大吉居酒屋 (已結業)

辛勞工作的日子裏，約了中環區工作的朋友忙裏偷閒，吃一頓午餐。點了一個特大海膽杯定食，價錢$172，有前菜、一款小食及甜品。心想應該是名過於實，因為以這樣的價錢在中環區吃頓午餐不會有太大期望，且份量應不會多。餐牌寫的除有海膽外，還有極大赤海蝦，這兩款都是我的至愛。頭盤是沙律、小食選了露荀炒鲍魚，不過不失。主菜來了，我們不禁嘩的一聲及心心眼！因為它的賣相實在精緻又浮誇海膽份量有三大片，擺放得像一個盆景，令人賞心悅目。刺身飯有手掌長的赤海蝦有三隻，蔥吞拿、吞拿魚、三文魚、三文魚子及蟹籽等，絕不欺場！質素也比預期中好，一次過吃完這個刺身飯，非常滿足！接下來的甜品也很合OL 的選擇，有haagen dazs及movenpick, 雖然肚子已經脹脹的，但還是要把它們KO 啦！這裏的店員普遍也很友善，我們已約好下一次再來光顧呢！

適逢今天是週末，於是便和家人一起吃個豐富嘅日式午市放題，在openrice 上找到了這間位於中環嘅《大吉》。起初以為很貴，但原來大人和小朋友價錢很平宜，較部分在荃灣區嘅放題更抵食。駕車人士除可泊車在咪錶位外，亦可將車停泊在附近幾個Wilson 停車場：餐廳內部雅裝，尚算整潔：食日式放題其中一樣必食食品當然是刺身，這間餐廳有多款不同品種嘅生蝦，有大又有細，味道亦不同，這是喜歡食蝦嘅朋友必食之選！😋 至於帶子、三文魚、北寄貝和鮑片亦很有鮮味！另一必食之選就是各種燒物，我就特別喜歡吃鹽燒雞翼和鹽燒蝦，燒嘅程度岩岩好：煮蜆肉嘅蜆大大粒，份量足夠：燒魚翅燒得好香、好入味🔥：其他燒物味道亦唔錯：餐廳還有大量不同嘅甜品、特色飲品和酒水供選擇：

今晚約咗個舊同事喺中環食飯，朋友建議食大吉，喺中環做咗咁多年野都唔知道原來呢度有放題，朋友既然咁建議，咁我當然冇意見去試一試啦呢度地點好方便，而且入面地方都算大我哋四個人坐係卡位就開始叫嘢食、刺身當然係第一樣，呢度嘅刺身感覺好新鮮，而且蝦嘅size都算好大隻，仲有特別嘅係蟹腳，好鮮甜，正清酒煮蜆個汁好鮮甜，而且蜆算幾新鮮，有鮮味燒物方面，我比較鍾意係燒羊架，羊架肉質好淋而且肉味好濃，加上佢控制火候適中，結果外面好香口，而入邊仲係有肉汁，另外燒牛舌同埋燒雞軟骨都不錯炸物方面，佢嘅天婦羅蝦、炸蟹鉗同埋炸榴槤都做得非常出色，我覺得因為佢個炸漿做得好好，炸到外面好鬆軟，亦都唔會覺得好熱氣另一樣特別想講嘅係佢嘅咖喱炒蟹，雖然係日式放題店食咖喱炒蟹感覺好似冇乜保證，但呢度嘅咖喱汁做得好好，好有咖喱香味，而且蟹肉亦都算新鮮，配合得好好，可以留肚一試最後食埋佢咁多款嘅甜品同雪糕基本上已經好飽問返朋友點解佢會咁好介紹黎呢度食放題，原來答案好簡單，佢係因為呢度有放題比較少見嘅益力多，而佢又十分喜愛，所以每次黎都會飲好多支，所以經常黎好一個益力多 Fans

