大八方中國料理

营业中

休息中

第一次兩三年前星期日飲茶, 食味奇差第二次大約一年前又係星期日飲茶,景色依舊第三次三個月前又係星期日懶出荃灣,比多次機會佢香口腸腸粉, 口感奇差咬極唔化無味蒸鳳瓜, 全不入味保持雪味鬆散叉燒包, 包皮鬆散肥肉蛋散甩皮燒賣蒸, 差工差料睇見想?肥高蒸排骨, 豬油同骨肉得兩粒其餘食左乜已經唔記得失望失望之後再一次失望叫個樣差個樣質素竟差成咁完全唔明白竟然有人話好食希望呢間野肯反醒下改善下食物質素要認認真真要對得住D人客同街坊先得

因為住你附近的關係，我同屋企人個個星期日都會去飲茶!晚飯都食過三、四次!首先講下茶市:點心選擇唔算好多(比起出面o的酒樓)，但大部份都好好味! 推介蝦餃、雪影餐包、手拉滑腸粉~除左點心，仲有北京/上海的冷盤小食，食過醉雞及蒜泥白肉都好好! 仲有一個叫客家佬豆腐都好好，皮脆入面o的豆腐仲好滑，點埋個酸甜汁更好吃!價錢方面也唔貴，通常我地三個人去食4-5個點心都係100元左右!晚市:小菜外觀靚、味道也不錯、份量都唔少! 黃金蝦做得幾好、雲吞雞足料、最愛是無花果咕嚕肉幾特別! 燒鵝都唔錯架!夜晚仲有任食BBQ... 我未試過，但見人地食都好多野食，仲可以對住條青馬橋，淨食個VIEW都抵番!裝修:有別於一般酒樓，以紅+黑為主，加埋水晶燈，感覺幾FASHIONABLE~ ^^ 仲有卡位(靠窗)可望海，正!!!

星期日到了青龍頭豪景花園內的大八方中國料理食飯，裝飾得好靚，起初幾為好貴，但不過只係一般酒樓的價錢，而且全海景，食客可以出露台影相！聽聞仲可以BBQ添！4個大人+2個BB，所以都唔係叫好多野食，叫了3菜1湯：椰子煲雞湯：好好味，好鮮甜，唔似有味道，真材實料！紅燒元蹄：唔係間間酒樓有得食，因為功\夫多，時間長，好難做好入味，難得呢間做得好好，好入味，皮真係好香，入口即溶，一點肥膩的感覺都冇！肉林得來仲有一點咬口，$98真係超值、超大隻！上湯海蝦伊麵：$68，又係超值之選！海蝦好新鮮彈牙，剪了蝦頭令蝦身更加入味！有心思！伊麵好多，4大2BB都食唔哂！紅燒豆腐：媽媽叫的家常小菜，水準一般，好彩味精不多！

今日同屋企人(10人)去食lunch, 係我提議因見食評唔錯. 結果俾d屋企人一路食一路彈. 大部分食物好鹹, 其他食家推介"羊脾", 太熟同好鞋, 連楊洲炒飯都好似炒燶咗. 叫個黑制服（經理ｏｒ部長）男同女點菜同要bb椅, 無影同漏單, 反而有個waiter　（好似叫Ricky)好有禮貌同介紹ｄ野俾我地，真唔知點解會有咁多人話佢好食．　

友人生日，大家個個都住向屯門，又唔想出咁遠，市中心又勁多人食飯，唸起之前有朋友極力握介大八方，所以就黎試試。查車15分鐘就到，又有拍車。本來以為佢係d傳統既食市，蝦...入到去又唔係喎，裝修都幾modern，而且window seat 仲有海景添。Excellent。食物方面都幾好，南北美食乜都有，我地叫左3個冷盤：雞絲粉皮, 冰鎮鵝翼, 同埋蒜泥白肉。我最喜愛就係蒜泥白肉，不過食完2日個口仲有陣味。杏香豬肺湯,燒小羊羔脾,忙果帶子炒蛋白,蒸饅頭,黃金蝦球。我就覺得羊羔脾最正同嫩肉。而且碟碟都好大碟頭。不過... 都幾多味精。服務方面，都幾好，不過... 唔係好夠人serve。埋單$5xx 我地5個人食，抵。

