間酒樓，都冇特別感覺。但上菜先覺得，真係好食!我地冇叫圍餐就咁散叫，其實d餸就係平時酒樓個d, 冇話特別精緻, 玩晒花款。但就係好好味!去一間酒樓食野必要試咕嚕肉!正呀！甜酸度岩岩好!d肉質都好味!蝦球唔係一般炸起乾巴巴，有汁一齊食，乳豬就係脆皮豬! 其實仲有叫鴨舌，炸子雞，瓜菜，蒜泥白肉等等既餸，但冇影到因為掛住食😂😂可以想像到，真係好好味既中菜餐廳呀!

懷舊，好味，特色小菜：食左花生前菜，普洱都有味鬼馬牛肉～～好耐無食～唔多地方有呢款小菜小炒皇：炒得有d 淋既韮菜花～不過好夠味～正～包左薑絲同少少辣 椒去炒，有淡淡的薑絲味～連唔食薑既我都覺得ok~|蝦乾都唔太乾，比較淋，都幾好～主菜：鬼馬牛肉既油炸鬼好脆，好味～！唔多小菜用馬蹄去炒，夠爽～最後仲有薑汁番薯糖水，飽飽～～～埋單只係235包飯～～人少少～靜靜地～～

呢一間餐廳係朋友屋企附近，一心諗住冇乜期望，點知晚飯時間都有七成滿。環境好寬敞。坐得好舒適。一行10人，點左一啲八個菜色。全部份量都十足。味道不錯。最驚喜係隻片皮鴨，估唔到係屋村嘅酒樓，都會有燒得得咁香脆嘅片皮鴨，有光澤，而且非常脆口，難得侍應仲會係面前片皮，真係要讚一讚！雜菜煲係朋友嘅至愛，佢比一般嘅size更加大，入邊嘅菜種類都頗多，絕不欺場。本來想叫黃金蝦，最後叫咗胡椒蝦，非常入味，原隻蝦都可以放入口咀嚼今晚晚飯好滿意，價錢又抵。

在大八方飲茶時,竟然俾我發現隔離枱上有我嘅至愛"錦滷雲吞",近年喺其他酒樓食的都係幾片炸雲吞皮配一小碟酸甜醬汁,太不似樣了!今日嘅發現令我有點懷缅過去喺上海菜館這個雲吞嘅滋味..... 除左雲吞還有另一個點心"客家佬豆腐"都唔錯㗎 ;雲吞皮有厚度,炸得脆卜卜,比起一般酒楼簿薄的皮好食好多!雲吞最與其他唔同的地方嘅係呢個傳統酸甜醬汁!内有青红椒,洋葱,瘦肉,豬潤,鲜蝦,豬肚等。豐富材料!好味!客家佬豆腐口感.....外脆内軟滑再點埋依個甜甜嘅汁真係好好味!好值得推介!嚟哩度飲茶坐得幾舒適,又有橋景睇,點心又好味!唔错!

昨天中午去深井找朋友，順道吃個午飯，但到深井不一定吃燒鵝！友人提議去青龍頭大八方飲茶！講到大八方這食店裝修也很雅緻，環境很舒服，可能是星期六，不會很擠擁，除外還有青馬橋景緻，很正！今次我吃到這𥚃的雲呑雞，當然是砂窩上啦，一鍋有约四分一邊鷄件、五粒廣東雲吞、伴一些娃娃菜、熱腾騰、鷄雖然有點"鞋"、但湯底味道調校得很鲜甜、菜吸收了湯的味很鲜甜、雲吞皮薄饀肉爽滑、所有才料配合得很和諧、吃後沒有口渴感！算是值得推介！

1月1日黎到大八方飲茶， 結果飲到一肚氣。叫完d野成個鐘後先話你知賣晒， 部長淨係識埋單收錢，茶又冇人加，叫左野又唔黎，追單都冇人理，成個鐘都冇野食。大家真係唔好再去

大八方都算係咁，開係人煙稀少既豪景花園，咁多年都屹立不倒。飲茶黎講，價錢當然比其他地方貴一點點，獨市嘛。但獨市黎講，點心味道算一流。起碼午市飲茶點心都未令過我失望。大八方最好食既一定係蒜泥白肉。我食云香港咁多地方既蒜泥白肉，大八方算數一數二。蒜泥真係打到變漿糊狀，勁香蒜味且不辛辣。加埋青瓜片，平衡了白肉肥膩既口感。仲有邪惡流沙包，咸蛋黃香到不得了，每次飲茶必食。不過呢，昨晚既晚飯小炒就比點心差一點。因為著名菜式北京片皮鴨個醬味道怪怪地，懷疑擺太耐變壞了。最後經理換了甜醬比我們。除了個醬，整體不差。都給予好評。