搵間餐廳同老闆食飯，最緊要係食得好。Cheap既老闆又唔中意，細間既老闆又坐得唔舒服，食物黎得慢又唔知同老闆傾咩好。但喜中環真係好難搵間好野食，所以誤打誤撞之間，就搵咗呢一間大吉。一入到去，侍應就立即拎左兩客鴨胸沙律俾我哋。當然鴨胸沙律唔會話好味到識飛，但最少食得出佢係新鮮製作，唔係尋晚整定。仲有鮑魚仔炒甘筍，鮑魚仔比足四隻你，一啲都唔孤寒。先上個刺身，味道正常，不過不失。呢一個燒物拼盤味道不錯，但最可惜係份量夠。食完最後仲有Movenpick雪糕，真係唔錯

朋友生日想食放題，選了近大家放工既中環區--大吉居酒屋餐廳座位都算闊落，令人坐得舒服。蟹子沙律--青瓜爽脆，蟹子滿滿的刺身--所有刺身都非常新鮮，味道鮮甜，帶子，北寄貝，赤貝更加爽口鮮味，至於蟹腳，好味之餘更細心，因為可已經幫你鉗好，只要輕輕一打開，就可以食到整條蟹腳，唔會整污糟雙手👍🏻串串牛--牛肉嫩滑唔韌好味😋燒魚干--燒得好香口，前口order5次😂😂白酒煮蜆--蜆好新鮮，肉質爽口鮮味，令湯都好鮮甜，值得encore👏🏻壽司卷物--牛油果軟殼蟹卷，好好味呀軟殼蟹好趣，牛油果新鮮軟硬適中👍🏻花之戀--三文魚新鮮甜，芒果肉少少酸但味道好match燒帶子--新鮮爽口甜美除咗食物之外，大量飲品可供選擇，有啤酒，最覺得出奇嘅事完益力多都有😱重有屈臣氏蒸餾水添真係非常多選擇食完飲完梗係要食埋個雪糕先走啦雪糕都有八款選擇大吉-----真係超抵食又有質素嘅放題👍🏻👍🏻

要係中環食二百幾蚊放題而有質素都幾難搵，咁啱又俾我地搵到大吉，就一於OT完走去滿足下自己嘅胃。刺食就一定係必食, 我們食左極大赤蝦、日本油甘魚、赤貝、帶子、深海吞拿魚、加拿大鱈場蟹腳、甘海老等。最令人驚喜是極大赤蝦和赤貝，超級鮮甜和爽口。平時我嫌赤貝比較腥唔多食，今次老公話唔錯我就即管一試，好彩佢無整蠱我，值得推介。熟食方面，我們like香草羊鞍, 一D都唔穌；金蒜虎蝦鐵板，好入味好新鮮；燒鹽燒牛舌，好爽；意式白酒檸檬煮花甲，D花甲好大隻，好鮮甜，估唔到白酒同檸檬可以咁夾。全部好食到要encore! 食完正餐一定要食甜品，估唔到有Haagen-Dazs 雪糕，仲要係Summer berries & cream 酸酸甜甜，最啱食到咁飽嘆番杯。

好姊妹生日，選擇了食佢最喜愛嘅放題。為咗就佢放工方便，所以選擇了中環這地點。大吉居酒屋已經喺中環開咗好多年，曾經聽過同事介紹為好評，所以今次去試吓。食物選擇都多，飲品選舉更豐富。我們至愛佢嘅刺身。刺身好新鮮，尤其是甜蝦，好大隻，我們encore了很多次。非食不可。燒雞翼、京燒比目魚、卷物，都係好好嘅選擇。飲品種類好多，幫助消化嘅益力多都有。本人好喜歡薑，試咗佢一個罐裝黑糖薑茶，好好飲。甜品種類都好多，雪糕方面有 Haagen Dazs 同 Movenpick，仲有百福豆腐花添。