昨晚約了一班朋友在這兒食晚飯. 之前都來過幾次, 今次既菜煮得最好味道, 忍唔住又想講多次..好味呀我和朋友十多人, 全場唔滿場, 仲有好多吉檯.叫左大約十個菜, 記得既有三個菜.1. 水晶雞: 呢個菜係限量的, 以前試過點, 但賣晒, 今次好好彩, 仲有喎, 當然實叫喇, 雞夠滑夠香, 真係好味, 最特別之處係有雞湯倒落雞到, 我地倒了一半, 另一半用來送粥....超正2. 鵝肝醬帶子炒蛋: 呢個菜幾特別, 炒蛋夠滑, 唔錯3. 牛肉炒通菜: 呢個菜的名子相當普通, 不過今晚師傅炒得好香, 正!部長係新來的, 之前未見過, 他的態度都幾好, 幾殷勤同有禮喎

小羊腿,豉椒聖子要番尋味地方清潔舒適服務熱誠週到D伙計教得幾好衣家一個星期起碼去2.3次

好唔掂，d服務差，唔夠人，又要等(唔知點解唔多人都等咁耐)，剩係執檯都等半個鐘(重要換條好似用過有漬檯布)，中途冇人理你(加水都要嗌到死)，食物款式選擇不多，價錢比普通酒樓偏高(我地4個人飲左4百幾蚊)，諗住有境睇，但有d細路響出面又跳又嘈，重有係唔就腳，一定唔可以約人，附近冇車搭，一定要有車先得，附近冇野行，飲完茶就走人.....下次唔會再去

had a set dinner for two ($218)bird nest and fish soup: don't really know what inside. not quite good.chicken in wine: only little tastes of wineduck leg and sea cucumber: tender enough. quite goodpan fried clam with celery: ok lavegetable and pork bun: so sooverall, not quite good.

上次在大八方食點心, 印象麻麻. 今日夜收工, 想買外賣, 唔想食茶餐廳, 索性一試"大八方"星期一至五至有o既小菜外賣自取.二+白飯$78, 三+白飯$108. 選了二餐, 無錫琵琶骨+ 四川回窩雞.無錫琵琶骨味道好, 肉質淋得來有咬口, 唔似出面果d煲湯骨加獻汁咁求其. 四川回窩雞好多椰菜, 略嫌用急凍雞片太欺場.以後又多一個好選擇.

今個父親節可算最快樂, 原因搵到一間非常好的酒樓-大八方,并得到我兒媳的一致好評,無論招待,地方,菜餚,環境, 通通都一流,隨便點幾個餸 : 雲吞鶢,北菰鵝掌,松子魚,腿茸津白,粉皮魚頭,小籠飽, 唔使叫白飯都夠晒,埋單四佰零,仲免費泊車, 佢哋話唔怪得我哋成日嚟喇,正呀!

我幾乎食盡呢個網站所有一致好評的餐館，但我一定要講，大八方係我食過最好既中菜，無論味道、賣相、選擇、環境、服務、價錢，全屬一流，可能地點較辟，所以少人知．至於食咩好呢？餐牌超多選擇，不能盡錄，但係隨便點一些普通的菜式，可能更有驚喜，因為佢煮得好食，比如湯底、調味、火候等，都特別出色．

母親節貪方便, 話晒係街坊..呢o的日子, 當然避左叫餐啦...五個人埋單$470~ 小籠包<-- ok喎, 包內有湯, 唔肥膩~ 醋溜魚塊<--有o的豉油西餐感覺, 奇!~ 荷葉蒸雞<--賣相好, 但偏鹹, 冇荷香~ 白果竹苼腐竹<--實在無聊, 用雞湯浸熟, 白果辛~ 冰鎮豬腳<--其實即係滷水豬腳凍食, ok啦~ 蝦子生根豆腐<--幾好味, 略嫌豆腐唔夠滑~ 番薯糖水<-- ok啦

同家人飲茶我都可以守到齋, 哈哈~素花卷, 齋腸粉, 金沙包, 全部係我點o既. 另京蔥牛肉餃據講好難食, 我就只係食少少蔥. 唔知因咩, 咁都夠飽.呢度d點心差左好多, 巧立名目者多, 味道正常者少. 一係蒸過籠, 一係皮厚冇味.埋單$250, 如果唔係街坊, 唔好特登來.

雖然大八方有免費泊車, 但都係豪景街坊幫襯為主. 飲過幾次茶, 水準比開張時好, 景緻好, 服務也好. 下面提及的4人餐, 我與我老公2個人食哂!Weekday lunch time有飯餐, 一個飯+茶芥加一=$40左右而家夜晚有埋BBQ buffet, 是一個不錯的活動.