星期六一早係大陸打完golf，食飽飽之後趕返香港休息作一陣，然後去左女朋友屋企，之後落去大八方食飯5個人點左幾個餸，一個湯烏雞燉螺頭湯，味道過咸，有味精蒜泥白肉，女朋友至愛，但我並不喜歡，口味不同上湯浸竹笙白果腐竹，白果有啲苦，腐竹嫩，我建議改為魚湯浸竹笙腐竹，應該吸引啲片皮鴨两食，隻鴨可以，京葱青瓜絲都新鮮，點完醬，我一咬落去，酸既，發覺有問題，叫經理換，再拎出黎，緊係無咁蠢，再試下先，又係酸既，經理係廚房搞左一陣，又拎出黎，變左甜醬，唯一辦法就係算涼瓜腐竹炆鴨架，涼瓜生水，唔入味，炆唔夠時間，味道不過不失最後送既糖水綠豆沙，反而最好食，起沙，唔太甜

今天到深井旁的豪景花園商場內晚膳，餐廳主打中菜，地方寬敞雅致，裝修揉合中西風格。卡坐旁邊是整幅的落地玻璃窗，可遠眺海景，玻璃窗外有個小花園，可供食客散步。唯卡坐的坐位與餐桌距離過寬，用膳時甚為不便，大半個身子都要往前靠。見旁邊兩枱食客都不約而同地點了片皮鴨，我看著也心動，侍應有提醒一食或兩食都是收取同樣價錢，那我們就點一份了北京填鴨兩食（北京片皮鴨+支竹涼瓜炆鴨件） $288經理會在我們面前「片鴨」，用小刀把鴨皮削成小片，剩餘的鴨架會被帶到廚房炮製成支竹涼瓜炆鴨件。鴨皮烤得色澤紅潤，肉質比較瘦，所以不會覺得太肥膩，再配以蔥絲、青瓜絲和甜醬，用餅皮包裹來食用。不過在我而言，經理把鴨肉「片」得過厚，肉之比例竟比皮多，既感受不到鴨肉臊香，餅皮亦較厚，吃過三，四件後已有飽滯感。支竹涼瓜炆鴨件鴨件用豉椒、涼瓜和支竹爆炒，味道惹味，尚算不錯。我們還點了個薑蔥焗美國桶蠔 $158桶蠔可選擇薑蔥焗或酥炸，我們選擇了薑蔥焗，雖然一份只得五隻，但每隻都圓潤飽滿，內裏香綿而多汁，蠔味十足，裙邊也香口脆身，值得一讚！店員服務態度不錯，打包片皮鴨時還教導 我們怎樣處置，最後還送了我們甜品綠豆沙，結賬時又會主動問

今天与三五知己到位於青龍頭的大八方中國料理嘆茶、談天說地、喜欢這裡的裝修、雖然舊了些、但环境依然舒服、坐位闊落、望向窗外青馬橋景、未食已心情舒暢了、很有趣的是這裡有個麵、飯套餐可配一杯㗎啡、或奶茶、柠檬茶等、我試過食义烧飯套餐、很不錯、飯大碗、义烧肥瘦適中、肉質軟熟、抵食、、好味、👍👍今天沒点套餐、朋友不愛吃肉所以点了其他……大家邊吃邊談很享受呢~'一一11

今天心血來潮，忽然想食片皮鴨。隨即揸車殺入深井，黎到呢間幾時都有位的大八方開飯。主要來食片皮鴨當然即時叫個一鴨二食啦！二食係涼瓜支竹炆鴨件。今天唔係幾肚餓所以四個人都係加左個冷盤鎮江肴肉、冰鎮豬腳仔同埋一個紅酒糟炒飯。片皮鴨一如既往的好味我相信不用多大介紹，間間都差不多架啦！至於涼瓜支竹炆鴨件(太遲來忘記了影相)今天蚊得唔係幾夠時間，涼瓜爽爽哋，支竹硬硬地，鴨件亦都未夠入味！而那個鎮江肴肉就太少鹹肉，麻麻地！冰鎮豬腳仔就唔錯，夠入味，爽爽地，好味！而這個紅酒糟炒飯就真是大失敗，上邊的炸魚仔乾就真係炸得夠香脆，但是炒飯落得太多紅酒糟，個色好恐怖，食落仲有少少澀味！我估你哋睇相都唔想食啦！整體嚟講今次嚟食飯水準下跌希望之後有所改善！

上幾日去親戚屋企順便做節食飯，因為親戚住係青龍頭，附近無咩食肆，所以去左樓下食就算。叫左一個套餐，啲茶都幾大碟，燒豬唔太肥而且仲好脆，食幾舊都唔會好漏。隻燒鵝有啲喜出望外，我覺得好食過深井嗰啲，層皮好脆之餘又唔會好'穌'，熱辣辣食最岩。

已經食厭左深井樓下的一堆餐廳大八方都可算是另一個近近的選擇其實呢間都食過不少次每次我都會叫糖醋魚雖然都算貴 但係深井得呢到有得食 而且水準不差個醬唔會太酸 甜甜地好岩我送白飯食而且條魚脆脆地 魚肉唔硬另外就係個小蘢包因為妹妹係小蘢包迷次次都自己食一蘢4隻可想而知味道都一定不差一咬下去D汗同樣係流哂出黎大概咁樣先叫好食吧哈哈哈但個皮真係好軟好正 汗又濃加埋其他小菜 不過不失的一菜同爸爸叫左啤酒飲張枱又大張 好舒服好輕鬆的一餐對住個海景 望埋條汀九橋食飯真係好舒服的！