中環蘭桂芳一帶出名貴今次男朋友帶路上左一間樓上小店佢話同朋友食過唔錯要帶我嚟翻兜我地閒日嚟唔多人好彩地仲坐到卡位先點刺身，款式都多，又新鮮有我最中意既貝類呀^_^赤貝大塊爽脆唔腥帶子都係非常鮮甜兩款甜蝦我比較喜歡細隻個款，鮮甜啲如果泰式生蝦啲芥辣無咁嗆鼻就好佢地既火炙壽司值得讚上碟前充滿炙燒香而家刺身都係好大塊食落油香剛好，唔會太生太熟仲有我最愛左口魚😍😍😍呢個鐵板香蒜牛柳粒非常juicy唔多油脂，又無韌喎，正，翻叫兩碟佢地既天婦羅脆粉薄又夠脆推介多春魚，上面沾左海苔粉加肉子好多魚春，整條食無問題😋二百幾蚊係中環食到呢個質素，我覺得唔錯下次再同朋友嚟，佢好似lunch仲抵呀

今晚難得相約知己來個短聚，所以就選擇了一個地方舒適，又可以隨意談天說地的餐廳吃個晚飯。突然醒起好一段時間沒有吃過放題了，偶爾放肆一下也不為過吧這間位於威靈頓街的餐廳，雖為樓上鋪，但勝在地址易找，而且旺中帶靜，地方頗大又舒適，是一個適合在中環購物掃貨完後休息吃飯的地方。日式放題當然先來一盤新鮮刺身，由於這此只有二人進餐，所以以上份量只是二人份，但而經鋪上滿滿的刺身！刺身種類選擇很多，但要留意上圖右邊那種似被 wasabi 蓋住的生蝦刺身，那個並不是wasabi 喔，是這種生蝦刺身的特製醬汁，與泰式那種有相似的感覺，辣度絕對有驚喜，好辣人士絕對不能錯過！魚生厚切的程度絕對滿足你追求啖啖肉既喜好吃完一波刺身再來醒胃蘆薈柚子沙律，蘆薈鮮甜滋潤加上醒胃柚子的酸甜，配上特製醬汁，吃完這個絕對有提升你食欲的作用再來壽司系列，由左至右分邊為牛油果鰻魚卷，辣汁三文魚軍艦及蟹囝壽司。這邊壽司每件份量都不會太大件，因為知道食客都想試試菜單上的各種食物，調節每種食物的份量可以讓客人嘗試多幾種，而且又減少浪費，是頗貼心的安排左起鰻魚壽司，火灸三文魚壽司，火灸極上鵝肝和牛壽司，雙重火灸芝士特大帝王蟹棒壽司，火灸左

今日行過中環，見到呢間放題好抵食，所以就想去一試。鍾意食放題，係因為有好多唔同嘅選擇，比一個貴少少嘅午餐價錢，就可以試到好多嘢食，真係好抵。打開Menu ,呢間放題嘅選擇真係幾多，居然午市都可以食到長腳蟹，都幾驚喜，雖然啲長腳蟹細隻，但係都幾新鮮、幾鮮甜。仲有三文魚厚切，但牙，帶子雖然細篇，但係都好新鮮刺身選擇好多，淨係蝦都有幾款可以選，最特別仲有泰式生蝦，好少放題會食到生蝦，所以感覺很好。熱盤都有好多選擇，有炒鮑魚、椒鹽帶子、柚子沙律、巴馬火腿等等，食物質素非常不錯。炸物亦有好多選擇，炸番薯仔好甜、仲有炸蟹鉗、我又鍾意食炸四季豆、唔係間間放題都有。仲有個燒魚翅好好味、我的encore又再encore左幾次，平時出去食一刻都要60幾蚊、呢度任食真係好抵。手卷居然有鵝肝手卷，啲鵝肝後設，好好味，呢次都係我第一次食鵝肝手卷，感覺好正。仲有呢個笑下，表面佈滿椒鹽，非常嘢未，以下有好新鮮好脆。仲有可以食到青咖喱蟹，成隻蟹咁上，啲咖喱汁好好味。冇諗過放題都會有水煮魚食，而且仲整得好好味，啲魚好滑，麻辣整得好正宗，超驚喜。今次因為太飽冇試過酥皮湯，下次有機會一定會再嚟試，二百零蚊嘅價錢食到咁多野，

呢間位於中環威靈頓街嘅【大吉居酒屋】鄰近蘭桂坊 地點超級方便食飽飽後去飲杯嘢就最啱啱啱嘅萬聖節 就約咗一班好姊妹先食個放題 再一站式去老蘭「撞下鬼」 感受一下熱鬧氣氛呢度嘅晚市放題超級抵食喺中環區確實好難搵到三百蚊以下per head嘅餐廳呢家日式放題 食物嘅種類相當豐富而且每樣食物都夠新鮮先講下放題必食嘅刺身隻刺身船一上枱 大家都不禁嘩嘩聲我就最鍾意刺身蝦系列極大赤蝦味道就最鮮甜而甘海老刺身就大大隻啖啖肉 夠彈牙 蝦頭嘅蝦膏仲非常金甘香而且仲有泰式虎蝦刺身添點埋個酸酸辣辣嘅泰式醬汁 夠曬開胃橙色嘅燒赤貝刺身夠曬爽口 又有海水味蘆薈鮮柚沙律蘆薈粒粒夠曬多 清甜又健康鮮柚粒又夠清新燒帆立貝亦相當出色帶子位唔會過熟 夠溏心加埋少少七味粉同日式醬油味道可以媲美日式餐廳呢度嘅壽司亦相當不俗首要推介嘅係火炙左口魚壽司火炙過嘅左口魚油脂滲出油香十足 帶有極香濃嘅炭燒味道 讚另外 卷物仲有牛油果軟殼蟹反卷 同醬燒三文魚腩卷兩者材料豐富 一點都唔馬虎熱食方便推薦嘅有露筍炒鮑魚Bb露筍爽脆無渣鮑魚就採用新鮮鮑魚仔雖然唔係好大隻 但勝在夠嫩 夠彈牙仲有燒豚肉露筍串燒豚肉燒得金黃色 夠香口 夠肉香襯埋露筍一

一兩年曾來過大吉，感覺價錢跟以前差不多。雖然店在中環，但價錢親民得很！壽司款式特別，賣相極佳。右上角的海膽帶子創作壽司，有酸海帶鋪面，非常開胃。下面的拖羅壽司水準也不錯。左下角的三文魚創作壽司有滿滿海膽，好有滿足感！刺身選擇夠多，單是蝦就有三款：泰式虎蝦刺身、極大赤蝦和甜蝦。新鮮是基本要求，最欣賞是每隻虎蝦都細心塗上泰式醬料。大吉皇牌四重奏手卷，有重量級的材料，紫菜夠脆，相當好吃。燒物燒很剛好，露筍卷得好看！帶子好惹味，後面的芝士黃金焗蠔都不錯。再度 encore 的炸蠔，好香脆。連花膠鮑魚都有得食，有驚喜！甜品相當吸引，除了自家製甜品，還有 haagen dazs 雪糕、movenpick 雪糕和日本甜品！我食了 meiji 乳酪和牛奶雪條，之前在 7-11 見過這個雪條賣 $11-12 的。飲品也是較一般放題的選擇多。

呢間放題既選擇有成過百款，今次固之然未能一一試盡，就攞我試過，覺得比較啜核既一部份嚟同大家分享一下。刺身既選擇好大堆頭，一共有成十幾款，係咁咦揀幾款一人一舊，都已經有一大盤；三文魚刺身肥大肉厚，望望餐牌寫住嚟自挪威，食得份外放心；甘海老刺身十分鮮甜，係食得出既蝦味；泰式虎蝦刺身就爽口彈牙，個泰式醬汁十分正宗，酸酸辣辣非常開胃；鮑魚刺身就充滿咬口，細佬猛話好食。蘆薈鮮柚沙律，呢度有放題少見既蘆薈鮮柚沙律，食蘆薈可以延緩衰老，強化胃功能，增強體質，提高肝功能，抑制癌細胞增生，防治風濕病及關節炎等功能，加埋鮮柚既清甜又生津，絕對好味又有益。香芒花之卷，花之戀就食得多，有舊芒果喺上面咁有創意就真係未試過，花之戀本身因為有少少沙律醬既關係，一般都比較juicy，如今呢個仲有埋芒果既甜juice，仲要係揀手靚芒果，一啲都唔覺得酸，令到整個口感都有所提昇；另外發現原來芒果同三文魚都做到朋友故喎，佢地夾埋一齊都幾好味。露荀豚肉串，露荀十分幼嫩，喺燒香既豚肉包圍之下味道更香，半肥瘦既豚肉喺呢一串串燒嚟講尤為重要，令一整串串燒都生色不少。牛油煎珍寶帶子，廚師將帶子嘅熟度掌握得恰到好處，真正煎得外脆內軟，裏

刺身種類繁多，計有挪威三文魚，深海吞拿魚，加拿大鱈場蟹腳，北寄貝，甘海老，鮮赤貝，帶子，希靈魚，鮑魚片，日本空運油甘魚，泰式虎蝦同極大赤蝦刺身一共十二款咁多，真係每樣試兩塊都已經飽咗一半；加拿大鱈場蟹腳未見太甜，唯獨每一啖都飽滿滑嫩，充滿住鹹鮮既海水味道；北寄貝刺身肉質較有咬口，主要以醬油青芥調味；極大赤蝦刺身爽口彈牙，蝦身隻隻都粗過手指公，近蝦頭既蝦膏蘊藏量極豐；鮮赤貝刺身鮮味無比，絕對要係新鮮貨先至做到。帕爾瑪火腿沙律，第一次喺放題食到貴價既帕爾瑪火腿，用帕爾瑪火腿嚟配襯沙律個效果都唔錯，有陣時我唔鐘意食菜就係因為啲菜無味，不過呢個沙律新鮮清脆，既有胡麻沙律汁既相伴，更有帕爾瑪火腿既鹹香襯托，而帕爾瑪火腿選料上乘，塊塊既油花都相當豐富，呢個項目，我encore咗兩次。清新薑果醬油甘魚壽司，薑果醬油甘魚壽司賣相新穎，果然不愧與創作壽司為鄰，薑果醬除咗有清淡既薑味之外，彷彿仲帶點牛油果既意味，加條香葱做點綴，好睇又好食。火炙左口魚壽司，左口魚經過火炙之後魚油被悉數迫出，一入口甘香肥美，加上火炙既焦香，我視之為一件有鑊氣既壽司。露荀惹味燴鮑魚，我選呢個為最美味既熱食，鮑魚唔會覺靭，連心入

半年一次的朋友聚會, 佢地選了中環的威靈頓街的大吉居酒屋, 因為之前在尖沙咀吃過, 見中環有便再幫趁多一次。珍味小食之櫻花魷魚口感爽嫩、辣味海哲很清爽、味付螺肉很有嚼勁。 沙律細細碟, 可以吃多幾款如帕爾瑪火腿沙律、蟹籽沙律, 和蘆薈鮮柚沙律, 跟住食各款刺身，有三文魚等等...燒物之香草羊鞍非常惹味,肉質嫩滑多汁及比目魚西京燒, 魚夠滑夠油香直得推薦、燒有機菠蘿咬入帶出極豐富肉汁、燒味淋魚乾口感彈牙香口、露筍肉串食落外層夠晒豐厚肉汁內層又夠清新、芥未籽醬燒牛肋肉很香軟。和食之穌皮南瓜湯外層香脆, 內裡很濃的南瓜湯正、牛油煎珍寶帶子咬落最有勁道。炸物芝麻雞翼、自家制吉利豪、流心奶皇球全都很香脆。又有美味的蜆肉鍋。卷物牛油果軟殼蟹反卷, 外軟內脆、芝士鰻魚卷, 鰻魚口感軟嫩。 火炙壽司外層會依上一薄薄的酥脆, 烤過後帶點熟的Q彈的口感不錯。